ZOLEI AH HON PIKIIK NAWN IN
By ~ Vz Vualnam Zolei ah hon pikiik nawn in, Zaila muantui bang a phuulna ah. Khattang sawl bang heina sing' gamlei ah Kei ka zaila khaaltui bang kang e. Zolei kuivum ah daak nuam ing e; Zohuihkhi kisemsak nuam ing e; zolawkta' tong dawng nuam ing e; Kumkhen vazuang' tong sang nuam ing e; Ke'n zong zaila khiak nuam ing e. Tuivai chiaului a luan khawllou ding a A neen lumsuang a um bang tou A zaila saang nuam ing e; Zata' saan di'n let nuam ing e. Sokngei a paalna Lungthuul lenkawl A leeldawn ah khua thiil nuam ing e, Phaksap Zolei galdon nuam ing e. Thangnen huihkhi, Thangnen huihkhi, Tuan a pupa' gualgen thangnen huihkhi, Thangnen huihkhi aw ke'n ngai ing e, Thangmual vuum ah kiseemsak nuam ing e. Thangmual vuum ah don leng aw Simgam in ka lung hon kuai ding hi e. Zolei ah hon pikiik nawn in, Etlawm Zolei ning bang zou in Zaila muantui bang phuulleh chi'ng e! (C) Siamsinna leh Vakiangbu