Siamsinna leh Vakiangbu

By ~ Bhyak Hawxel Zankhat tuh khavak luat ziakin lungleng sim ka hi diamah, keikia in ka pawt khe khemkhem hi. Hoh na ding nei leh zawt na ding nei chi a pawt khia leng ka hi samkei. Huchia khepi muk in a kawk na lam zui a ka paipai lai in lampi siik a numei khat ana ki diik hiithiit a, lamdang kasa sim a bang thu leh la om a de aw? chih peuh ka lungsim ah hon lut zungzung a, tuahsiat tuak bang hikha leh chi'n panpih theihdan aom khak leh chi'n a kianglam kava naih phei hi. Akiang ka tung takin, ki suanglah kawm takin, "lawm bang chi e?" ka chih leh aki diik lai hon tawp guih in, lamdang sa sim takin hon en tou a, khavak in a mel hon sal vak ahihman in, keileng ka ki guihzawt zezen a, a paukhe zo sam ding ka omkei tuak mawk uhi.  Huchi'n sawt lou nungin ka theih tawp suah in ka paukhe zou khong a, "Ching" ka chih toh "ULal" hon chih bang, hon ki ton kha chet hi. Kenleng "nang na gending gen masa in ka chihleh, a pau khe zawk the

By ~ Tanukhel Dungdung Ngaihte Hiai thu ka za ngun mahmah a, ka sim ngun em em bok. Mitampi te kiha'n thawn na le ahi ngei bok hi. Awle kei mah struggle mah a pat ahi a ka thugelh. Tua laimal te ka sim teng in Ken zo Kongkhak dang ka poimoh non kei. Tua ka om na mah ahi ka utna, ka deih leh kipahna hon pia tu ahi ka chi sek hi. Kei naupang chik ngaih tuah dan in bel tua ka it leh ka ngaih mahmah, kei a a hih sung tengleh ka innkuante toh chidam tak a ka om nak uleh eng di dang le ka nei non kei. Ka Khovel din amah ka na tel top mai hi. Ka kipahna amah ah kana bukim sak a, kenle ka hih theih top ka suah bok. Kipak thei tak zo ka hi. Ka hinna taan na mun di bang amah a dia om hitaleh huai le ngam khop in ka na it maimah mok hi. Zingkal a a msg ka muh hak chiang bang in ka phe leplep zou tel hi. Miten 'HAICHILH' a chih dan te uh ka hi in ka kithei pen. Ka kal uh bang bang hiam te ziak in ka buai mun mah mah mai uh, ka kina ua, huaichiang in ka tong a,

By ~ Kattie Mawite Ka TATA khedap lakzelna, SBI sak a Nepalipa' sumbuk ah tata khedap la din kava kuan nawn hi. Kei' buh dia kalak ahikei a, zuak dia kalak zel ahi. Ni asat mahmah ziak in khawl tawldam kawm a tutzek ka ut a, banah ka van lak di hon pack ngai ahihman in huai ngak kawm in ka kihuihtheu zual hi. Sawtlou ka ngak nung in ka van di a bawlzou a, himahleh ka houlimna uh a lakloh man in ka paisan thei zokkei hi.  "Bawinu, nang graduate ta maw?" Chi in hon dong a, "hmmm" chihteng in ka dawng lel hi. "Nou singtangmite na hamphat dan uh. Scholarship khawng nei uchia, na siamsinna uh hon panpih mahmah di ahi" a hon chi nawn a, kenleng, "Hampha himah ung. Ka hamphatna uh ka theikei lua ua hiven.  Scholarship ka muh chiang ua phone leina di peuh a zang unga, sum lommuh ngeilouten ka lommuh chiang ua kipak selua a manphatna di bangtak a manphasak theilou zozen sek kakei ua. Kenchu nou mah hampha konsa. Scholarship tellou ale

~Elshy Tunglut Hunte pai zungzungin tangsamte bang leng aki lawmna uh suah dingin phur mahmah in apaak hon suah pan seuhseuh ua etnop mahmah hi. Tangsam paak bang i muh chiangin christmas gim bang hongnam mahmah ta hi. Huchi ahihlai in lungsim ah kilawpna liantak omlai in,nguina (thadahna) liantak zong lungsim ah om veve mawk hi. A mak lua thil ahikei a tuma zek a i buaina uh lungsim ah lian zaw mawk hi. Aziak ahihleh i unau mihaangte thupi isa, amau sisan leh hinna leng itlou a ana pete ahihziak un zahna (respect) sangpen ka pia ahi. Bangteng hihleh huailam gensawm ihi kei a, ahongtung pah ding Christmas bang ikichi sak kholh ale? I unaute i suun mahmah lai in nang leh kei tanding a leimun niam pen hongtel i Toupa Jesu Khrist kipahpih louh theih ahi kei hi. Aziak ahihleh eite khelhna adim gawtmun apai dinglai ngaingam lou a hongtankhetu pianni lawm dia kisa i hih ziak un hamphat i kisa pen mah ahi. A hihleh unau nang bang chi'n nakisakhol ale? Ahongpiang ding kipahp

By ~ Vz Vualnam Tangtawn daih ding itna hon chiam ke’n la Damsung daih ding itna leng hon chiam ke’n. Ni khat daih ding itna hon chiam in la Huai ni in na thuchiam zuausan hetke’n. Tangtawn daih ding thuchiam kep ahak a Damsung a ding leng bohsiat abaihlam. Ni khat daih ding thuchiam kep anuam a Ni khat thuchiam a gin-om abaihlam. Lenkawlni suahsim in hon chiam inla Na ang a ka ihmut chia’n buching hen. Ka khanloh chia’n itna’n hon huai inla Sunkhua’n na itna’n hon ching gige hen. Nisim peellou in ki-it peuh le hang Nite’n tangtawn hon bawl khong na un teh! ©Siamsinna leh Vakiangbu

By ~ Biak Naulak Zomi Thudik thei zenpi thudik gum ading ngam d kua mah a omkei. Alampi thei nazen pi azui peih kuamah omlou. Ahun thei nazen pi ahun ngak zou omlou lai tel. Aw ka itzogam leh liangvai zomite. Salpha tampi ten len mual khumta. Isang gam it takmai te un igam inam itna khual naziak un ahinna uh pia in tunitan dong vuilouh in omlai uhi. Akipiak na uh ingaih tuah ngei uhia. Mihing in a lawm adia ahinna apiak kanval a thupi zaw itna omkei. Hinna anapia analan khia salpha te thupi isa ingai sang petmah zah na ipia hi. Eisingtang mi te mite nelhsiah bawl genthei a ana om tou tou in ineih ilam ipupa apat a igou manpha gamleitang laksuh a i ommai ding zaw salpha kua ten ngai ngam mah mah lou in sisan kia hilou in hinnatan lan in humbit sawm in kipei uhi.  Hiai te kipiak na ziak in mite phawk phak ihi phialta uhi himah leh hemsimthu lel toh zaitha nem a melma dohha palbang nang zou lou a sesum vang a igamlei sing ta luah din zaw tuana lungmol phamsa pupa laukhan zong lu

By ~ Vz Vualnam Hiai ka pa’ tempawng hilou hiata? Baang ah tui-ek in a kizep maimah a! A hiam bang in a hiam nawntakei a A zol bang in a zol nawntakei maimah! Hiai ka nu’ seeng hilou hiata? Gilphan ah innking kai in a om maimah a! Lou ah Tangmai lah a gahta a Buhte puakkhit in a omta uh. Innka a nisalum awi a lusu ka pa’n A gamkuan ding mangngilh hia? Bangziak a naang beek leemlou zenzen ahia? Taptawng a meilum awi ka nu’n A singpuak ding mangngilh hia? Bangziak a khau khuuklou zenzen ahia? Phawngkei unla, lususak un, Hawlkhekei unla, meilum awisak un, Tawlnga uhen! Tawldam uhen! A tem un sat ding teng a satkhinta a A seeng un puak ding teng a pawkhinta. Kei leng ka tem nikhat ni chia’n a hong mol sam dia, Tu a ahiam lai in bang teng saat leng Den chiang in lungkim tak a tawldam in ka lusu dia, Chih kei leh kei ka kidong nilouhlouh! ©Siamsinna leh Vakiangbu

By ~ Lianmuansang Guite Exam hun ding la khutzung a le sim theih ta lele kei bel laisim lam peihlou ka hih man in ka lawm Mumung te inn ah Fifa a computer a ki mawl in ka om kheuhkheuh mai hi. Ka lunglut lam a hih man a nitak dak 10 lam pek in ka pai jel a, ka deihkhop tuan kei. Hilele lai kon sim dek ciang in minute 20 lel leng ka sim peih kei, ka sim ciang in le a BYHEART dia sim ngeilou mihing khat ka hih man in a chapter teng khatvei sim suak vek in hucia cu ka laisim jou ka hi jiau jel.  Zingciang a exam di hi leh tujan a Mumung te inn a game ki mol a lungmuang tak in ka om hi, a ziak a hih leh ka exam di lam manghilh ka hih ziak lel ahi. Game ki mawl khin dak 10 lam a inn pai in ka lum ngal hi. Lupna tung a phone ka mek leh jingciang a exam di ahih lam ka thei khe pan phet, kenle JINGKAL CIA SIM MAI NI ci in ka ihmu hi. Ka sungkuan ten bel laisim dia hon sol jou nawn lou ahih kei le hon sol ut nawn lou ahi uh, kei thadah ka hih man in. Ki sol hat thu a sim di hi leh

By ~ Vz Vualnam I biakinn tungvuum uh a sang a Kholai ah a dingkhe veelvual. Himahleh i khate uh leitual ah Kulsin tung ah ata khualkhual. Biakinn tungvuum ah singlamteh i suang a A tual liim ah tagahte suam ding in Sun leh zan tawlngalou in i buk uh. Vaak’ kilawmdan tangkou pihpih napi a Bang dia mial a om khelah i hia! Gam leh nam itte ngenta i hi ua Gam leh nam keem ding khatta leng i omkei! Gam gamlapi ah, leitung khen ah Gamnuam leh kilawm a om i chi ua Huai mun tun i lam-en chiat uh. Himahleh hiai leitung nangawn a leng Gam leitang kepdan theiloute’n Huchi bang gamnuam leh thupi ah Tan i nei mahmah dia hia! Gam leh nam itte’n it nawnkei ni- Gam leh nam a hong khan theihna ding in! I biakinn baang saangte khenchim ni- Vaak in kilchih a tat theihna ding in! I khate uh sangpi a kilaamtou a Leitung’ nitna in a batlouhna ding in! ©Siamsinna leh Vakiangbu

By~Elshy Tunglut Hiai a tunga thupi (topic) pansan in thu saulou gelh i sawm hi. Mi bangzah hiam bekin i phattuampih khak leh cihna in anuai abangin i gelh suk ding.Numei leh pasal i chih chiangin pau thei tung/pan te'n leng a khen khak theih uh ahi. Himahleh i kipat na kibang lou ahih dung zui in i ut dan leh deihdan kibang kim vek lou hi. Huchi ahih laiin kibatna tampi leng kinei hi. Pasal hihna tamlou leh numei hihna tom lou i en suk ding. Pasal hihnate en masa ni. Numeite'n bangchi leh pasalte lungsim i tuak thei ding ua? Kipatna ki bang lou ihih dungzui in pasalte kipahna; numeite'n ei hoihsak dandan amau leng hoih sa ding isak leh, hoih ana sa kim lou uhi. Aziak ahih leh pasalte a lu(head) ahihna uah thiltampi ngaih tuahtuah ua, huai zoh chiangin hichi hoih di chia hon gen khiakte uh numeite'n ngaihtuah selou in i na kalh khak ni in, kingaituah kik vengveng ua; hun amau kia azat ut hiam ahih keileh buk(book) khong hiam simin a hehna uh hih daih tum

By ~ Diamond Sang Guite Sun hunte Siamsinna lam ah zangzou lawmpa Reuben(Karbi te) toh Bus stop lam manoh a kon paisuk uh hi. Koule lampai kom ah ki houlim in Bus stop kon tung uhi. Ka lawmpa Reuben in(english ah)DANGTAK LUA,JUICE DAWN NI hon chi in Bus stop kiang ah Hotel a tu kom ah Whatsapp message te ka sim leh Lailam lei kiang ah poster ki hal cih khong ka mu hi. Ken le thupi ngaih lou ka hih man in ka Mobile Data ka off hi. Juice dawn khin bus ah tuang in innlam kon juan ta uhi. Ka lawmpa inn nai jaw ahih man in amah kei sang ah kum baih jaw in ka ki BYE tuah uhi. Kei le sawt lou nung in inn tung in Phone mah ka mek ngal hi. Kei le inbox ah ki text pih jel te khong reply in star te profile khong ka check hi. A khonung in Lamka lam buai na om ahih dan Whatsapp message ah ka muh in Facebook ah a detail muh khak leh chi in ka lut nawn a, Facebook group te ka ban check leh Phungzathang inn ana ki hal a hih dan ka mu hi. Ka muh tung bang in ka gingta pah kei jojen hi. A ki

By ~ Vz Vualnam Seiniam lungmawl ka hi zong Sian aw ka thumna hon dawng in Zanchiang zalkhun tung ah Sian aw na minlou in Lungmawl mim bang hong thum ing Ka nam uh, ka gam uh Sian aw nang ma’n hon huai in Hon huai in, hon keem in Kil bang khang seisang tan chia’n Pilna-siamna hon pia’n la Gamlei huai di’n hon siam aw Seiniam lungmawl hong thum ing Phungpi huaite nang keem in Lamdik-lamtang zuan di’n Huaihamna, deihgawlna Thangtatnate apa’n Nang ma’n keem in ching gige’n Singta gam paallun lai a Kil bang khangte bang in Nelhsiah tuam omlou in Simmoh tuam omlou in Kei zong kil bang khang nuam ing Namdang’ nelhsiah-nuaisiah a Simlei khankhua zat ding Sian aw ka nuamlou e Sian aw ngaihkhua hon tua’n Ka henkol uh hon sut in ©Siamsinna leh Vakiangbu

By ~ Diamond Sang Guite Pawl 9 result hon pot leh ei le pawl suan thei di dinmun ah ana ki ding kha in ki pah huai mahmah mai hi. Admission te bawl in High School ah a sang pen pawl 10 kon zil pan ta hi. School ah a sang pen hih ziak mah le a diam ah ki proud sak na om pah hi. Sun hun te school ah zang zou inn lam pai dia lawmte toh lampi a ka paisuk lai un nungak khat in a gal apat MS..!!MS...!! chi in hon sam kengkeng hi. Kei le ka ki hei tou leh class 8 te numei khat ana hi hi. A lawmte mi 2 toh hon pai suk in kenle ka na ding khawl jojen hi. Cih leh ka kiang hon tung tak in HON KHA IN, KA LAWMTE POT NGAL DEK UH hon chi hi. Ei le a ut lou khem ko neih masa jojen in a tawp ah ciamnuih kom ah NON TREAT DI LEH...HAHA chi kom in ka ki ton suk uhi. A inn uh Elim Veng ahih lam hon gen komkom in ka phone no. hon ngen hi, kenle pia in Unity kong tan ka va kha hi. Huai ni chu nui sim in inn ka tung hi. Inn tung phet ball pek dia ki sa ngal in field a kuan in ball ka va p

By ~ Vz Vualnam Mite’ lungtang ka suknat khaak tengteng Kei’ lungtang in a dou ding hitaleh; Mite’ lungtang ka suk kipah tengteng Kei’ lungtang in a zou ding hitaleh; Ka dou ding lungnat-sinnat douzou in Leitung ah nunnuam in ka leng diam? Ka zou ding kipahna kei’ dia hun in Leitung ah nunnuam in ka leng diam? Hinkhua zaw sin masak louh mah hi a Kiginlouh kaal in i takhial naak hi. Hinkhua zaw muhkholhsa louh mah hi a Theihlouh kaal in i siikkhial khanaak hi. Mite lungkham-sinkham i got in leng Thilhoih i zonnalam hi haamtang heh! ©Siamsinna leh Vakiangbu

By ~ Vz Vualnam Lungngaih lummei hong kai chia’n Ma chiang khimkhua hong ziin chia’n Zotna ding mel theilou a Lamhaih-lamman hun chiang in Mualdawn tung sunni taang bang Ka ma uh hon pi inla Thaamna chiaukuam mial a pa’n Hon pi galkai in Tu in mim bang hong thum ung Na khut haat ngen in Zoukuam damtui luangte bang Mualdawn huihkhi langte bang Lamzang di’n hon pi inla Lammanglou di’ hon pi in Vuahsia-huihsia’n hon lap zong Gim leh tawl in hon lap zong Zaitha hatna hon guan in Hon pi galkai in Tu in mim bang hong thum ung Na khut haat ngen in Chiim bang chiimlah a Suihlung a mawk ni’n An bang it ding ngilh a Dougal kisuah ni’n Na pilna’n hon pi inla Na itna’n hon tuam in Tu in mim bang hong thum ung Na khut haat ngen in Mite’n hon vuah henkolte Koumau kisuut thei ding in Koumau kivuah henkolte Nang hong suutsak masa in Ka gamlei uh humthei di’n Ka khut leh khe uh hon gaak Henkol nang hong suutsak in Tungzaang nuamta ung Tu in mim bang hong thum ung Na khut haat ngen in Itna

By ~ Vz Vualnam Thilkhat na deih na neihlouh ziak in Na kipahna bukimlou in na thei hiam? Huai thil na lunggulh tuntun nei leteh Na kipahna bukimta ding na chi hiam? Hilou! Huai thil khat na neih a Deih dang nei nawn tuanlou ding na hihleh Nang a di'n huai thil neihlouh ahoihzaw! Lunggulh nilouh inla, deih nilouhzaw in! Ahang bel na deih teng na neih bukim ni Na kipahna a bei ni hi ding ahi! Leitung ah lam-et tuan ding neilou in Hinna ding san a omnawn tuankei! I deih, i lunggulh, i lam-et, Hiaite ahi hinkhua a hon pi! Huaiziak khawng houh hi ding eive; Vangam i chih lam-et dia om gige napi a I sih matan ei a ahih ngeilouh! © Siamsinna leh Vakiangbu