NGILHMAWH NUNLUI

Lettu - Piangding Kopsiam.

Nikhat ni chiang in na lunglen luat ziak in na lawm ngaih mah+ te na lungsim ah hong lang di ua, na kigin lawk ziak hi chuanglou in a sulnung te uh leh na hunluite uh na ngaihtuahna ah hong thak nawn di ua. Chiang vaklou lah muhtheih si in na kipah hunte uh, lungkhamna leh hun kipahhuai pen a pang haksatpen hun tanpha in a hong thak nawn di. Ngai vong+ kawmin sapkik theih louh di pen sapkik theih hileh maw, chi in na suangtuah gu veng+ dia, zan zek a thiltung bang mai in a-khen te na lungsim ah a tham den di ua. Hihtheih nei silou in khawhar lunglenna te haksa sasim pi in nuam nasa di, a ziak chu maw, hunlui deihhuai, lawmpolh te tawh kipahni theih gige taak na neih ziak ahi.
"Mangpha" chi a na khakliam manlouh te teng tawh na mitkhaah hong lang thak nawn di ua, a min na theih nawnlouh te teng tawh a vek un na lunglenna a behlap di. Siamtu lemgel bang ngei-in khenna gamah i teng miau si ua, sapkik zawhlouh di himahleh na samkik zel dia,a
hon liamsan hunlai te phawk in na kipah hunlai nite uh na nuihpih ngei di. Huai hunlai zaw chi in na sui kik lou thei kei dia, haksatna na thuak mualsuah dan te pen hunlui ngaihhuai leh genchim theihlouh tangthu hing a suak ta di. 

Sotlou limkha a na nuihkhawm hua+ lai te uh hong lang dia, suangtuahna mitkha in hon umzui dia, hunlui tampi te hon theisuah sak zawmah lai di.
A beita, a mangta, mitkha, limkha, suangtuahna leh lungsim bakah atak gam a tung nawn sin si kei.
"Siamtu hileng chu ka samkik ngei di" chi a na khiaklah bik hun te teng tawh mual hon liamsan vek di ua.
Kipah hunte pen limkha ah, huchi bang bawk in limkha pen mitkha ah, mitkha te teng suangtuahna ah, huchi bang zelin zawi+ in hon liampih dia, kumtam kivei leh le na mangngilh phal tuan kei di. Khatvei kia chi a deihthusam te a tangtun theih nawnlouh laiin le kipah hun tampi te pen tamveipi hong tungkik leh chi in khelah kawm tak a na vuiliam a ngai awm si dia.
Bangchik chiang hiam in, a min na sap theih nawn chiah si louh, na siamsinna inn ua na lawmlui ahi chih thei kawm napi in, 'na hoih zel maw.?' chi in na paipel dia, a khen te'n sihna hanmual lam hon zawtsan ta di ua, akhen te'n zi leh pasal hon neihsan di ua, a dang te lah melmuhni chih awm ngei nawnlou din mual zatam in hon khen ta ding hi.
Denchiang in zaw sangse nu a hong hi di ua, nikhat ni chiang in pi leh pu chi a min vawh ahi ta du.
Melmuhni hong tung mahleh le, nekzonna kibatlouh ziak in sawtpi houlim chih a awm thei nawn kei dia, second tawmchik sung na muh mai inle na hunlui uh na ngaih na a hong puang thak zel di.

'khenna gam ahi' chiin khawhei pen na dan zawhlouh ahi chih thei thou si in hunlui ah na teng nawn zel dia, lawmit te chanchin te teng tangthu bang mai in na gen dia, ngai em em in a tawp na di hilou in, KA LAWM IT TAK TE, DAMTAK IN AW chi in na gen hun hong tung di.
KA LAWM IT TAK TE, DAMTAK IN AW chi-a na hakliam hun hong tung ngei di…

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more