Siamsinna leh Vakiangbu

Written by: Vz Vualnam Ka lungtang a pan a paimang kaal uh Ngak in innkatau ah ka tu nilouh. Ka ngaihsutna a pan a peemkhiat uh Ngak in kongkhak bul ah ka ding nilouh. Amau toh lungtang a tenkhawm gige Ka deihkhop in ka chimtaak lawta hi. Sun-le-zan a amau buaipih gige Ka gim in ka tawlgawp dimdemta hi. Himahleh paikhiat a sawm tuankei ua Kisuanglahlou hial in a om thek uh. Mi dangte’ di’n mun a awn nuamkei ua Ka kipahna ding a hon khualkei uh. Ni khat zaw a hon paisan khong ding ua Zin thak nei in ka kipaakta ding hi! ©Siamsinna leh Vakiangbu

Written by:- "Liansuanthang H" Mi tampi te’n itna in hon nasak, mi I it leh I khasiat nang tam, I lungtang nalua khawng chi ua, itna apan kihepkhiat sawm tam mahmah hi. A diktak pen ahih leh, itna in ei hon hih hatlou, lungsim natna hon tun ana hilou hi. Khat-tang kisak na in hon nasak a, Deihlouh a nawl khin a I om na un hon nasak hizaw a, I ngaih mahmah te I taan na pen in hon nasak ahi zaw hi. Khovel ah mi tampi te’n hiai atung a I gen, khat-tang na, nawlkhin na, I ngaih te I hinkhua a pan i taan khak na te itna toh thei kukalh gawp uhi, a diktak leh ahi tak a gen in bel, khovel ah I haksatna te nuamtuam deuh leh zang deuh a hon thuaksak tu itna hi a, a kitamzan sa mi khatpeuh tungding thak a lametna pethak nawn thei tu pen itna ahi hi. Khovel a hon suna lou omsunsun “itna” ahi. Mi kiang a itna I piak pen hon ki nawlkhin sak chiang in na kisa a, ahih hang in itna liuliau pen ei hon nasak tu taktak hilou hi. Mi khatpeuh it ding, ngai ding a iki sak chiang in, hon

Written by: Vz Vualnam ( This might be the best Kahtam I can come up with... ) A gam vangla ah simthu hong thang ve’n Ka san in khamkha’n ka vei ding bang e Tong kisanglou a ka tuun pham mai aw Ka lai na e sul ah zui nuam ing e Sunni kiat in khimkhua a ziing sa’ng e Ka tuun a pham in sunni taang hal a Kei a’n kiimkot khimkhua ziing tuam hi e Khimziing dai bang a then ni om diam chi’ng Zaitha neem ve’n sungkial mel in thei maw’ng Sungneek-siktui baanzaal khaaklah ngawn ing Sen a ngaih teng’ kimna siang zong ta leng Tuun toh kotkawl a tuak nawnlou ding aw Ka tuun in siinkuang a hon ngak mai aw Laidiip dap e sianglam zong ngam la’ng e Melmuh kaal ka ngaklah ka tuun lungdeih Dumpuan toh zalta mai aw veel ngam la’ng Tuun pham tuak di’n vangkhua lah zong ngam la’ng Heina gam vangla ah lah vaitham maw’ng Kiim a senvual dahluat hon neemte aw Ke’n zong lengvan tuanglam zong nuam zaw’ng e Ka tuun dit khapham ding mel in thei leng Siang zong in anglai ah tawi nuam ing e Lengvan t

By Anonymous Paite Kum sangkhat zakua sawm kua leh guk in hiai khovel a nuam a haksa thuak a khosa ding in ka nu gilsung apan in kahong piang khia hi. Tuisik kahih apan in ka nule pan hon kem tou in tuni tan hon dampih lai uhi. Ka hongkhanglet a khua ka hon theih nung a ka thil zak te apa in namkaal buai lai a vaak thei pen phet kana hi hi. Pathian panpih na toh Lamka tual kidenna in ka hong khosa toutou uhi. Nautum hihna toh nulepa deihsakna tang leh sanggam te duat tak a in ka om a, lai siam thei tak kn ka hong khang lian hi. Khovel khosak na lam ah nei zelzul in omkei mah le ung, mi kha nuai a dak a tasam zenlou in kang khosa uhi. Huchi a duat leh deihsak a om in pawl X bang sangtak in kahon zou khia hi. Insung a nautum pen, naungek koih a koih hilai mah leng pawl X tan zou thei chiang zaw kaki tangval sak huntawk mahmah a, lawm leng ka hau bok hi. Khanvual dang te banglou tak in nungak leh ngaihzawng vai kana ngaihsak hetkei hi. Ahi a lah lawm thuah ten nei vek chiat

Written by: Vz Vualnam Lehlouh batphu hong zong ahiam aw Phamna i siang hong laanglua s’ang e Bang doh-ai a hiam aw chiin-le-tuai I siang phamna khoi bang zual hi e Ka vangkhua aw selung gel lawm sa’ng Ziin-le-siante lung a heh hiam aw Gilkhang buh-al bang i pulh mai aw Suihlung khuam bang geel a lawm sa’ng e Vangkho miza sa bang i tatna Tang bang damna’n a lawm hiam chi’ng e Lia-le-tang sung i neek tui i dawn Khankhua khau bang sau na’ng hiam chi’ng e Pheiphung i khaina tuang i lam chiat Vangkho miza’n khuam bang geel ni e Gua bang hinnalouh tuanglam zuite’n Sulhei gua bang hin tuanglam zong ni Sianmang lam bang zong chiat ni e Sianmang suihlung tuak in hei chiat le’ng Sian in ngaihkhua tuah lum bang sung dia Vangkhua tang bang i dam ding hi e Phamna aw tut in na khawl inla Laukha siang nang lai hong leng ve aw Vangkho miza thaang bang veh inla Tang bang dam di’n zata siam ve aw © Siamsinna leh Vakiangbu