KUA HANGSANZO (NUMEI/ PASAL)
By ~ Jim Valentine
Numei leh pasal akibang in kipiang hi. Himahleh mi khenkhat ngaihdan in numeite dawilok deuh in pasalte hangsan zo uhi. Hiai ngaihdan dik nasa hia? Anuai atangthu ana sim mahdih.
Zan asot dek simta hi. Major Lalpu, azi kimboi leh azin (guess)te dining table gei atu in ann ane uhi. Vuahpi chiin mahleh inn bittak ateng ahih man un vuahzuk lam bel kitheilou phial hi. Ann anek komkom un thil lauhuai le banghiam omguih (emergency) hun anumeite omdan peuh hong houlim panta uhi. Captain Khualpu in bel numeite dawilok dan hon gengen in "Zusa peuh in numeite lau in kikouzak sak thei hi" ahon cihleh alak ua numei omten "Numeite le lauhuai om phut namun khong akikou pah lou in hangsantak le daitak in pasalte bang in om theithou uhi" chi in hong kisel pian simta uhi.
Alak ua tel Lampu kchi khat in "Numei khat le pasal khat gamlak ah zangiak uh henla nitak in gamsa hamging zale uh a numei pen in lau in kikou ding ahimahleh apasal pen in bel lau mahleh kikou moklou ding hi. Hiai in aetsak tuh pasal in numei sang in emergency hun ah kidek theihna hauzo mahmah ahi" honchi hi.
Colonel Khanlian inbel athugen uh ngai maimai in bangmah vakumlou hi. Thakhat in innteknu Kimboi sih dang a dang(pale white) leh tanglou hial in hong om guih aamel kilat dan bang hong tuam hial hi. Kimboi in leng ainn ua nasem (servant)pa en in alu su ngauh in sam hi. A nasem pa bil ah banghiam ahilh guk siau leh anasem pa uh bang lauh mel chitak in amit hah bang hong lian huai hi. Huaitak in anasem pan le leibel a bongnoi adim aom vala in verandah ah vatung hi.
Huai bel Colonel Khanlian chihlouh midang kuamah in theilou uhi. Aman le lamdang sa in bangchidan hi peuhmah ding hiam chi in angaih tuahtuah leh bongnoi pen gul antah dia kizangsak ahihdan ahon thei hi. Huchi in aannek na room sung ua gul om ahihdan ahon thei a himah leh koi aom ahia chih bel atheikei hi. Room kilteng aet chiang in kil khat ah anasem pa ding in adang teng ah bangmah aomlouh takin atable nuailou uh tuh agul omna ding omlou ahihdan ahon theisuah ta hi.
Thakhat adingkhiak guih a,alomte tanglou aomdia sawl di chih chu atup pipen himahleh agul in atukman khak di alauh ziak in dingkhe ngamlou thak hi.
Huchi in Comanding Officer lem kineih in aw khauh deuh in "Lawmte naki nialnial ua tun ken mahni kidekzohna (self-control) kuan anei zo hiam kon test di,1 apan 100 tan konsim dia huai hunsung a atang masa penpen in Rs.100liau ding" hon chi hi. Hon simpan ahuai dohkan bul atuteng tanglou hial in ahong om uhi. Asim komkom in amit-siik ah huai gul pen verandah abongnoi kitung nalam zuan ahong taipot amu hi.
Huchi in Colonel Khanlian le verandah kongkhak khakdia kindeuh aatai phei leh miteng inleng gul pen amu ua alau mahmah mai uhi.
Inntekpa Major Lalpu in naak-huai zen in "Pasal in mahni-kidekzohna hauzo ahi chih tun non prove ta vele" ahon chi hi.
Colonel Khanlian in innteknu kimboi lam nga in "Innteknu i annek dohkan nuai ua gul omlam bang nachi theih a?"chi a adot leh Innteknu Kimboi inleng nuisim heuhau kom in "Ka khetung ah hongvak ahi"chihsan hi.
BEI MAWK...
©Siamsinna leh Vakiangbu
Numei leh pasal akibang in kipiang hi. Himahleh mi khenkhat ngaihdan in numeite dawilok deuh in pasalte hangsan zo uhi. Hiai ngaihdan dik nasa hia? Anuai atangthu ana sim mahdih.
Zan asot dek simta hi. Major Lalpu, azi kimboi leh azin (guess)te dining table gei atu in ann ane uhi. Vuahpi chiin mahleh inn bittak ateng ahih man un vuahzuk lam bel kitheilou phial hi. Ann anek komkom un thil lauhuai le banghiam omguih (emergency) hun anumeite omdan peuh hong houlim panta uhi. Captain Khualpu in bel numeite dawilok dan hon gengen in "Zusa peuh in numeite lau in kikouzak sak thei hi" ahon cihleh alak ua numei omten "Numeite le lauhuai om phut namun khong akikou pah lou in hangsantak le daitak in pasalte bang in om theithou uhi" chi in hong kisel pian simta uhi.
Alak ua tel Lampu kchi khat in "Numei khat le pasal khat gamlak ah zangiak uh henla nitak in gamsa hamging zale uh a numei pen in lau in kikou ding ahimahleh apasal pen in bel lau mahleh kikou moklou ding hi. Hiai in aetsak tuh pasal in numei sang in emergency hun ah kidek theihna hauzo mahmah ahi" honchi hi.
Colonel Khanlian inbel athugen uh ngai maimai in bangmah vakumlou hi. Thakhat in innteknu Kimboi sih dang a dang(pale white) leh tanglou hial in hong om guih aamel kilat dan bang hong tuam hial hi. Kimboi in leng ainn ua nasem (servant)pa en in alu su ngauh in sam hi. A nasem pa bil ah banghiam ahilh guk siau leh anasem pa uh bang lauh mel chitak in amit hah bang hong lian huai hi. Huaitak in anasem pan le leibel a bongnoi adim aom vala in verandah ah vatung hi.
Huai bel Colonel Khanlian chihlouh midang kuamah in theilou uhi. Aman le lamdang sa in bangchidan hi peuhmah ding hiam chi in angaih tuahtuah leh bongnoi pen gul antah dia kizangsak ahihdan ahon thei hi. Huchi in aannek na room sung ua gul om ahihdan ahon thei a himah leh koi aom ahia chih bel atheikei hi. Room kilteng aet chiang in kil khat ah anasem pa ding in adang teng ah bangmah aomlouh takin atable nuailou uh tuh agul omna ding omlou ahihdan ahon theisuah ta hi.
Thakhat adingkhiak guih a,alomte tanglou aomdia sawl di chih chu atup pipen himahleh agul in atukman khak di alauh ziak in dingkhe ngamlou thak hi.
Huchi in Comanding Officer lem kineih in aw khauh deuh in "Lawmte naki nialnial ua tun ken mahni kidekzohna (self-control) kuan anei zo hiam kon test di,1 apan 100 tan konsim dia huai hunsung a atang masa penpen in Rs.100liau ding" hon chi hi. Hon simpan ahuai dohkan bul atuteng tanglou hial in ahong om uhi. Asim komkom in amit-siik ah huai gul pen verandah abongnoi kitung nalam zuan ahong taipot amu hi.
Huchi in Colonel Khanlian le verandah kongkhak khakdia kindeuh aatai phei leh miteng inleng gul pen amu ua alau mahmah mai uhi.
Inntekpa Major Lalpu in naak-huai zen in "Pasal in mahni-kidekzohna hauzo ahi chih tun non prove ta vele" ahon chi hi.
Colonel Khanlian in innteknu kimboi lam nga in "Innteknu i annek dohkan nuai ua gul omlam bang nachi theih a?"chi a adot leh Innteknu Kimboi inleng nuisim heuhau kom in "Ka khetung ah hongvak ahi"chihsan hi.
BEI MAWK...
©Siamsinna leh Vakiangbu
Comments
Post a Comment