Siamsinna leh Vakiangbu

~Gl Samte Khawvela ipian tungin kap vek dia lamet ihi. A kaplouten nu le pa a mangbangsaka, lauhthawnna tuili ah a diah suk. Bul patna KAH ahi chih theilou i om dun a ginhuai kei. I thei ua, theihsiamna i nei nawn ta kei uh. I khanglian a, khawvela om ihih ziakle ahi di pichin nung inle KAH na in hon khah keia, hon taisan ngeikei. I bul patna bangin a tawpna le KAH na in i zang kha nak. It te sihna hanmual zuan dia a mitsit lai ua nui thei i om dun a ginhuai kei. Hinkhua zaw thupi tak leh bangmahlou maia ki kaikhawm limliam mai ahi. Khamuang taka om utten sinphu depdep in hinkhua i zang naak ua. Hiamgamtaka hinkhaw zangte khamuangtakin a om hithiat thei thou uh. Damsunga mizahtat hih utlou i om kei ua, zahtathuaia omdan zon suah tum in i phe nawinawi uh. Zahtathuaina zonsuah di ahi keia, ginomna,diktatna,taihmakna leh kipiakzohna a lawhsuah di ahi chih thei utlou leh thei zenpia peih chuanglou tamtak khawvelah i kipel suau suau uh. Mi lungsim zoh utlou

~Vz Vualnam   Leitung a na lunggulhpen bang ahia? Na lungkim na’ngpen hi a na ngaihsut bang ahia? Sum leh pai tasamlou in na duh na deih nei peuh lechin? Na kiim na kiang kial taleh nang vah peuh lechin? Na sak na khang vot taleh nang lum peuh lechin? Leitung nopsakna a bual a, utna teng suk pichin? Huai ahihleh, kidaam ke’n, na deihzah in bual in. Na innsak khual ke’n la, na innkhang limsak samke’n. Na hauhsakna ah nuamsa inla, chiilbawlke’n. Tuailai’ hun lah akhiatlahhuai ngal a. Huchi’n na hinkhua n’on zangtou dia, Na tuailai thahat hun n’on kheng ding a, Upat hun in ahon pha ding a,Haat nawnlouh hun ahong tung hi. Thakhat in patauhna kha in ahon man ding a, Kisiikna tuichiiim in ahon tuummang ding hi. Kipahna leh lungkimna chia na delh thilte a, Kipahna leh lungkimna himhim a omlouh ziak in! Nang, na tuailai’ hun na deih bangbang a zangpa’n, ‘Hai hina ing e! Ka hinkhua ka mangthangsak khinta, Hiai tan ka damsung in hin himhim ka na hing hetkei, ’Na chi ding.

By ~ Ama ValteMinlian@V-Itna Rose   Na khedap khau khih taak phel taak le ka hi kei..! Bang ziak a, hiai bang thu non chih maw..? Ka theisiam kei na e, NAU.. Kei lah bang mah hi tuan lou ing a, ka hihna bang a hon pom lou di maw..., ken na hihna bangbang a hon pom khin hi ta ing a..!! Hon hilh in, Nau, bang pentak ziak a hiai bang nawn chih maw? Hon ngai zoulou di maw..? Haksa hi na mai zen e maw... ka theisiam thei mahmah kei.. Nang a dia kei Ching nonlpu sak luat ziak maw.. Bangziak maw, Nau,? Kei bangmah hi tuan lou pi.. Ka hon itlua hi lou maw.. Bang pentak ziak a, na khedap khau khihtaak, pheltaak le hi lou ka hi hon chi na hiam nau.. Tuni tan dong lah hon dawng lou chin a, theisiam zou mahmah lou ka hi.... Zingkhua vaak kuan dak 4 dak 5 lak vel a, message tone ging lengleng te koilam tung hi ta.,, U U..thou nai lou maw..? Kei thouta... u, tuni hun mangnuam in aw.. chih thumal kilawmtakte koilam tungta, koi a vaitham hi ta...Nau.. Theihsiam ahak ngei

~Vz Vualnam   Saheite leilak a apou hunlai uh ana om a, pheisamte’n phei kopkim a aneihlai hun uh a om hi. Huai hunlai tuh dawi leh kaute’ hunlai ahi a, dawi migite leh giloute’ thuneih hun ahi. Kisim-kithah hun ahi a, lauthawng gige a om hun ahi. Tulai hun bang in pa’n tate asuun tham a, himahleh khamtheih-guihtheih ziak hilou in gal ziak hiam, damlouhna hiam, ahihke’h sihsia ziak hiam ahizaw hi. Zu-le-sa atam a, himahleh zu-le-sa’ ziak a innsung kisiatna a omkei hi. Khosung thupina leh phatna langsaktu ahizawsop hi. Lauthawng gige a omna khang ahih zahzah in khamuanna khang leng ahi hi. Huchihlai in Geltui ah inn tamkhop teng in luun in pha mahmah uhi. Thanghou leh Liandou’ ziak in leng akhua uh tuh a minthang kholdiak hi. Huchia hiai Geltui khua a nuamsa tak a ateen sung un khovel kheek lamdangzou ding khophial thu ahong piang hi. Bangdang ziak hilou in dawithu a hahzatluat ziak un thilsiamte nangawn in athuakloh uhi. Dawisiam lah atam ua, mengmuthei lah ata

~ZM Tonsing Hichitel a thu kipah huailou mu leh za dia ka kiphallouh lai a hon mu leh zasak teitei tu ka phone lei ah denzak phiahlouh di’n pam hina maizen e! Bangdia hiai nitak sese a ka sakhau a earphone ka kuah ana hichi kikaih-awk nengnung a tel a? Hiai nitak ka phone battery bei hiam ahihke’h network omlou khawng ana hileh china mahmah ing e.... Bang dia ka phone in hiai thugelh kipahhuailou tak ana nawlkhin beeklou a tel a??? Itluat ziaka hiaitan tung ihihlam theisiam hile chin zaw maw.... Na ‘aw’ neem, hoih leh kilawm siangset a ka zaaknop ziaka ka earphone ki-awk nengnung phel kekeuh zaw hive’ng. K’on houpih nuamlouhziak hikei, k’on ngaihlouhman le hituan kei: hawmthoh luatman hizaw hi. Hon hu-ngaihzek lai hamham hile chin zaw... Hiai huntan in le bangmah a sekei, ka theisiam, keiziak ngen hi. Hon ngaidam oh! Himahleh, i kal simthu zin hawm hia, Sian’ lemgel, theihsiam ahak in ka thuakzou kei! Kei phone ahoihlouh tawp a le nang abeek ana hoih hile

~Giakmawh Sumbawi Thu patna-"Ngal Khua Hang,i chih chiangin "Sikha leh Dawi" chi khat ahi,hi mah leh hiai "NgalKhuaHang, ki chipen nidang lai-in i pu ipa tetawh ana ki sual(lai) thei zelzel hi,Ngal Khua Hang, pen liat alian thei khat ahi a,gamlak khomui kuan chiangin mi khat chauh nih chauh a paite'n tuak ut dedeuh uh hi,i galmual pekpek khawnga pat in hon ki ko bembuam thei a,a gamla abat hangin i naizek mahmah a om ana hi khinkhian hi,mi hing tawh teh in mi hing 5-6 tawh tehkimpih ahi,himah leh a neu aneu in kibawl tawm thei thethup hi,a ki thah ding chiangin a kawng nuaisiah thau in i kapkei leh a ki thatlum theilou hi,a pum alu khawng ikap chiangin kineusak thei ahih manin,ki that khalou hi,tuin hiai Ngalkhuahang thah siam JACK khangthu i gen dung ahi. 1- Nidang lai-in Mangkang(sapkang)te gamah JACK a kichi naupangnou khat a omhi. Tua pa aneu apat in hangsan mahmah mi khat ahi. Jack kichi pa in "Gal kidona thu leh Ngal Khua Hang

By~Vz Vualnam Khengchiang in, akhenchiang in Mite bang a duangching a melhoih sam ka ut. Hilehzaw ka it nungak in hon niallou ding hi a. Himahleh hun teng in hiai ka thei gige hi- Mi tampi kei bang beek hih a lunggulh uh. Khenchiang in akhenchiang in Mite bang a hauhsak leh neihzoh sam ka ut. Hileh ka thil poimoh leh kuulte neizou ding hi’ng a. Himahleh hun teng in hiai ka thei gige hi- Mi tampi kei bang beek hih a lunggulh uh. Khenchiang in, akhenchiang in Mite bang a damtheih leh haat ka ut. Hileh ka sep ut ka bawl ut tampite tangtunzou ding hi’ng a. Himahleh hun teng in hiai ka thei gige hi- Mi tampi kei bang beek hih a lunggulh uh. Khenchiang in, akhenchiang in Mite bang a pilna leh siamna neih ka ut. Hileh pilhuai thu leh late a mite taisak ding hi’ng a. Himahleh hun teng in hiai ka thei gige hi- Mi tampi kei bang beek hih a lunggulh uh. Got a i omlouh lunggulh in Lungkham i kiguanzaw ding hiam? Got a i omte kipahpih in Lungnop i kiguanzaw ding hiam?

By~Dizz Guite Tulai khangthak te I om dan leh kampau te uh ngaihbtuah le lung hihmawh huai thei tamtak om hi. Nu leh Pa thugen don lou, ut dan teng a gamta nek theih nek mawh teng ne ki changkang sak a nu leh pa itna don lou zen a khualai a gari tawh hat tak-tak a ki khoh val-val. Ngaih sutna mah-mah toh khosa non lou zing chiang bangthu om ding chih ngaihtuah khak a nei vet lou,nungak nou leh tangval nou tampi ki tampet mah ta. Huai kia hilou nu leh pa mawhna (kitenglou pi nupa bang a omna) zang suk, nupa hi lou a nupa hinkhau mawk zat in nu leh pa te milak a maizum sak tate ki tam mah-mah hi. Nang tangval /nungak kum 18 le ching tak le hi nai lou namel hoih in na tha hat a,mi te iplah leh deihthoh huai tak iplah tak in hon na en giugiau ten na hoihna en lah in pang bang in lawh theih ziau ut in hong sulzuih ta ua hiai hun ah bang chin na hong om a le.?  Nang hon ngaitu a na theih pen a melhoih in aduang ching a na mit hon la mah-mah mai hi. A aw bang na za

By ~ Vz Vualnam A tung uah thilhoih na hihkeita zong in Honna paakta ding mi om veve ding a A tung uah thilsia na hihkeita zong in Honna iiplah ding mi om veve ding hi. Na chitlouh zahzah a honna it ding Koi hiam ah mi om veve ding a Na chit zahzah a hon deihlouh ding Koi hiam ah mi om veve ding hi. Michih in lah chituam chiat in a ngaihsun a Thupi asak uh chituam chiat ah anga uhi. Khente’n silh-le-teen ah anga ua Khente’n neih-le-lam ah anga ua Khente’n mel-le-puam ah anga ua Khente’n gamtat-khohei ah anga ua Khenkhat leuleute’n pilna-siamna ah. Thupi asak chiat uh thuzoh in a om uhi. Itlouh toh khosathei tak a hinkhua zat sang a Itpen toh gentheitak a khosakkhawm telzaw a om a, Itpen toh gentheitak a khosakkhawm sang a Itlouh toh khosathei tak a hinkhua zat telzaw a om hi. Adeih gou leina ding a a-innmun zuak a om a Innmun leina ding a a-it gou zuak a om. A siangthouna dangka a khawng mi a om a Dangka nawlkhiin a siangthouna keembit mi a om. Silh-le-teen