Siamsinna leh Vakiangbu

By ~ Vz Vualnam Dah ta leng leitung khawl tuanlou Nuam ta leng leitung khawl tuanlou Na ta leng leitung khawl tuanlou Dam ta leng leitung khawl tuanlou Puakgik ta leng leitung khawl tuanlou Tungzaang ta leng leitung khawl tuanlou Ngai ta leng leitung khawl tuanlou Hong ta leng leitung khawl tuanlou Ei leng khawl theilou Nisim kalsuan ngai Ni khat ei di'n hong khawl dia En bel phawk nawnlou ding Hizong leitung khawllou ding I nutsiat mite di'n Michih kalsuan chiat ding Amau a dia a khawlsam mateng En leng kal i na suanzel bang in! © Siamsinna leh Vakiangbu

By ~ Vz Vualnam Mite' hoihlouhna muh baihlam napi Eimah hoihlouhna muh haksa chiitchiat Mite' chitlouhna muh baihlam napi Eimah chitlouhna muh haksa chiitchiat Kuahiam in a hon kawkmuh chiang in lah Haihvual hetlouh in kilang kelkul zel Hiai toh nungta nilouh ka na hitah Chi a zumhuai sak hun bang omthei zel Kuahiam in na hoihlouhna hon hilh leh Hon deihsak huai mi' tung ah kipak in Kibawl hoihna dia na zattheih ngial leh Mi hamphalua khat na hih kiphawk in Bukimlou mah in mi teng kipiang a Bukimlam manoh theite mihampha! © Siamsinna leh Vakiangbu