Siamsinna leh Vakiangbu

By ~ Vz Vualnam ‘Ash, bank manager-te khat khawng meltheih om leh hoih di hia. Tulai mi’n PMEGP loan lala ua, laak uthuai hi veh aw. U Nemliante’n le la ua, dit khollouh a le poi khollou chi ua, hi chia omom thei uh. Huchidan khawng muh theihdan om leh ka naak ut, gari neu khat deihhuai,’ Kimnem in a chi a, ‘Hon la ngut inla, ka phone di hoih deuh hon leisak aw,’ chi’n Hoihching in a chiamnuih hi. ‘Bank manager khat in zaw hon trytry mah hive’n. Ka ngaih theihlam mi ahikei a,’ a chi behlap hi. Lianthang tuh bank manager ahi a, Lamka a a posting laitak ahi. Bank a a sep ma pek a pan Hoihching a deih a, himahleh bank a a sep nung tanpha in leng Hoihching in a deih nuamkei hi. Huchia lam-etna a neih hetlouh nung in ni khat Hoihching bank ah a va hoh a, account hong ut a hihdan a gen a, ‘A fill up didan le ka theihlouhpi, hon fill up sak mai aw,’ chi’n Lianthang’ dohkan ah sawtpi a va tu nilouh hi. Houlim kawmkawm in a fill up ua, nidang sang a a kamsiam zawk ziak in Lianthang in lam

By ~ Vz Vualnam Ngaih lungching koi ah na hei hiam Na nuachiang ham bang vai ing e Tuahchiam i chiam solkha hong nai Tuah ding nang lah lehluanta chia Tuahchiam i chiam in deihbel aw Simsing bang i gil ding sa'ng e Machiang khankhua khuam bang geel ve'ng Nihgel sau suan ding lunglawp ve'ng Ke'n lah tang bang damsung chi'ng e Lia in buktui muamtam khat chi Nalua e ngaih aw heem a khiat Tangliang in tak simthu sa'ng e Tangpa phual bang ka anglah hiam Sinlai tang bang ka phalah hiam Chiamsa simthu na phel mai aw Tangliang in machiang suan ngam la'ng Mi a pham leh ngaihmohna di'n Chiaului lumsuang in pou hi e Tuahchiam ngaihnou sul na hei leh Sinlai ah lumsuang in pou chia Chiamna solkha hong taang ding a Koi ah lungzuan ka baangta dia Gual in nuihchiam in leel ding a Guallai zehzum ding nalua e Sinlai tang bang pha tanggualte'n Lohlah ngaihnou hon lou hen aw Phual bang ang tanggual toh ngaih aw Kumsawt lou bang hong tulta'n aw L

By ~ Vz Vualnam Tu in khakia'n kulsin zaal le'ng Tungchiang vangkhua ngou bang hong lang ding Tua a hinna siktui dawn in Simlei lungngaih ngilhta ning e Aw Toupa hai bang ngak nawn ke'n Laukha liangvai tutkhawlna di'n Khaltui bang kei hong lata aw Vualngaih taan a ham bang vaih sa'n Na siang nuam ah tutkhawl nuam ve'ng Lakmai luankhi lah hullou dia Sunchin lungzuan lah theulou dia Lenkum zatam suihlung len ding Tangliang in douzoukei ning e A nalua e Toupa ngaih aw Tuangnung hon siahsan na hiam aw Ka laukha liangvai hehnem di'n Hong nai in ngaihkhua hon tuah aw Nuai simlei a gua bang hin sung Sakmel muh ni hong tung zel dia Lungzuan sial ding ka dahman in Lengvan sang kai nuam zaw'ng e Simlei a sum bang tuahlou di'n Bang di'n an bang ka it hiam aw A nalua e khau bang suut ding Toupa ngaih mu bang non ngai ve'ng © Siamsinna leh Vakiangbu

By ~ Vz Vualnam Hiai ka dahna taangsang khenlam pek ah Mu bang a khazaak in lengnuam na'ng e A khen a phaizaang nuam leh etlawm ah Dahna teng mangngilh in leng nuam na'ng e Himahleh hiai lungngaihna taang bul ah Kah zoulou in ka kha a mangbang a A ni sawt in a kum sawtta a lah Kei di'n suahtakna a om ngeikei a Toupa aw ngalhatna hon pe dih ve Hiai dahna taang sang k'on palkai ding Hon hehpih inla kha hon pe dih ve Hiai dahna kuam a pa'n ka lengmang ding Ka mang in hiai taang gaal ka va kai a A gaal phaizaang etlawm in nuam na e Huai ah lungngaih omlou ka tungzaang a Nisim zing nisuak ngakla'n hei ing e Ka manglam a ka galkai zoh a leh A tak in leng ka galkah zou ngei ding Khat khit khat kal ka suan zoh zel a leh A gaal phai nuam kei a ahi khong ding © Siamsinna leh Vakiangbu

Laigelh ~ Th. SuanKham. Ka it mahmah kata aw, dam in na omna mo bawi? Na kiang ah gen ut tampi kanei, himahleh tua thute gentheihna ding a na om louh ziak in, mittui luang zungzung leh lungtang ki tamzan a, khutling deldel kawm in hiai lai nang a ding in ka gelhta mai hi. Bawi misisa suun bang mai a, ban gtan honsuun laiding ka hi dia? Hun honsak pih nailou a tuasang a tamzaw thuaklai ding a hon deih mo, bawi? Ken  zaw haksatna na tuah khak ding ka lauhlauh maizen tawh mo…. Ka hon itna nengchik bek theisiam hi lechin zaw ka ut ngei. Tuisik na hih a na taksa nangawn a   kisiam ma a kipan haksatna ana thuak keive. Bawi A kha a sim thilgim natawm zasiamlou a sungnim,   luna, ann duhlou leh thazawi ngoihngoih a hinkhua ka zat hun a, ka om ding dan na ngaihtuah khangei   hia? Kha tamtak kaduh kadeih natawm ne ngamlou a, ka ut dandan a leng omtheilou, gilvah keihkuih a,   natna chi tuamtuam leh haksatna thuak a ka omnate bang ziak ahi di? Sihsual khop in si-leh-nai luang  

By ~ Vz Vualnam Pathian le Mi engbawl haatpi khat Ei lim ve! Batphak dia koih a I bat dek geekgeek chia Lakiik zat zel! Ah! Bang phuntheihna i nei a? Amah Pathian hive'n! Naupang i kimawlpih a 'Nga man aw, uphok,' i chih chia'n Bang phuntheihna a nei ua! © Siamsinna leh Vakiangbu

By ~ Vz Vualnam Kei miginalou leltak in Nang tel ka hon ngaih mawkmawk Kei mithulimlou leltak in Nang tel ka hon it mawkmawk Zummoh na'ng e! Zaktamoh na'ng e! Bangteng hileh Miginaloute leng Lungzuang sam uh hi'n teh! Mithulimloute leng Itna kiphamoh sam uh hi'n the! © Siamsinna leh Vakiangbu

By ~ Vz Vualnam Sihna a kikhenna Bangzahta a naa ahia Chih ka theikei. Sihna'n lah ka itpente toh Ahon khen nai tadihkei a. Himahleh hiai ka thei ut Silou a kikhenna a nat bang in Sihna a kikhenna leng a na saam diam! © Siamsinna leh Vakiangbu

By ~ Vz Vualnam Hiai nuai simlei a Bang hih ding a hong piang ka hia? Mi tampite lak a Bang phatuam sem ding a Leitung a sawl a om ka hia? Leitung paisan baihte A buchin baihte ahi ua hia? Leitung paisan hakte A buchin hakte ahi ua hia? Vaang in i sep ding Namkipsa nei hia? A'ihkaleh eima'n phatuam sep ding Kizonkhiat ding i hi hia? Leitung a sep ding namkipsa Vaang in ana neih leh leng Theihlouh a kichianzaw Thei leng denchiah ka buchinkha dia Leitung ka paisan pahkha ding! © Siamsinna leh Vakiangbu

By ~ Vz Vualnam Tu a gaal a khuang ging pikpik Misi khuang eive! Veng khat apan veng khat ah atuan a Khenchia'n ka innsak ah; Khenchia'n ka innkhang ah. Kei inn a hon pha diam Chihthu ahikei a Chikchiah a hon pha dia Chihthu ahizaw. Nolh theihlouh a ahon phak chia Hon pha baihlua i saklouhna di'n A hon phak mateng A tawpna bang in niteng Hinkhua zang leng miteng! © Siamsinna leh Vakiangbu