A TAK ITNA
Ka Zawllui Nu ka ngaih luat ziak in Numei a lunglut na himhim ka nei nawn kei, Hiai ka zawllui nu kan aka ngaih Mi hing om nawn ding ka gingta kei, Ki khen khit nung hi mah leh Pasal neita ahi dan kong I zak tung in Diiphom na khat ki nei lai veve hi. Itna tuanlam sik khial kisa in Ngaihzawng na tom nei ngamlo in hun bangtan hiam ka zat khin nung inleng Ka zawllui Nu mah ka lungsim ah a om veve hi. Zan khat ngail houh ka manglam in hong nung kik a, Nu thoi himah leng na Itan ka tang zou lai diam hon chi hi. Kei bang kipak lua It lolai ngailo lai ka hi chia Ki ngaih pih thak in kana ki tenpih hial hi, Zingkal ka khan loh in a tak2 di sa in ka kiang ah lum di bang kasa a ka etleh omlo ahi man in ka mang ahi lam ka theih thak hi. Hi chi tuk a mi khat ka ngaih mok lamdang kasa. Ka zawllui Nu toh ka ki khen khit nung uh kum khat ching ta mah leh ka lungsim a amang thei nawn kei. Kei leh kei lunggim ki guan mai2 suak ka hi man in mang hilh theih na ahi khak leh chih bawl a Nungak dang I va hel bawl chia lah Lauh thong na khat ki nei, A lui a dan hong hi kha leh chia ei-leh-ei ki ma dal luat na lam a ki nei ngam lou zel. Hinglai pul dou hi chi tuk a hak sa ahi lam ka theih na khat leng ahi. X-mass ahong tung a Nitak tung khong chu lawmte toh ki thuah thei sam dak 8/9 ahong ging a lawmte a pawt utna uh hong tuam chiat Ei ami bang lou mah bang a inn lam a pai dul2 ngai, I ngaih tuah leh Hou banglo na a Ahun tak a zo ki ngaih siat theih na tam ahi.
Mi hing khat ka hisam leh ken le zong leng lawmte dan in pawt na di ka neisam kei dia Chi a Iki han thon alah I maima pen a pon mang lou mawk ahi chia ki ngam mahmah lou. Thu Hou chik2 bang a ki heh kha dek nak Itna in chu hon subuai mah2 eive.
Zing a Ni suak a, Ni taklam a tum zel ahi man in X-mass zat kum khat a tamzo thei ding khop hial a hong om tak in chu ka lau pan2 ta ve. Lawmte Hong pawt tuam nawn ding ua ei Lupna vot dekduk lak alup zel mai di chih mawk Ngaih ngam huai lou hi. Khapi hong vak zomah dia mi A kop2 a nuamsa tak a ki zui di ua kei lungzuang tak a om zel di zo X-mass le hong tung kei mai le ka chi.
Nov ni 23 nitak paunuam hun phet a chi te tan geih uh Dawn ka hi man in Lawmte Nungak helna kava zuih leh Ash.... Hon Helpih nu uh Hoih hi mai. Light pailo na in chin A melhoih na in inn sung tanvak zou hial in ka thei. Mi thak ka hih deuh ziak a diam a lawmte bench atu un chin kei chu Melhoih nun Meiphu kiang a atut na hon awn. Lawm te lah meiphu hon ngaih ua achih chia avot salou dan2 a utlo zeih uh. Melhoi nu siam lel ahi chia Meiphu lawmte kiang lam a koih phei in nang hon naih mai aw, Hon naih ngamlo hi uh chi kawm a ka tutpha di adang hon koih sak zomah(nawp lel e) Ei ki pau theih dek pan lawmten pai hon sawm uh Utlou chih mawk di lah nuamlou Pai mai ngai.
Hiai nitak a kipan Melhoih Nu ka lungsim ah amang thei nawn kei Nitak teng a, A inn ua ho ka ut hita. Mi hing Tupna leh utna lam a chu hon dal di tom mah2 eive Melhoih Nu kiang ki tung2 mai ta. A hun sawt a chu ki ma ngal gop Lawmte toh lou ale ki ho ngam hita. Nitak khat lawmte toh kava pawt uh leh Melhoih Nun Ulal Iva pawt zual aw hon chi zen houh , Utlua kisa Koi a eita Chi phot zozen. A vot2 toh chi kawm a pawt khiat thuah. Ka lungsim a omlua ahi man in hun lem mu kisa in ka Ngaih dan ka gen leh Kamsiam tak mai in "Kon ngai chih khong chu miteng gen mah hia mo" hon chih khum bang zo ngaihtuah na tuam zot zozen e... Ka zawllui nu ka ngaih na mangsak zou amah chou ahi man in taisan ka sawm tuan kei. Ka gen Hon hou ngaih sak lua ahi dia aw, Hon dawnna ka theih siam thei kei. Ka itna lah Bei theih lou ahi man in ka gen zom zel hi. Khat vei2 Kon ngai Chi zel mah leh Akal thu om ahi man in ging tat tak2 hasa mah2 hi. Ka omdan uh leh ka ki pawl dan un zo ki ngai mah ka bang uh, Hun leng ka zang khom tam ua pawl leng ka ki pawl tam uh Hiai khong ziak mah2 ahi ka ngaih na lian sak diak. Nang hon ngailou mo ka chih chia lah Hon ngai a chi a Hileng ka kal thu uh zo theih siam haksa pi ahi. Kei mah2 in leng bang ziak Itna thu va genkha mawk ka hia dia aw, Ka manghilh theih hetlouh Hon manghilh sak tu ahi man in Ka hinkhua a kipah na om sun ahi chi leng ka gen khial khol kei di. Ki ngai hina pi a ki ngailou ka hih man un Ka hinkhua a omlua ahi dan ka gen zel a Non ngai hia ka chi2 mai hi Gen mun lua honsa sim adiam Ni tak khat ka pawtna ua ka gen khak leh Ulal...........
(Sutzop diing...)
©Siamsinna leh Vakiangbu
Comments
Post a Comment