KA AW NEEM
By: Vz Vualnam
Ka aw neem teng mikhualte ka pia a
Ka aw khauh leh gum teng ka innkuante ka pia.
Ka migiitna veng leh paamte ka khol a
Ka gitlouh leh lungtom ka innkuante.
Ka sumphalna ka lawmte’n a mu ua
Ka sumchiilna ka tanau lainate’n.
Ka thanopna khotaang in a mu ua
Ka thadah leh thazoi ka sungkuante’n.
Kuate’n koipen tan kilawmzaw ahia,
Deihhuaipen leh deihhuailoupen tuaktuak!
A beina tuak hileh kua ka pe dia
Deihhuaizaw leh deihhuailouzaw tuaktuak!
A beina beek pilvangtak in pe le’ng,
Ka luang kiim ah kuamah khasekei leh!
Ka aw khauh leh gum teng ka innkuante ka pia.
Ka migiitna veng leh paamte ka khol a
Ka gitlouh leh lungtom ka innkuante.
Ka sumphalna ka lawmte’n a mu ua
Ka sumchiilna ka tanau lainate’n.
Ka thanopna khotaang in a mu ua
Ka thadah leh thazoi ka sungkuante’n.
Kuate’n koipen tan kilawmzaw ahia,
Deihhuaipen leh deihhuailoupen tuaktuak!
A beina tuak hileh kua ka pe dia
Deihhuaizaw leh deihhuailouzaw tuaktuak!
A beina beek pilvangtak in pe le’ng,
Ka luang kiim ah kuamah khasekei leh!
©Siamsinna leh Vakiangbu
Comments
Post a Comment