KUM NGA HII

By: Vz Vualnam
Pi leh pute’n a theihphaaklouh uh
Kum nga hii a hong laang nawnta!
Hipi kihtaakhuai, hipi mulkimhuai!
Tampi a loh khin man zel a
Uihai bang in a chiak vengvung uh!
Sisan bang zah a luang geet dia?
Luang bang zah a kikham geet dia?
Hankuang suisa in koih unla
Han tou di’n mansa in om un!
Tuuk mei vom ngeingoi bang in
Hipi lah a hong nai ngal a!
Hiai hipi thuaklel in
Thuneihna deihte a hong kamsiam ding ua
Sum-le-pai lunggulhte a hong sumphal ding uh.
Sum-le-pai deihtaak ziak in
Mizawngte’n a va naih ding ua
Huai hii a hong kai chiang un
Khamtheih goih bang a hong hi ding ua
Sia-le-pha a thei nawntakei ding uh.
Hamphatna zong mite’n
Huai hii a hon paai ding ua
Kau keih bang in a pau ding uh.
Lamka tanu, na tung a gik hi!
Na pa lah a suaktakei dia,
Na nu leng hawi in a omkei ding.
Na innsung ah a suakta himhim a omkei ding!
Huai hun chiang in hichi a hong hi ding-
Manpha hi a a seh tengteng uh,
Thilhoih hi a a seh tengteng uh,
Bangmahlou a suah ding uh.
A kithutuahna uh,
A kipumkhatna uh,
A ki-itna uh,
A kikhotuahna uh,
A lampite ua leivui bang in
Huih in a muutdalh ding!
A deihlam peuhmah uh
A pathian’ uh deihlam a chi ding ua
A deihlouhlam peuhmah uh
A pathian’ uh deihlouhlam a chi ding uh.
Pathian’ deih leh deihlouh khen di’n
Amaute’n lungtang siangthou
A nei nawnkei uh chih a pom nuamkei uh.
Pathian a sam chiat ding ua
Dawimangpa’n a dawng ding!
Nang zaw tua bang hii paai a
Kholai a haivaak di’n kiphal ke’n.
Nang zaw tua bang hii paai a
Kholai a kikoute’ khemzoh in om ke’n.
Kum tampi a kikouta ua
A awlmoh leh khotuah uh tagah-meithaite
Nawlkhin leh limsaklouh in a om lailai uh.
Khantouhna a tangkoupih khempeuh ua
Lamlai a hawktui nangawn a khikhe zoukei uh.
Hai nuam ke’n la, khem in om nuam ke’n.
Den chia’n dam bang in a hong kilang ding ua,
Himahleh a hii un a nosekei ding.
Kum nga a hong ching dia,
A natna uh a hong puang ding!
Kikhepkhiatsan inla, kidangkoih in.
Nang ziak in hiai hii khaam hi henla
Nang ziak in hiai hii sukmih hi hen.
Nang ziak in na khua-le-tui bit hen!

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more