Siamsinna leh Vakiangbu

By ~ Lun Khuptong Leitung pian chil apan aki kheng ngeilou leh siam ahih dan ua mel leh puam kheklou a, a ngeingei a om kidang ngeilou hihna ki chian nei leh siam ahihdan dung zui a om leh taang sek suni ahong tum a muikhua a hon zing khit chiang khimkhua hong zin gin tunglam na dak tou ngei hiam? Van te siang kilkel a meilumte tai diamdiam a, meilumte omna khenlam ah khapi leh aksi sim senlou pheleplepte na muh chiang, ih muh chiang in aw etlawm hita tel e aw. A mawina uh gen siam hileng gelh siam ding hi le hang leng gelh khiak ding dan omlouh khop hial a et lawm te khong imuh chiang lungsim hon paisau sak in ngaihtuahna ahon sukha mahmah sek hi. Awle, zankhomial hong then ah, phalvak a hong hih in. Zingkal vasate hong thou ua a giahna mun uapan hong ham siausiau uh chu Siamtu Sianmang ten Amah thupina zah puangzak uh ahi a i chihlou thei kei hi. A hamdan tuamtuamte a un deuhte a ngaih deuhte a awl deuhte leh nipi phalbi hunchiang a ham ding bang om zomah uh hi

By ~Leon Guite   THUPATNA: Nidanglai tangthu ah Dahpa kichi mikhat om hi. Aman khuang thilhihthei nei a, a khuang tum kawm in a deihdeih, a ut-ut gen in tuate agen bangbang in tangtung zel hi. Amah ahong hauhsak luat takin ton hong sawm a, ganhing chi chih teng toh nuamsatak in hunnuam zang uhi. Atawp in akhuang uh a khet/tum na un kol gawp a, nisa ah phou uhi. Tua nisa in Dahpa khuang na guksak hi chi imu hi. Ahihhang in Nisa in Dahpa' Khuang gu ding in gintak huailou leh up huailou lotel mahmah hi. Mi kuahiam te'n ana guksak uh hiding in upmoh huai hi. Tuahang in kuate'n gu a selmang uhiam chih sut khawm leuleu ni uhang.   BUNG 1: DAHPA KHUANG Nikhat ka om nuamlou sim ahihman in suty la in inn ah ka om hi. Ka zi Chingnou lah naute enkol leh innsung nna ah buai ahihman in hon ngaihsak manlou ahihman in, chim kisa in laibu luite ka sim hi. Kalaibu simna ah Dahpa kichi mipa tangthu leh akhuang thilhihthei thu kasim kha a, Nisa in a khu

By ~ Lun Khuptong Bang chik mah ah tangthu gelh ngei leh bang chik mah article gelh ngei kahi kei hi. Himahleh, awlmoh hau leh alanglang a facebook khong a mi post te sungin leh ngaihdan comment ve samte lak ah khat kahi hi. Huai chi komkom napi in puak nat leh khongaih kana hau mahmah hi. Khatvei Pa Khamkhokam Guite laibu gelh kasim na ah huchi a gen hi ''I AM A WAITER WRITER'' a chia a gelh lamtak kana mu aw chia thumu kisasim in keile khatveivei ka ngaihdan ahong pai chia zaw paragarph khat khong gelh theisam veng aw zaw chi'n ka lu bang ka susuk ngatngat hi. Naupang chik himahleh 198Os lakvel mite lak ah khat kana hihi. Mipil leh siamte gendan in hiai hunvel lak ah piangte kha generation masapen kangtalai/lengpei khong ah tuang thei leh tablet/laptop tuailai lai a zang kopte ahi uh a chia ua. Huai agen uh kazak phet aw dik hina mai zen e a diak in Lamka leh a sehvel lakte ding diak bang kana sa mahmah hi. Hiai komkal lak ah piangk

By ~ Hazz Tejay Episode 1 - Monday jingkal ahi a, jing ann ne khin in sikul kai ding in ka kisa hi. Ka kisak joh in sikul lam manoh in ka kuan khia a, ka tungphet in ka room uah ka lut ngal hi. Room sunga amah kia a om, Muani ka muh leh kipak tak in leh nuih mai kawm in 'gud morning', how r u? chi'n ka houpih pah a, aman leng, gud morning, i'm fine thank u ci'n a hon dawng thuk pah hi. Eldee, sir pa'n homework a hon piak na hih hia? ci'n a hon dong pah a, hih chu ka hih a, hilehle a dik ka gingta khol kei cia dawng in thudang bang ka houlim sung un dak a hong gong kengkeng hi. Huci'n morning assembly nei ding ka kijuipawt uh hi. Muani minthak a hihleh Muankim ahi a, a ngek lai apat a noutawina dia Muani chia ana sap uh ahi hi. Episode 2 - Muani toh ka kiclass tou den ka hi man un, kakinel ban uah ka kngaina hun tawk mahmah uh. Hun le nite hongpai jel in, half yearly exam bang nei khin, summer vacation ka hon zangta. Hiai su

By~ Leon Guite   THUMASA: "Penglam in dawi-um a nei.... E.... Ai.... E.... Ai.... O..." Nidanglai tangthute ah Penglam in hai mahmah napi in leh sepkhiak thupi bangmah neilou napi a, bangziaka huchitel a minthang ahia le? Mihaite' tanchin kuamah in agenpeihlouh lai a bangziaka amah ahai dan chiltui kaizen a gengen theih mawk ahia? Khangthu a dinga aman poimohna bang ahia aneih? Bangziaka Mihai Penglam kou mi-le-sa ahi, chi a ei singtangmi tribe tuamtuamte iki tuh souhsouh uh? Gen dan in Penglam pen Chimnuai khua ah piang hi. Aman Hangsai toh Sawtkuam tak Champhai ukh hi. Bangziaka mihai chi a, ahaina ngen kigen in mi 7000 val tung ah ukpi a pangthei hi hiam? Thu lamdang khat bel hi veve maw.... A thuguk bel om hipeuhmah chih chiangsa ahi hi. Tua pen suikhiakna thu enkhawm ding hi hang. BUNG 1: PENGLAM DAWI-UM NEIH LAM MUHKHIAKNA Kum 2230 AD, Oct. 19. Ahi a, ngeina bang in, Zogam University nuai a, Archeological Department nuai a Sinl