TANGTHU TAMLOU

Flo Chingmuankim GuiteHangshing

Ka lawmte khat in ama tangthu Tamlo cik hon gen, ama phalna toh hiah kon post aw: (true story)---------

Ka neulai in ka pu inhon it mah mah ahih ziak in hon pom a hon pua-pua in ka min bang le PS hau ci in hon na phuah sak hi. Kum 7(sagih) ka hih kum in nursery ka na sim pan ta. Huai kum a pass zolo ka hih ziakin, ka class ka nau tawh ka na ki kan khel uhi. Amah pass na ken la in class a ka na sun zom ta….Kum 8(giat) ka hih kum in class A ka hi ta huai tuh 1996 ahi ta, buai hon awm ziak in class ka hon sun zom thei nawn kei a ka khua ua ka kai na Govt. JB School ah class 1 ka hih kum ding in ka tawp ta maimah hi. Ka pa'n bang mah sepna anei kei a, Pasian thu lam chauh ah ana lung lut mah2 sam hi. 1997 leh 1998 ka hon khol a, khovel buai na ziak in, Tua zoh huai mun mah ah 1999-2001tan in class(i)-(iii)hon sim nawn in, kum 2002 in BlueStar ah class (iv) ah kong zom a, Class (V) tan kon kai ta hi. Huai ah ka kai sung in Tution fee pe zo zel louin ka nu'n meh zuak ahih man in huai ameh zuakte, Dallian kiang ah Hostelte meh dingin apiak ciang in kum nih ka kai zo hi. Kum nih hon bei nawn ciangin meh bawlna leitang hong tulta a, bang mah pia zo nawn loin ka hon pum tawp ta uhi.

Haksatna kei lo mi dang in tuak nawn kei leh cih ka deih sakna ahi ta hi.Kum khat hon khol nawnta ka hih man in Phai ah (Imphal) ah hotel boy in ka va ki lawh a ka lungsim teng amang ta hi. Huai kum 2004 ah ka sum lawh 400 lel ahi. Akum nawn in Phaibem JN Nazareth English Skul ah ka hon kai nawnta a huai ah kum 2005 in class(Vi) ah ka hon ki admit nawnta hi. Class vi ah simple in kon pass daih a, a kum nawn in 2nd kon tung nawnta hi. Kum 2008 kum in best student kong la kha a, huai pen ka pass tam ziak ahi kei a ka mi hoih ziak ahi, ka pa bang nak kipah lua inamittui kham vuallou in a hon luang ta hi. Farewell ah hon tel ahih man in milak ah thu genna nei kawm in ahon kap khe ziah2 ta hi. Hiai tan chuka Junior high school ahi. Hiai Junior high school sung in lou nasep tawh kong thuah a, kapa a kong(waist) anat ziak in bang mah hih theilo in kei tawh ka nau in zingkal dak 3(thum) a thou in lou ka vakai ua, dak 7(sagih) a inn pai in kisa akuan sek ka hi uh hi. Huai ka kuanna uh KM 10 bang hilai, koukho ban ah kho thum ahi.Kum 2009 kum in Rayburn ah PCI® ka hih jiak un sum nei tuan lopi in kong kai thei sam a. 2010 kum in ka High Schoolka hon zota hi, huai kum in Article khat kana gelh a huai tuh PURPOSE DRIVEN LIFE cih ahi. Na sim utleh amuh thei gige ding hi. Ka skul kai khakna tengah ka sang siate leh heutute ka zah tak theimah2 aban ah ka lawm bawl thei mah mah hi. Huai kum aka thu gelh kha ka thil tup hi mah leh, tu ciang a ka thil tup tuh PASIAN IN BANG HIH DING A HONDEIH AHIA? Chih zon khaki ahi maita.

College ka kai ma deuh in Phai(IMPHAL)mah ah Rickshaw kava tol a, class (xii) ka hon kai thei nawn ma in leng ka va tolnawn hi. Huchi kawm2 in kum 2012 inXII ka hon zota hi. Huai ka sim sung in min hon vuak na in ka lu aki phel suah nawn a, himahleh ni 7(sagih) zoh in kon hing khia nawn ta hi. Mite’n asisa a ahon koih uh ka hon hing kik in ka Ojate’n bang lam dang asa ua, kei galna ding bang in Taubel bang ka College uahom lai ahi. Si luang dawnna dingin Bus bang mansa in om khin a, kei tuh ka hing kik ta…Amen. Kapa tupna sang ahi lam chu ka thei sum leh pai anei lo lam le ka thei huaiziak in, Delhi ah ka pai dia ki lawh kawmin Skul kava kai ding ka chi lai2 hi, ka pa kiang ah Admission ka mu ka chi a, himahleh tutan Skul ka kai nawnnai kei hi.

Ka zuau ka gen ka thei kapan sum neilo piba hon phal ahi, ka kuan tung in sang 7 (sagih) kengin ka kuan a inn bahara ka piak zoh in ka sumteng a beita. Admission ka muh jen pi ka bawl thei tuankei, mi tampi ka khem ka thei, himahleh ka hih thei omlo p maw? Saptetawh ka ki hou jel ua, kasepna ah, Laisiangthou sinna ding dan bang ka dong jel a, ka maban ding bang chih ding ahia chih ka thei zo nai kei, School ka kai ut a, ka ngaih tuahna hon kikhel hun ta ahi, kum 26 ka hi ta, ka classmate te’n MA a zohna uh a sawtta maw? Ka nagaih tuahciang in ka lung akham in a kham hi. Kei mi ka suak zo lai diam? Chih bang kei ngaih tuahna ahita.Ka hin dan tamlou kong tak lang lai ding,Holkhut (making Charcoal) ka hi a, ahoih teng zuak zel a , a hoihlo deuh teng kou ading, Panai zongzel in ahoihlo teng ki meh a, ahoih teng ka nunzuak jel, khong lah lai, Mehteh like Betehleh adang2 ,mai nou bang ahoihte chauh ki zuak ahoih loute kimeh lai, khong zolou bang chu ka kap mai ahi.Leitung kei a ding in hin man a om lai diam?Pa Pasian gualzawlna ngak in ka damsung teng kanung ta ding a, Leitung luankhi nulna nopsakna gam denchiang in ka ngai nawn kei ding hi. Bangkim ah pasianthupi na ding hi ta hen.

Amen...

©Siamsinna leh Vakiangbu