CHRISTMAS EVE
By ~ Nasri Jona Tawmbing
~ Abigail laikhak nanung (15/12/2012)
A sausim ziakin mobile user a simsuak nuam na om zenzen ualeh photo a click maidi aw.
Tanu neihsun ka hi chih na thei a, huaikia hilouin vengkhat a nungak fel chia mite hon gen, khawtang leh Saptuam ah ka hihtheih tawk a pangsam ka hihlam theichiang mahmahtu khat na hivele maw, bangziak a ka tung a hichibang mulkimhuai tak a khawsa thei mawk na hia???? Thil khat kia a khial hilengbel a thuakle dan omdeuh nave, thilkhat hihkhelhna tung a khelhna dang hihdia na hon sawl pen ahi ka theih siamlouh.
Kum dang, hun dang inle i khua ah Kristmas zangdi'n na hong paisek vele maw,,,, huai hunlai apatin in melhoih honsa in kana enen sek a, damsung a tulpih utin deihthu kana saam sek hi. Himahleh huai hunlai in hiaibang lungsim nei mahleng naupang mai ka hi chih ka kithei a, kei ka kitheih mai ban ah "School naupang na hi" chia hon pawm nuamloudi na hih ziak in bangmah genlou in ka om hi.
Na tanchin mite gen zanuamin ka bil ka tung sak sek a, asia apha nang tanchin ahih naakleh ka bil a lut nuamlou khatle a omkei hi. Himahleh nangchu mihoih na hih ziakin na tanchin gentute'n a selam himhim a ahon gen uh ka zakha ngeikei a, hon gen tute na sungkhat laina lamte ahihziak uhle ahi maithei. Hichi khop a honvei ka hihlam nangbel nengkhachikle na theikei, na theih ka deih a, na theihdia gendi'n hangsanna ka nei sikei.
Hunleh nite hongliam zel a, keile zilna lam ah pawl 10 bang zouta ka hih manin nungak piching khat ka hong hita, na loppihna paukam khatbek zaleng chih utin deihthu khawnng ka sam sek chih na thei hia???? Naupang chik dia na hon gintaklai apat in keibel nang ngaihtuahin ka hun kazang thamta hi. Huai hun apat pawl 10 ka pass nitan inle ka lungsim aki kheng kei. Nang kon deihna akibang den hi.
Keile nungak khat hita ka hih manin ka lungsim a om genkhiak litna ka nei kei. Himahleh khawvel a melhoih ka sak pen kiang a hiai bangthu gen khedi'n hangsanna Pathian in a tuam a hon pekei ahi chih ka thei, ka hangsanna tengteng chial khawmin gendi chimahleng ka ngamkei a, ka ngaihtuah vuakinle ka mulsi bang a thou sungsung thei hial hi. Numei chih mahtak, nang kiang ah gen khe ngamkei mahleng ka lawmte tengtengin a thei vekta uh, ka lawmte kam apat nikhat ni chiang a na zaak lamen in nang kon veina ka sialpi vuahthuak maimah hi.
Ka gintaak bang ngeingei in, ka lawmnu'n na kiang a kon star thu genta ahihdan leh, huaithu na zak phet a bangmah genlou a nui maimai na hihdan message in ahon hilh hi. Huai message ka simlai a ka omdan na thai hetkeidi maw,,,,,,? Ka lungsim alai a khetphel toh akibang hial hi. Ka lungsim khatin hon gingta taktak ahi dia aw,,,, ahih keileh chiamnuih thu maimai a hon laksak ahi dia aw,,,,, ka lawmnu message ka simkhit a na lungsim putdi ka ngaihtuahkhiak zohlouh mah bangin nangle ka lungsim na hon hihbuaidan na theipha biik kei di'n ka ging hi.
Khakhat beidi hita, bangmah thu lah na hon hilh kei a, chi'n kana ki ngaihtuah a, aselam ngen kipia in ka hun tamzaw ka zang hi. Numei ka hi a, bulpan masa a pang zel ut mahleng denchia na hon muhsit na'ng ahih ka lau a, tutung chu ka lawmnu tungtawn in a bul kon panta ua, aban chu nang khut a om vekta ahi aw,,,, chi'n na dawnna ngakin ka hunleh nite ka zang tou zel hi. Huchihlai in khakhat ahong bei a, khanih, kha thum, ahongbei hial in chu, na dawnna ka muta, lamdang ka sa a, kipah di hia dahdi chihle ka theisiamkei hial hi.
A ziakchu maw na hon dawnna toh ka lamet dawnna kibanglou eivoi, ken damsung tulpihdia ka hon deih lai in nangbel chiamnuih hia thutak chihle theihbut louhin eivele maw na hon dawng??? Poilou aw,,, Usang, ka ngetna chinglou na hon dawng sak a, na thutak hia na chiamnuih chih ah ka buaikei, bangkim ah ka kipaak veve chia ki ngaihtuah kawm in, ka hon pawl hi. Na hon chat chiang bangin ka lai zil di leh ka hihdi poimoh taktakte mangilh in ka mobile kia ka buaipih a. Hichi khop a kon ngaih poimoh laiin Usang nangbel na ut hunhun in nahon koihsan a, na lupdi chiangin mangpha na hon khak kei a, zingkal in zingpha na hon pe masa ngeikei. Bangkim ah numei zaw in bul ka pansek mahleng maw huai hunlai in chu na lungsim, na mizia ka theichiang kei a, a hihdidan mah in kana pawm sek mai hi. Huaiziak le himaithei eive maw tu khawnung a hichi khop a non bawl gentheih??
A bul pan masa gige ka hih ziak in, numei zumna neilou dan in na hon houpanta chih ka thei a. Ka taksa etlawmna lam en in, sexy taktak ngen a hon hou na sawm a. Nang lak a paukam pangngai tak za' dia ka kilamet lai in, numei pasalna lam zawng ngenta in bul na hon patpih a. A hoihlou ahi chih thei mahleng nang kon it ziakin a hoihlou ka sak nate le genkhe ngamlou in, paukam kilawmlou taktak ki-ip tuntun a ka zat khiak ni ahong tamta mahmah hi. Himahleh huaite tengteng nangziak a ka gen ahih ziakin khawksakna himhim ka neikei. Huchih laiin lampi diklou saupi zuita i hi chihlam himhim ka ngaihtuah pha kei zawmah hi.
Massage a genkia hun sanawnlou in, aw ngei zanuam in ka hon call na phut a, neih lahlah a ka neih, inkal kitawi zen a top-up ka thunte, zahmawh genna'ng leh phone sex zatna'ng a ka zatbei ahon ngai hial hi. Tangval khat, melhoih leh fel mahmah, inkuan hausa tak apat a khangkhia, deihdeih neithei, duhduh nethei dinmun a ding in, kei numei neih sunsun ka top-up-te non zatbei sakzel ziakin lamdang ka sak ni a tam mahmah mai hi. Himahleh maw Usang, huai hunlaiin bel na kipahna ahih naakleh khawk sakna himhim ka nei kei. Nang nawn call a luhgsim na' taktak a na hon tottot sangin, ka neih sunsun in ken hon call in hoih takin ki houle kei adia nuamzaw chih ka theihziak ahi.
Hunleh nite hongliam zel a, i kizopna le kip hiaihiai in ka thei a, kipahna in ka pumdim hial hi. Tulai khawvel changkanna ka hih ngeilouh "facebook accaunt kon hong sakdi" na chihni bang ka kipahna ka gensiamkei zawzen , "hichi khop a hon deihsak" chi'n na tung ah ka kipahna alian mahmah mai hi. Awlawl in facebook khoihdan na hon hilh a, thil theisiam pahpah mi ka hih ziak in sawtlou chik sungin ka hon khoihsiam pah hi. Ka home page sangin Nang home page ka check mun zaw a, kon gintak ziak mahin ka pasword le na zat penmah kheng sese louin ka zang den hi. Huchih laiin, ka friend-te lak ah kilawmlou simsim a na-na gamtat ni omsek mahleh itna ziak mahin ka hon theisiam a, na kiphaak nate zuau ahi chih thei mahleng kon iit ziakin thudik danin ka pomsuk zel mai hi.
Usang na ngaihtuah ngei dia aw,,,, nang adia ka kipiak zohdan tel maw. "Ek ne in" hon chile chinle nangthu nialtu hih sangin thumang takin ka ne ut hial di'n ka kiging hi. "Na vuaktang limlak hon khak ve,,,,," chi'n na hon ngen a, hiai chiah zaw haksa ka sapetmah, haksa ka sak thu ka hon gen a, lungtom huai takin na hon hehsan belbul zel hi. Na hon hehsan chiangin ken haksa ka sathei mahmah mai a, ka lungsim ah thildang bangmah a-om thei kei. "Bangchi'n Usang ka kipaaksak thei dia,,," chih ngaihtuah in, ka hun leh nite ka zang a, ni khat lel hon nuaksan hilechin bel kei adiale athuak nuamdeuh di hia, ni thum, ni li lam non nuaksan chia maw,,,,, kei adia kum tampi bang hial a sawt sasek keive. Na kipah na'ng thil dang ka ngaihtuah a, lah ka thei zoukei, buul taktakin na hon dawng a, kei adia pau nawn nadi lampi omlou hialin na hon dawngtan bulhbulh sek hi. Himahleh nang a ka itna tengteng omta ahi, hichi mai a beidot sawmlou ka hih man in, na lungkim na'ng lampi ka zong teitei hi.
Himahleh hiai ka vuaktang limlak non nget sese zaw hon hih lohchin sak theilou ka hi,,,, ka siam bangbang in thildang gen in na kipah na'ng ka zong a, kaal khat nung in chu na omdan hon kikheng in, pangngai takin i hong kihouthei nawn hi, hiai ni a ka kipahna a thupidan na hon theihpih hetkei maw? Vuaitam hon hehsan nawnloudi'n ka hon ngen ngoihngoih a, kon nget laiin hon hehsan nawnloudi chi'n gensek mahle chin ahun ahong tung chiang in lah na kichiam nate zahtak zou louin non hehsan zel si.
Bang gu ne a dawnkha ka hi mahmah dia aw,,, chi'n vuaitam ka ki velthak a, himahleh nang kon it kon ngaih bang ahia adiklouhna om,,, chih ka dawnna muh ahi. Hai ka kisa a, mawl ka kisa a, neep le ka kisa mahmah. Himahleh khatvei bek namel ka muh nawnma chu thuak teitei di'n thupukna kiptakin ka nei a, maitang a kihou a, thu dot ut tampi ka hon neih ziak in ka thuak hamham hi. Aziak chu maw,,,, kum khat phial mahmah hita eive i kingaihna.
Abigail ,,,, kei adi'n ginom takin ana om inla, Dec chiah Christmas zangdi'n kon pai dek a, damtakin i kimu theita di,,,," chia na massage ka muhni bang maw Usang, sun nileng in kipahna'n ka dim a, ka sep ka bawl peuh zangkhai takin ka hihthei hial hi. Ngaklah takin hun leh ni ka sim a, dakkal khat bei chiah nikhat bei henla, nangtoh ki muhni hong tung mengmeng leh chih khawng ngaihtuahin ka bengngong nuih mawkmawk sek hi. Nang ziak a ka kipahnate sel zoulou in ka lawm leh vualte kiang ah mualphou takin vuaitam ka omta, himahleh khawk ka sakei, nang ziak a hiai khawng maimai thuak chu neeplua maw,,,,.
###
Khakhat sang a tamzaw in i kimuh nang samlai ahih manin na hon hehsan nawn khak lauin, ka theih tawpin na mitmei ka veng sam hi. Himahleh nangbel ka omdan nengchikle hon theihpih lou in, na ut chiah na hon hehsan a, na ut chiangin naak taktakin non kou sek. Na hon thil nget ka photo kon piak theihlouh suanlam lailai neivoi maw, pangngai tak a ka limlakte hon ngen hilechinbel ka it zenzen kei, huchibang sese zaw haksa salua ka hi. A hihleh i kimuh hun chiah na siang thouna na hon laandi aw,,, chia non nget nawn ngal pen eivoi haksa ka sak.
Ka hihtheih louhdi ngen na hon phut a, non phut te sang a poimohzaw hon phut louh tampi nei na hi chihlah na thei ut si kei. Bangteng hileh nang ziak in thil hoih leh hoihlou tampi ka sinkheta himhim a, ka haksa thuaknate i kimuh hun in maitang ah kon hilhna di chi'n nang adi'n ka thuaklai hamham chih non theih sak maw.
Mite Christmas zangdia i vangkhua hong tung souhsouhta uh, ken ngaklah tak a kon ngak gige nanglah hon tungdi om ngeilou, na tanchin kon dot chiang alah, Next week,,,,,,,,,,, chi ngen in na hon dawng a, lah na thuchiam ah na ginom si kei. Himahleh huaite ziak maimai a taisiat sawmlou ka hi chih na theih kha, itna kon piaksa la kiik thei ka hi nawn kei, kei apat kihepkhiak sawm mahlechi'n ken kon naih deuhdeuh hi.
Nang adia ka ginomna Pathian in athawn suahsak phallou chu ahi ngei dia, December kha kimkhat bang beidi hita in, i vangkhua nong tung chih ka thei a, hiai thu ka zaak tuung a ka kipahdaan non theihpih lai hia? Thulimlou chik ziak a non nuaksan a, non paidi hunle gina tak a non hilh utlouh lai a, non tung chih thu na hon hilh zenzen lamdang ka sakdan...... Hithei hileh sun leh zan nangtoh hun zatkhawm ut huai hi na e maw chi'n deihthu ka saam sek, himahleh thil hithei hilou mah eivoi maw, aziak chu nangle na nu leh pa unau sanggamte leh khanvualte toh ki khol na hun kon piak ngai ahi chih ka thei....
Khua a na omsung na-na-na chu i kal boruak le afuh khopmai maw, a gal a i kinaknak hangin khaw khat a i-omkhawm a, i kingeih mahmah ahi lamdang ka sak, himahleh tu khawnung a ka theih thakthak chiangin non khem ut ziak a na lemchiin ahi chih ka thei a, kon kih a, huatin ka hon haw tuntun chih tunchu na theita di maw,,,,,
Mangpianni hong tungdi ahita, nungak tangvalte ngaklah mahmah December 24 zan zong eitegel adi'nle a ngaklahhuai thouvoi maw, aziak chu i tuailai pihte meipi sep a, zan khawvak phial a lam a la sa du eivoi maw, mite bang a akopkop a ki om tei samdi ahih chia maw. Nangtoh December ni 24 nitak zangdia ka kisak kholhdan na thei di maw, limlang mai ah nileng hun ka zang a, nalh non saklouhdi lau in ka van aakdi pen ka teel siamkei, khat ka ki test a, limlang mai a ka ki veel chiangin soiselnang ka mu a, van dang a khek in ka test zel hi. A tawpin zum leh zahle khuallou in ka cousin ka sam a, nangtoh ki mudi ka hihdan leh na dress ngaihnat zawng hidia ka gintaak ka dong hi.
Ama' hon gen bang in, ka jeans mawng' boot gongsau sung ah ka thun a, suitter sandup aa atung ah jacket silh in muffler gial kon ok a, ka nu'n deihsak tak a kei adi liauliau a ahon phansak lukhu lum kon khu a, ka birthday thilpiak ka donte lak a manpha ka sakpen oriflame perfume Rs2000 man kikaap in nang mudi'n phur takin ka hong kuan hi. I kimuh tung a nalh nonsak thu khong leh ngaihhuai non sakthu khong na gen kaan a zaaknuam kei adia omlou eive, kenlah a taktak di saa a, kipak tak a nui vengveng zawmah. Khem nuam nonsa mahdi maw.
Zan honsawt a, ihmutsuak suanlam in pai na sawm a, na lungsim ka theisiam pha keitel maw. Lawmte toh meipi sep a, lasa a khawlak a vakkual ka ut teitei maizen toh. Himahleh nang kon ngaih ziakin na thugen ngai poimoh louthei ka hi kei zel hi. Lawmte lak a om utlai mahleng na thu nial ka utlouh manin kon zui khia a, na kiang a om ka hih man in bangmah lungkhamna leh lauh himhim ka neikei. Ka kha amuang petmah hi.
"Votlua Abi hiai dawnle lum deuhdi" chi'n grape juice non dawnsak a, nang honpiak ahih ziakin dawn utlou chia honsel ka sawmkei. Sihnadi gu non piak ka gintaak louhziakle ahi maithei. "Huai ah pai aw,,," non chihleh ka pai a, tudia non sawlleh ka tu mai hi. Ka kiang a om in ka siat na'ng bangmah na hih ut ka gingta himhim sam a. Haansuang luitaktakte paipel a, dainawl a non paipih inle lauhna himhim ka neikei, khamuang takin na kiang ah ka om veve hi.
Sawtlou nungin non thil dawnsakin ka taksa ah nna ahon sem a, ka lung hon am in, ka mit hong vaai panta hi. Nangbel huai hun ngak a bul pat hon sawm chouh neivoi maw,,,,,,"Usang ka lung amm lua,,,," chi'n na awm ah kon belh a, duat tak a hon pawmin non zut hianhian hi. Huchih laiin sahang duhgawl kiang a hun zang lellel ka hihlam ka theisiam phakei. Duat tak a hon pawm a, hon zuut henhen kia deihkop louin ka khabe ah non dom a, khua vot ka sak ziak hilou, ka nervous ziak a ka muuk liing keuhkeuh ah dawm hetlou a non tawp tawntawn laikhawng, pasal toh khatvei ka omna ahih manin, ka chi bang ahuum sungsung hial hi.
Haksa ka sakna leh nuam ka sakna kikim chileng ka genkhial keidi, huchih laiin na khut hon ommawh pan a, ka theih tawp a hon dang tum mahleng ka thahatna in adaih nawn kei, na khut in a tupgam atun in chu ahi di tengteng ka hikhinvekta hi. Himahleh hichi mai a ka siangthouna hon lat ka sawm kei. Na khut in a ut bangbangin nna sem henla, na muk leh lei inle amah ut bangbang in ka tung ah nna asemthei, himahleh hiai ka siangthouna penbel hichi mai a hon pe theilou ka hi chih ngaihtuah kawm in ka om hi.
"Abi, sex i zang aw,,,,," chia chil valh khitkhit kawm a non gen lai a maw, kei numei thuak hatlou tak adia dawnna piak ahaksat dan.
"Usang sex zat hoihlou ahi, denchiah non muhsit lawh dia, hoihlou zawdi ahi, ahimhim thu in nupi pasal neih ma a sex zat utlou ka hi. Zatle zangloudi,,,," chia ka gen lai a non kiheh lemsak laikhawng ka mitkha in tuni tanin amuchiang mahmah lai hi. Himahleh na heh khatveina ahikei chih ka thei a, ka tung a heh mun lawta na hih manin bangmah inle na heh ka ngai nawn kei.
"Phone apat inle non zat pihpih thou voi, i kimuh chiangin na ut dandan in non ompihdi na chi vele,,,," chi a hehngoh pau sima non genlai a ka lungsim a thu honglang masa pen chu maw,,,"gamsa te'n a khaap sih lawh, mihing te'n a pautam uh sih lawh" chih ahi. Na lungkim louh ka lauh ziak a na kiang a kana kichiamna ka lungsim ah hong lang a. Ka kichiamna himahleh hiai sese zaw kon hih lawhchinsak theilou keive.
"Usang i kite'n chiang a nang adi vek eivoi, tua hiai dan a i-om mawk leh, i kite'n chiang a manpha lou dia, huaisangin singthou takin ki ngai in, siangthou takin kite'ngle ei adia hoih zawdi eive,,,,," chi'n ka siam bangbang in kon nial sam hi.
"Abi, tua zat bang a apoiluatna om, hehpih takin kon ngetna hon hih lawhchinsak maive,,,,," chi kawmin ka taksa na ut nana na khut in non khoih a, na khut ahong ommawh huaihuai a, na muuk leh leite lah a nnasep na khawlsak tuan kei hi.
"Usang thildang zaw hon ngen zaw ve maw, hiai zaw hithei mahmahlou keive,,,"
"A hihleh non it taktak kei, hichi maimai khem zawhdi hilou keive,,," chi'n non hehsan a, thakhat a dingin hon paisan na hon sawm hi. Himahleh zanmial ka lauhziak hilou in, nang tellou a hun leh ni zat ka lauhziak in na ban ah kon len a, ka kiang a tudi'n nget chih petmahin kon ngen hi. Kap zen a ka kiang a tu dia kon nget nungin ki ngengkhaisak takin non tu kiik a, lah kamkhat lel inle non houpih kei.
"U, ka tung a hehdentel china kei adia nuamlou eive, hon it taktak na hihleh hon hehsan nawn keive,,,,," chia kon nget nung inle ka ngetna non ngaihkhiaksak kei a, keile thangpai in hon paikhiaksan sawmin ka ding khia hi. Himahleh ka dinkhiak toh kitawnin ka baan ah non len a, kei numei thaneem tak zohvuallouh in non kai puuk hi.
Ka tung a bok kawmin, "Abi, non it taktak maw,,,,?"
"Hi kon it taktak"
"Non it taktak leh hehpih takin hon nial nawnken aw" chihtoh kitawn in ka khekawl kawng non phelhsak hi. Phalbi khawvot hichizah lak a khaw-ul kai zen in ka pang a, himahleh non khen detdi ka lauh ziakin ka pang ngam nawnkei.
"Usang dotna 2 chiah kon dong masa thei diam?"
"Bang e? Hon dong ve"
"Non it taktak maw?"
"Hi Nau kon it taktak"
"A hihleh gaai leng non nei nuam diam? Ka period zou chiah a, sex non zatpih leh gai ngeingei di ka hi"
Hiai dotna chu dawn haksa nasa maw,,,,, olsam takin non it taktak thu chu na genkhe mai a, mite hih louh le hilou a,,, chih lungsim nei hileh kilawm in non nuihsan zawmah hi. Himahleh hiai dotna 2na pen chu dawn haksa nasa, aziak chu kichiamna khat ahih chia maw,,,,,,!
Question 2na pen chu non dawng sam a, himahleh ka diklouhna leh ka kichiamnate non gen khia a, phone sex i zat dan leh i kimuh hun a sex zangdi chia kana gen tengteng non genkhevek hi. Huaitakin kei adi'n chih ngaihna a-om nawn kei, aziak bel nang kon it a, nang tellou a hun zat ka ngam louh ziak ahi.
Na khut ommawh tak inlah a nnasep a khawlsan tuankei a, kisuum ahaksa telmai.
"Usang ka dotna hon dawng ve,,,," chi'n aw vuangsim pelhpelh in kon gen nawn a. Ki awilou takin "Kon neidi,,,," chi a non dawnziak eivoi ka siangthouna kon piak.
Nang hon it a hailum lou phial, na nuai a numei lum lel dawm hetlou a angma sial tak a non khoih lai khong leh, na deihkhop na muh a non thawhkhiaksan lai a, ka lungkim nailou chihle ngaihtuah lou a non ngaihsak nawnlouh a, na van non aksan lai khawng a maw,,,, na angma sialdan chiangtak a theipan keivoi.
Ka siangthouna lah hon peta ing a, kiapak tak a omthei ta di ka kisak laiin lungsim khei zawng a hon houpih lah na tawpsan tuankei a, himahleh ka siangthouna nang kiang ahon peta ka hih manin ka thuak mualsuah ngai ahi chih ka thei, non hehsan chiang inle heh thou mahleng hehlou dan a ka om angai a, na maipha zongin ka hun tamzaw ka zat angaita hi.
Na zilna sunzawmdia non paisan dek ziak a kimuh na ut thu non gen a, inn a kimu dia kon nget laiin utlou in mundang kimuh nang non gen a, ka nu leh pa hon theihpih ka deih mahmah lai a, nangbel hon theihpih khak uh lau in ka innsung nangawn uah na hong nuam sam a maw. Hon ngai, hon it ka hih chia maw, na genna mun a hoh loungam ka hikei. Himahleh na hunchiam inle non tung mankei a, dakkal khat val mahmah kon ngak hi. Thil diklou om ahi, perfium gimdang hongnam na hi, adiktakin midang toh hon kop di'n kon gingta a, himahleh zingchiang a hon zinsandi na hih manin lungsim nuamlou kawmkawm in kon kipawlh pih hi.
Na hun chiam a non tunglouh ziak ale ki sunlahna nei hetlou in na utle dahin non khawsak pih a, kei adi'n chu theihsiam ahaksa ahi. Kimuh nawndi hun theilou in amm takin hun i zang di chu chia ka ngaihtuah hangin ka ngaihtuahna toh na ngaihtuahna sim leh mal bangin aki gamla a, kei lak a na deihkhop na muh nungin pai na hon sawmpah hi. Kenbel kon khelah a, itna thu gen a kimuh nawnma ginom tak a omdia hon thukhakdi honsa hinga. Sawtlou omlaidia kon nget hangin pemkhedi bangmai a kisak sawm nahi diam ah, na van kisakdi suanlam in non paipih a, ka iinn tan ule hon khalou in lampi kimkhat ah non paisan zawmah hi.
"Keita hilou ahi,,,,, Na naupai ana hihke maive" hiai thu ka zaakni a ka omdan non theihpih hetkei di. Khawvel a ka piankhiak nung a ka huntuah haksa ka sakni pen ahi. Lupna tung ah ka bok a, dah akah louhngal hihtheih ka neikei.
Ka nu leh pa hon theih ma a hihfel mengmeng a, nangtoh ki teng di chia kana kipahpah maizen toh. Non muanmoh na toh, suke dia non sawl zawkmah toh, thangpaihna in ka dim hi. Bangteng gen in sa mahleng ka thugen gingta nuamlouin na om a, khatvei bek hon pai inla hoih tak in thil i gen khawmdi ka chih hangin na zilna suanlamin non paisuah nuamkei hi.
Zilna a poimoh dan chu ka thei aka, himahleh ni 2 lel na absent ziak a bang chi tuk a poidi ahia awi? Tunchu ki imm thei ka hi nawn kei, ka maban chu mualphou tak a zawlta paai himai ahi. Ka nu kiang ah mittui pawt zawihzawih zenin ka gen a, tanu neihsun, khawtang leh saptuam a theih khamkham a kizang in sawn paai ka hihlam atheih tak un midang swn paai toh ahon muhdan uh akibang kei hial hi.
Mualphona tengteng thuakin, tapa ka neita a, kei non ki te'npin louh hangin na mel ka muhtheih nang tapa melhoihtak non neihsak ziakin ka kipak veve aw,,,,, na ngaih poimoh mahmah na zilna a lawhching dia kon deihsaksak maizen toh maw, lawhching tak a damdawi addict zilsuah na hi chih ka thei a, zi hoihtak neidia kon deihsak mahmah lai in, mi zi toh ki taipih chihthu khawng ka zak chiang in hichi maimai di'n kon phal theikei a, kon hehpih mahmah mai hi. Hon panpih ut in hon hehpih mahleng hihtheih bangmah ka nei nawn si kei.
Tu'n chu keile ka Pa te office ah sepna ka mu a, tampi hikei mahleh ka tapa leh kei kivaak nang khop chu ka lawhsuah hi. Zanlam a na tapa thah na sawm pe'n limlak kon khak na muh in bangchin na om chih ka theikei, himahleh nang adia ka hihtheih tawk ahi a. Na phu tawk ahi chih thei inla, lungkim takin a limlak nana en maidi aw. Mangpha.
©Siamsinna leh Vakiangbu
~ Abigail laikhak nanung (15/12/2012)
A sausim ziakin mobile user a simsuak nuam na om zenzen ualeh photo a click maidi aw.
Tanu neihsun ka hi chih na thei a, huaikia hilouin vengkhat a nungak fel chia mite hon gen, khawtang leh Saptuam ah ka hihtheih tawk a pangsam ka hihlam theichiang mahmahtu khat na hivele maw, bangziak a ka tung a hichibang mulkimhuai tak a khawsa thei mawk na hia???? Thil khat kia a khial hilengbel a thuakle dan omdeuh nave, thilkhat hihkhelhna tung a khelhna dang hihdia na hon sawl pen ahi ka theih siamlouh.
Kum dang, hun dang inle i khua ah Kristmas zangdi'n na hong paisek vele maw,,,, huai hunlai apatin in melhoih honsa in kana enen sek a, damsung a tulpih utin deihthu kana saam sek hi. Himahleh huai hunlai in hiaibang lungsim nei mahleng naupang mai ka hi chih ka kithei a, kei ka kitheih mai ban ah "School naupang na hi" chia hon pawm nuamloudi na hih ziak in bangmah genlou in ka om hi.
Na tanchin mite gen zanuamin ka bil ka tung sak sek a, asia apha nang tanchin ahih naakleh ka bil a lut nuamlou khatle a omkei hi. Himahleh nangchu mihoih na hih ziakin na tanchin gentute'n a selam himhim a ahon gen uh ka zakha ngeikei a, hon gen tute na sungkhat laina lamte ahihziak uhle ahi maithei. Hichi khop a honvei ka hihlam nangbel nengkhachikle na theikei, na theih ka deih a, na theihdia gendi'n hangsanna ka nei sikei.
Hunleh nite hongliam zel a, keile zilna lam ah pawl 10 bang zouta ka hih manin nungak piching khat ka hong hita, na loppihna paukam khatbek zaleng chih utin deihthu khawnng ka sam sek chih na thei hia???? Naupang chik dia na hon gintaklai apat in keibel nang ngaihtuahin ka hun kazang thamta hi. Huai hun apat pawl 10 ka pass nitan inle ka lungsim aki kheng kei. Nang kon deihna akibang den hi.
Keile nungak khat hita ka hih manin ka lungsim a om genkhiak litna ka nei kei. Himahleh khawvel a melhoih ka sak pen kiang a hiai bangthu gen khedi'n hangsanna Pathian in a tuam a hon pekei ahi chih ka thei, ka hangsanna tengteng chial khawmin gendi chimahleng ka ngamkei a, ka ngaihtuah vuakinle ka mulsi bang a thou sungsung thei hial hi. Numei chih mahtak, nang kiang ah gen khe ngamkei mahleng ka lawmte tengtengin a thei vekta uh, ka lawmte kam apat nikhat ni chiang a na zaak lamen in nang kon veina ka sialpi vuahthuak maimah hi.
Ka gintaak bang ngeingei in, ka lawmnu'n na kiang a kon star thu genta ahihdan leh, huaithu na zak phet a bangmah genlou a nui maimai na hihdan message in ahon hilh hi. Huai message ka simlai a ka omdan na thai hetkeidi maw,,,,,,? Ka lungsim alai a khetphel toh akibang hial hi. Ka lungsim khatin hon gingta taktak ahi dia aw,,,, ahih keileh chiamnuih thu maimai a hon laksak ahi dia aw,,,,, ka lawmnu message ka simkhit a na lungsim putdi ka ngaihtuahkhiak zohlouh mah bangin nangle ka lungsim na hon hihbuaidan na theipha biik kei di'n ka ging hi.
Khakhat beidi hita, bangmah thu lah na hon hilh kei a, chi'n kana ki ngaihtuah a, aselam ngen kipia in ka hun tamzaw ka zang hi. Numei ka hi a, bulpan masa a pang zel ut mahleng denchia na hon muhsit na'ng ahih ka lau a, tutung chu ka lawmnu tungtawn in a bul kon panta ua, aban chu nang khut a om vekta ahi aw,,,, chi'n na dawnna ngakin ka hunleh nite ka zang tou zel hi. Huchihlai in khakhat ahong bei a, khanih, kha thum, ahongbei hial in chu, na dawnna ka muta, lamdang ka sa a, kipah di hia dahdi chihle ka theisiamkei hial hi.
A ziakchu maw na hon dawnna toh ka lamet dawnna kibanglou eivoi, ken damsung tulpihdia ka hon deih lai in nangbel chiamnuih hia thutak chihle theihbut louhin eivele maw na hon dawng??? Poilou aw,,, Usang, ka ngetna chinglou na hon dawng sak a, na thutak hia na chiamnuih chih ah ka buaikei, bangkim ah ka kipaak veve chia ki ngaihtuah kawm in, ka hon pawl hi. Na hon chat chiang bangin ka lai zil di leh ka hihdi poimoh taktakte mangilh in ka mobile kia ka buaipih a. Hichi khop a kon ngaih poimoh laiin Usang nangbel na ut hunhun in nahon koihsan a, na lupdi chiangin mangpha na hon khak kei a, zingkal in zingpha na hon pe masa ngeikei. Bangkim ah numei zaw in bul ka pansek mahleng maw huai hunlai in chu na lungsim, na mizia ka theichiang kei a, a hihdidan mah in kana pawm sek mai hi. Huaiziak le himaithei eive maw tu khawnung a hichi khop a non bawl gentheih??
A bul pan masa gige ka hih ziak in, numei zumna neilou dan in na hon houpanta chih ka thei a. Ka taksa etlawmna lam en in, sexy taktak ngen a hon hou na sawm a. Nang lak a paukam pangngai tak za' dia ka kilamet lai in, numei pasalna lam zawng ngenta in bul na hon patpih a. A hoihlou ahi chih thei mahleng nang kon it ziakin a hoihlou ka sak nate le genkhe ngamlou in, paukam kilawmlou taktak ki-ip tuntun a ka zat khiak ni ahong tamta mahmah hi. Himahleh huaite tengteng nangziak a ka gen ahih ziakin khawksakna himhim ka neikei. Huchih laiin lampi diklou saupi zuita i hi chihlam himhim ka ngaihtuah pha kei zawmah hi.
Massage a genkia hun sanawnlou in, aw ngei zanuam in ka hon call na phut a, neih lahlah a ka neih, inkal kitawi zen a top-up ka thunte, zahmawh genna'ng leh phone sex zatna'ng a ka zatbei ahon ngai hial hi. Tangval khat, melhoih leh fel mahmah, inkuan hausa tak apat a khangkhia, deihdeih neithei, duhduh nethei dinmun a ding in, kei numei neih sunsun ka top-up-te non zatbei sakzel ziakin lamdang ka sak ni a tam mahmah mai hi. Himahleh maw Usang, huai hunlaiin bel na kipahna ahih naakleh khawk sakna himhim ka nei kei. Nang nawn call a luhgsim na' taktak a na hon tottot sangin, ka neih sunsun in ken hon call in hoih takin ki houle kei adia nuamzaw chih ka theihziak ahi.
Hunleh nite hongliam zel a, i kizopna le kip hiaihiai in ka thei a, kipahna in ka pumdim hial hi. Tulai khawvel changkanna ka hih ngeilouh "facebook accaunt kon hong sakdi" na chihni bang ka kipahna ka gensiamkei zawzen , "hichi khop a hon deihsak" chi'n na tung ah ka kipahna alian mahmah mai hi. Awlawl in facebook khoihdan na hon hilh a, thil theisiam pahpah mi ka hih ziak in sawtlou chik sungin ka hon khoihsiam pah hi. Ka home page sangin Nang home page ka check mun zaw a, kon gintak ziak mahin ka pasword le na zat penmah kheng sese louin ka zang den hi. Huchih laiin, ka friend-te lak ah kilawmlou simsim a na-na gamtat ni omsek mahleh itna ziak mahin ka hon theisiam a, na kiphaak nate zuau ahi chih thei mahleng kon iit ziakin thudik danin ka pomsuk zel mai hi.
Usang na ngaihtuah ngei dia aw,,,, nang adia ka kipiak zohdan tel maw. "Ek ne in" hon chile chinle nangthu nialtu hih sangin thumang takin ka ne ut hial di'n ka kiging hi. "Na vuaktang limlak hon khak ve,,,,," chi'n na hon ngen a, hiai chiah zaw haksa ka sapetmah, haksa ka sak thu ka hon gen a, lungtom huai takin na hon hehsan belbul zel hi. Na hon hehsan chiangin ken haksa ka sathei mahmah mai a, ka lungsim ah thildang bangmah a-om thei kei. "Bangchi'n Usang ka kipaaksak thei dia,,," chih ngaihtuah in, ka hun leh nite ka zang a, ni khat lel hon nuaksan hilechin bel kei adiale athuak nuamdeuh di hia, ni thum, ni li lam non nuaksan chia maw,,,,, kei adia kum tampi bang hial a sawt sasek keive. Na kipah na'ng thil dang ka ngaihtuah a, lah ka thei zoukei, buul taktakin na hon dawng a, kei adia pau nawn nadi lampi omlou hialin na hon dawngtan bulhbulh sek hi. Himahleh nang a ka itna tengteng omta ahi, hichi mai a beidot sawmlou ka hih man in, na lungkim na'ng lampi ka zong teitei hi.
Himahleh hiai ka vuaktang limlak non nget sese zaw hon hih lohchin sak theilou ka hi,,,, ka siam bangbang in thildang gen in na kipah na'ng ka zong a, kaal khat nung in chu na omdan hon kikheng in, pangngai takin i hong kihouthei nawn hi, hiai ni a ka kipahna a thupidan na hon theihpih hetkei maw? Vuaitam hon hehsan nawnloudi'n ka hon ngen ngoihngoih a, kon nget laiin hon hehsan nawnloudi chi'n gensek mahle chin ahun ahong tung chiang in lah na kichiam nate zahtak zou louin non hehsan zel si.
Bang gu ne a dawnkha ka hi mahmah dia aw,,, chi'n vuaitam ka ki velthak a, himahleh nang kon it kon ngaih bang ahia adiklouhna om,,, chih ka dawnna muh ahi. Hai ka kisa a, mawl ka kisa a, neep le ka kisa mahmah. Himahleh khatvei bek namel ka muh nawnma chu thuak teitei di'n thupukna kiptakin ka nei a, maitang a kihou a, thu dot ut tampi ka hon neih ziak in ka thuak hamham hi. Aziak chu maw,,,, kum khat phial mahmah hita eive i kingaihna.
Abigail ,,,, kei adi'n ginom takin ana om inla, Dec chiah Christmas zangdi'n kon pai dek a, damtakin i kimu theita di,,,," chia na massage ka muhni bang maw Usang, sun nileng in kipahna'n ka dim a, ka sep ka bawl peuh zangkhai takin ka hihthei hial hi. Ngaklah takin hun leh ni ka sim a, dakkal khat bei chiah nikhat bei henla, nangtoh ki muhni hong tung mengmeng leh chih khawng ngaihtuahin ka bengngong nuih mawkmawk sek hi. Nang ziak a ka kipahnate sel zoulou in ka lawm leh vualte kiang ah mualphou takin vuaitam ka omta, himahleh khawk ka sakei, nang ziak a hiai khawng maimai thuak chu neeplua maw,,,,.
###
Khakhat sang a tamzaw in i kimuh nang samlai ahih manin na hon hehsan nawn khak lauin, ka theih tawpin na mitmei ka veng sam hi. Himahleh nangbel ka omdan nengchikle hon theihpih lou in, na ut chiah na hon hehsan a, na ut chiangin naak taktakin non kou sek. Na hon thil nget ka photo kon piak theihlouh suanlam lailai neivoi maw, pangngai tak a ka limlakte hon ngen hilechinbel ka it zenzen kei, huchibang sese zaw haksa salua ka hi. A hihleh i kimuh hun chiah na siang thouna na hon laandi aw,,, chia non nget nawn ngal pen eivoi haksa ka sak.
Ka hihtheih louhdi ngen na hon phut a, non phut te sang a poimohzaw hon phut louh tampi nei na hi chihlah na thei ut si kei. Bangteng hileh nang ziak in thil hoih leh hoihlou tampi ka sinkheta himhim a, ka haksa thuaknate i kimuh hun in maitang ah kon hilhna di chi'n nang adi'n ka thuaklai hamham chih non theih sak maw.
Mite Christmas zangdia i vangkhua hong tung souhsouhta uh, ken ngaklah tak a kon ngak gige nanglah hon tungdi om ngeilou, na tanchin kon dot chiang alah, Next week,,,,,,,,,,, chi ngen in na hon dawng a, lah na thuchiam ah na ginom si kei. Himahleh huaite ziak maimai a taisiat sawmlou ka hi chih na theih kha, itna kon piaksa la kiik thei ka hi nawn kei, kei apat kihepkhiak sawm mahlechi'n ken kon naih deuhdeuh hi.
Nang adia ka ginomna Pathian in athawn suahsak phallou chu ahi ngei dia, December kha kimkhat bang beidi hita in, i vangkhua nong tung chih ka thei a, hiai thu ka zaak tuung a ka kipahdaan non theihpih lai hia? Thulimlou chik ziak a non nuaksan a, non paidi hunle gina tak a non hilh utlouh lai a, non tung chih thu na hon hilh zenzen lamdang ka sakdan...... Hithei hileh sun leh zan nangtoh hun zatkhawm ut huai hi na e maw chi'n deihthu ka saam sek, himahleh thil hithei hilou mah eivoi maw, aziak chu nangle na nu leh pa unau sanggamte leh khanvualte toh ki khol na hun kon piak ngai ahi chih ka thei....
Khua a na omsung na-na-na chu i kal boruak le afuh khopmai maw, a gal a i kinaknak hangin khaw khat a i-omkhawm a, i kingeih mahmah ahi lamdang ka sak, himahleh tu khawnung a ka theih thakthak chiangin non khem ut ziak a na lemchiin ahi chih ka thei a, kon kih a, huatin ka hon haw tuntun chih tunchu na theita di maw,,,,,
Mangpianni hong tungdi ahita, nungak tangvalte ngaklah mahmah December 24 zan zong eitegel adi'nle a ngaklahhuai thouvoi maw, aziak chu i tuailai pihte meipi sep a, zan khawvak phial a lam a la sa du eivoi maw, mite bang a akopkop a ki om tei samdi ahih chia maw. Nangtoh December ni 24 nitak zangdia ka kisak kholhdan na thei di maw, limlang mai ah nileng hun ka zang a, nalh non saklouhdi lau in ka van aakdi pen ka teel siamkei, khat ka ki test a, limlang mai a ka ki veel chiangin soiselnang ka mu a, van dang a khek in ka test zel hi. A tawpin zum leh zahle khuallou in ka cousin ka sam a, nangtoh ki mudi ka hihdan leh na dress ngaihnat zawng hidia ka gintaak ka dong hi.
Ama' hon gen bang in, ka jeans mawng' boot gongsau sung ah ka thun a, suitter sandup aa atung ah jacket silh in muffler gial kon ok a, ka nu'n deihsak tak a kei adi liauliau a ahon phansak lukhu lum kon khu a, ka birthday thilpiak ka donte lak a manpha ka sakpen oriflame perfume Rs2000 man kikaap in nang mudi'n phur takin ka hong kuan hi. I kimuh tung a nalh nonsak thu khong leh ngaihhuai non sakthu khong na gen kaan a zaaknuam kei adia omlou eive, kenlah a taktak di saa a, kipak tak a nui vengveng zawmah. Khem nuam nonsa mahdi maw.
Zan honsawt a, ihmutsuak suanlam in pai na sawm a, na lungsim ka theisiam pha keitel maw. Lawmte toh meipi sep a, lasa a khawlak a vakkual ka ut teitei maizen toh. Himahleh nang kon ngaih ziakin na thugen ngai poimoh louthei ka hi kei zel hi. Lawmte lak a om utlai mahleng na thu nial ka utlouh manin kon zui khia a, na kiang a om ka hih man in bangmah lungkhamna leh lauh himhim ka neikei. Ka kha amuang petmah hi.
"Votlua Abi hiai dawnle lum deuhdi" chi'n grape juice non dawnsak a, nang honpiak ahih ziakin dawn utlou chia honsel ka sawmkei. Sihnadi gu non piak ka gintaak louhziakle ahi maithei. "Huai ah pai aw,,," non chihleh ka pai a, tudia non sawlleh ka tu mai hi. Ka kiang a om in ka siat na'ng bangmah na hih ut ka gingta himhim sam a. Haansuang luitaktakte paipel a, dainawl a non paipih inle lauhna himhim ka neikei, khamuang takin na kiang ah ka om veve hi.
Sawtlou nungin non thil dawnsakin ka taksa ah nna ahon sem a, ka lung hon am in, ka mit hong vaai panta hi. Nangbel huai hun ngak a bul pat hon sawm chouh neivoi maw,,,,,,"Usang ka lung amm lua,,,," chi'n na awm ah kon belh a, duat tak a hon pawmin non zut hianhian hi. Huchih laiin sahang duhgawl kiang a hun zang lellel ka hihlam ka theisiam phakei. Duat tak a hon pawm a, hon zuut henhen kia deihkop louin ka khabe ah non dom a, khua vot ka sak ziak hilou, ka nervous ziak a ka muuk liing keuhkeuh ah dawm hetlou a non tawp tawntawn laikhawng, pasal toh khatvei ka omna ahih manin, ka chi bang ahuum sungsung hial hi.
Haksa ka sakna leh nuam ka sakna kikim chileng ka genkhial keidi, huchih laiin na khut hon ommawh pan a, ka theih tawp a hon dang tum mahleng ka thahatna in adaih nawn kei, na khut in a tupgam atun in chu ahi di tengteng ka hikhinvekta hi. Himahleh hichi mai a ka siangthouna hon lat ka sawm kei. Na khut in a ut bangbangin nna sem henla, na muk leh lei inle amah ut bangbang in ka tung ah nna asemthei, himahleh hiai ka siangthouna penbel hichi mai a hon pe theilou ka hi chih ngaihtuah kawm in ka om hi.
"Abi, sex i zang aw,,,,," chia chil valh khitkhit kawm a non gen lai a maw, kei numei thuak hatlou tak adia dawnna piak ahaksat dan.
"Usang sex zat hoihlou ahi, denchiah non muhsit lawh dia, hoihlou zawdi ahi, ahimhim thu in nupi pasal neih ma a sex zat utlou ka hi. Zatle zangloudi,,,," chia ka gen lai a non kiheh lemsak laikhawng ka mitkha in tuni tanin amuchiang mahmah lai hi. Himahleh na heh khatveina ahikei chih ka thei a, ka tung a heh mun lawta na hih manin bangmah inle na heh ka ngai nawn kei.
"Phone apat inle non zat pihpih thou voi, i kimuh chiangin na ut dandan in non ompihdi na chi vele,,,," chi a hehngoh pau sima non genlai a ka lungsim a thu honglang masa pen chu maw,,,"gamsa te'n a khaap sih lawh, mihing te'n a pautam uh sih lawh" chih ahi. Na lungkim louh ka lauh ziak a na kiang a kana kichiamna ka lungsim ah hong lang a. Ka kichiamna himahleh hiai sese zaw kon hih lawhchinsak theilou keive.
"Usang i kite'n chiang a nang adi vek eivoi, tua hiai dan a i-om mawk leh, i kite'n chiang a manpha lou dia, huaisangin singthou takin ki ngai in, siangthou takin kite'ngle ei adia hoih zawdi eive,,,,," chi'n ka siam bangbang in kon nial sam hi.
"Abi, tua zat bang a apoiluatna om, hehpih takin kon ngetna hon hih lawhchinsak maive,,,,," chi kawmin ka taksa na ut nana na khut in non khoih a, na khut ahong ommawh huaihuai a, na muuk leh leite lah a nnasep na khawlsak tuan kei hi.
"Usang thildang zaw hon ngen zaw ve maw, hiai zaw hithei mahmahlou keive,,,"
"A hihleh non it taktak kei, hichi maimai khem zawhdi hilou keive,,," chi'n non hehsan a, thakhat a dingin hon paisan na hon sawm hi. Himahleh zanmial ka lauhziak hilou in, nang tellou a hun leh ni zat ka lauhziak in na ban ah kon len a, ka kiang a tudi'n nget chih petmahin kon ngen hi. Kap zen a ka kiang a tu dia kon nget nungin ki ngengkhaisak takin non tu kiik a, lah kamkhat lel inle non houpih kei.
"U, ka tung a hehdentel china kei adia nuamlou eive, hon it taktak na hihleh hon hehsan nawn keive,,,,," chia kon nget nung inle ka ngetna non ngaihkhiaksak kei a, keile thangpai in hon paikhiaksan sawmin ka ding khia hi. Himahleh ka dinkhiak toh kitawnin ka baan ah non len a, kei numei thaneem tak zohvuallouh in non kai puuk hi.
Ka tung a bok kawmin, "Abi, non it taktak maw,,,,?"
"Hi kon it taktak"
"Non it taktak leh hehpih takin hon nial nawnken aw" chihtoh kitawn in ka khekawl kawng non phelhsak hi. Phalbi khawvot hichizah lak a khaw-ul kai zen in ka pang a, himahleh non khen detdi ka lauh ziakin ka pang ngam nawnkei.
"Usang dotna 2 chiah kon dong masa thei diam?"
"Bang e? Hon dong ve"
"Non it taktak maw?"
"Hi Nau kon it taktak"
"A hihleh gaai leng non nei nuam diam? Ka period zou chiah a, sex non zatpih leh gai ngeingei di ka hi"
Hiai dotna chu dawn haksa nasa maw,,,,, olsam takin non it taktak thu chu na genkhe mai a, mite hih louh le hilou a,,, chih lungsim nei hileh kilawm in non nuihsan zawmah hi. Himahleh hiai dotna 2na pen chu dawn haksa nasa, aziak chu kichiamna khat ahih chia maw,,,,,,!
Question 2na pen chu non dawng sam a, himahleh ka diklouhna leh ka kichiamnate non gen khia a, phone sex i zat dan leh i kimuh hun a sex zangdi chia kana gen tengteng non genkhevek hi. Huaitakin kei adi'n chih ngaihna a-om nawn kei, aziak bel nang kon it a, nang tellou a hun zat ka ngam louh ziak ahi.
Na khut ommawh tak inlah a nnasep a khawlsan tuankei a, kisuum ahaksa telmai.
"Usang ka dotna hon dawng ve,,,," chi'n aw vuangsim pelhpelh in kon gen nawn a. Ki awilou takin "Kon neidi,,,," chi a non dawnziak eivoi ka siangthouna kon piak.
Nang hon it a hailum lou phial, na nuai a numei lum lel dawm hetlou a angma sial tak a non khoih lai khong leh, na deihkhop na muh a non thawhkhiaksan lai a, ka lungkim nailou chihle ngaihtuah lou a non ngaihsak nawnlouh a, na van non aksan lai khawng a maw,,,, na angma sialdan chiangtak a theipan keivoi.
Ka siangthouna lah hon peta ing a, kiapak tak a omthei ta di ka kisak laiin lungsim khei zawng a hon houpih lah na tawpsan tuankei a, himahleh ka siangthouna nang kiang ahon peta ka hih manin ka thuak mualsuah ngai ahi chih ka thei, non hehsan chiang inle heh thou mahleng hehlou dan a ka om angai a, na maipha zongin ka hun tamzaw ka zat angaita hi.
Na zilna sunzawmdia non paisan dek ziak a kimuh na ut thu non gen a, inn a kimu dia kon nget laiin utlou in mundang kimuh nang non gen a, ka nu leh pa hon theihpih ka deih mahmah lai a, nangbel hon theihpih khak uh lau in ka innsung nangawn uah na hong nuam sam a maw. Hon ngai, hon it ka hih chia maw, na genna mun a hoh loungam ka hikei. Himahleh na hunchiam inle non tung mankei a, dakkal khat val mahmah kon ngak hi. Thil diklou om ahi, perfium gimdang hongnam na hi, adiktakin midang toh hon kop di'n kon gingta a, himahleh zingchiang a hon zinsandi na hih manin lungsim nuamlou kawmkawm in kon kipawlh pih hi.
Na hun chiam a non tunglouh ziak ale ki sunlahna nei hetlou in na utle dahin non khawsak pih a, kei adi'n chu theihsiam ahaksa ahi. Kimuh nawndi hun theilou in amm takin hun i zang di chu chia ka ngaihtuah hangin ka ngaihtuahna toh na ngaihtuahna sim leh mal bangin aki gamla a, kei lak a na deihkhop na muh nungin pai na hon sawmpah hi. Kenbel kon khelah a, itna thu gen a kimuh nawnma ginom tak a omdia hon thukhakdi honsa hinga. Sawtlou omlaidia kon nget hangin pemkhedi bangmai a kisak sawm nahi diam ah, na van kisakdi suanlam in non paipih a, ka iinn tan ule hon khalou in lampi kimkhat ah non paisan zawmah hi.
"Keita hilou ahi,,,,, Na naupai ana hihke maive" hiai thu ka zaakni a ka omdan non theihpih hetkei di. Khawvel a ka piankhiak nung a ka huntuah haksa ka sakni pen ahi. Lupna tung ah ka bok a, dah akah louhngal hihtheih ka neikei.
Ka nu leh pa hon theih ma a hihfel mengmeng a, nangtoh ki teng di chia kana kipahpah maizen toh. Non muanmoh na toh, suke dia non sawl zawkmah toh, thangpaihna in ka dim hi. Bangteng gen in sa mahleng ka thugen gingta nuamlouin na om a, khatvei bek hon pai inla hoih tak in thil i gen khawmdi ka chih hangin na zilna suanlamin non paisuah nuamkei hi.
Zilna a poimoh dan chu ka thei aka, himahleh ni 2 lel na absent ziak a bang chi tuk a poidi ahia awi? Tunchu ki imm thei ka hi nawn kei, ka maban chu mualphou tak a zawlta paai himai ahi. Ka nu kiang ah mittui pawt zawihzawih zenin ka gen a, tanu neihsun, khawtang leh saptuam a theih khamkham a kizang in sawn paai ka hihlam atheih tak un midang swn paai toh ahon muhdan uh akibang kei hial hi.
Mualphona tengteng thuakin, tapa ka neita a, kei non ki te'npin louh hangin na mel ka muhtheih nang tapa melhoihtak non neihsak ziakin ka kipak veve aw,,,,, na ngaih poimoh mahmah na zilna a lawhching dia kon deihsaksak maizen toh maw, lawhching tak a damdawi addict zilsuah na hi chih ka thei a, zi hoihtak neidia kon deihsak mahmah lai in, mi zi toh ki taipih chihthu khawng ka zak chiang in hichi maimai di'n kon phal theikei a, kon hehpih mahmah mai hi. Hon panpih ut in hon hehpih mahleng hihtheih bangmah ka nei nawn si kei.
Tu'n chu keile ka Pa te office ah sepna ka mu a, tampi hikei mahleh ka tapa leh kei kivaak nang khop chu ka lawhsuah hi. Zanlam a na tapa thah na sawm pe'n limlak kon khak na muh in bangchin na om chih ka theikei, himahleh nang adia ka hihtheih tawk ahi a. Na phu tawk ahi chih thei inla, lungkim takin a limlak nana en maidi aw. Mangpha.
©Siamsinna leh Vakiangbu
Comments
Post a Comment