THILSIAM

By ~ Lun Khuptong

Leitung pian chil apan aki kheng ngeilou leh siam ahih dan ua mel leh puam kheklou a, a ngeingei a om kidang ngeilou hihna ki chian nei leh siam ahihdan dung zui a om leh taang sek suni ahong tum a muikhua a hon zing khit chiang khimkhua hong zin gin tunglam na dak tou ngei hiam? Van te siang kilkel a meilumte tai diamdiam a, meilumte omna khenlam ah khapi leh aksi sim senlou pheleplepte na muh chiang, ih muh chiang in aw etlawm hita tel e aw. A mawina uh gen siam hileng gelh siam ding hi le hang leng gelh khiak ding dan omlouh khop hial a et lawm te khong imuh chiang lungsim hon paisau sak in ngaihtuahna ahon sukha mahmah sek hi.

Awle, zankhomial hong then ah, phalvak a hong hih in. Zingkal vasate hong thou ua a giahna mun uapan hong ham siausiau uh chu Siamtu Sianmang ten Amah thupina zah puangzak uh ahi a i chihlou thei kei hi. A hamdan tuamtuamte a un deuhte a ngaih deuhte a awl deuhte leh nipi phalbi hunchiang a ham ding bang om zomah uh hi. Khua hong vak ki chian a Zing Ninou hong tang laitak i mukha bang chu bang zah in etlawm hiam. Amu kha ngeiten a thupi leh etlawm diak na thei ding un ka lam-en hi. Mihing paute leh Angel paute a thu gen theih na hial nei ding hileng hang leng tuate thupi na gen khe khalou ding ih hi hi. La phuaktu hi chin ana gen a kei hiam ''Vanmang siamsil bawl khempeuh ka ngaihsut chiang in Lamdang in kilawm hi....!'' aw thupi hina mai zen e Pathian na thil siamte chia phatphat tuak hin hon ngaihtuah sak hi.

Sun ahong hi nava pusuak a Tuipi lian taktakte nava en a tuiphon ki nok zuazuate na mu a a sung a om ding gang hing chi-chih leh namkimte ana om non leuleu uhhi. Tuate na muh chiang in bang ngaihtuahna ahon pe masa pen a lem? Mihing mit a muh theihsa, mihing mit in a muh theihlou ganghing bang tam zolai ahi chih Leitung telsuimiten agen uh hi. Aw tua hitaleh bang zah a Sian siamsil bawlte tam ua thupi ahi uh hiam na ngaih sun ngei hiam?

Endih Jammu and Kashmir ah Tullip Velley na mu ngeita hiam a mel/km a sim ding Tullip pak etlawm mahmah te kivual dendon in lungsim ahon sukha non leuleu hi. Awleh, tua pan neuchik sang zo deuh in kaltou mah Srinagar tansang deuhte tung a vuk ngoute ki pha ngeingoih in etlawm mahmah mite huaite en ut, kholvel khil chih apan paikhawm tel uh hilawm hiam? A Siamtu Tung Siangmnag bang zah in a etlawm diam na nangaihtuah kha ngei hia?

En Eiteenna Zukou Valley Nagaland leh Manipur boundary a om sing omlou loupa neute kia a om in etlawm mahmah lungsim in ngaihtuah sin mah etlawm hinatel uh e. Flower show na mun ah na hoh ngei hiam paak lamdang leh thupi mahmah te ahon toi khawm ua show off ahong nei uh hi. Huaite vuahtui nisa apoi moh zah leh akhan di zah petu leh omsak tu Kua hiam thupi hina tel in chia na chi ngei hiam?

Geography Channel na en a ganghing chi tuamtuam leitung ahte, tuipi nuai ahte leh ngakik kilawm taktakte leh mun nuam taktakte na muh chiang in eile khatvei tua mun ah vaki hoh tei leh na chi kha ngei ta hiam? Tuate siamtu kua dang hilou in Tunsiangmah hi veve hi. Bang zah in siamtu siang mang a thupi dingdan na ngaihtuah khe ngeita hia. Gen sing ding ahi kei sing chichih gang hing chi chih mual leh guam tang leh tangdungte loupa leh lounoute tuipi leh a sung a om gang hing chichihte tampet mah lah ahi ding bang chetchet a lep a omvekte na muh chiang in bang na ngaihtuah a. Huchi zodeuh leh chih ding om hetlou in etlawm uh hi amau mun chiat ah .... Thilsiamte gen kim vek ding chi lehang gen zou kei ni hang sut seng kei ni hang. Himahleh, gen theih khat ka nei hi tua chu bang hi hiam i chihleh thilsiamte laklak ah manpha pen NANG leh KEI ihi hi. Thilsiamte lak ah Pathian batpih ah siam nang leh kei ihi hi. Sian aw lei mihing na siam bang ding a nang mah melpu leh nangmah bang a sia leh pha theih thei ding a na siam ahiam? Aw lamdang in thupi hina tel chia maw chia Pathian phatlou ding ngal gen ding ka thei kei hi.

Nang leh Sian in amah batpih in hon siam a hon itpetmah zomah ahi hi. Toupa na hon it ziak in kipak ung chilou thei ihi kei chi ua aman ih samzang teng leng simsuak hi a. THISIAM te lak ah nang na manpha pen Hi Sian in hon it zomah hi. 

©Siamsinna leh Vakiangbu