LUNGCHIMLOU LAI HEN AW

By ~ Vz Vualnam

Tu a lung kilawp houlung an bang kum
Zansawt maimit sinsik tongdam kikhak
Nuachiang simthu bang chi'n hong kiheek hiam
Tu a houchim omlou tongdam kisang
Lenmui toh dai bang atheng khawm zaw diam
Lentu simsing bang a gilden zaw diam

Tak a kimulou lungtu a tonghou
Tak a sakmel kimuhni tuang hong tun chia'n
Lung kisit in tongnem damtui a luang
Khaltui bang a kangta ding hiam ch'ing e
Zanchiang tongsan ding bei sau daidam ah
Zansawt lungzuan I sial nawn ding hiam chi'ng

Sakmel kimuhni tuang hong tung hen aw
Nihgel sinlai thuk a mel kitheisa
Sakmel in pal bang nanglou dih hen aw
Sakduang in gawl bang khamlou dih hen aw
Tongdam khaltui bang kanglou dih hen aw
Tuuk a chiaului bang khang semsem hen aw

Zin leh sian in pal bang nangkei hen aw
Siam zaw hen aw siallum sung zaw hen aw
Vual gen minthang an bang itna tullou
Puan bang tang di'n nihgel siam dih hen aw
Tu a lungchim omlou a tonghoute
Tum bang vuai nua'n lungchimlou lai hen aw
------------------------------------------------------
Tu a kinuamtuam tuah a kihou a zansawt nung a ihmut tang a kihouhoute denlam chiang in bang thu ahong piang mah de aw? Tu a kichimtaklou a akihouhou uh khomui bang mai in ahong mang mai de aw? Ahihkaleh sing toutak bang in damsung a daih de aw?

Tak a kimulou a kideihtuah a kihou, atak a kimuhni ahong tun chiang in kideihlou thak in adai vengveng di ua aw? Nitak a houlimpih ding nei nawnlou in lungleng in a omta mai di uam?

Mel kimuhni hong tung henla, nihgel lungtang a kitheisa mel in khenkei henla, duang in leng nangkei hen. Kamsiam a kihouna leng daikei henla, puang semsem hen.

Pathian leh dawite’n leng nangkei uh henla, vualzawl in panpihzaw uhen. Mite’ gen minthang itna taktak mu ding in vualzawl uhen. Tu a kichimtak chih himhim omlou a kihoute a teek chiang un leng chim naituankei uh hen.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more