Siamsinna leh Vakiangbu

By ~ Biak Naulak Zomi Mihing te iham phat na ikithei chian kei tel mai. Kenleng kahuntam zaw te ah hiaibang hamphat na kaneih lam him him ka ngaihtuah kaphawk suah ngeikeihi. 2003 september kha ahi a singtang khawta khat apat khang lian kahi ua. Phavang nisa leh khawlen mui kai chichiai ten hon sulung mah mah mai hi. Lung len kichi genchet haksa mah leh hunlui ngaih puang chihna chuh hideuh din ka um hi. Mihing apiang khiata phawt lung juan lung len hun kinei chiat mah zw ahi ngei ding.. khawnol a hanmual sing lim ah kei kia in kava tut khawl hi. Kakim kapam khong kadak kual kual a hansuang kilawm tak tak te ka envel a a ithuai tak tak te nule pa hita pile puhita. Leh nau pang khang dawng lai khongleng a wmtham uhi. A itna thu uh thuhoih pi pi leh khiak lah nathu tuam tuam kigelh te kaban sim hi.  Hucia lung sim thawmhau tak a ka awmlai in ka pamlam ah ngaih lua lou a kapging ki dik hithit kaza hi. Kigamla sim mah leh kava naih leh numei naupang nih anulepan asih san asih ni

By ~ Vz Vualnam Hoih deih tek, pha deih tek, Ahih hang a man tam. Hoih delh tek, pha delh tek, Ahih hang kuhkal tawm. Tanglou tek, ngahlou tek, Ahih hang lunggulh tek. Mi ngeng tek, mi sawl tek, Ahih hang ei khawl tek. Kuhkal leng, tha pe leng, Haksatna pal ngam leng, Hoih ngah tek, pha ngah tek, Lunggulh ngah, lungkim tek! ©Siamsinna Leh Vakiangbu

By ~ Biak Naulak Zomi Mihausa insung nuam sa kahih louh man in niteng neek twm zong a kiloh in kakuan sek hi. Achang in sep d tak ngialle kamuzou kei lai zwmah. Tanau hau te ki thuai uh ahih man in. Keibel lamka khopi sung ah tanau neilou bel kahi hetkei hi. Azong ahau a kidei dan na aletluat ziak hiphwt inte. Katan a lung kim chuh kei a dia adam dawi hoih pen ahimai hi. Duh duh nezou a deih deih neizou te ut dan dan a omthei te kamuh ciang bang in katan tawk a kilung kim zou mah mah lou chuh kahi sekmai a. Nuamsa leh hampha uh kasa a ka eng guthei mah mah mai hi. Ngaih tuahna avaak sau thei khop mai kami eng mah mah te omdan khosak natan katung zoh nading bel thubaih hetlou hi.  Achang in ki ngaih siat khak pah pah in omzwmah sek hi. Mite hoihna kia leh hauh na kia kana suut suut sek a. Keibel ahoih hetlou dan in kaki ngaih tuah sek hi. Achang in lawmle vual bang kapawl ngam kei phial phial hi. Tankibang lou dinmun kibang lou mite toh ana kiteh kaknilouh kahih man in kimoh s

By ~ John M. Dousel (2 Timothi 4:7) Tukum tuailai khawmpi kinei na ding ah tuailai te bang chi ikisa khol uale.? Toupa deih dan hih chiat din iki ngen uhi. Tuailai ihi ching in mite suan pen, mite pah taak pen leh deih pen akihi hi. Huai hun bel miteng et lah hun ahi (teenage). Naupang ten le "ka tangval di kaal kangak lah/ nungak ka hih di kaal ka ngak lah" chi di'n iging ta hi. Nupi, papi, piteek leh puutek lam ten " ka tangvaal lai, ka nungak lai" achi vungvung mei uhi. Huai hun bel sisan hatlai. Tulai te adia bang kimeel hoih sak hun laitak ahi hi. Pathian in le adeih a huai bang mah in Setan in leng hong deih hun laitak ahi. Nang koilam na teel dia le? Hiai ah et ton ding a ideih chuh Timothy ahi. Naupang chik himahleh Paula in Saptuam khat keem ding, enkai ding a adeih mawk pen thil lamdang bang mah leh Pathian lam ading abel nahoih sep na gah ahi zaw hi. I Bible un leng ana gen hi "Naupang in leng hotdam na thu gen thei&quo

By ~ Zm Tonsing Niangbawi toh kimulou leh kithuzak hetlou dia muntuam a ka om khiatnung khakhat bang a chingta. Hunsawt lua hikei mahleh kei a di’n bel kum tampi kivei mah abang hial hi. Zanchiang ka zalamang a Niangbawi ka muh deuhzut kia mai hilou in kei thupukna liuliau a zinmangsan himahle’ng ka hun tamzaw amah ngaihtuahna’n ka seng veve hi. Ziltawpni ahi. Nidangte mah bangin tung sunni lenkawl ah hongtang khe singseng hi. Tung sunni tumlam a hongsuak ahi kei a, banah khovak hunlou a hongvak leklawk leng ahituan kei. Nidang mahbang in Siamtu Pathian in a siam tungleng vasa te’n leng nithak-hunthak kipahpih in a muak ve thou uh. Nidang toh kilamdanna di a om kei. Himahleh, ka lungsim ah ahi ‘giau-guau’ khat om hileh kilawm in ka thawmhau mahmah mawk hi. Ka om a nuam thei hetkei. Sunkhua a lungnuam hetlou leh thawmhau giauguau a om in kipahna himhim ka neikei. Thazoi ngoihngoih a om in bangmah seppeih ka neikei hi. Ngaihtuahna mumal le neitheilou in ka om dedu hi.

By ~ Vz Vualnam Lenkawl ni suak khangthei loh a Sinlai a sial bang a suak masa Ka sannemnou hon ngai na’ng e Maimit suan leng ka neen ah aw Duangzen ngaihnou saam bang na zaal Zuangthoh ding lunglawp law’ng e Zuangthou sunni ma bang pan ni Gilkhang buh-al zong khuang ta e Gilkhang dawngkot hon ta ni e Kammei lunta seem ta ni e Thuktung suanbeel suang ta ni e Na baanzaal sungneek lim tuam e Zingvai kei va kuanta ning e Ngaih in saulim na ngaak ve aw Sunchin malou bang zaamna mun Khohma bang taam zaitha tawl zong Lenkiil kiat a melmuh kiik ding Ka sial in zaitha tawl ma’wng e Ngaih in dawngkot ah n’on tuak dia Sungneek laikuang n’on umpih dia Zaalna laikhun n’on zotpih dia Na ang lailung muanna nuam ah Simlei lungngaih meel a ma in Lungmuan ning ne’n zaal ta ning e ©Siamsinna Leh Vakiangbu

By ~ Vz Vualnam Ke’n lah hon it a hon ngai law napi a Nang n’on it a n’on ngaih theih hetlouh tel zaw Ka lungtang in puaksiam didan a thei zoukei. Ka kan ka kan a, ka dong ka dong a, A tawp in a ziak hilh in ka om khong! Kideihta tuaknih lah in ka om a, A kilimsakdan uh! A kiduatdan uh! A chihchih uh a kithuman zeldan uh! Kisuk lunghihlouh ding a kikhualdan uh! Kideihta geel tuh a hong kingai ngei ua, Awlawl a a kilimsakna uh a kiamdan! Awlawl a a kiduat peih nawnlouhdan uh! A tawp a kihuatna a a hong bei maimahdan! Tuakkhat dangte bel a hong kiteng ua, Himahleh anisim-akumsim a, A ki-it tuunglai uh a gamlaat hiaihiaidan uh! Tu in bel k’on itna a dauna ding Hun lemtang bawlsak in ka omkei a Ka hon it masak ni a pan tuni dong K’on it ngei, k’on limsak ngei in, Themchik leng kiamlou in, kibehlap zomah in, Ka hon it in ka hon nuamtuam hi. Hiai ngei tuh ka hon it utdan him ahi, A dau ngeilou, a kiam ngeilou, a daai theilou itna, Tuma, tu leh hun hong tung ding ah! Kingaite zaw a kide

By ~ Vz Vualnam Nuai simlei ngaihsial chinna Khattang dai bang nawk ing e Sial bang n’ong suah ding don in Tuanglam maimit suansuan ve’ng Sial bang suak a tui bang ton Pheiphung khai nuam tuam e Na ang ah hon pom in Hon sel hon hum in Lungngaih luankhi hon nulsak in Ka siang ah om gige’n Sunchin-zanchin hon huai in Na ang ah ka laukha tawldam hi Simlei tuanglam haksa zong Nang toh ton ding lunglau ke’ng Sunni sou ni’n tulliim bang Tulvuah luan ni’n nahsawl bang Touding tuanglam a kimkhen Huihkhidam nou hi chia Zaitha tawl neem na sakmel Kaihging luansiam na tongluang Na sakminthei loh chimlouh Hiai nuai simlei khimzing ah Kei di’n lahmei taang hi chia Machiang hon huai zel in ©Siamsinna Leh Vakiangbu

By ~ Vz Vualnam Bangziak pentak a hon it ka set a oi, ka ngaihnou, Na mit ngaihbaang takte’ ziak in hia? Zuheisuktun a aksi laita tegel bang in a phe sialsial uh! Na naak laita hiuhuau ziak in houh hia leh? Loulai a buuk kilawm leh nuam tak mai bang ahi! Na biang neel hianhiante’ ziak in a maw leh? Chiangkot keen hiihiai mun nuam tak bang ahi! Na meel hoih ziak in houh ahi mai di e? Khaliik zaan a khapi vaak hiihiai bang mai ahi! Na ang neem thiilthialte’ ziak in hia? Patungte’ pou zelna tungtuun manphatak bang mai ahi uh! Na khutzung kilawmtakte’ ziak in a de aw? Gaw phung a gawtuai kilawm takte bang ahi uh! Khap dia etlahhuai tak na pheite’ ziak ahi mahmah di e? Longnahtang kung maam hinhen bangmai ahi uh! Guam lai a sihtui al luanna zuktalte’ zot, Pasal khempeuh lunggulh a kimna! Tuate tengteng ziak a hon it hi leng A tulthei huai thilte a hong tul chiang un Ka hon itna a tul maimah diam? Na nunneemna, na kizenna, na sianthouna, A detdou tuate’ ziak in k’on it a hia leh? Na ch

By ~ Vz Vualnam Mehbeel-buhbeel silsil louhna Vangla gamnuam mu bang ka ngai Chik chiang ka tung ding hiam Tua gam nunnuam tawldamna ah Ka ngaih in hon lenkaipih in Ngai in hui bang i mau zong a Tuangtung pah di’n kiging la’ng e I ngaihte’n lah hon deih deklou Hon ngaite lah kideih samlou A tung ngeilou ding mah zaw hi hang e Sep ut- bawl ut dang sem manlou Innhah-puansawp mah sikhop den Khattang gua bang hin zaw Thai neilou thaibawi chih tel zaw Nei le’ng bang i suakta phet diam Zing ka thoh chia’n singpi bawlsa Vai ka tun chia’n an huan minsa Hon sap kaal ngak lel ding Innteek nu’n kuang a sil kaal in Sunni tum kuan na don dih ning ©Siamsinna Leh Vakiangbu