MIZAWNG MIGENTHEI KAHI CIIN KINGAISIA HET KEN NANG HON SIAM PA'N HON DOP SANG NI HONG TUNG TEITEI DING AHI

By: Minncy Sektak

Keibang a migenthei leh mivangsia ka lawmte lak ah om di'n ka gingta kei kei bel innkuan hausa innsung apan puang kahi zenzen kei a mizawng migenthei nikhat a nektawm di lel le neizoulou tek innsung apan piang khia kahi zaw,,ka lawm thuah te bel innkuan hausa leh neizoutak ngen ahi ua aduh adeih peuhmah uh leizoh louh anei kei uhi,ka lawmte bel school hoih penpen te ah kai in uniform hoih penpen te asilh ua school kai akuan di chiang bang un gari hoih penpen te in anu le pate un ava kha zel uhi,,kei bel school hoih te ah ka kai zoh na di cu lei leh vaan toh aki khai,govt school fee omlouh na ah ka kaitou nimnem hi school lut tuung in uniform khat hong pia ua huaicu kum tawp tan set di ahimai,school kai ka kuan di chiang a ka zat dia hon siampa'n ahong piak two wheeler hoihtak thautui beithei ngeilou petrol thun ngai sese lou kanei a huai in ka kuan chenchen zel hi,,lampi pucca road hoihlou phok nepnop lak ah katai khak chiang in kei gari sang a hoih zaw aza asim gari te'n kawlphia(lightning) bang mai hong tai kheng vulvul zel ua amau nung ah apetrol khu utoh aleivui khu toh ka thuak kang siksek zel a smart tak a school tung nak sang in niin nemnom leh baal nemnom in school ka tung zel hi,,school kai tawp ka kiklam chiang inleng zingkal school kai dia ka kuan a ka thuak teng mah sialpi vuah thuak tou ngiitngeet in inn ka tung kik zel hi,,kum khat(1year) daih dia uniform hin piak uh kha nih (2 months) leng adaih takei hi mobile phone ah virus atam luat chiang in asia zel a huaimah bang in ka uniform 1year guranteed dia hon piak uh hina zen pi petrol khu toh leivui khu toh aki mix khop chiang in asa in athuak zou kei a siatlouh ngal lapi dang omlou ahihman in ja uniform shoe bang khe khii bang mai in akek phemphom a ,huci mah bang in ka shirt leng ahi bok athak lei di ci leng lah aleina di sum omlou sum koi ah la di? khui(stitching) louh ngal kei adi'n upai omkei ciin khui theih dandan in ka khui nimnem a huciin school ka kaitou nimnem hi,school kai tawp chiang bang in lawmte toh ki tuah khak ding khong lau in mi omlouh nadeuh mi pai ngeilouh nadeuh lampi te ah kapai zel a huciin kum bangzah hiam mawng mawng haksatakleh gentheitak a hinkhua kon zat touh nung in pathian panpih na zaal in class x bang kon zou tou thei nimnem hi,,,Ka neulai cileng school ka kai theih tuung in ka nuu(mother) in bawi nang cu officer ding nahi aww hong ci zel a kei bel officer ching di'n kaki lamen himhim kei officer utlou kahi zenzen kei a ka ut pe'n leng ahi nuu aw tulai khovel ah eii mizawng sum le paai neizoulou te adi'n officer chingzoh na di himhim omkei huai sang in class x kazoh chiah ka lunglut nalam ah kapi zaw di ciin ka ngen zel hi.

Nuu aww tulai khovel ah ei mizawng sum le paai nei zouloute adi'n officer ching zoh nadi himhim omkei huai sang in class x kazoh chiang in ka lunglut nalam ah kapai zaw ding ciin ka gen zel hi,,,mibang a laisiam vekvuk a sangpi ah class x zou kahi zenzen kei a second div lel a class x zoukhia ka hihi,maban ah college te sunzom ding ci leng lah sum le paai neih leh lam kou innkuan in bangmah ka neikei ua college a admission bawl nadi lel leng sutuah zoulou kahi uhi,,tulai nu le pate'n neilou sasa in haksa sapipi in tate mikhat bek hong suak leh chih deih in school/college te ah chawm lahlah in ichawm tou ua tuailai graduate zou 100% lak ah 80% te sepna mumal neilou leh khamtheih sal atang innkuan sung subuai nu le pa lunggim saktu tampi omdin ka um hi,,,kei ka mihoih ka chihna bel ahi tuan kei a hiailam gen utlua zong kahi tuan samkei keimah past life gen nuam ka hi zaw ,,ken bel siamna bangmah kanei kei mibang a graduate zou a siamna sangpi nei leng ka hituan sam kei ,,innkuan khosak haksatna ziak in class x kazoh apat gamdang ah sum le paai te zong di'n in kana kuan khia hi pau leh haam theih louh nagam meltheih neihlouh nagam ah ihon khosak hial chiang in zaw abeidot huai petmah a achang in ka kingaisia vungvung hial hi,,keimah pianna khua a ka mi leh sate kapau kibatpih te toh nunnuam ngabang leeng khawm diamdiam a nuihchiam ka leel khawm lai nite khong uh lung in hong lang zel a huai nite khong sapkik theih hileh chih ka ut petmah hi,hiai khovel ah haksasatak lunggimtak leh beidongtak in na om maww?????na haksat hun na lunggim hun a nang hon panpih dia mansa a om gige JESU om ahi chih manghilh kei in aww lametna bei zong Jesu ah lametna om hi na mailam hun ding leh na nuntakna khempeuh Jesu kiang pia lecin na lung nuam ding hi,,hiai laa bang kei hinkhua toh kituak kasa petmah a kei adi biik a aphuak pa'n ana phuah adia aw kaci hial hi,Jesu in tagah migenthei leh mi beidong tawpkhok te adia paa(father) ka hi achih mah bang in haksa katuah hun beidotnate lungkham nate ka tuah hun in amah kiang katun masa zel hi,pathian in ka mangbatna ka beidotna aww te zaa in tuni chiang in khosak nalam ah lawm leh vual te eng tuntun in ka khosa nawn kei a innkuan khosak nuamlua a khosa hikei mahle ung pathian panpihna in mi englua in ka khosa nawn kei uhi.......

Thoughts;;:Tulai nu le pate'n itate uh mikhat tei suahsak di officer bek hihsak di chih itup pipen uh ahi,neilou sasa in haksa sapipi in siamsinna lou ngal nek leh taak zontheihna omlou sa in chawm lahlah in itate uh ichawm tou ua college te bang hon zoutou ua hong graduate khia ua ahinlah atamzaw te'n sepna mumal neilou leh khosung a vaakvai ituailai te atam zaw omdin ka um hi,tulai khovel achangkang dungzui in nek leh taak zontheihna lampi cituam tuam om hi khutsiam thilbawl chih bang games and sports lam ah football chih te,Company hoihtaktak banah,,army chih khong leh adang dang tampi om hi siamsinna poimohlou ahi zenzen kei a ken leng poimoh kasa petmah hi,himahleh tulai khovel iet chiang in sum duhna nekguuk taakgukna khat leh khat kinek tuah na in akidim ta a,laisiam mahmah khat in sepna hoihtak leh liantak amuh hangin sum asun zoh keileh achaan himai laisiam hetlou khat in sum ahauh ziak in sepna hoihpi bang aneithei thepthup zel hi...….

©Siamsinna leh Vakiangbu