Siamsinna leh Vakiangbu

By ~ Leon Guite Khristmas special..... Khristmas hin nuamtak vaidawn ut in vengchih, kilchih ah mite nuamsatak in chiau vengvung uhi. Khosungte cheimawi in biakinn te nalh tak in zem ua, kilawm thei mahmah hi. Veng chih a YPA ten leng hiai hun nuam sung a thilsia atun khak ding lau in kilchih ah vengtu koih in naktak in panla uhi. Huchih laitak in veng duty heutu khat in naupang khat abil ah ahon kai a, "en dih ua athil guk" chi'n alawmte kiang ah kikou lala kawm in gen hi. Naupangpa bel puan-ak se nipnep a nit ziak a angou na kolang zou nawnlou khat â in a ding dinden hi. A puan kawm ah van tun lianlou khat tun thinthen a, aman pa'n laksuh in phelsak buatbuat hi. Tua a van bawm sung ah aksi lim khat leh Khrismas putek lim khat a om hi. A kîm a omtên naupangpa simmoh tak in kou zialzial uhi. Huchi'n police te hong pai ua naupangpa tuh a innlam uah pawkheta uhi. Pa Khup bel azi'n asihsan nung atapa Lianpu chauh toh khosa uhi.

By ~ Nasri Jona Tawmbing ~ Abigail laikhak nanung (15/12/2012) A sausim ziakin mobile user a simsuak nuam na om zenzen ualeh photo a click maidi aw. Tanu neihsun ka hi chih na thei a, huaikia hilouin vengkhat a nungak fel chia mite hon gen, khawtang leh Saptuam ah ka hihtheih tawk a pangsam ka hihlam theichiang mahmahtu khat na hivele maw, bangziak a ka tung a hichibang mulkimhuai tak a khawsa thei mawk na hia???? Thil khat kia a khial hilengbel a thuakle dan omdeuh nave, thilkhat hihkhelhna tung a khelhna dang hihdia na hon sawl pen ahi ka theih siamlouh. Kum dang, hun dang inle i khua ah Kristmas zangdi'n na hong paisek vele maw,,,, huai hunlai apatin in melhoih honsa in kana enen sek a, damsung a tulpih utin deihthu kana saam sek hi. Himahleh huai hunlai in hiaibang lungsim nei mahleng naupang mai ka hi chih ka kithei a, kei ka kitheih mai ban ah "School naupang na hi" chia hon pawm nuamloudi na hih ziak in bangmah genlou in ka om hi.

By ~ Muana Guite Khua khat a Nupa hausa mahmah a om ua,amau hi ta neithei pahlou in a kho nung deuh in Tapa hoihtak mai hon nei uh hi.A tapa neihsun uh chu a duat mahmah ua, a pianchampha 1 veina chu a thupi thei pen a lawm di'n a kho kim leh pam, a lawm leh vual teng a chial vek hi. Nek leh tak, dawn ding theitui leh bang kim chu a om vek hi. Huchi'n ah Birthday lawm dia a chial teng un thilpiak hoih pipi ngen hon toi ua,huai thilpiak te chu kilkhat ah hoihtak in a koih khawm uh hi. Nek di om teng hon ne ua,kipak in tumging kilawm te toh hon laam ua, Birthday cake aat hon sawm ta uh hi. Huchia cake aat dia a tapa pa a om na apan a va pikhiak dek leh ana om ta kei hi, a buai mahmah ua, zong theih na teng a zong nung un le a mu kei ua. Music teng le hon off ua, huchia thawm daitak a a omlai un, kilkhat apan Naugek kap thawm chu a za ua,kin deuh a a vat et ua leh a tapa pa uh Birthday gift a koih khawm te un ana delh kha a. Si man phial in ana om hi, minute 5 v

By ~ Awxel Tomolo Khovel a piangkhia milip tengteng hun khat a piangkhia ngen ihi uhi. Inu gilsung apan ipiangkhiat akipan I sih dong tanpha in hunbi kinei chiat hi. Khovel buppi sung ah milip in hun imuhdan leh ineihdan kidanglam na leh kibatlouhna omlou omlou a ahihhang in polkhat tea din bel hun ichih pen homthoh huai mahmah a pol dangkhat adin bel chinhuai leh ninghuai leuleu hi. Hunol (Laisure Time) ichih pen kuahiam mimal khat in itung a honkoih hilou in mahni leh mahni kiguan ahi hi. Hun ineih pen jat siam leh jat dik pawimoh mahmah hi. Mikhat in ahun neihte ajat siam nadin hunbi nei a asep dingte ajuih ngai ding a tua ban ah athadah louh a sep ding omte asep chetchet kul hi.hun pen jatsiamna in khantouhna leh masonna thupita tunthei hi. Tumlam gamte en tale ahun jatdan uah a puangchual mahmah uh chih inuthei ban ah ahun jatsiam jiak un khantouh lam amanoh hiaihiai uhi. Asep leh bolna uah hunbi a nasem ngen ahi ua leisure time himhim aneihlo

By ~ Pau Lian Phavang saanlai, zingsang tuimei kai thieithiai nuai ah khelahtak in Chiching in mangpha khakna in chibai hon buuk a, akhut taklam tuh kalenkip tinten a, amah enkawm in "Ching, chikchiah I kimukik nawndia chih zaw ka gen theikei, a baih theipen in nang muh tuh kaki nepna lianpen ahi, na pemna lam uah lawm leh vual dang vapawl ding nahih man in non pilvang di aw, tu in kikhen mah le hang ki khenden lou ding ihi, khatvei tei Pathian in a hoihna itung ah hon suah dia kimukik nading ihi chi kawm in a khut tuh sawt simtak ka letnung in kakhah ta. Chingboi in a nute amalam a saupi ana tungtate gal et zual in mithah nemtak leh khelah tak in kei hon enkik a, hitham e Umang, nang adia ginom gige ding kahi, kei adin nang mudia hong zin haksa tading ahihna ah nangbek phavang nawn chiang a christmas van lei dia Lamka nahong hoh teitei kaki nepna ahi chi in, a nuihmaitai hon suah a, kenleng painuam leh damtak in aw chi in Chingboi leh a innkuante Zodawn apan kho

By ~ Vz Vualnam Tu krismas in Ka lungtang hon nasak theite Gamlapi ah ka khoihmang ding a Lungkhamna himhim Ka lungtang sung ah Mun ka awnkei ding hi Tu krismas in Ka lungtang hon thangpaisak theite Gamlapi ah ka koihmang ding a Hehna himhim Ka lungtang sung ah Mun ka awnkei ding hi Tu krismas in Ka lungtang hon suniin theite Gamlapi ah ka koihmang ding a Huatna himhim Ka lungtang sung ah Mun ka awnkei ding hi Tu krismas in Ka lungtang hon sesak theite Gamlapi ah ka koihmang ding a Gitlouhna himhim Ka lungtang sung ah Mun ka awnkei ding hi Tu krismas in Kipaak tak a dainawl khawng a paak Taangsaamte bang mai in Kipaak tak in ka om ding hi Lungnuam tak a mualkuam khawng a kivialleh Huihzangte bang mai in Lungnuam in ka om ding hi Huatna himhim in Chikmah a athehkhaak ngeilouh Tung a meipite bang mai in Itna ka paai ding hi Gitlouhna in a batlouh Tung a khapi bang mai in Nunneem in ka om ding hi Kei’ dia tuate ahaksat luatleh A hong piang

By ~ Palemtheilou Papektawl   "Kisiik un vangam a naita'' chi a thu khun lui hun a Zawlnei tuamtuam ten mipi te lak a ana tang koupih ta uh chih ithei chiat ka gingta hi. Thu khun lui hun a leng ''Jesu'' hong paina di naita ahihleh, Thukhun lui hun leh tu hun, A tawm pen a gen in le kum 1000(sangkhat) aval ta hi. Khum sangkhat bang paita ahih leh Jesu hong paina di chuh a nai mahmah tak agintak huai hi. Bible mahmah in le hun nanung lam ahi ching in Thu lamdang tuamtuam, ki thahna, buaina, ki siatna tuamtuam a omding chi'n ana ki gelh hi. Tua ki gelh te khat khit khat in eilak mahmah aleng a tang tung tou zel a, Jesu hongpai hak nawn lou ding ahih chih haihvual hi lou hi.   Jesu leitung a aom lai in ''Mang thangte zong a hondam ding a hong pai ka hi'' ana chih hi. Himahleh tu in hongpai leh Mangthang te zawng ding ahih kei a, Misiangthou te la ding a hong pai ding ahih chih ithei chiat uh ka lam en. N'ang lak

~Sang Hilsia (Post nawn ta ole, post louh na le a sawt sim tak toh. Sim hak lenluan maithei   ) Political Party block makaitu ka hi a. bialtu Minister toh le ka ki thei hoih ua, contract le ka mu thei mahmah a, lou nei a nekzong maimai leh singtang kho tawng a om ka hih na uah, ka khosakna uh a sang het kei. Hucia contract estimate nuai 20 man vel kon muh gige incu, 'duhamna' in ka lungsim a hon luah ta a, tu ma a Tuailai pawl makaitu hi zel pen, zuu toh ka khosa ta. Ka zi a damthei kei mahmah a, nupa hinkhua le ka zang vaang mahmah uh. Himahleh, ta-le-nau bang ki nei ta ahih man a kikhen lou maimai ka hi uh. Inn hoih tak ka lam a, gari ka lei a, ka khua uah mi'n hon tung et mahmah ta uh. Tanu khat leh tapa ka nei a, ka tanu a melhoih mahmah mai a, mahni ta mah himahleh mel leh a taksa pianzia ah ka phat zel a. Innkiang a papi khenkhat in, "Chingnu cu a mel leh a pian a nalh a, officer kua hiam khat in a hong hel mai di" cih khawng

By ~ Paumuanlal Guite Fspa Pawltak hun nuamtakte zang in nungak tangval genlouh naupangte nasan thawmging a langlang a angaih in a husa mahmah. Tuailai pawlte lah buh at a kiloh in a langlang ah a kigamlum hehu mai hi. Khosung a biakinn chih apan paungaihna tungtawn in Krismas laa lunglen huai taktakte khahkhiat in aom hi. Lungleng theimi te adi'n jaw a lunglen huai khopmai.... Zingkal baihtak in ka min a hon kisam kaza a, kintak a thoutou in ka etleh kanu ana hi a, bang poimoh omhiam chia ka dot leh tuni tuailai pawlte kiloh a kuannawn ding, zing kuan ding ka hihdan uh hon hilhthak a, ken leng phawkthak phut ka hihman in kintak in ka thou a, kihahsiang mengmeng in ka kingakkhawmna ding mun lam uh zuan in ka taipah hi. Lawmte ana tungkim simta ua, kei leng kisuanglah sim toh kava nuilut phei a, a chih bangbang uh hih dia mansa in ka om ngal hi. Heutute'n thu tuamtuam hon gen in hausapu lou a buh aat ding ka hihdan uh hon gen ua, huchi'n

By ~ Vz Vualnam It napi a aziak na theihlouh a Nawlkhiin a om napi a na it teitei a Mangpha khaak a om napi a Na lunggulh teitei a Chiamnuih leltak a bawl a om napi a Thuakzohna na taaksaplouh a Engbawl a om napi a Thangpaihna himhim mun na otlouh a Hihnat a om napi a Thuukzaw seem a na it seemseem a Haina himhim khualzoulou a Na lungsim tengteng a na delh a Lam-etna a omlai hitaleh Lam-etna a omlouh lai hitaleh Na lungsim a na lam-et teitei a A itpen toh kiton helhel na muhlai a Lungtang a khitui luang zungzung kawm a Ahoihna ding a Pathian na ngetsak theihleh Lawm aw, itna dik na mu hi! Itna dik zaw na mu ngei a Himahleh huan a thei paak teng in Gah asuan kimlouh bang un Itna teng leng kopkim in ahong paikei uhi Itna kopbei na tankhaak leh Hichitel a itna thuuk leh zaa Avuaksuak mai ding maw Chi in khase hetkei hial in Na itna in na it a zuiden ding a Mi’ zi ahihna innsung ah Mi’ pa ahihna innkuan ah A kipah ni a kipahpih ding in Dahna khitui al

~Vz Vualnam Tuni’n kha keta le’ngKulsin daidam ah zalta le’ng Lailungsiik luankhi nulkei ning e Mu bang ka ngaih lanu’ siang An bang ka itna leelkhin ta’ng e Lailung siiksawn na’ng bei hi’ng e Lanu’n an bag hon itsamlou zong An bang ka it lung a atheih Lungmuang a kha ka kiakna’n hunzou e Ka luakha’n damdiai in Pialgal vangkhua zuan ding aw Selung muang in simlei ka khenta ding aw Lanu ka itna kumkhua sawt e Phalbi vuukkang thum in thahta e An bang itna mei bang mitloulai Anuai ah kammei bangkuang nalai e Lanu’n ei nialna kumkhua sawt e Tuktui thum in luanzouta e Ei nialna luansiangloulai e Sum bang ei nial nalai e A sinlai ah kei di’n mun omlou zong Kumchin in an bang itna simthu Tui bang zawl ka baanglou e Nua chiang lungsiik dai bang pelh na’n Tui bang zawl ka baanglou lai ding aw Phamta le’ng, tuni’n phamta le’ng Kulsin daidam ah zaalta le’ng Lailung siik luankhi nulkei ning e Mu bang ka ngaih lanu’ siang An bang itna s