NU ITNA
~Ama ValteMinlian V-Itna Rose
A
hong tung ding, Sunday"Nute Ni"(Mother's Day) ding ahi ta.. Dam a,
Toupa'n Nute Ni hon muhsak lam en in, A la a, pahtawina ka piak ma-in, a
thu inleng Biak Inn ah Nute mai ah, hiai ka thugelh ka sim ding hi.Lawm
aw, nangle na nute kiang"Nute Ni-in"Na nu chibai bukin, Nu aw, Lungdam
ing, tuni chiang dong non kep/huai nate ziakin chi-in na nu pahtawina
pia in maw.. Na nu gimna, natna, lunggimna haksatna tengteng damzou-in, A
lungsim dam ding a, tha pia-in, sawt hon dampih mahmah ding hi.
"TUNNU ITNA LIANIN, THUPI LUA"
Ka
tunnu sunggil panin, simlei-ah miimbang kana pianga, A aanglai
liimnuamah, ittak leh hawmthoh takin, ka tunnu'n haksatna tampi thuakin
kei honna keem hi.
Zaan sawt lua chi lou-in, kei hon khual manin,
maimit siing man lou hialin, Bawi Aw, Bawi Aw chi'n lai khun tungah hon
zaal sak... Ka tunnu hon itna lian lua..!
Ka
tunnu'n hon itluat manin, ni simin tukol/haakkol pua-in vai lou kuan
zeel.. A haksa huihpi/vuahpi thuakin, gim leh tawl khoksa lou-in, a
vondeih (kei) hon itluat manin ma bangna pang zeel.. (Vai lou kuan hong
pai chiangin.. Lam kiangah, thei min, ling min chihte bang a tuah
chiangin, vangik tampi pua kawm himahleh chiang kawi khat la-in,
bathakpi leng hon it luat manin, a chiang kawi zangin kei a dingin hon
batsak geigei lai.. A puan mongte, a niik mongte ah tuunin hon puak
tuntun..) Tunnu itna lian lua..!
A kholhpih gual toh tan bang a kim theih saamna ding chi'n, a neih man hauh man hi lou-in, silh leh ten a von it (kei) din hon guan.. Hon itluat manin zum leh zah thuakin, aduh a deih nei zou lou, silhpuan pha zong a duangah baatngam lou a vondeih (kei) hon khualmanin..!
Nu Aw, kei ziaka,
haksatna, gentheihna na tuahte, ka hoihlouh huna, na Zaalkhun tunga, a
guuk a, na lukham teng na khitui luangkhia a kawt a, na gimthuaknate, NU
kei ziaka na thuakna tengteng hon NGAIDAM in..
Na vondeih (kei)
non itluat manin, thu non ngetsak lailai.. Toupa'n, na it NA TA (kei) a
dia na thumnate hon za-in, A vualzawlna na ta (kei) tungah hong tung
henla, na ta it (kei) tungtawnin nang ah, na gimthuak lai-a, na khitui
luang khia tengteng Kipahna luankhi hidingin na tungah Toupa'n hon
kheksakin, hon vualzawl hen aw..!
Nu Aw, tuni chiang dong itna toh
non kepna te thupi lua.. Ka lungdamna thugen zou vual hi lou ka hi.
Pahtawina, zahna, thupina te nang k'on pia hi. Sianin hon huai henla, na
vonte'a di'n na khan kumkhua uh sawt hen aw..Lungdam ing, Nu Aw..
Simtute
tengteng Toupa'n Nute zahtak dan siam, nute pahtawi dan siam, nute it
thei a, nute kipaksak thei, nute lungkim tak a om sak thei hi dingin,
hon vualzawl chiat hen aw..!
©Siamsinna leh Vakiangbu
Comments
Post a Comment