DEIH ANGLAI MAH"

Gelhtu-Biak Naulak Zomi

Insung khosak nuamtak mai a pat kahih louh ziak in khanvual pawl ut sam mah leng kaki dek tuntun sek hi. Siamsinna lam ah leng bang mahtan kazirzoh louh ziak in. Lawmleh khan vual ten hon dot chiang un skul kai kha ngeilou bang in kakigen zelhi. Zawn leh mawl thuah chuh kahimai mah ve. khanvual eng tuntun a om ut keimah leng kadin mun himai mah ahih chiang in kuadang ngoh theih lah himok lou eih chiah chi'n keileng gamdang a kiloh ut sam kahih man in neihleh neihlouh omlou in ba zen in khopilam zuan din kongkisa tei sam tahi. kazin dek nitak in kha ahoih vak mahmah phing pheng a lung len huai in.inlum akhiak lah huai mahmah mai hi.kuamah phok bat louh khat in keileh kei peuh kana ki khasiat a. kakah thalam lam bang asuak hial hi. Huchia lung leng tak a inkong a khavak nuai a katut lai in kalom te kazin pih ding te angaih jawng te uh toh kikhiak lah chimel tak in khut kilen helhel in walking hong pai uh kagal muh hi. Kenleng kalung sim guk tak a kana ngaih guk gige kagen khiat ngam louh khat kumnih bang ana nguk ngaih ta. kalung simmit khan kangaih tuah a kathuak mahmah mai hi. Vagen mok ding lah tanu hawm thoh ahih ban ua khosakna leh pilna siam na mahmah aleng kikhe lua kahih man un ka ngam kei hi.Zinsan leng pasal bang ananei mok dia chih khong peuh kangaih tuah chia kapona mahmah mai hi. ahi alah kingai hilou ken guk ngaih kahih chia aman kalungsim noplouh naleh puak gik hon theih pih phaban dek lou ahih chia kei avangsia kahimai hi.

Lawmte hong hoh ua vanpuak ding leh pai didan khong hong gen pih uhi. angaih jawng te utoh nuikhawm zaizai in nekding bang bang hiam bawl in khavak nuai ah hunnuam kajang uhi. chiamnuih khong bawl in kanui khawm zaizai uhi. kalawm te khat in kaguk ngaih gige nu honjetheih ahih man in amahle sam ni chi in hon chiam nuih leh ka nalvas zou hial hi. utlua napi utlou lem kineih in ka om geugau zozen aka. Huchia hun saulou kazat khom sung un dak in honna ngak hetlou ahi ngei dia zan dak 10.45pm bang ana ging manta ahih man in kikhen a lup a zing kal beltak a parking lam manoh pah ngai ding ahih man in. mangpha kikhak in tua zan kakikhen thei khong uhi.

Keibel lupna tung ah ihmu thei pah lou kahih man in chingboi(min khem) ngaih tuah in kabuai mahmah mai hi. Nidang a biak in khong a lasa khom leh Lim chiin(Drama) khong kachiin khop lai uh khong peuh kamit kha ah ahong lang a Nuihmai leh aw nem siangset a kamin hon sapdan te khong kabilkha ah amang thei kei hi. Bangteng hileh sih leh sih dam leh dam chiin kam alah genngam lou keih chiah Lekha thon bek kon gelh dia zingkal chia kanuse ding chi in LoveLatter kon gelh tei ta hi.

Chingboi Lamdang nasak ding zaw katheihsa ahi kenleng lamdang tak in kumnih paisa apat in konna vei petmah mai a akal lak in itna thu gentheih nading hun mutham mahleng Nontheih sabang in keilam a kisitna lian pi kaneih man in kon gen ngam ngei kei hi. Himah leh mungamla pi a zinding kahih tak man in nang mulou a mundang omding kalungtang in honphal thei kei mahleh. khosak haksa ahih man in alou theilou a zin mai kei adia hoihzaw ding abat ziak in kazin teitei mai ding. Na itna kon ngen ngam kei a himah leh ken nang kon itdan leh konvei leh kathuak natdan hontheih pih sam in aw. chia hiai laithon hon nusia mai kahi. Nalunglou lam kagen khak ahih leh honngaidam ding inleng kahon ngen hi. Lem nasak aleh kithuzak jel jel ka ut. Heina peuh ah sian in honkem hen.... Kakipak lai pia. keimah na ubiak.

Hiaiteng gelh zou in hoihtak a khep chit chet in kalu kham nuai ah kakoih hi. Mang ai san ding mang afuh leh piak teitei ding chiin kei leh kei kihan thawn in imut sawm in ka ihmu ta hi.

Jingkal kakhang ma kha sim zomah hi lawmten hontawn uh ahih man in keileng manlah tak in kathou khia a kisa pah vitvit in jingsing pi dawn a katut lai un Chingboi lawmnu walking pai kagal muh hi. keileng kintak a ding khia in kasam pah lo lo hi. lamdang sak mel tak in honnaih phei a kenleng naih phei kom in. Endih hiai lehkha na lawmnu chingboi honna piak sak in aw. kachih leh nui heuhau kawm in hithamtham e chih toh Eh koilam azindek e chin hon dong hi. kenleng kazindek nasan gen kom in chibai kibuk in lawmte kiang lam kapai phei sanpah hi.

Lamtawn in kalaithon muleh bang achi ngaih tuah mah de aw chih khong kangaih tuah nilouh hi.akhen chiang in honhehpih lotel di khong in kaki koih a akhen chiang inlah keibang leltak adin a itna tan kinep huai kei kachi zel a ka ngaih tuah na tuh kuamah phok pihlouh in akisual tuah tuah mai hi. Ahitak a chuh kaleh kha mutak ngial lehle hon thuk kik didan omlou hi aziak bel kei address omlou phot ahih man in. Katunna d mun katun chiang in chuh khatvei ka houpih himhim ngaidi eive chih khong ngaih tuah in kahou pih chia kagen didan bang kapat didan bang ka omdidan bang ngaih tuah in buai in kabuai ta get aka Mi guk ngaih zaw agim huailua guk ngaih kia hilou in itna le thukhel kasa mahmahve…

Chikmah a muh khak ngei louh na gam nana chuh pauleh ham leng hong kilam dang lopah ahih man in mangbat huai mahmah mai hi. aleh lamtak alah nuih zak huai chih ding ahi diam a ihai imol dan kibang chih d hi. amaulah lah eigen thei sese lou enle amau gen thei sese lou akhual atual kibang vek dan khat in aki om a nuam lehlam vang lak chig d hinte. Huchia khathum bang kiloh a nasem ta himah leng inlam te kua mah kathu zak thei nai kei hi. ban ah sum neilou kahih man in kuva tepleh muam chih khong ah kasiang thou mahmah chih ding ahi. Nikhat chuh nasep man loh kala ua huaini in inlam kahou pih theizenzen hi. khathum bang kithu zak lou kahih tak man un gendi kahau thei mah mah mai uhi. kanu toh ki hou kahi ua thil tuam tuam ka gen zoh nung un ka nun. Chingboi in hon phone a damdoi in ah ka om uh chih honhilh eive. kithu zak ngeilou nadi uam a ubiak kia honna gensak in naki hou khak chiang un khatvei bek hon call tei tei heh chi ahi amah le fone in. honchi zenzen hi. kipak selua kachi bang ling hial hileh kilom in kathei hi. kenleng lung sim ngaih tuahna tampi toh ching boi ka call leh awnem tak mai in Hallo nang kua e chin hon dawng pah seisai hi. kenleng gending tamlua hinapi in gendi zok kathei kei hi. ban ah kagennop chile kadot nop pen le dong ngam zozen lou in ka gen di bang hong bei mok ahih man in kakoih khong uhi. a awnem tak mai in zaw ka sinlai aluah zou ngei mai. bang aw neiatel de aw. hichituk a kahin khua zou numei koi apat hong piang amai zen a. Bang ziak a hiai numei tih kei kithei kha sese kade o. bang ziak a kaphulou pi itna napia kamahmah a chi khong in kaki moh sa mahmah mai hi.

kaki hou ua hon hou pih dan apat in akhen chiang in kakipe hoih a kakihope mahmah zelhi. akhen chiang inlah. keileh kei kilim muh kahih man in phulou pi hin kangaih tuah sek hi. Khatvei tuh kipasal sak tak in massage hichin kakhak hi.

ching kazin dek lai a konleh kha nutsiat namuh kaging ta a. Bang chin nangaih tuah a nangaih dan lou ahi lua hi? chih teng kakhak leh hon reply pah kei jomah hi.avang kim in ka fone ka en zel a chingboi msg di ngak chih tak in kangak hi. lam et bang loutak in hon thuk pahlou ahih man in kana kipese man geet hi. ngaih tuah na gim in atawl mahmah aka. 

Nitak lumdia kisa ka fon ka etleh hong vak kuau in ching boi msg chih hong kigelh ta mai bang chuh bang hon chidawn ade aw kipah huai hia huailou chih khong ngaih tuah kom inleh diip hawm sa in msg ka en hi.  

Ubiak nalaithon kamu ngei a kinep phak hetlouh leh kaphu louh pi in thumanpha pi pi non gen a keilam kachit zohlouh zuak in kakisuang lah zozen hi. khopi gamdang a om nahi a. keisang hoihzaw palzaw pilzaw siamzaw tam pi omdia keibang lel tak zaw denchia nakisik nading ahi ubiak theisiam in aw... chih teng hong kigelh hi. Adawn didan bang le kathei zozen kei aziak dawnkhelh khak d bang kalauh ziak in kenleng ja reply ngam pah zozen kei hi.

Kumleh khaten eihon ngak mailou a liamzel ahih man in.kumbei di kuan hong hita a. Lawmleh vual khenkhat ten inlam pai sawm in kisingsa mahmah mai uhi. ngaih jawng te khristmas present di bang nuleh pa sang gamte leh lawmleh vual te jinpak ding lei in bazar kai tha it thei mahmah mai uhi. keilah imuh masak muhna nung awngvang akhiak mah bang mai. haksat ziak a gamla pi a ki om ahih man in sum muhsunsun te sung kuan te adin kakhak sek hi. inlam pai utlua hinapi in paiding bang chu kigen ngam vetlou hi. Lawmleh khanvual te ka eng thei mahmah mai a.amau om bang a om ka ut pet mah sek hi. Tangval san laitak a ut ut a om thei lou gentak louh isilh iten natan a le mineih bang kinei zou mahmah lou hi. mite phak natan phakha sam van hoih theilou kihi tuanlou hina pi in ineih in zirlou ahih chia kinei zoulou himaimah hi. khatveivei bang kaki ngaih siat hun atam mahmah mai a. Achang in pasal chilou hial in kamittui aluang sek hi.

Kahin khua leh ka omdan te khong ka ngaih tuah tuah leh. kanule pa ten haksa chiteng thuak a khanvual eng a ka omding leng honphal hetlouh uh hisam ing a tunia kei hiai mun a lawmleh khanvual eng a kabiang a mittui hong luan mok pen kei hih khelh ahi chih kaphok suah thak hi. aziak chuh Kanuleh pa hon it sang a itna lian zaw koi mah ah muh kaki nem kei himhim hi. Hon itna uh athupi luat ziak in Neizou hileu lawmleh khanvual neih sang mah aleng thupi zaw hon pe ut lotel ding uh ahi chih kamu suah thak hi. Kangaih tuah na kaki khasiatna sa te zum huai pi ahih dan kaphok thak a kakisik lomahmah hi. Nuleh paten hiai chiang tan hon tut zoh uh pen ken kipah thu kagen ding ahizaw hi. Huaini apat in chu kanuih mel zou in kaki thei a katha anuam a mitan pha bang in kaki ngaih tuah thei ta hi... Kenleng ching boi ka text pah a. ching Nanglou kalungsim ah lia dang in mun anei thei kei kon it in kon ngai lomahmah. hehpih tak in ka itna honsan sak maive maw.kei nang a kinem kahi. Chih teng ka khak zat hi.

Amanleng mupah ahi ngei ding a hon reply pah zat in. ubiak bang chidan e avang kim in hiaithu non gen zat zel a na dai veng veng zel a nakam siam a kaki totah khak di kalau. chih teng hon khak nonhi. kenleng Nang adin gintak haksa mah inte ajiak khosung khat veng sung khat ah na om khom in naki thuah zel mah leng hiaibang thu hon gen ngeilou mah kahi. ajiak mo kon it luat ziak in konzah tak a ban ah keileh kei kaki sit ziak in nangleng non sit luat ding kalauh ziak ahi. hilele tua chuh imzou non lou im ngaihna le omnon lou ahih man a hon gen khasek hizaw kahi. chin ka reply non hi....Hahaha ubiak thei khang mo tulai mipil gop ta ua tulai tang valte mi ngai taktak le hilou pi. achim luat man ua nungak try chih khong tamta a i omna aki bat louh toh Gintak haksa kasa Itna non piak pen zaw kasang siamlua itna aman pha a athawn a om kaphal kei hileh le hon khem khalechin kathuak ding nalaw ding ahi ubiak....Ching kon it kon ngaihna kum khua sawt ta ahi. hon ging ta mai ve maw. Honkhemlou hial di kahi Hunsot pi konna nguk ngaih a huai kia deih khoplou in kon guk it zomahlai nakam pau leh awsuak Na awmdan natan in hope non piak nale om kei hilele ken nang hon it hon ngai himai hehpih a non san sak kilam en a non it thuk hon ngen kahi ching...... Natak tak ahih louh khak di kalau ubiak?

Atak tak mah ahi ching honmuang maive mo. ka omdan theile chin non hehpih lotel di. gen ngamlou sa sa kisuanglah pi pi leh haksa satuntun a kon gen eingal ve ching...... Kakipak lua ubiak keibang nimnem non itnon ngai a nadeih dan a omzoulou di keive.keimo non gin tak bang hetlou git a gilou that atha dah kai ubiak..... Haha chiam nuih hilou eive ching kon gen hehpih tak in hon sansak maive maw plz........Ubiak kisuanlah huai kasa kabuai hehe akiliansak lua mah kabang a. Ngaihjong chih khong neihle sawm non khollou hing a......Ching theisiam maive nanglou midang himhim kalung sim a omtheilou eive kataktak ahi........Ubiak kathei siam lung muang tak in hong om inla gin om tak in omtuak ni aw keileng nang adin gin om tak in ka om ding. Khem in zaw ka om kei nadi maw hehehe.........Ching kon khem kei di. achih leh tua nang ka itna hon sansak hita mo kon muang diam?

....Ubiak honmuang inla nangle muanhuai in hong om in aw kenbel kon ngaih vang lak leh hon ngai himai Non ning louh d aw.... Awle ching kakipak lua ka itna nonsan sak ziak in. kahinkhua leh khosak zia natheihsa ahi a nadeih bang ka chitzoh louh ni tampi omkhathei nangle hikha thei kithei siam tuah in kithum pih tuah zel ni mo ching.

Sutzop ding…

©Siamsinna leh Vakiangbu