SEN LEHKIK THEI LENG
By ~ Rex Peapy Tangpua Racer ( on 11-03-2013)
Kei neulai a ka gari muh khaksun 'Kangtalai' leh Sappau theihsun 'Yaasi' in ka geel kikkik chiang in tulai naupangte, leivui a kimawl nachang thei nawnlou, inn nuai a lampi sial a garilem dia 'tuiboot' hawl theih ahihlam theiloute, tuu tawi a kelkum tou a bawng-ek zong a, gamlak lah second home dan a kizang ahihlam thei phaloute ka eng hetkei mawk hi. Innsung leh compound sung a kikulkhum a, TV, Computer leh toys chi tuamtuam toh lungkim mahmah te'n leng kei senlai hun haihuai sa na un chia !
Louvat hun in pate hon bawlsak tempawng neu toh pate nungzui in maulak leh singlak ah pate'n sing leh mau a satpuk duamduam khawng uh muh kaan a nuam a om diam aw ! Louhal chiang a inntung khawng a kal a , lou kihal kuang zuazua te, meikuang kikhoh ziapziap te leh mau puakging tiltil khawng ken tulai naupangte Ben10, Chhota Bheem chihte sang in muhnophuai ka sa zaw thamtham hi. Nu leh pate mangtom hong tung ua, koilam sikhapi ahia ! chih theih ding khop a maiteng vom biaibuai in, huailai khawng in ka nu leh pate melhoih dan ka mitkha theilai hi.
Kei neulai a ka gari muh khaksun 'Kangtalai' leh Sappau theihsun 'Yaasi' in ka geel kikkik chiang in tulai naupangte, leivui a kimawl nachang thei nawnlou, inn nuai a lampi sial a garilem dia 'tuiboot' hawl theih ahihlam theiloute, tuu tawi a kelkum tou a bawng-ek zong a, gamlak lah second home dan a kizang ahihlam thei phaloute ka eng hetkei mawk hi. Innsung leh compound sung a kikulkhum a, TV, Computer leh toys chi tuamtuam toh lungkim mahmah te'n leng kei senlai hun haihuai sa na un chia !
Louvat hun in pate hon bawlsak tempawng neu toh pate nungzui in maulak leh singlak ah pate'n sing leh mau a satpuk duamduam khawng uh muh kaan a nuam a om diam aw ! Louhal chiang a inntung khawng a kal a , lou kihal kuang zuazua te, meikuang kikhoh ziapziap te leh mau puakging tiltil khawng ken tulai naupangte Ben10, Chhota Bheem chihte sang in muhnophuai ka sa zaw thamtham hi. Nu leh pate mangtom hong tung ua, koilam sikhapi ahia ! chih theih ding khop a maiteng vom biaibuai in, huailai khawng in ka nu leh pate melhoih dan ka mitkha theilai hi.
Pate loubuuk bawl i zui a, buuk innka henna dia khausiing
a vial neihnoihte bang lallukhu di peuh, pakkhi di peuh a ana zang in,
pate nasep huhtheih naksang a a khoih peuh, bawl peuh " bang a ? " chia
ana dong temtum a a tempawng zatlouh kal a singbul khawng ka mawk
satsat lai nite khawng.....
Buhtuh theiloupi in tutawi in lei kon tou zialzial a, i nute'n lah nihvei khawng lel tou in buhchi a khelut zungzung ua, en 5vei bang touta chi in buhchii khutdim khat mawngmawng a khuuk ah i khelut toih a, 'buhtuh thei' chi a lawmte kiang a kiphatna pen, tulai naupangte Computer games a kimawl khakte uh a kiphatna sang un a nuamzaw tham. Nisa velvul nuai ah buhtuh The hong haam cheepcheep bang uh zaw....ka Mp3 hoihpen ahi ka chi lou theikei.
Loukhoh hun in haigah bang hong om a, sungpuak zen a tangmai dawng nek zialzial khawng Ice-cream mantampente sang in leng kei adin a manpha zaw ! Tem omlouh inle nute'n a loukhohna tu uh hon nulsiang zok in, tu in hon kheh/met sak ua, a limdan mahmah tuam diak hi. Tangmai tawkhak/tawbul lot dan hon hilh uh bang zaw tangmai nek nakleh loutaw lam ah kilawn vungvung sek hi. Lougiah hun a nitak a singthem hal aam in tangmai muk/tawkhak a siat tang in i hon lawn aam chiaichiai bang zaw AK-47 lem, Laser toh kithuah sang in leng a etlawm zaw hi.
Buhtuh theiloupi in tutawi in lei kon tou zialzial a, i nute'n lah nihvei khawng lel tou in buhchi a khelut zungzung ua, en 5vei bang touta chi in buhchii khutdim khat mawngmawng a khuuk ah i khelut toih a, 'buhtuh thei' chi a lawmte kiang a kiphatna pen, tulai naupangte Computer games a kimawl khakte uh a kiphatna sang un a nuamzaw tham. Nisa velvul nuai ah buhtuh The hong haam cheepcheep bang uh zaw....ka Mp3 hoihpen ahi ka chi lou theikei.
Loukhoh hun in haigah bang hong om a, sungpuak zen a tangmai dawng nek zialzial khawng Ice-cream mantampente sang in leng kei adin a manpha zaw ! Tem omlouh inle nute'n a loukhohna tu uh hon nulsiang zok in, tu in hon kheh/met sak ua, a limdan mahmah tuam diak hi. Tangmai tawkhak/tawbul lot dan hon hilh uh bang zaw tangmai nek nakleh loutaw lam ah kilawn vungvung sek hi. Lougiah hun a nitak a singthem hal aam in tangmai muk/tawkhak a siat tang in i hon lawn aam chiaichiai bang zaw AK-47 lem, Laser toh kithuah sang in leng a etlawm zaw hi.
Buhlak
hong hun a, buhvui luai tittit, san phingpheng khawngte Dukan a
nektheih chi tuamtuam a khai bom tuttut te uh sang mah in a pahtakhuai
zaw hi. Tulai naupangte Ben10 temlem sang in Kawite tawikhak kei adin
ana manpha zaw thamtham hi. Paal-am ah buh i chil a, buhhumte buk innka
tungah hong pulh sungsung a, paal-am sawiliing nguaunguau kawm in laa
theih sunsun, "Nuam na zeihzeih, singtang khutsuak, hong tuang ve ua " chi a kikou awng-awng khawng.... Tulaite 'Baa baa black sheep' himai di'n ka gingta. Buhpawl lak ah i kimawl a, chiteng thak suihsuih mahleh bangmah in a kingai kei hi.
Khosung leh gamlak ah leng suutsuut di chileng Tuivai sang in leng a sau zaw ding hi. Aw.... Tulai naupangte, Mui leh Helhhawt leng mukha nawnloute, Khin leh Thuk nangawn theikha loute, Dailing khawng boh zialzial theih ahihlam leh Singguithak tou a kuan kha ngei nawnlou dite ka ngaihtuah chiang in.... Nou gari remote omte, GI Joe leh Barbie te leh na kimawlnate uh kou neulai a om hitaleh leng kon deihgoh uh ka gingta hetkei !
Suutsuut in geelgeel mahleng, tui bawsa a kiluahkik theihlouh bang in leh zan a zalmang zingkal a abei bang in, ka senlai hun nuamte lah huihkhua gamlapi ah a leng mangta a. Tun lah nek-le-tak, silh-le-teen di ngaihtuah a khuisa vungvung a om in, ani-ani, akum-akum in lunggimna leh puakgik lianpipi te'n hon tuam ua, mawltak leh houchik a ka na khankhiakdan hunte bangbang lah tung nawnlou dia, it leh ngaihte lah niteng hunteng a mualliam ua, kei zong kha ka kiak a, siatlei ka suah mateng ka senlai hunnuamte ngai in ka geelgel louh moh ding hita !
"Sen lehkik thei leng maw ka senlai hun ah, gual toh tanbang kim a nunnop lai nite...."
Writer's note : [ April 21, 2004 a hon mualliamsan ka Pa leh Feb.27, 2012 a hon paisan ka U. Amaute adi'n hiai thugelh mawlchik ka laan hi ]
©Siamsinna leh Vakiangbu
Khosung leh gamlak ah leng suutsuut di chileng Tuivai sang in leng a sau zaw ding hi. Aw.... Tulai naupangte, Mui leh Helhhawt leng mukha nawnloute, Khin leh Thuk nangawn theikha loute, Dailing khawng boh zialzial theih ahihlam leh Singguithak tou a kuan kha ngei nawnlou dite ka ngaihtuah chiang in.... Nou gari remote omte, GI Joe leh Barbie te leh na kimawlnate uh kou neulai a om hitaleh leng kon deihgoh uh ka gingta hetkei !
Suutsuut in geelgeel mahleng, tui bawsa a kiluahkik theihlouh bang in leh zan a zalmang zingkal a abei bang in, ka senlai hun nuamte lah huihkhua gamlapi ah a leng mangta a. Tun lah nek-le-tak, silh-le-teen di ngaihtuah a khuisa vungvung a om in, ani-ani, akum-akum in lunggimna leh puakgik lianpipi te'n hon tuam ua, mawltak leh houchik a ka na khankhiakdan hunte bangbang lah tung nawnlou dia, it leh ngaihte lah niteng hunteng a mualliam ua, kei zong kha ka kiak a, siatlei ka suah mateng ka senlai hunnuamte ngai in ka geelgel louh moh ding hita !
"Sen lehkik thei leng maw ka senlai hun ah, gual toh tanbang kim a nunnop lai nite...."
Writer's note : [ April 21, 2004 a hon mualliamsan ka Pa leh Feb.27, 2012 a hon paisan ka U. Amaute adi'n hiai thugelh mawlchik ka laan hi ]
©Siamsinna leh Vakiangbu
Comments
Post a Comment