NUMEI LEH PASAL


By~Elshy Tunglut



Hiai a tunga thupi (topic) pansan in thu saulou gelh i sawm hi. Mi bangzah hiam bekin i phattuampih khak leh cihna in anuai abangin i gelh suk ding.Numei leh pasal i chih chiangin pau thei tung/pan te'n leng a khen khak theih uh ahi. Himahleh i kipat na kibang lou ahih dung zui in i ut dan leh deihdan kibang kim vek lou hi. Huchi ahih laiin kibatna tampi leng kinei hi. Pasal hihna tamlou leh numei hihna tom lou i en suk ding.



Pasal hihnate en masa ni. Numeite'n bangchi leh pasalte lungsim i tuak thei ding ua? Kipatna ki bang lou ihih dungzui in pasalte kipahna; numeite'n ei hoihsak dandan amau leng hoih sa ding isak leh, hoih ana sa kim lou uhi. Aziak ahih leh pasalte a lu(head) ahihna uah thiltampi ngaih tuahtuah ua, huai zoh chiangin hichi hoih di chia hon gen khiakte uh numeite'n ngaihtuah selou in i na kalh khak ni in, kingaituah kik vengveng ua; hun amau kia azat ut hiam ahih keileh buk(book) khong hiam simin a hehna uh hih daih tum uhi. Huchih hun a numeite i va pautam deuh hiam ahihkei leh amau subuaithei a i omchiang in gim deuhdeuh leh tawl deuhdeuh in om mawk uhi. Huchih hun in numeite pilvang zou hilehang amau (pasalte) theisiama a lungsim uh tawldamna ding hun piak ngai ahi cih thei a i daih mai ding uh ahi. Himahleh numei tampi takte'n huai theisiam lou in i kipatna uh kibang lou ahi cih lengphok lou in pasalte sulungdam ut kisa lua in suk heh beh baihlam mahmah hi. Kipatna kibang lou ihih dungzui in amau omzia,hih ut uh leh lunglutna te theisiam a huchia a omdante uh i theihsiam tomtom poimoh mahmah hi.



Tuamah bang in numeite leng pasal tampitak te'n ki patna kibatlouh lam mangngilh kha in; numeite ut dan, deihdan leh lunggulhte uh theihsiam louh baihlam mahmah hi. Huchia ahong omchiang in numei leh pasal kal hong sia in ki huatnate, kimuhdahnate hong om thei hi. Numeite ahi leh a heh deuh ni leh agim deuh ni un pau nuam pahlou sim zozen ua,kam khat khong hong pau khia ua huchia pasalte'n ana dawng ginat kei uhleh ahehna uh tamsemsem in innsung nuamtheilou hi. Huai hun chiangin pasalte pilsiam a amau gintak het lou (a hoihlam a) lam a dawng ding ahi. Huchi hileh aheh mahmah lai leng nang na aw (voice) nemtak a na dawng leh na mit hah nou ngiengei a na et in ahehna uh bangmah lou in a lakhe mai ding hi.


Tua a tung a igente numei leh pasal ut dan leh lunglutna atuam dungzui in, kipatna ki banglou ihi cih kiphok thak in numei in pasal utdan theisiam a, pasal in numei hih dan thei siam a, hih na chiat kithei siam poimoh penmah hi. Ji-le-pasal neita te hin aneiloute hileh huchi hileh innkuan sung adam dia; innkuan sung adam chiangin khotang chidam dingsa ahi. Tua atung athupi zang a i gelh tamloute Toupa'n i gelhsang achiang zaw a kitheisiam tuah ding in, theihsiamna i poimoh bang chiat uh hon guan hen.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more