Siamsinna leh Vakiangbu

~ Vz Vualnam Ka lung aw koi ah na tu hiam aw Ka lai aw koi ah na tham hiam aw Kungtung lenkum hiangtam kaita e Lung leh lai aw zingvai hawm ve aw Lung aw na tukna singlel heisa Chikkum a tualniamlou ding hi e Lai aw na thaamna buuktual zamzou Chikkum a ei lohlouh ding hi e Singlel a kailah silpaakte zong Tual ah lungtai in paal diimdiam e Singlel heisa phualva’n veh hen aw En aw tual a silpaak veh ni e Mu bang ngaihte’ kaina a saanleh Tan bang kimpih siang ah leng ni e Lungzuan luankhi dai bang thenna di’n Tan bang kimpih chiat vehta ni e Sakmel paallou in heisa lou leng ‘Nang lah singlel heisa’n paalta chia Na kiang in lah simzawng dungsun e,’ Chi’n kawi lianu nuihchiam tang ding aw Vual nuihchiam di’n meldeih phal la’ng e Kimpih heisa toh hong tul hen aw Nihgel kal a suan bang meng vonte’n Phualngou dung hon suun lai chiat hen aw Lohlah sial a kumsawt I vul sa’n Ei bang a tualniam toh ton ni e Lung ei sit lam bang khenglahlou in Lungtu toh tui ba

~Vz Vualnam I tate zukham in a kitom ua Mi’ a dia i koihkoih mah zaw hive’n! Khamtheih goih in veng leh paam a lok ua Mi’ a dia i koihkoih mah zaw hive’n! I tanute’n sawnta a hon pai ua Ei a dia i koih ngeilouh mah hive’n! Sisan pal nung in a hong nawkiik ua Ei a dia i koih ngeilouh mah hive’n! Hiai nuai simlei a teeng saam napi in Bangchi’n sia baanglou in i om thei dia? Siatna tuuktui bang a a luan lai in Bang chi’n innsung hul in i koih thei dia? Inntung bitpeen leng huihpi’n leemthei a Hawkdaal sangpen leng hawk in tuumthei hi! ©Siamsinna leh Vakiangbu

~Vz Vualnam Phalbit teng in khovotdan i gen a I kihilhtuah kheukhou uh akei hiam! Peellou in nipi’n phalbi hon zui a Kholumdan i kihilh zel akei hiam! Lum leh vot i kihilhtuah kheukhou zel Phattuamna om hetlou napi in leng! Ke’n leng ka hon itna ka genkha zel Phattuamna a neih hetlouh nung in leng! Khuahunte a hong kikheng zel ding a K’on itna ka tangkoupih zel ding hi! Nang zaw aksite bang in na gamla a Himahleh zanteng in ka hon mu hi! Van in aksi a khah ngeilouh bang in Ka itna’n lah a hon khah ngeikei a! ©Siamsinna Leh Vakiangbu

~Kattie Mawite Ama' a di mawng a piang ka hiam chihtheih phial ding ahi. Pasal himahleh ka pian ale hon dontu a pang ahihdan ka khonung theih hi. Ka hong khangkhia a, naupangchik kahih apan kenle ngaihsanna riau khat nei hi in ka kithei. Itna lampang a ka mit keuh nai hetlou himahleh, ka kianga a om chiang in ka om bang nuamtuam in kathei a, ka khamuang tuan mahmah hi. Naupang kahihziak mah in ka lunglutna dandan in hon kithuahpih a, ka deihlam bang a theisiam mahmah hi. Ka pianma apan hon na khamkhol hiam chihtheih ding khop in hon aa bawl mahmah hi.Ka hong khanglian deuhdeuh a, a hon kep ngei in hon kem a, ka lunglutna tuamta ahihman in ka lunglutna bang zel in hon kemtou zel hi. Nungak mel muthei phial di dinmun a ka hong din toh kiton in ka mel bangle hong kilawm hiaihiai a, tuamah bang in itna lampang ah ka mit a hong keuh panta. Ka lawmte bang in tangval thu bang a hon genpih theita ua, kenleng ka lungsim a lut thei panpan ta ahihman in kei veidan toh kituak in kana kup

~Rinso sektak "Na vang ngaih zaw na lua" (based on true story) Tuan a pupan thupil a a na gen uh "mihing in i tuah ma a bang mah poi leh kikhel thei ahihlam kiphok lou, a hong kikhel hun i tuah chiang a kikhel ahihlam kiphok suah pan nak" i khang dawng lai hun zatna bang a leng hak sat na kituak ding ahihlam phawk pha lou nak sek hi. I hon tuah ciah bg mh phok lo mh i hih chiang puak dan siam na ki nei lou a hih man in huai hun ah i lampi juih juih khelh baih lam mah hi.kei leng hiai bg hun ah hak sat na ka tuah ziak a ka hak sat na ka mang ngilh thei louh d khop a ittna khuk ah ana puk ka hi.itnna ki ci jo jung kip nei mh a hi cih phok suah pan ka h. Kei lh kei bg ka ki mohsa a lah a ki khel ta ....ki khel mah lh jong ka hih theih sun...."my teen age love" .........Tei rol tung lai c ni kum 18 ka hih lai in siam sin na lam ah pawl xii ka sim lel lai ahi.huai tuh kum 2014 ahi. Tua kum pen kou saptuam( EBCC khominthang) te a ding in kum bul a pan

~Palemtheilou Papektawl Bang ziak a call pickup lou ei dia aw, Bang buaipih a ka Message hon reply pahpah lou ei dia aw, Ka Ulal buai lam theipha lou in kei ngaih luat man in hon thu zak pahpah louh chiang in heh na di om het lou hina pi'n kana heh kha man sek hi. Ahi tak in zo ka Ulal ngei inleng hun nei hih leh hon thuzak utlo sam di hia, Ken lah sun chia nasem a buai a Tex leng le hon reply man lou ding ahi chih thei zenpi bang ziak a tex ing a hon reply louh chia heh san ka hi dia aw,iit lua.Ngai lua ka hih chia hun awl ka neih nak leh ka kam mahmah toh houpih bat hikei mah leh a man hunhun a hon reply dia tex zel ka hi lel hi. Tangval tampi ana nei kha ta mah leng ka Ulal kan a ka ngaih a omlam ka thei kha naikei. Bang pan ziak a hia..!! Ka tangval te zo mi hausa pipi ngen hi ua Ken hun ka neih nak leh ki hou thei gige hi ung a Ka Ulal in bang itna hon muam a mai zen a, ka tangval neih khak te toh teh dia lah amah ka na sem tu lel uh hia, Pilna Siamna lah tua ken ka simz