MEL IN THEILENG

By ~ Ricky Guite

Mite theih in bangmah lou hi mah leng ka nungaknu ading in bel gammang lak a rose pak bang ka hi. Kum thum leh akim ka ki ngaih nung un gamdang a laisim na sun zom ding in ka kuan khia hi huai kum bel 2003 kum a hi a MA sim ding in Bengalore lam ah ka pai hi. Ka pai di bel haksa ka sa mah2 ajiak ahih leh ka itpen toh kum tampi kimu lou veng2 ding ka hih man un thuak hak kasa hi. Ka jin dek inle airport tan hong kha a kikhelah pipi in ka kikhen uhi. Huci in ka om na di hostel ka tung a ka tun nitak ngial in ka ihmu thei kei hi. Ka phone ka lakhia ka sungtele hi masalou in ka nungak nu ka hou pih a aman le gin om tak a om di a hih dan hon ciam hi. 

Huci in kumte hong bei jel in hun thak nithak te hong tung jel a ka nungak alung sim hong ki dang hiai2 hi. Kenle maksa in bang cidan a ci in ka kan ciang in bang2 hiam gen in hong ki lep khe jel a kei le lung muang tak in ka om hi. Nitak khat ka laisim lai in ka phne hong ki ring chen2 aka etleh ka inkuante ahi a kalak aleh ka gingtak louh lampang thu ka ja kanu ngaknun pasal a neih thu ka ja hi. Oi huai hun cet in hon mukha lechin mak non sa mah di.

Kei utna a gamdang apai hilo banah leiba sangba toh gamdang a skul kai dia ka nuleh pan hon kuansak a hih man in inlam a pai mok2 bel ka sawm kei hi. Himah leh ka nungak nun hon khen na in cuh ka lung suvai zou mah2 ahi ngei dia zulehsa in ka ki hehnem hi. Zu i dawn leh bel lawm ki hau mah2 hi ven lawm ka hau thei mah2 hi.

Hunlehnite hong pai liam jel a theihloh kar kenle kon graduate teisam ta a inlam pai theihta a hih man in keile ka phur mah2 hi himah leh kalung sim khat ah bel ka nungaknu hong lang jel a hih man in ka phur lo lawm2 kei hi.

2007 kum december 22ni in inlam kon juan a ka nuten kanaute toh airport ah hon na dawn uhi.

X-mass leh kumthak te nuam tak a inkuan kim a zang zou in skul a sepna di zong in Rayburn ah pakhen kiang ah ka va ki ngen a kaneu apat ka khang khiatna a hih man in leh pakhen in hon theilua a hih man in hon na pepah a huai ah kwn sem char2 hi.

Huai a kasep na ah class 12te khat in ka mit a hip mah mah a kenle jum leh jah khuallou in ka try suk giap a ka ki nep bang in aman le hon na sang ngal hi. Huai ka nungak nu min bel Muanching ahi a vengnuam south lampang a inluah ahi uhi. Kei bel Mualkawi damdoi insak a inluah a om ka hi.

Huchi a hun bang tan hiam ka hong ki ngaih nung un nulepa deihsak na toh kong ki teng ta ua tun a hih leh Pathian vualzawlna toh tapa mel hoih tak Lianmuansiam ka nei ua, ka zi toh ka nulehpa sanggamte toh mualkawi mh ah ka khosa lel2 uhi.

THEIHTUAK;hiai thugelh phuahtawm ahi a min veng hihna nang a toh aki tuah khak aleh kuamah koktuam a gelh a hikei chih hon na tel sak ding in kon ngen hi.

©Siamsinna leh Vakiangbu