31st AUGUST 2015

Written by ~ Suan Lian Mang Ngaihte

Nitaklam thoveng leh lunglen huai di khop in dak 2 khong in hih di Mel thei lou in inn ah ka lup hiuhiau lai in,I sintang MLA te un suai ana kai ta uh chih thu social media tuamtuam apat in ka hong mu ta hi. Kei bel mi pil lua vak lou ka hih man in mipi reaction et in heh leh thangpaihna ana thei Sam ka hih man in ka na heh dek gemgam Sam hi.

Hu chia thadah tak a ka lup lai in mipi hong pai tou souh² Thom ka za a,kei le thuduh chih mah tak ka va dak khe heuhou pah hi.WhatsApp a ka thumuh leh meltheih khen khat om kha te kiang ah ka thukan na pan in MLA te inn hal som uh ahih Dan ka hon thei ta hi.Activities ki chi him him lunglut luat a ka na neih khak louh bilbel hang in ka va zui pah kei hi.Nitaklam dak 4 Kim lak vel in New Lamka area a ki om ahih man in mipi husa a hong ngaih deuh deuh ziakin ka hawkdak na ki dek zou non lou in Rayburn gei a inn ki hal ah ka va daak khe tou Sam hi.Mipi te gamtat Dan in bel a thangpaih huai Dan a Chiang khop mai,a innsung apan hal theih chikim a hong Dom pot ua, Lampi lai ah phalbi lai hi leh awi ut huai tuntun di khop a kuangpha in hong ki hal zungzung hi.

Naupang chik hih lai ziak mah in mipi hulum in tha a hong tok thou a,ken zong hih theih bang bang ka na hih Sam hi. Huai mun mah ah Salpha H.Paulianmang ka mu a,aman bel a tal a dial(scarf) a gaak a, puannak liangkhai a silh hi.

Ka houpih a "Mang che na chia le" ka chih leh Aman"tunitak chu chet gop di hi mai" chi in hong dawng thuk a,mak ka sa top ahi.Ken bel ka na ngaihsang leh etton mahmah khat ahih na ah, a omdan ka ngaihsang mahmah lak a khat bel nungak tangval tam pi te school kai di a kuan Chiang bang un(kei le ka hi bok) talab chih bang school leh eimah a dia deih huai lou thil te ki po gu sese hi,aman bel a kuan dek chiangin a nu kiangah a Center Fresh man di ngen zel leh zu leh sa a ana ki bual vetlou khangno(tuailai) ana hi zaw mah hi.

MLA khat inn hal zoh ahih tak ziak in a ban ah MLA Vungzagin innlam manoh in mipi tamtak ,MLA ana Len te lampi bawl hoihtak leh vui khu lak ah suang bang a ki sui kha nepnep kom in ki pai tou nainai hi. Amun a ki tun in a Mel et Dan in bel thanop huai mah mah mai hi ahang bel mipi te sum a hoihtak a ki puahman lou ahih manin kat(burn) baih chi Mel mahmah hi.A hal hong ki panta chu a kaang nasia tham mah ei,innkhang te uh inn leh sawm di lauh ziak a huai mun ah a phelh dia ki gingsa a om le hunkhop ana om uh a,a hal te a ding in bel nuam mahmah ,a polam a dingkha ka hih man in suang tawm in,innbang tou Mel lou chikchik tile a ki bawl ka Deng neknek Sam hi.Huai mun le hal zoh a om non ahih manin mipi thangpai teng MLAGinsuanhau inn lam zuan in ki pai non a.

Mi'n singkhuah khong,sikpum khong a toi chiat sim ua ken zong khut thawmhau sa in lamgei a Gopum sausim khat Kong toi neknak Sam a,sau bel ka toi peih het kei ,Ka paina ding uh ka tun un ana hal khin ua ,khanglam manoh in ka paisuak uh hi.

Nehrumarg junction bul ah kikai khom in ,ki chiau vengvung hi huai lak a Hmar te khat in a hong thu gen "midang I om kei uh I pankhom uh poimoh ahi ei singtangmi teng" chih ki zui mahmah mai hi huai nitak in,tun bel hal ding bei phot a bang a "mituam" simsim I bang ta uh.Ana changkang deuh a singtangpa ahih na pai zou uh hia ahih kei leh mahni aangsung kikhual lua ihi di uam bel ka thei bun kei.

Tangval thahat bang zah hiam in electric prepaid gui(wire) ki zan nailou te hong hal ua a am setset zezen ,nalh bang a nalh dek mok hi. Huchia ki punkhop lai in a saklam (Bulahlane) lam deuh hi leh ki lomtak in blank fire Government in mipi te kem bit dia a lak te'n a hong bawl ua, nidang a blank fire ana bawl Dan te uh sut in a siam mah mah uh,mihing awm(chest) nuailam kha thei din blank fire bang ana bawl thei tel uh.

Thaugin in bel mipi pai khom a sulau dek kei ,lauh naksang in hong tawt na uh tuk a ngai in thauginna lam ka ki delh huan uh hi.Ka tai touh tung un bel a ma dawk lam ah ka tai Sam hi,himah leh pumpi kithazoh lou di khop a thau ka hih man in ka ma dawk zou non kei a,a lai lak ah ka omkha ta. Lailam lei phak ma deuh ka tun un a malam a ten mipi lak a ong kap uh ahi a chih tak un a sak a khang a ka pial sauh sauh ua,Mi'n hinna subei thei thau a hon kap lai un mipi'n bel suang lian lou chikchik in ki Deng hi.

A kikap kha omta chih bang in hong kikou ua ,kei leng ka theihdan a muanhuai mahmah pan mun(lailam lei baang:ka khonung theih leh sing(wood)ana hi zomah) pan in ka tai khe dek a ka gei zek a khe kikap kha khat a hong om a lamlai sim a lumkha ahih manin a kap khak non ding uh lau in a nawl ah ka kai suk a,a khang a mi inn lutna bul kuak ah tamkhop in ka buai pih uh hi.Thau kap te lah khol som lou ahih man un ka kiangua langva gate frame hoihtak(sik)a ki bawl ahi a ka tot(kick) hong zoh louh ziakun a langva Lu in ka phuvang ua a liamte kaisuk in huai ah ka ki bu zek uhi.I mi I sa te gamsa bang a thau a hong kap government te tung ah ki khase mahmah a,khitui naptui toh a liam te thum huthut Zak leng a nuam pen ahi kei .Hu chih lai tak in a liam kha teng puak na di chi in Van khat mi phatuamngai tak in hon tawl khia a district hospital lam zuan in a kikap kha peumah leh panpih tu ding bang zah hiam a tai tou uhi.

Kou bel tang lakloh kha ka hi ua, ka ki bukna uah dak 10 lamtan bang daitak in ka om uh.

Huchin thawm hon veng tak in innlam zuan in lomte 2 toh ka pai ua, ki kha tuah in inn ka tun in 11 bang ana gingta hi.Nulla tui palkha a kawt di ka sak ka khe tuh ka kihah khiat dek leh sisan a kawt ana hi mai mah.Innlum ah lungmuang theilou in a ka om a ,ka lungsim ngaihtuah na a gamlek mahmah mai,a liam leh bai te ka mitkha ah ka mu a,I gam makai dia I muan mahmah te'n hinna taan tamtak I om lai un kamkhat mah leng a hong pau Sam kei uh.

Hiai nitak leh a ban ni bang zah hiam unau bang a Nam tampi I pankhop sung bel ,I movement uh mun dang ten a hong bildoh mahmah ua, Hat le a ki hat hi.

Himah leh hiai nitak chiamteh tham ching(singtangmite pankhop na masa pen hial dinga gintak) nisuak in a hong sel mang hiaihiai ta hi.Nisuah leh nitum bang tan hiam hong ki vei nung in bel iki gamla deuh deuh non ta ua, Tup leh ngim leng hiang (branch) bang zah hiam a hong ka khia hi.

Nang a ,kei a,kou a,amau a,amah a,chihte koih khe phot ni,

Paite,Simte,Zou,Vaiphei,Gangte,Hmar,Thadou chih te koih khe phot ni,

I GAM iitna MIT toh khua dak phot ni,

zang ding ahi. "TRIBAL UNITY" chi a I min voh uh a "

"Ei a" chi thei chiat leng I maban la
mY" koih khia in "UNIT" tuam in pai pai non kei ni , Pan la thak chiat ni unau te aw,

‌"LONG LIVE TRIBAL UNITY"

©Siamsinna leh Vakiangbu