KA LAWMTE'N HIAI A THEI DING UH
~Vz Vualnam Hun khat lai in naupang ka na hi a; Kholhpih lawmvual tampi ka nei hi. Akhen naupang thumang tak ahi ua; Akhen thuhilh butlouh ahi uhi. Akhente laakmang in a om khin ua; Hawi a om teng mabaan chiat a khang in; Tu in piching chiat a hong hita ua; A hinkhua ua kikheekna om chiat in. Naupang hoih khenkhat mi hoihlou suak in; Piching hehpihhuai tak a hong hi uh. Naupang hoihlou khenkhat mihoih suak in; Mi phathuai tak a hong suak maimah uh. Kei leng ka lawmte’n hiai a thei ding uh- Ka pichin in bang ka hong suak hiam chih! ©Siamsinna leh Vakiangbu