PAPA, I LOVE YOU
By ~ Kap Tawmbing
Contractor hausa mahmah khat a om a aman adeih peuhmah adeih hunhun in aleizo a nuam asa mahmah mai hi. Nikhat car thak lei ding chih alungsim in a ngaihtuah a, a lei khit chiang a nuamtak a huai a car thak a atuang d kal bang a ngaihtuah a angaklah mahmah mai hi. Hun hongpai a, akha nawn in car lei ding chi a agensa bang in car hoih mahmah gamdang khutsuak khat ava leikhe ta hi.
Inn a hongtung a, a inkuan teng inleng kipaktak in car gari neithak chi in kipahpihna tawh ana vaidawn ua, akipak thei mahmah uhi. Aman tapa khat kum li (4) mi leh tanu khat kum guk (6) tuak anei a neusim lai mah le uh atei ta mahmah ua, apa gari leithak akipahpih petmah uhi.
Zingkal khat tua mihausa pa'n a gari leithak deihthawh tak in a hon sawpsiang heuhheuh a, atapa leng apa kiang ah om in kipaktak in gari a atuang di kaal ngaklah tak in ana ngak ngak mai hi.
Mihausapa tapa pa naupang chik hilai ahihman in apoi di le poilo di bangmah akhen thei naikei a, a gari ava velvel a ana zut zut mai hi. A pa'n leng thildang bangmah ngaihtuah tuanlo in lunglut tak le deihthawh tak in a gari a nawt nawt mai hi.
Huchia a gari a nawt siang kaal in atapa in a gari baang munkhat a thil banghiam ana gelh a, huai a thil gelh a pa'n amuhtak in aheh lopetmah a, siik chiang khat la in atapa pa a sam hi. Huai hun in a pa'n bangmah hoihtak a en masalou in atapa pa khut alen a nakpi pi in a siikchiang tawi in akhetsak a aguhteng akhet zaansak ta hi. Bangtan hiam nung in atapa damdoi inn ah apaipih ua, huai ah doctor ten atapa khut aat tan ngai ding a huchilo aloh dingdan omlou ahihdan ahilh uhi.
Huchin naupangpa khut aat tan din operation a hon bawl ua, dakkal 2(nih) zoh in operation ahon zou uhi. Huaihun in bel atapa gim kisa le naa sa in lupna tung a alum dildel tamai hi. Apa akiang a ding amu a huai hun in atapa naupang chik khutbul/khut langkhat nei nawnlou a lupna tung a lum dildel in khasetak in a pa kiang ah pau zoulou pipi in"Papa, kei ka khut langkhat di bangchik chia hong pou nawn d a?" chi in apa kiangah a hon dongta hi.
Huai hun in apa leng gen ding theilo in atapa mit a mittui luangkhia en in a kuun mai a, dawng haksa asa mahmah mai hi. Apa leng gending bangmah theilou in akingaihtuah vungvung a konglam a apawt khiaksanta mai hi. Ava pawt khia a, a gari thak deihthawh mahmah a atapa thil gelh hoihtak in ava en chianthak hi. Huai ah a tapa in a pa zaak a gari thak tawh kisai a kammal azat khak hetlouh tuh ahon mukheta hi. Huai amuh in mihausa pa'n atapa huchituk a kipak ahihlam atheikhia a, a tapa tung a athilhih, a khutguh a saat zaansak akisiik mahmah ta hi. Himahleh a tapa tungah bangmah hihthei aneinawnkei. Akap a, akhitui anuul a himahleh bangmah aphatuam nawnkei. Atapa khut guh saat zaan sak ahita. Atapa pa adamsung teng khut langkhat bei a om den ding ahita chih ahon theih chiang in a pona semsem hi. Innsung ah alutkik a, atapa pauthei tiautiau pan, angaihhuai hunlaitak ahi a, atapa in ana en a, apa'n haksa sa leh kisuanglah tak in a tapa pa kiang a ngaihdam ava ngen hi. Huai hun in atapa in hichi in ana dawng hi, "Papa, nang ngaihdam non ngetma tham a ken hon na ngaidam khinta kahi" ana chi hi. Apa'n atapa apan huchibang thu azaak in apona semsem a hile atapa tung a bangmah hihtheih aneinawn takei hi.
Atapa in apa gari leithak kipahpih lua a agari baang a ana gelh khak hiai ahi,
"PAPA, I LOVE YOU"
©Siamsinna leh Vakiangbu
Contractor hausa mahmah khat a om a aman adeih peuhmah adeih hunhun in aleizo a nuam asa mahmah mai hi. Nikhat car thak lei ding chih alungsim in a ngaihtuah a, a lei khit chiang a nuamtak a huai a car thak a atuang d kal bang a ngaihtuah a angaklah mahmah mai hi. Hun hongpai a, akha nawn in car lei ding chi a agensa bang in car hoih mahmah gamdang khutsuak khat ava leikhe ta hi.
Inn a hongtung a, a inkuan teng inleng kipaktak in car gari neithak chi in kipahpihna tawh ana vaidawn ua, akipak thei mahmah uhi. Aman tapa khat kum li (4) mi leh tanu khat kum guk (6) tuak anei a neusim lai mah le uh atei ta mahmah ua, apa gari leithak akipahpih petmah uhi.
Zingkal khat tua mihausa pa'n a gari leithak deihthawh tak in a hon sawpsiang heuhheuh a, atapa leng apa kiang ah om in kipaktak in gari a atuang di kaal ngaklah tak in ana ngak ngak mai hi.
Mihausapa tapa pa naupang chik hilai ahihman in apoi di le poilo di bangmah akhen thei naikei a, a gari ava velvel a ana zut zut mai hi. A pa'n leng thildang bangmah ngaihtuah tuanlo in lunglut tak le deihthawh tak in a gari a nawt nawt mai hi.
Huchia a gari a nawt siang kaal in atapa in a gari baang munkhat a thil banghiam ana gelh a, huai a thil gelh a pa'n amuhtak in aheh lopetmah a, siik chiang khat la in atapa pa a sam hi. Huai hun in a pa'n bangmah hoihtak a en masalou in atapa pa khut alen a nakpi pi in a siikchiang tawi in akhetsak a aguhteng akhet zaansak ta hi. Bangtan hiam nung in atapa damdoi inn ah apaipih ua, huai ah doctor ten atapa khut aat tan ngai ding a huchilo aloh dingdan omlou ahihdan ahilh uhi.
Huchin naupangpa khut aat tan din operation a hon bawl ua, dakkal 2(nih) zoh in operation ahon zou uhi. Huaihun in bel atapa gim kisa le naa sa in lupna tung a alum dildel tamai hi. Apa akiang a ding amu a huai hun in atapa naupang chik khutbul/khut langkhat nei nawnlou a lupna tung a lum dildel in khasetak in a pa kiang ah pau zoulou pipi in"Papa, kei ka khut langkhat di bangchik chia hong pou nawn d a?" chi in apa kiangah a hon dongta hi.
Huai hun in apa leng gen ding theilo in atapa mit a mittui luangkhia en in a kuun mai a, dawng haksa asa mahmah mai hi. Apa leng gending bangmah theilou in akingaihtuah vungvung a konglam a apawt khiaksanta mai hi. Ava pawt khia a, a gari thak deihthawh mahmah a atapa thil gelh hoihtak in ava en chianthak hi. Huai ah a tapa in a pa zaak a gari thak tawh kisai a kammal azat khak hetlouh tuh ahon mukheta hi. Huai amuh in mihausa pa'n atapa huchituk a kipak ahihlam atheikhia a, a tapa tung a athilhih, a khutguh a saat zaansak akisiik mahmah ta hi. Himahleh a tapa tungah bangmah hihthei aneinawnkei. Akap a, akhitui anuul a himahleh bangmah aphatuam nawnkei. Atapa khut guh saat zaan sak ahita. Atapa pa adamsung teng khut langkhat bei a om den ding ahita chih ahon theih chiang in a pona semsem hi. Innsung ah alutkik a, atapa pauthei tiautiau pan, angaihhuai hunlaitak ahi a, atapa in ana en a, apa'n haksa sa leh kisuanglah tak in a tapa pa kiang a ngaihdam ava ngen hi. Huai hun in atapa in hichi in ana dawng hi, "Papa, nang ngaihdam non ngetma tham a ken hon na ngaidam khinta kahi" ana chi hi. Apa'n atapa apan huchibang thu azaak in apona semsem a hile atapa tung a bangmah hihtheih aneinawn takei hi.
Atapa in apa gari leithak kipahpih lua a agari baang a ana gelh khak hiai ahi,
"PAPA, I LOVE YOU"
©Siamsinna leh Vakiangbu
Comments
Post a Comment