NGALLIAM KHAKIA' TUNG AH: TUUN KAHTAM

By: Vz Vualnam
Mim bang bualna lengvan khuamual pa’n
Von aw vangkhua n’on don na’m maw
Nungchiang ngaihlouhna vangkho nuam pa’n
Von aw na tuun n’on sial na’m maw
Zang leh zou kaal ah e von deih aw
Simthu mei bang ziing lai hi e
Simthu mei bang ziing nuai ah aw
Tuun in von luang sial lah ngawn ing
I tung solnou al bang a man in
Von luang kulsin ka sial ding sa’ng
I tung solnou puan bang hong thak in
Khohlou ah ka hei nawn ding sa’ng
Solkha zatam al bang mangta e
Von luang kulsin zalmoh hi e
Khohlou mazap kiaklouh zingta e
Tuun in von luang khen ngam la’ng e
Kawlni hai bang na ngakngak ing e
Kotkawl a hon taanta ding sa’ng
Kotkawl hon taanta ding ka sak kaal in
Lenkum luangkhat liam zouta e
Phung simthu lei bang leelte aw
Khuamual suah na’ng nailou hiam aw
Zoulei khankhua lou bang khualte aw
Phamte tutkhawllou lai ding maw
Von aw laukha selou dih ve aw
Phamte zong tutkhawl theilou e
Pham nua’n kei bang na giallai a aw
Zata’n na suul a chiam hi e
Si leh hingte’n simthu i leel zong
Leel simthu khau bang noklai e
Si leh hingte’n dai bang i nawk zong
Lal leidou khuam bang kiplai e
Lal leidou khuam bang a kipna di’n
Laizom chiamna dangzou hi e
Hawm simthu pat bang a neemna di’n
Laizom in pal bang nang hi e
Lungliapkei ni e kamkei’ laitan
Tuan a pupa ngilhkei ni e
Chiamna peelte’n pal bang nang hen aw
Kamkei in machiang suan hen aw
Solkha hong kivei lai ding hiam aw
Lenkum kiheek lai ding hiam aw
Ka siallou e machiang suan ni e
Lungtup khuamual suah dih ni e
Lenkum kivei tum bang i vuai leh
Seinoute’n gia bang zom hen aw
Hai bang ngak kha i phamleh von toh
Sinkuang khat a zalkhawm ding aw
Na tuun’ tuanglam sau e von deih aw
Laukha zaitha na neemlou aw
Nikhat sunni’n lenkawl hon taan dia
Sakluang munmuangta ding hi e
Lengvan khuasuakmual nuam ah von aw
Na tuun hai bang na ngakngak aw
Zolei simthu mei bang a then chia’n
Simthu leel di’n hong suak ning e

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more