Siamsinna leh Vakiangbu

By ~ Vz Vualnam Dahnate'n a hon bop chia'n Hehnem ding a omlouh chia'n Thumalte hong pai in A hong hehnem ua Thuvualte hong kichiang in A hong khamuan uh. Khitui a ka mit a mial chia'n Hon bankaih ua Ka gamman chia'n Lam tang hon lak uh. Guam ah leilawn ahi ua Mual ah chiangkhun. Hiai leitung ah Lavui toh ka ton zel ding a Lamgei khawng ah Ka nuse zel ding. Khattei in ka nung hon zuih a Chiangkhun a poimoh khakleh ©Siamsinna leh Vakiangbu

By ~ Vz Vualnam Tualgal tuh nunglam pek ah a omta a, chikmah chiang a mangngilh ni omlou ding himahleh a tamzawte' lungsim ah a dai mahmah ta hi. Inn kihalsete bang leng a hihtheih bang chiat un a lamthak chiatta ua, kum sawm nung in bel kholai a naupang tai belbelte leng tualgal theiphalou ahita uhi. Huchih lai in tampite'n khalam dangtaakna nei uh ahihman in saptuamte'n hotdamna kulh khoh ding vai a hon geel uhi.  Suanpau tuh tagah lainathuai tak himahleh zukham-sakham a a om ngitnget ziak in mite'n a lainat ding bang un lainat theilou uhi. A pu a om nawnkei a, a pi leh a ni pasal neilou in a etkol uh ahi. A neulai in bel naupang thumang leh kizentak ahi a, himahleh a nu-le-pa'n a sihsan nung uh vakthap in a om a, a hinkhua a hong kisekha hi. Zukham-sakham a kiphasak in om mahleh a lungsim guuk tak in a hinkhua a ning mahmah a, a patau a, Pathian a lunggulh tuntun hun bang a omsam hi. Huaiziak in tutung a saptuam in hotdamna kulh khoh ding a hon gee

By ~ Vz Vualnam Lungzuanna, ba hon lawmbawl na hia? Dahna, ba hon tanaubawl? N'on teenchilh ua, n'on nuse nuamkei uh. Zin i hihleh paihun i theikei di maw! Mikhual i hihleh kisuanlah nadan i theikei di maw! Nou ziak in veng leh paam in a hon maa uh. Kipahna'n a hon peel a Khamuanna'n a hon loihsan. Nuihna'n sangkil a hong kaan utkei a Maitaina'n kongtual a hong siik utkei. Leitung a hon nuse utlou na hih uleh Nou om unla, Ke'n leitung ka nuse ding! ©Siamsinna leh Vakiangbu

By: Vz Vualnam Luita khang bang a k'ong luan hehu leh Suangpi bang in na om hiithiat inla Tuili bang a ka daih dide leh Tuilivei bang in hon nawk hehu in Ni bang a kong sat vengvong leh Meipi bang in honna liah diildeel inla Vuah bang a kong chiin ngengouh leh Hawktui bang in honna zawl in Singkung bang a kong pou leh Sahei bang in hong kai inla Silpaak bang a kong paak leh Khuaiva bang in hong siim in Tua bang hi hen! I itna! Khen hun omlou ding in! ©Siamsinna leh Vakiangbu

By: Vz Vualnam Hiai late na zak chiang in Hon nuihsan ke'n la Hon kou ke'n Ka lungtang kap hen Khamkei un A lungngaihna na theihpihkei Mitte'n khitui a nei ua A luangmang zel uh Hiai lamalte zaw Lungtang' khitui malte ahi uh Amau zaw a lungmangkei ua Saksak ding, suutsuut ding in Khantawn in a vungden ding uh! ©Siamsinna leh Vakiangbu

By: Vz Vualnam Khua a muita a Vasate'n a giahmun uh a zuanta uh. Himahleh kei gammang Zot na'ng theilou in ka om. Itna huang kongpi khat ana kihong a Huai ah luut in ka tawldamta. Ah, Eden! Huai ah lungtai in ka bual. Himahleh ni khat Adam leh Evi bang a hawlkhiat in ka om! Adamte'n sia-le-pha theihna sing a ne ua Ke'n bang ahia ka neek? Ngaihdamna in leng a leh zohlouh tel! Thawmhauna gamdai a vakvai a Lungngaihna guam a ka taam in Eden nuam ka ngilhkei ding Alai a hinna singgah! Adam leh Evi ngaidam ding a Ni khat Jesu a hong pai bang in Ke'n leng ka hihkhelh ngaidam ding Hong pai hun ding ka na ngak nilouh ding! Huai chia'n Eden nuam ka lut nawn ding! Khua a muita a Vasate'n a giahmun uh a zuanta uh. Himahleh kei gammang Zotna ding theilou in ka om! ©Siamsinna leh Vakiangbu

By: Vz Vualnam Banghang a mihing' thuchiam muang ka hia? Theipi bang in lah a huut naak ngal a! Bang ding a ka khamuanna nga ka hia? Hawktui bang in lah a kang ngaak ngal a! Khuahunte ka muan bang in ka muang a Mahleh nipi a hong tung ngeitakei! Tuktui ka ngak bang in ka na ngak a Mahleh dawn ding a hong luang ngeitakei! Hiai leitung hinkhua nipi tellou in Koi ah kilawmna a om nawnta dia! Hiai lampi ah dawn ding tui omlou in Lamsuk-lamtou bangchi'n ka tawnta dia! Tutkhawl thei mai lah ka hitakei a Hinna tulsing liimnuam ka tun ma teng! ©Siamsinna leh Vakiangbu

By: Vz Vualnam Pichin ngei dia i geelte vuaksuak a Lam-etna himhim i neih nawnlouh chia'n Lungkia a kikhin dimdem a om a Zingchiang nangawn i muhlit tuntun chia'n Zingchiang kihta in mullitkei ve ni Tuni'n hon zuausan in hon khem mahleh Khovaak mu ngamlou in omkei ve ni Tunitak in hon zahlaakpih mahleh Lunggeel vuaksuak in lungke mah le'ng A geeltu ei i omlai a kei hiam Lungdang geel, vaai dang guang, mainawt zeel le'ng Ni khattei a hong tangtungkei ding hiam Tuni a khitna hisak naikei le'ng Nite'n hon suahpih ding ngakzek lai le'ng ©Siamsinna leh Vakiangbu

By: Vz Vualnam Zalmang matlouh meldeih lianu'n Sum bang tuah ding tong hon chiam e Tang ka sinlai ziin bang liing e Lia in tongtak hon leel na hiam Ka tuunnu aw tuun nunneem aw Bang simthu i leel ding hiam Na von lelliang vual in heem ah khia e Deihpaal loulah ding hi ta'ng e Ka zua aw e zua lungdeih aw Phung tang ding lanu meldeih Chiam peelta e kaina dangta hi e Houlung kup teng thei bang huut e Tang lelliang ka chinglou hiam aw Sanggah mimphung a chinglou hiam Phung tang ding lanu'n ei sit e Sulheita e chiam peelta e Phunglai zehzum vuallai zehzum Tangliang kei a'n nalua sa'ng e Phunglai-vuallai leel ding bansam Ka luankhi'n simthu leelta e Sakmel phual bang a anglou zong Sinlai va bang a pillou zong Gua bang hing sinlai phu saam ve'ng Tongheem in sinlai dou saam e Lungsit a lungtulou lia aw Sang bang hong nounoulou ve aw Lungchim a sulkiik na hei chia'n Na nuachiang luankhi muantui phuul Vualgen sianmang zingvai hawm aw Bang di'

By: Vz Vualnam Leitung a zi khat kia muhna ding a Lia bangza'n hon nawlkhin masak ngai ahia? Leitung a pasal khat kia muhna dia Tang bangza'n hon heel masak ngai ahia? Khente' di'n huih bang in ngah baihlam a Khente' di'n zampi bang a ngah zohlouh. Khente' di'n mitphial kaal in piang a Khente' di'n pallut lai a ngah zohlouh. I ki-it-kingaih chiilcheel lai in ah Kikhen dia kigintaklouh baihlam a Zi leh pasal a i kizonna ah Ahilou ding toh kimaikhaak baihlam. Akua-akua toh i kimaikha zong A nawn ate' a dia leng limchiit sawm leng! ©Siamsinna leh Vakiangbu

By: Vz Vualnam Lei lungngaih sial ngeilou kua a om dia? Kahna-mauna a dim hiai leitung ah! Nunnop paalzou ngeilou kua a om dia? Pahna-nuihna a dim hiai leitung ah! Hizong nun nopni pen nangawn in leng; Dahna'n sangkil hon peel khin manzel a; Al bang dah a sawl bang i vul ni'n leng Nunnopna'n keelkong hon kaan khin man hi. I dahni pen in leng kikhinkei ni; Ngak zek leng dahna'n hon teenchilhlou ding. Pahni pen in leng ki-uangsakkei ni. Gintaklouh lungkhamna'n hon nungdelh ding. Dah leh nop ton helhel chih i theih leh Akoi mahmah kinehden sakkei ni! ©Siamsinna leh Vakiangbu

By: Vz Vualnam La hoihpen gelh ding in ka kisa a Ka gaal mual singteh hing dipdipna ah La hoihpen lem ding in ka kisa a Ka gaal guam luita luan biahbiahna ah Huai a singliim a ka kingaihsut leh Huihkhi hong laang in la hong sa a Kilawm sa a ka bildoh dide leh Zu leh vate'n a la a hong huh ua Kei mihing leltak in bang ka gelh dia Luita' la ngangawn ka khuupzoukei ding! Amaute' la ngai di'n ka hoh zel dia Huai ah suihlungtai in ka nitum ding! A lathu bang ahia n'on dot uleh Mihing' pau a lehzoh vual ahikei! ©Siamsinna leh Vakiangbu

By: Vz Vualnam Laakmang a om tuihute bang in Laakmang in ka om a Tawlngalou a leng vialvial tuihute bang in Tawlngak na’ng neilou in ka leng vialvial. Kawl killi ka tawnsuak a Kei di’n tawldamna a omkei. Khamuang a ka bualna tuipi ah Kua'n a hong kha dia? Ni khat mualmong ah meivom a hong kizial a ‘Hong in,’ chi’n a hon pi a Leitual ah a hon kha. ‘Paita in, Paita in,’ ‘Na khamuanna mun ah paita in,’ a hon chi hi. Hawkguam tawn in ka luang a Luita-luipi tawn in ka luang a Huchi’n ka lunggulh tuipi ka tungta hi! ‘Na itna thuuk leh zaa ah, Tangtawn in tawldamta ning, Khaal ni hong sa mahleh, Hon khah ke’n la, hon hum in, Na angsung kia ah lah, Ka khamuanna a bukim ngal a!’ ©Siamsinna leh Vakiangbu

Lai gelhtu-Rinso suan sektak Naupang teirol vual,mi lung ngai thei mh2 khat singtang khua a khosa.A mah chau (nu leh pa tel lou)a gam hon pot khia(lamka zuan a hong zin).Tuk tui luan lai ahih ziak a lamkar ah buaina hon tuak uh.Lampi se nak lua a hih ciang in ah gari pai thei non lou.Lamkar a giah ngai ta.Nek ding gina tak om le hi lo. Huai zan a naupang om di dan na ngaih tuah kha ngei hia lawm...Naupang lungngai thei mh2 in tuh..ka nu leh ka pa khat jo sam2 bek toh zin hi kha mai leng jo ci lo din na ngaih tuah hia?Lungsim thoveng tak a ih mu hit2 din na ngaih tuah hia?Nang din ki koih lecin bang teng na ngaih tuah dok diam? Hiai naupang in bel nu lh pa ci a a mh it tu lh kem tu te muang mh2 in a lungsim ah a nu leh pa a lang sak thei lai...hi mah leh tagah nu leh pa ci a gen di nei lo khat bang in tua bg teng thil hon tuak hi maizen leh bang teng a ngaih tuah diam? A leh lam tak ah a ma hih na ki thei in ah gun tuh tak in hon thuak tiin ten din na gingta hia? A hih le tua bang

By: Minncy Sektak Hiai leitung ah kua ziak a piang ka hiam kua sung apan ana piang khia ka hiam?kei deihna tel hi leh zaw hiai leitung ah anapiang khiak sang in ana piang louh mai ka teel zaw ding hi, hiai leitung ah genthei haksa thuak di lel abang ziak a ana piang khia ka hi maimai dia aw ci in kei le kei Question ka kileh dot vungvung ni atam mahmah hi,,,,Hiai khovel ka piankhiak akipan tuni ka 18th birthday Ching tan dong in ka pianna Nuu(mother) kua hi hiam chih ka theikhe Zou naikei hi ,,ka pianna paa(father)bel ka thei a kei Bel ka khua theih akipan ka nii(aunty) te kepna nuai ah ana Khosa tou kahi a amau innkuan sung akipan ana khanglian kahi kum 18 sung ving veng ka nii(aunty)te innsung ah ana Khosa kahihman in keimah innsung dan in ka koih a ka nii(aunty)pe'n Nuu(mother)ciin Kasam a ka gang(uncle)pe'n paa(father)ciin Kasam hi,,aziak bel ka khua theih akipan amau honna kemtou ka Nuu Leh paa mel a kamuh ahihman in,,Tulai dan in gen leng zawl taa achih te uh ka n

By: Liansuanthang Haulai A thilhihkhelh man thuak tuh ahi peuh mah. A thil hihkhelh pen midang ngoh selou a, "kei hihkhelh mah a hi, ken thuak lel ning" chi tang gemgam ahih man in hangsan kasa mahmah hi. A innsung uah lut ding in kiman a, zi hoih hih ding tuh a tup pipen hong hita hi. Hunte hong liam zeel in...... A khankhiatna inn sung leh a lut thakna innsung tong-leh-lam in kikhe thei hi. A pian a pat azil tengteng, a lutna innsung ah a zangthei kei mawk a, a guk in a lungbuai petmah hi. "Ka hih theikei, ken hiai te hih ngeilou", khawng va chihchih di a kisuanglah mahmah a, sep lah ngai teitei ahih man in, hihkhelh tampi neikawm in awl awl in hon sintou hi. A lutma a angaihtuahna ah, "zi feltak hih ding, nu hoih hih ding" chihte a gelfelveksa zaw ahi na a, ama khankhiatna toh a lut thakna kibangloulua ahih man in, a ngaihtuah na leh a lungtup a mualsuah na ding in, a leh-nih, a leh-thum a pan alak hong ngai ta hi. Tawl huai tuh a sa petma

By: Vz Vualnam Ka ang a ka hon pom masak in Bawi aw kua na hiam chi'n ka ngaihsun. Hiai leitung a kei' kep dia hong piang Bawi aw kua na hiam? Hiai leitung a nang hon sawl tute'n Bang ding a hon sawl uh ahia? Na tot ding lampi koi a kikhung ahia? Koi ah bang chi'n ka thei dia? Koi ah dawnna a om dia? Ka ang a ka hon pom Bawi aw kua na hiam? Koilam a hon baankaih ding ka hia? Koilam hon manoh pih ding ka hia? Ka kipalpuknate peel di'n Bawi aw ka hon thununzou diam? Ka delhphaaklouhte delhpha di'n Bawi aw ka hon hanthawnzou diam? Na tunna ding mun Huai mun ah ka hong khazou diam? Na hong kipatna zingsol aksi masuan leng Bawi aw i tunna ding tung na ve hi hang e! ©Siamsinna leh Vakiangbu

By: Vz Vualnam Leitung hinkhua bang ahia Nnasem ding a thoukhia a Lungngai ding a vaipai! Dawmsawt lunggulhhuaina bang ahia Huai teng lumlet ding lel! Kithalawpna tellou a Kum huaizah zouzai bangchi pal ding? Sih chiang a khutvuak a pai ding sapsap Ba tawl huaizah zouzai kiguan ding? Sunkhua a utlam nnate sem ding hi leng Vaikuan nuamtuam ding hive'n! Itte' ang a zaal ding hi leng Vaipai kithalawphuai mah ding hive'n! Hiai geel tellou in hin man bang a om a! Hiai damsung hun a na tawl louhna di'n Na utlam seem in neek zong in. Hiai damsung hun a na thazoi louhna di'n Na it nang a hisak teitei in. Leitung a hiai geel na ngahkei leh Hin man a omna ding in Pathian limsak in! ©Siamsinna leh Vakiangbu

By: Vz Vualnam Itna toh a mit uah na en a Himahleh nang a ding itna huai ah a omkei. A mittang kilawm sung uh na zong a Na itna khantawn in leng a hong kilehkei ding! Bang hang ahia? Kan ke'n la, sui sam ke'n. Lei leh van ah dawnna a omkei! Kha khenkhatte tua bang ding a Vaang in a namkip ahi uh- It napi a itthuk louh ding! A kha uh naa sa in a vul ding a A lungtang uh thawmhau in a mau ding hi. Lah koimah ah damna a omkei! Tua bang thuak ding a Vaang in a hon namkip leh Na khaa pet inla, thuak in. Van a pan hiam panpihna lam-en ke'n. Lei a pan leng a hong paikei ding! Nang loungal hon panpih ding a omkei! Itna toh a mit ua na et a Huai a nang a dia itna na muhleh Na nuntak lai sung teng tua mit ah Khasiatna mittui luangsak hetke'n! ©Siamsinna leh Vakiangbu

By: Vz Vualnam N'on nialna kumkhua sawtta e Mel muhlouh kumkhua sawtta e Tonghoulouh kumkhua sawtta e Hizong ngaih aw sinlai guuk ah Heisa bang na paal lai hi e Damtui bang na vung lai hi e Sawl bang vul nawnlou ding a aw Tui bang kang nawnlou ding hi e Lia tam siang ah laitual leng ve'ng Sinlai guuk a nang suan ding Simlei ah dawn bang tuak maw'ng e Singdang toh um bang ka khawl zong Sinlai ah nang hon khawl ing e Lai ah naa e tem bang deih aw Bang di'n deihbel k'on loulah hiam Tung sianmang in a hal hiam aw Lenkum tutkhawllou in luang Khankhua sunni hong kaita e Nuhthai laak ding in samlai e Sinlai guuk a nang thaam hal in Singdang toh duang khat suak ngam la'ng Ka sinlai gial bang khing hi e Machiang khankhua ding geel ngam la'ng Kulsin dawngkot lah hong ngam lang Nunnuam! Nunnuam! Sakmin ngaih aw Lohchimlouh, suanchimlouh ngaih aw Nang na sakmin ngaih dungsun in Simlei ah nunkhua hong nuam aw It leh ngaih lii bang ching in Khansawt zil in ho

By: Vz Vualnam (In the style of Persian mystic poetry….) Ka sih chia'n hon kahkei un Kokhuk mial a pai dek ka hikei Itna thuukpen ngah dek ka hizaw! Leitung a ka ngah zohlouh! Itna lou in hiai leitung Gamkeu bang ahi a Huai ah kua a teng ut dia Tuiduh-dangtaak a mau di'n. Liimliah ding singkung a omkei a Phawnghalh ding vasa a haamkei Nite a liam zungzung a Tawldamna koi ah a om dia! Ka sih chia'n hon kahkei un Kokhuk mial a paidek ka hikei Itna khumpen ngah dek ka hizaw! Leitung a ka ngah zohlouh! Hon kah zaw un, ka nuntak lai in Hon khasiat unla, hon lainat un Ka deih itna ka ngah zoutakei! Khamuanna koi ah a om dia! Pathian zong a toltente bang in Itna zong in ka tolten a Itna ka zon bang in Pathian zong leng Mosi bang in Pathian ka naineh ta ding! Ah! Bang dia hon lehngat na hia Toupa? Nang lah itna na hi ngal a! Bang dia itna zong a vakvai nungngat na hia? Nang na nungngat kua'n a huai mahmah dia! Ka sih chia'n hon kahkei un Kokhuk mial a p

By: Kap Lian Guite Tulai khovel a changkang dungzui in ilungsim le a changkang a, i nekzonna uhle achangkang mah2, mipil- milian le akitam a, mahni thukia deih le akitam a, azawng ahau kal ahle kidei danna a lian mah2. Gen ne neuh d chi le gensenglouh d khop in khovel thil a buuk kaak theih hi. Kum bang zah hiam paita apat mi kua hiam in Kha lam halhthakna amuh chiah Ki GOS SAK/a spelling chet le theikhang. Chih thumal izat uh le khollak pau hong suak hi. Ei lam mite ipai uh mah le ahi, vaite chi sese le amaute bang a ki pahtawi siam ihi kei ua, huai naak sang a kidemna, ki kaihniam nalam i pibawl jo uhi. Huai i khan moh bawk uh le ahi. Namdangte tung a nasiam/ikam siam tuk in eimi lak ale siam le tua sang in iki vawksang jotham di uh. Khalam thil ah enzualle, mi kuahiam khat in Khalam kipahna/halhthakna a neih le eh zeih de tu'n aki GOS sak lona a bngtan daih tuankente ei le huchi kha ngei thou enle sawt i daihke aman le daih tuan kente.lungsim ah gilou suangtuahna ngen ho

By: Vz Vualnam Pheiphung khailou vaimang' baanzaal Tuanglam a damtui bang luang aw Tang kei a'n a lawmlou sa'ng e Chik a lam di'n kiging la'ng e Sian in siam bang ei siam a aw Pupa' lamlouh vaimang' baanzaal Huang ah sawmsial bang a kual e Phung in bahkhipha bang veel e Tulkuan zuapa zaitha kiamkuan Lenkum luangtam simzawn zil sa Tomte hautawi zilsak nuam ing Vuallai pak bang tawi nuam ing e Simzawn siah bang niangsa tuunnu Tomte hauta zilsak nuam ing Khohlou tuanglam pheiphung suan ngilh Vaimang' baanzaal vaang zou hen aw Sian in machiang huai zel hen aw Ziat leh vei ah khiang dih hen aw A vaang ning bang zohna langlam Kumsawt nunnop guitung hen aw ©Siamsinna leh Vakiangbu

By: Vz Vualnam Vangkho seisang zingvai hawm zatamte Suihlung chiim bang a chiim chiat ding sa'ng e Sinlai va bang a pil chiat ding sa'ng e Ginlouh sinlai sok bang mawk tam ta e Vangkho miza'n deih a chi bang i teel Sum bang biak dia i teel a hiam chi'ng e Khangsum bang biak ding hilou a vual aw Sik a simthu sa dia teel hi ngawn e Sik a simthu sa dia chi bang teeltuam Mal bang kouh a i siang lai hong len ni'n Lunta chi'n sum bang bekei ve ni e Simthu sak ding houlung kumzaw ni e Vangkho mi zata' baanzaal a siamsa Lunta chi a sum bang i biak leh aw Selungmawl vaimang in zong a baanzaal Tung sianmang chi'n sum bang bia hi e Bilh bang thou ta ni e seisang zata Chi bang teelte'n i simthu a nial leh Zingchia'n deihlouh tualkhiat in khia ni e I simthu sa ding a pha zong ni e Sesum lamtam i ngaih man in vual aw Lallou lal in bawl tapeuhkei ni e Nuachiang ginlouh henkol khai na'ng hi e Henkol khai a nunnuam mi omlou e Henkol a khai

By: Vz Vualnam Nungak in khamtheih goih tangval a it bang in Ka hinna tengteng in ka honna it a A itna a pan kitungkhe zoulou nungak bang in Ka hon itna a pan ka kitungkhe zoukei. A tangvalpa khamtheih kol ah a taang a Amah a tangvalpa itna kol ah a taang. Mi lak ah a zumzeel a, a liahkhuh a Mite'n a nuihsan lai un leng ama a di'n zaw Itpen, lainat pen, ngaihpen; lungmuanna! Mite' a di'n gitlouh tehpihna ahi a Ama a di'n itna tehpihna! Mite' a di'n patauhna ahi a Ama a di'n khamuanna! A itluat ziak in nikhat tei Kihei a kibawlhoih di'n a lam-en a Himahleh kum teng in a thawn gige. Bangtan vei ngak lai ding ahia? Ngakna ding tha neilai ding ahiam? Mite'n mihainu a chi ua Hilhtheihlouhnu a chi uh. Bang di'n a thuzoh mah ding ua, A hinna tengteng a it hive'n! Ka it! Ka it! Khanglou inla, hong kihei in Nisim in khomuallam k'on mitsuan. Kum hiai tan k'on lam-etna vuaksuaksak ke'n! Ittaak, muantaak, belhtaak hong hi in. Aw Zog

By: Vz Vualnam Nungak' kiang ah k'on it chi le teh It himhim a hon neikei ding. A tunung ding ngaihsun hetlou in A neih teng uh a hon pekhin ding uh. Pasalte'n hiai thuguuk a theih uh Leitung in a lunggimpih! A kingai kichi taphot in Meh chep in a chiam thapai uh. Nou kia a chiam ut kisa na'i umaw! Mi dang chiamsak nungak khat kiang a 'Kei le hon chiamsak sam in,' ka chih leh 'Zaktamoh! Ka hai nawnkei! Ka pil ta! Chep maimai di'n ka kiphalkei,' Chi in mangpha a hon khak! Itna suanlam a va zuante' a di'n Phal tak in ana leem ua Thutak masuan a va zuan kei a di'n Angnem nangawn phallou in, Zaktamoh pa! a hon chi uh. Ke'n leng itna suanlam leng Phal tak a leem ding uh hive'n! Khatvei a chep nung uh Nihvei chep bang a poi a? Thumvei? A'ihkaleh pil baih deuh uh henla Khatvei le ana chiamkei vanglak le uh! ©Siamsinna leh Vakiangbu

By: Vz Vualnam Hiai leitung a mi khat kia na piak theih Huai thil kua tan di'n a kilawmpen a? A tang ding a kilawmpen a na theih Huai mi'n tangkhalou di'n a omkha hia? Hinkhua ah itna a hong suak baih a Itna'n ki-etlahna a hon tonpih. Ki-etlahna'n itna vun a silh a A tup tangtun ding in a hon tonpih. Huai lampi a pan na kiheikeileh Kisikna khitui in a hon zui ding. Hon pite'n hon nuse dia himahleh Khitui in a hon nusekei hial ding. Den chia'n a tang ding mi a hong pai dia Amai a na di'n chia'n bang na gen dia! ©Siamsinna leh Vakiangbu

By: Vz Vualnam Ka lawm ka vual' lunggulh khopi kilawm; A sung a na-aphuai thil tengteng toh. Kei' lunggulh mualdawn zou vot et a lawm; Luita luangging leh vasa' ham ging toh. Zu inn bengseng ah lungkimna mu ua; Huihnin leh meikhu lak ah tawldamna. Mualdawn luita kei' lungkimna hi a; Huihkhi leh singliim kei' dia tawldamna. Kawl sang tung ah vualzohna ka mu a; Guam thuuk leh mial ngemngom ah hansanna. Huai munte khawng ah vual ka engkei a; Huai mun khawng ahi kei' dia khamuanna. Den chia khakia kulsin ka zal chia'n leng Mualdawn tulsing saang bang ka pou nuam hi! ©Siamsinna leh Vakiangbu

By: Vz Vualnam Paite! Paite! Chi'a khuai bang i haan Khuai bang haanna vang i khualai ah Paite haam chiim in i luangmoh e Theisen haam zil i bang ngawn hi e Paite sakmin an bang i it leh Laizom nen bang niilkei ve ni e Paite sakmin lawi bang a than na'n Simthu-zaila'n paak bang tawi ni e Singta'n simthu-zaila'n a haam zuun Siamsin seinoute'n khau bang suut hang En zong simthu-zaila'n zuun ve ni Zata' khau bang suut ding hual ve ni Paite an bang it zatam lai ah Shakespeare dungsun mim bang piangmoh e Paite siallum sung kei bang gialte Rumi siing ding koi a hei hiam aw Paite! Paite! Chi'a khuai bang i laan Phamta leng i tong gam bang dai ding Thaikawi a pha khau bang hual le hang Khangsawn dong a i tong luang ding aw Paite! Paite! Chi'n maimuk kia'n e Zanchiang u bang haam nawnkei ni e I sik a va bang pau ding lawm aw Simthu-zaila khau bang hual ni e Tang kei a'n sakmin lohna Paite Sinlai ah simsing bang gillou e Hizong s

By ~ Chin za.   Nikhat kei kia in inn ah ka om hi. Sungkuan te'n lah khual hon zin san vek uh ahih man in ka thawmhau sim mahmah hi. Pawt khiak mawk dia lah inn ngak dia hon nutsiat uh ahih jiak in ka Pawt khe theikei hi. Innkim innkiang te light vaak phengphung mah leh kou a bel electric pailouh ni mahbang in mial in a mial maimah hi. Bangdang jiak hilou in a sum sunlouh jiak ahih dan zong ka haih tuankei thei mahleng sum omlou chu bangloh tuan di..?? Huai nitak sum ka neihlouh jiak in vaak in hon taisan a mial hon leengla hi. Ei zong vaak zoukei mah leng 'Vaaktate' a ki hih himhim jiak in khomial toh omkhawm nuamsa lou in ka lupsan geih hi. Huai nitak chiah chu electric kichi kei a di'n MAN NA BEI taktak ahi.  Electric vaak lou himhim hi leh bel thutuam midang a vaak a kou a vaak lou tuamse ngoh ding dang om tuan lou sesum semsum tung ah ngohna mulkim Huai pen in ka ngoh suk maive. A diktak in zaw huai electric ngolh jiak a sum pentak va ngoh na ding thu zon