KHRISTIAN KIDAWMIN

Written by: Tha Suante

Bang hangin maw? Khristiante a puk zel manin, Khris suangpi tung ahi lo, upna maanlo suang phumah mi tampi lampial uhi. Lai Siangtho pen Pasian lamlahna toh hong kipia hi napi in,tua sangin anau ngaihsutna,deihna thupi sakzaw in,mi tampi lampial uhi.

Topa hong pai hun ding hong nai ta ahih manin,"Mite in thumaan a ngaih noploh hun,amaute deihna bek azuih nop hun, amaite zaknop thute beh agen ding sia a cial thuahthuah hun hong tung hi." (Tim.4:3)acih hun hong tung hita hi.

"Bang hang hiam cih leh Khris a kineih khemte leh kamsang a kineih khemte hong piang ding a, ahih zawh leh a teelsa mite nangawn a khemna ding un lim leh na lamdang lianpipi hong bawl ding uhi. A hun ma in hong gen kholkhin ka hih manin limtak in kidawm un."(Math.24:24,25) Tua ahih manin Khriatian kidawm in.

Tuhun a dingin Pasian azat thuhilh mi,muhkholhna nei,na lamdang bawltheihna nei, Kamsangte nei ding hi cih um kawmin,atak sungah a kineih khemte om ding hi.

Bang hang hiam icih leh,"Topa in, keimahin sawlkhia lo napi in tua kamsangte kuankhia teitei uh hi. Thu bangmah ka gen lohpi, kei min paulamin thu a gen mawkmawk uh hi."(Jer.23:21) Tua ahih manin Khristian kidawmin.

Tuhun in zong tua bang mute hongpiang ding hi. Tu ciangciang biakna ah suakta in, i utuh in iom thei lai a i hampha mahmah hi. I suahtakna mawhna selna izat ding lauhuai hi. Mihing sia leh pha theihna in zong cingtaaklo ahi a cih theih ding-biakna paulap a kikhopna, na sepna hong tam sem sem in,hong tam deuhdeuh ding hi. Tua ahih manin Khristian kidawmin.

Tuhun pen mawllai hi nawn loin,pil hun,ciimhun hita hi. Mi gen khempeuh up pahpah,zuih pahpah hun hi nawn lo hi. Miten evidence na deih ta hi. Tuhun leitungin,"Evidence that demand a verdict,"na cita hi. Na gen khem peuh min um dingin ngaihsun kha kei in. Pasian om takpi hi, tuzan zong kikhol ung. Lai Siangtho ah kigelh hi cih toh hi thei nawn lo hi. Bang a Lai Siangtho?

Bang a Lai Siangtho? Bang ci kigelh? Bang a Pasian thu ahihna? A kigelh khempeuh dik hiam? Bangci hilhcet ding? Bang ci sut ding? Mite kisap hita hi. Ei bang kisam? "Thesalonika khua mite sangin Berea khua mite in mipi lungsim neizaw uhi. Amaute in lawp mahmah na toh Paul thugente ngai uh a, Paul thugente maan taktak hiam ci in a theih na ding un nisim Lai Siangtho sim uh hi.(Sawl.7:11) Pasian thu iluansak zia kibang kim lo hi. Ahi zongin Pasian deihna, Pasian thu kikhel ngei lo hi." Sing cidamte in gensia gah ngeilo a,sing kung cidam lote in gah hoih gah ngei lo hi." (Math. 7:18) tua ahih manin Khristian kidawmin.

Leitung thupiang,khalam thupiangte a piang ding maha Lai Siangtho in a gensa ahi hi. " Note kiangah kong gen nop thu in, hih mite bang mah cih kei unla, hici omsak lel un. Mihingte bawltawm vaihawmna ahih leh ama thu in hong bei lel ding hi. Ahi zongin Pasian kiang panin a hong pai thu ahih leh na zozo ngei kei ding uh hi.(Sawl.5:38,39)

Hih leitung buhtak leh tahum kikhenkhia nai lo hi. Tua ahih manin tengkhawm,semkhawm ding mah ahi hi."Tua ahih manin mi tampi in, Topa,Topa aw, nangma min toh thuhilhin, nangma min toh dawite hawlkhia in, nangma min toh na lamdang lian tampi bawl hilo ka hi uh hiam?'hong ci ding uh hi. Topa in' Note ka hong thei ngei kei hi. Siatna a gamta mite aw, kei kiang panin kihemkhia un,'hong cih ding lauhuai hi. Tua ahih manin Khristian kidawmin.

©Siamsinna leh Vakiangbu