KHENCHIANG IN

By~Vz Vualnam


Khengchiang in, akhenchiang in
Mite bang a duangching a melhoih sam ka ut.
Hilehzaw ka it nungak in hon niallou ding hi a.
Himahleh hun teng in hiai ka thei gige hi-
Mi tampi kei bang beek hih a lunggulh uh.

Khenchiang in akhenchiang in
Mite bang a hauhsak leh neihzoh sam ka ut.
Hileh ka thil poimoh leh kuulte neizou ding hi’ng a.
Himahleh hun teng in hiai ka thei gige hi-
Mi tampi kei bang beek hih a lunggulh uh.

Khenchiang in, akhenchiang in
Mite bang a damtheih leh haat ka ut.
Hileh ka sep ut ka bawl ut tampite tangtunzou ding hi’ng a.
Himahleh hun teng in hiai ka thei gige hi-
Mi tampi kei bang beek hih a lunggulh uh.

Khenchiang in, akhenchiang in
Mite bang a pilna leh siamna neih ka ut.
Hileh pilhuai thu leh late a mite taisak ding hi’ng a.
Himahleh hun teng in hiai ka thei gige hi-
Mi tampi kei bang beek hih a lunggulh uh.

Got a i omlouh lunggulh in
Lungkham i kiguanzaw ding hiam?
Got a i omte kipahpih in
Lungnop i kiguanzaw ding hiam?
Kiguan le’ng, kiguan le’ng
Eimah tankhom a lungnop kiguan le’ng.
I nuai a mi ding mi beilou dia
I tung a mi ding beilou dia
I omna chiat ah hinpha in hing chiat le’ng.

©Siamsinna leh Vakiangbu