AWLMOHHAU

Written by: Vualnam Chinza

Nu Dim taget lah kamtam hilou pau nuam, mi'n 'Kuamah kiang a na gen hetlouh di' chi a akiang a thuguk bang hiam a gen chiang ua "Koi mah a genlouh ding hon chi na a kon gen mai di" chia thil a tuah khak peuhmah iim guk neilou gen khiak sipsip chiing mi ahi.

A man tanu melhoih leh tangval te duangkuai ngeetnguut thum nei hi.

lam na khat peuhpeuh sep moh neilou, sep leh bawl ding om te lin hetlou Nupi fel ahih ban ah, midang te awlmoh na zong nei tam mahmah hi.!

Nudim ahih leh a kamtei dungzui in sep leh bawl, innsung na hi in pi o

A vengkhang lam deuh ua, meithai khat amin Pi Niang kichi khat om leuleu hi.

Pi Niang ahih leh, a pasal in hun sawt tak paita a asih san ahi. A man tapa khat khampu kichi nei hi.

Zingkal khat Nu Dim zong nuniang te inn ah va jing hoh in, thil poimoh gen ding nei hi awmtak in tungbaih jejen..!

Nudim in pi Niang kiang ah Sathu toh panai huan khawm alim dan, sathu meh bawl dan khawng va gen zutzut hi. Pi Niang ahih leh sathu kichi him him a pian a kipan nethei lou gentak louh nek zong sawm him him lou mihing khat ahi hi.

Sathu meh a nethei te a ding in meh limtak hi mahleh a nethei lou te a din a lim na a om het kei.

h ngaikhe tu a din bang phat tuam na a om diam? Phattuam malak luaksuah huai hun lel ding hi.

Sathu meh nethei lou te kiang a, sathumeh lim dan leh, ahuan dan khawng va hilh nilouh, a gentu le

Nudim ahih leh i gensa mah bang in midang te awlmoh na hau chih mahtak Pi Niang te innsung khosak na khawng a ngaihtuah khak chiang in awlmoh na riau khat nei hi. Jan ihmut moh na hial in nei khasek hi.

Pi Niang lah upa mahmah ta a damtheih na zong full nawnlou, santen kumlui a chih te khawng uh hon nei zawmah.. Khampu zong a mau vengsung a di'n tangval naupang ahi nawnkei hi.

Huai jiak in Pi Niang te innsung paidan leh khawsak na ana theihpih vengsung mi khenkhat in Khampu in koppih nei ta leh chi in khampu ji neih ding a awlmoh thu uh gen sek uhi.

Huai jiak in leh lampang ah Khampu a di'n "Ji nei ta ve" chih kammal a chorus bang hial ta in jak zong jak ning huai mahmah khat suak hi.

Nu Dim ngial in awlmoh diak mah bang in Khampu a muh chiang in ji neih ding a awlmoh thu gen pih khial ngei lou hi.

Nikhat khampu omlouh kal in Nudim toh Pi Niang khampu ji ding kikum in na ki houlim uhi.

'Koi a kua zong ding, kou khawng zaw hon deih zong omtel dia gingta lou hi veng aw, khosak na haksat toh, den chiang in eimah khet buk ding suisui hih khak ding lau ka hi'

Nudim: "Lawm Niang nang zong hon tung nailou khawng buai pih luat ding hilou ahi.

Vengsak lam a Pum kap tanu, chingnou zong a lungsim hoih tuak kasa thou, Khai pu tanu zen nu zong a om ve le" chi jutjut hi.

Nu dim in khampu te nuta awlmoh in a innkuan khosak na uh 'Bangchi leh nuam deuh ding hiam?' Chih sun leh jan in ngaihtuah pih den hi.

A khosak dan uh toh et in Khampu in koppih nei leh navak huai tuan mahmah ding in gingta hi. A hih ziak in khampu ji ding lung a ageel chiang in, Aman tanu aneih te mangngilh bang nak kheem hi.

Pathian bang a mipoimoh leh taksap teng pethei ding hi leh ki lawm, pethei dinmun a i om chiang a pe ut zong hilou mi poimoh leh taksap khawng gensak deuh jut..!

Mihing in i taksap leh i poimoh te ki haihlou hi. Huai mahbang in mi taksap leh poimoh te i theihpih khenkhat zong om kha tham mah ee..

"Nang huai poimoh neive.." Chia i va gen ma in amau a poimoh dan uh ki theikhin mahmah uh ahi chih phawk thak ahoih.

Nei zou/neithei liai hi le uh, ei va gen matham in anei lawtel ding uh. Mi taksap te i muh theih bang in ei muhbat louh a taksap/poimoh nei uh hi maithei ding hi.

Leh lampang ah, mi taksap leh poimoh i va gensak zutzut te khawng a sia, a hoih Kei, chi zong i hi pah kei hi.

Ahi a, midang poimoh leh taksap te awlmoh hi awmtak a i genpih theih jutjut lai in, a mau panpih tu ding in i kiman na diam?

Mi taksap thei a awlmoh na zong nei himahleh, mitaksap awng hu ding a i khut kuansak ngam mahmah lou te i hi.

Pathian in Adam amah kia om ding hoih a sa lou in, a om pih ding numei poimoh asa hi. Poimoh asak teng kia in hunsak in pe tuan Kei leh Adam zong lengkul ding ahi ve.. "Poimoh a sa a apia hi"

Pathian bang in mi ji ding, mi pasal ding i pe mawk theikei ding,

Himah leh, "Huai mi nun pasal nei ta leh..

Hun law mahmah ta"

Ei mou ding dinmun in hon ding leh "a upa law ngal voi..." Chi suk jel ding i hi diam?

Chia i awlmoh lai in

"Ji nei ta ve, tu tantan neihsawm dek lou maw, nungak khawng hel deuh ve ua' chia mi deihsak hi leh ki lawm gen zutzut, amak pa dia deih hetlou jel..!

Nang deihlouh mi dang zong deihsak dah mai ve...!

Mi taksap, mi poimoh Awlmoh a gensak thei lel panpih utlou i hih leh va Awlmoh dah leng ei a din zong tawldam huai jaw in teh...!

Ka zou….!

©Siamsinna leh Vakiangbu