Siamsinna leh Vakiangbu

By ~ Byak Goston Gwite Hiai 'sap na aw' hon piankhiak na dan ahih leh,tulai khovel pilna leh Siam na sang hiai2 ta lak ah ei Zomi te kikeniam mah mah aka muh na te apat hong piang khia ahi...simtu te'n kei ngaih dan ka hon gelh ahi chih thei le ut huai hi.. Ahi a thumapi a ko'n gen taksa mah bang in I topic in bang lam kok ding hiam chih tampi te ngaihsut na jong na hi thei hi.Kei mimal experience apat in khotang siat dan,students te ka olmawh na te leh tuhun izat dan ua pat in zillai om thei hiam ci ihi.. Leitunga khosa ihih man un pilna leh siamna te leng sang mah mah ta hi.Muh theih a khang chi leng khial lawm lawm di'n um keng.Tulai a ibuaipih mah mah uh te lak ah akhol diak 'khotang hinkhua' ua pan in sinlai tampi hon pia hi a theih in om hi.Bang jiak a khotang sia ahia?chih miteng in igen pen uh ahi a civil organisation tuam tuam ten leng I buai pih mah mah uh 'khamthei' hih zong sang te,kizuak te,numei leh pasal kal thang

By ~ Kap Tawmbing Contractor hausa mahmah khat a om a aman adeih peuhmah adeih hunhun in aleizo a nuam asa mahmah mai hi. Nikhat car thak lei ding chih alungsim in a ngaihtuah a, a lei khit chiang a nuamtak a huai a car thak a atuang d kal bang a ngaihtuah a angaklah mahmah mai hi. Hun hongpai a, akha nawn in car lei ding chi a agensa bang in car hoih mahmah gamdang khutsuak khat ava leikhe ta hi. Inn a hongtung a, a inkuan teng inleng kipaktak in car gari neithak chi in kipahpihna tawh ana vaidawn ua, akipak thei mahmah uhi. Aman tapa khat kum li (4) mi leh tanu khat kum guk (6) tuak anei a neusim lai mah le uh atei ta mahmah ua, apa gari leithak akipahpih petmah uhi. Zingkal khat tua mihausa pa'n a gari leithak deihthawh tak in a hon sawpsiang heuhheuh a, atapa leng apa kiang ah om in kipaktak in gari a atuang di kaal ngaklah tak in ana ngak ngak mai hi. Mihausapa tapa pa naupang chik hilai ahihman in apoi di le poilo di bangmah akhen thei naikei a, a gari ava vel

By ~ Leon Guite Pathian in Abram a omna gam pan samkhia in gam a etsak ding lam ah pai ding in hilh hi. Abram in Pathian thu mang in gamchiam lam zuan in paikhia hi. Pathian kipak in naktak in vualzawl a, chi thupitak a bawl in, amin leng Abraham chi'n khek sak hi. Huchimah bang in ipu-ipa te uh leng, Pathian in China gam pan samkhia in tua i tenna gam uah ana pitung hi. Himahleh amau Pathian phawk lou in singbul-suangbul na bia ua, dawite kiang ah kithoih in Pathian deihlouh dan in na gamta uhi. Israel te Pathian in bangziak a gam haksatna, gamkeu leh gamdai lak ah atenna di uh gam ana pia ahi dia aw? Bangziak a ipi-pute uh gam hoihtak leh neek ding tamtak apianna gam ah ana tengsak ahi dia aw? Pathian in michih-namchih a bawl a, amau te lak ah tup khat bek neichiat hi. Amaute'n Amah atheih ua, a thu uh a zuih ua, a tanchinhoih puangzak tu a apan ding uh deih mahmah hi. Bangziak a Israel te a paina lampi te uah gamhoih leh nuam huchizah a omlai a, gam keu ah

By ~ Bhyak Hauzel PAWL X pass te loppih na dan in aw Pawl sawm(10) te result hon suah khiat zet lechu ei a exam lou te bang le ki thoveng huai mah hon bat na chiang aom kasa sim mawk a, tamlou kei ngaihdan bang kon gelh khe tei ding. Result ngak laklak adya zo Pawl X result ngak a thupipen a I ngaih chiat uh hi din leng ka gingta. Hiaibang kalah kua tengin lohchinna ngah in kua tengin lohsapna ngah ahia? Nang kia pass na hikei a,ki suang lo pah mok ken, huaiban ah nang kia lohsam leng na hikei a, lungkia taka om in,khawlsan mai ding leng a hisam kei. Result hon suak a I hon pass nitak bang zo ei kana kipak om din a gintak huai vak kei. Banah Sungkuan te tuk a hon kipahpih leng aomkei ding, k gennop tak bel, I lohchinna a kipahna pen in sungkuan te bang tan akipak sak zou ale, a diak in Nu-leh-pate result suah zan lel nuihmai taka omsak mi I hih khak ding ki veng ni(hiai ka gen na ziak bel,zing khua ahon vaka zan imuthei lou zena na college kai nopna mun na ngaihtua

By ~ Son Kym Quptong "Pasal nei oh!!nang bang2 mihing kong kol peih non kei",chi kawm in chingnu in a kiang a ding mawite mai kawk juau2 hi.Huchi bang teng gen khum mah leh mawite pau tam se lou in ana sep di teng sem lel in om hi.Chingnu chih tak la inn sung a lianpen dan in ki bol a ki thupi sak thei mah2 hi.Amin lel jak a jo 'ching' lua di bang hi ven,amin toh jaw ki khai mah2 chih ding a hi le.Atapa hom thoh mah2 khuakhual pua khia in huchi'n inn kong lam hong ma noh a,innkiang te uh inn khat ah lut hi.A inn kiang te uh chih mah tak la nupi thusia ngen mi gen leh2 thei ngen hi jaw mah a ki tuak ngial uh a aka.A unu(mawite) apasal unu chu gen sia dia pot a hi mai hi.A inn kiangnu thu sia duh mah2 kia'h ka unu uh jaw ka ning pasal nei suk leh ka chi,inn kuan sung amah om jiak a khang thei lou a hi chi'n va gen sia jial2 ta mai hi.Hu chita gen chiang in a inn kiang nu lah thu mu ki sa a ban mi kia phuak tawm tou in,tha dah pasal in le mu pe

~Vz Vualnam (Ka hehnep theihlouh ka lawm it a ding) Phamna'n thang bang hong veh chia'n An bang itlai tui bang a laak chian A si sun nau bang awi hang e Luanli muantui bang aphul hi e Simlei ah zata a phamta hal in Mi singta'n puaksiam I zilmoh e Tum bang vuai puvon khapham zong Luanli toh kulsin ah I kha e Mu bang ngaihlai, an bang itlai Phamna'n tui bang a laak chia'n Nepmoh in sawl bang I vul a Machiang suan ding I neem hi e Neem dahta ni e chiin leh tuai aw Sunni nuai ah phamlou ta omlou e Thangvan a taang sunni leh si-al zong Mim bang piang in kha bang pham sam e Nichin I tuanglam hon taan sunni zong Mei bang mit in a pham sam ding hi e I tung sunni kha bang a pham chia'n Kua ta'n nau bang a kahta diam aw Solte'n sun nau bang kahta un teh Phamsate pialgal tuanglam ah neemlou e Gua bang hingte simlei I tuanglam ah Zaitha neem samkei ni e Sunni a mih a kha a pham mateng I tuanglam ahon tat lai teng Zaitha phel bang khau

~Sang Hilsia Skul heutu khat in a naupang (Primary Section) te' kiang ah Pathian in hih sak dia a deih te gelh di'n a sawl a. Nitaklam skul tawp in a naupang te' laigelh te endik a mark a piak lai in, thugelh khat in a zou mahmah mai a, a khase petmah a. Huchih lai in a pasal a hong pai a, a zi mel a muh in. "Bang thu a?" "Naupang te' essay ahi, hiai hong sim dih", chi'n a pasal a pia a. Apasal in a ging in hon sim a.... "..Toupa, tuni in thil khat kon ngen ut lua!! Hehpihtak in lem hon sak sak inla, Tv hon suak sak ve mo!! Hileh, om na bik ka nei dia, ka sungkuan te ka kiang ah a om den di ua, ka thil gen te ngaihpoimoh a hi dia, a ngaihtuah na uah mun poimoh tang in, dotna omlou in leh sukbuai louh in a kiang uah thu ka tun thei ta di. Huai ban ah, ka pa office kai a hong pai chiah gim kisa mah leleng a ngaihsak masak pen ka hong hita dia. Ka nu a lungkim louh leh a heh chiang in nawlkhin a omlou in, lungkimna

~Vz Vualnam Mawng bang kawi ding bang in i teel ding hiam Tang bang damsung simsing bang gil den ding Mawng bang kawi ding bang in i teel ding hiam Sakduang lou bang tul nua a tullou ding Zaitha pat bang neem nua a neemlou ding Tem bang kideihna pham dong gil den ding Sakmel in chi bang i teel ding hiam aw Singta’n khang laam bang ipaak chiat a aw Sang bang nouh singta i nuamchiat hi e Sakmel lah gamlou bang tulthei a aw Gamlou bang a tulnua’n tem bang deihna Simsing bang agil den ding hiam chi’ng e Nunkhohei in i teelzaw ding hiam aw Sinlai tui bang aneemte siang a hei Zaitha tawl thengthei e hei in nuam e Hizong nunkhua neem mi zatamte zong Sinlai kammei in a zelhni om e Tem bang deihna a kiamloh diam chi’ng e Sakmel in chi bang teelta le’ng vual aw Nunkhohei in ling bang a dou diam aw Nunkhohei in chi bang teel le’ng vual aw Sakmel in ling bang a dou ding hiam aw Simthu khau bang suut a suutmoh hi e Chi bang teel ding gi bang khenmoh hi e Gi bang i kh

~Ama ValteMinlian V-Itna Rose A hong tung ding, Sunday"Nute Ni"(Mother's Day) ding ahi ta.. Dam a, Toupa'n Nute Ni hon muhsak lam en in, A la a, pahtawina ka piak ma-in, a thu inleng Biak Inn ah Nute mai ah, hiai ka thugelh ka sim ding hi.Lawm aw, nangle na nute kiang"Nute Ni-in"Na nu chibai bukin, Nu aw, Lungdam ing, tuni chiang dong non kep/huai nate ziakin chi-in na nu pahtawina pia in maw.. Na nu gimna, natna, lunggimna haksatna tengteng damzou-in, A lungsim dam ding a, tha pia-in, sawt hon dampih mahmah ding hi. "TUNNU ITNA LIANIN, THUPI LUA" Ka tunnu sunggil panin, simlei-ah miimbang kana pianga, A aanglai liimnuamah, ittak leh hawmthoh takin, ka tunnu'n haksatna tampi thuakin kei honna keem hi. Zaan sawt lua chi lou-in, kei hon khual manin, maimit siing man lou hialin, Bawi Aw, Bawi Aw chi'n lai khun tungah hon zaal sak... Ka tunnu hon itna lian lua..!   Ka tunnu'n hon itluat manin, ni simin tukol/h

~Vz Vualnam Ka pichin nung, ‘Nu aw k’on it,’ ka chih ngutngut lam ka theikei. Ka pa’ kiang ah leng ka chi tuansamkei. Huchi bang a kichih ngutngut khawng kuul le ka sa kholkei. Kuullou chileng lah ka nungak it hiam, ka zi hiam in hon chi ngeikei leh bel ka uttuan samkei ding. Huchi hinapi in mailam ah chih le ka sawm tuan samkei. Ka it zohlouh ziak hia, ka ngaih zohlouh ziak hia, ahihkaleh a kamtawm himhim ka hi hia lah ka theikei. A Kamtawm chih di’n lah nungak ka ngaih mahmahte khawng amau ahon ngaih hetlouh lai un leng, ‘K’on ngai law voi, k’on it lua,’ chi teitei peih lah ka hizel a. Lawmte’ lak ah chiamnuih ka haat mahmah a, lawmte’ sunuitu pen leng ka hi. Chiamnuih lou in ka hizou himhim kei. Khenchiang in a uanglawlam ka hikha pahpah. Himahleh ka nu leh pa mai ah, tang zawdeuh a ten in, kiang ah, bel chiamnuih hiam ka gen ngei kholkei. Kholkei chih phetlouh ka genlam leng ka theikei. Nu leh pate toh chiamnui khawm mi ka hi kholkei. Lem ka sakei. Ka zahtaak zi

~Pau Lian Sihsual in aki pek a,tua pindan sung ah huih tasam leh naklah tak in a om hi.Amai ah kho-ul naktak in a luang a,a mit apan lauhna leh gimna ziak in khitui a luang hi.A lupna a lukham leh puan kiphahte khitui leh kho-ul ziak in a kawtsuak a,na asak luat man in thakhat in alu a phong kang guih zel a,akam ah huih naktak in a diklut a aki ing tonton hi.Haksa sa in akap a,sisan pal in haksatna tengtoh ta anei ta. Gim mahmah hinapi lamen tak leh kipaktak in adak gawkgawk a,naudomte ang a naungek kahna aw ging azaklouh man in a nuihmai tuh meivak thakhat a mit bang in amial nawnta hi.Patautak in bang chi a kanau a chi a,naudonnu mel patauh chitak a en a,hon hilh ve ua bangchi a kanau a chi a,tua laitak in nupinu patauh awging kuaman azakei uh.Ngaihtak in akikou a,kanau bei hia chi kawm in akap a,naudom nu'n, patau ken a hong hoih mai ding chi in naungek tuh muntuam ah kintak in a pomkheta uhi.   Nupinu liamna ma ahah ua,nupi nu'n bel amah a khoihl

By ~ Vz Vualnam Nobel prize khawng i kipe toihtoih ding uh khai, tangthu beek ah... Amah tuh thil thupi hih ding hiam, kipahman thupi sang ding hiam ahihke’h siam tungtuan nei ding himhim a chitna neilou Zomi taangpi mikhat ahi. Himahleh pathiante nangawn in leng deihsak ahi ding ua, khovel pahtawina sangpen ngah ding in a panpih uhi. A neulai in Zomi naupang dangte bang in skul kai ding ahihziak in akai a, exmna a lohchin ngai ahihman in lai asim hi. Lai siamtheilua hikei mahleh apawlte’ siamlouhluat ziak in apawl ua asanglam in apan khazel hi. A hong graduate a, neekzonna ding a baihlam pen solkal a sepna neih ahihman in sepna hon zongta hi. Solkal a sepna muhna dia laisim ek ngai ahihman in lai sim ahong kipannawnta hi. Tua hun in telsuina a lunglutna mahmah ahon nei a, tua toh kisai laibute, ahihke’h ettheih tuamtuamte ahon limsak mahmah a, asepna zonna ding a kuul leh poimohte sang mah in huaite ah ahong lungluut zawta hi. Adiak in physics in a lungsim a zou mahmah

~Synys Mangboi Leivang Ngyhte  Nupi meithai khat in a pasal sih zoh nung sot lou in tapa melhoih tak khat sihsual in a hong nei hi.A tapa hong khanglian tou zel in skul bang hong a kai bang hong hun ta ahih manin singtang khua a dia skul hoihpen khat ah anu'n a hon admit tei hi.Nuamtak leh lungmuang takin a Tapa Suanpu niteng in skul kai dia kuan in a taithoh leklek zezen hi.Hun a hong paizel a Suanpu pawl VII bang a hong simthei ta hi.Lailam ah lah sitna di bang mah omlou class topper gentaklouh a skul pumpi ua percent hoih pen in a pang sek hi.Ni khat tuuk hun lai in Suanpu in vainiliap(umbrella)keng manghilh ahih manin a nu a tapa skul kaina ah tua niliap va pe dingin a kuan hi.Skul ava tun in a tapa ana lungdam lua ding a sakleh heh leh zum thuah pialpual in ana om hi. Banghang a maizum banghang a heh hiam u cih leh anu midangte nu toh ki banglou hi.Mitdel,,leh mi changkang lou petmah ahihziak ahi.Inn a tun un Suanpu in a nu kiangah "tuban ka skul uah n

By ~ Vz Vualnam Ka vaikuanna lampi nawl a singkung kisuan dim hiveh aw. Singkung dangte bel theih ngen, vau kung bang, gul mohar bang. Himahleh singkung khat bel ka theih ngeilouh hiveh aw. Singkung dangte hong paakta uh, huai ka singkung theih ngeilouh pen paak mahmahlou. A bang dia hiai singkung paak neilou khawng asuan uh a oi, akung kilawm chih le hilou, apouna mun paammaih maimai e, ka chisim hi. Aihleh hun hong paizel in singkung dangte apaakkhinta ua, nikhat tuh tua singkung paaklou pen paak in a na bawm dim a, apaak kilawm hinatel e!! Huai ziak a khovel a zaw kuamah kimohsak pahpah hiam, kigensiat pahpah hiam, vai kihawmkhum pahpah hiam ding hilou ana hitah e hon chisak mahmah. Kingak Kim Chiat Le'ng Nipi sunni nuai a tuanglam ka zuih Vaituunnu' tuanglam tulsing in um e. Lam nen tulsing palkim chiat a ka zuih Alai ah tulsing pallou apou e. Tul chih paal kim chiat a etlawm chiat a Bang di'n tulsing paalmoh apou hiam chi'ng. Tulku

Written By : K.Lianthansang @ K Thansang Zomi Namsim fit-fet chih mahtak, nitaak pawt paihun di phawklou zaw kahi ngei di ua, Chingboi (ka nungak hel nu uh) pa’n, “ Nidanglai, Zoudawn lam a teenlai khawng a zaw….nitaak khua hongmial chiang a aak-gil kikhak zel a, aak-gil a aak te’ a kimkei ua leh, zontheihna teng ki zong hi a…!!. Tulai a chu, I tate uh nitaak dak 10:00 leh dak 11:00 khawng a hongpai kei ua leh leng zong kisawm nawnlou mahmah lou in, nuamtak a ki ihmutsan hit-hit mai ta..!!. Pathian in goumanpha honpiak-te’ omna a I lungsim uh koih chih omnawnlou, aak sang a le tate thupi ngaih nawnlou zaw hive hang aw maw Chingboi’ nu…?” chi’n, akiang a zingmeh di ‘sihzou’ mal a tu, a zi-zi kiang ah gen hi. Indirect tak a koulawi, paihak honsak ziak a hongenna ahi chih kahaihkei. Lawm-te lah achiak ngei a chiak uh, akhen-te ngial bench tung a ana ihmu riahriah lel uh. Ei lah, zingchiang a di bang chileh a kimu thei dia chih ngaihtuah a om leng ki

By ~ Vz Vualnam ‘Hoi, hoi…. Hoi, hoi,hoi,hoi.... Huailam ah va pai chiitchiatkei ve,’ chih toh va khelh athuah hi. Tuni agintaklouhpi a vuah ahong zuk phut ziak in bangmah, vainiliap hiam tuipuan hiam neilou in singkung a beel a, lah vuah a tamluat ziak in a kawtsuak veve hi. Huchia a kawt toh, tuni a sialte khel diak uh abat toh ahehtha bang asuak maimah. Ni aniamta a, mallam apan meivom hong kai toh vuah hong zuk geet ding lau in a kintat mahmah hi. A sialte lah pai ut nailoulua uh hileh kilawm in alang-alang ah apial ua, ahawl khop mahmah hi. Theihtawp a hawl nung in khomuizul in inn a tun khong. Lianthang tuh tangvalnou kizentak ahi a, pawl sawmlehnih exam zou a khua ua hong kiik a a hun awl a sial ching a om ahi. Amau tuh a khua uh Bukpi a sial hau pen ahi uh. A pa’n sial tamlou a neihte uh behlap na’ng in tuma sawtpek in bank apan sum a leitawi ua, huai sum in sial a khoi ua, lohching law veekvuukkei mahleh uh kingak na’ng in bel a hithei nimnem