AKPI KHUANG ZOU NAWN LOU HIA OI

~McMuan S Ngaihte

EI LEH EI KAR AH:

Sawt pek a pat ka lungsim hon kam gige, lah a gelh pat di dan kana theih zoh louh, Oh..!! a gelh ngam lou sim le hilim veng oh! Zanlam deuh in ka sepna uah ka seppih te numei nih whatsapp ah VDO a kikhak uh kava en kha a, ka lungsim hon khoih lua mahmah zaw ahi di, ka chimul bang a thou hial chih di lah hilou deuh. Ka et zoh in ka lungsim ah thil tamtak a hong lang dundun mai a. Kholak khawng leh mi houlimna I chi hiam, mi gen te khawng leh ka zak khak te bang ka lungsim ah a hong lang dundun mai hi. Banah nikum lam zek khawng in facebook group tuamtuam khawng ah le huai ah naungek kipaih, hospital kiang ah naungek piangtung kipaih muh in om chih khawng te’n ka lungsim a hon kam tinten sek hi. Ahi a lah I hih theih leh ei thuneihna om kei zel a. Nidang I naupanglai deuh khawng chi suk mai le, inn chih phial in AK kikhoi sek mah hi. Ka thei gige ahih leh zingkar khat ka inn uah ka Nupi’ a hong pawt a, “ Zingkar ka thoh a ka AKPI uh hong khuang mawk a…” hon chih leh a kiang ah om ka lengla te uh khat in, “ Koi lam nga a khuang a..?” chiin ana dong pah hi.

Pupa te gen sek dan in, akpi a khuang chiang in a ngat na lamlam deuh a ZAWLGAI a om nuam mahmah ana chi uh hiven. Dik le ana dik kha maithei, hilele a dik kim zaw chi het khang. A dik leh dik louh zaw thu tuam in koih mai le, a himhim in tulai AKPI khuang chih khawng zak di aihkeh muh di vang mahmah ta ding in ka gingta sim mawk hi. A ziak di zaw gen tam le ngai kei a, gengen di le a hi khol kei a, I theih dandan in kitheih mai le chih a uthuai ta hi. Khatvei innlam ah lawm te Numei khat toh phone in ka kihou kha ua, “U’Muan, ka lungsim nuam lou lua, ka hehtha suak lua mahmah ahi, ka mood a off top..” hon chi a, kenle, “Bangthu a zel mahmah a..bang chi eh..” chia ka dot leh. “Tuzingkar a ka inn khang uah naungek piang tung kipaih om..” hon chih leh keile ka phuzot hial hi. Hichi dan khawng Vaigam kia ah tung I sak leh eilak ah le hong maingal hiaihiai ta a theih in a om hi. Huchia I naupai deih lou I hih tawk lele sa sia paih a va paih chih tel zaw, tualthat chih dia le tualthat diak uh ahi kachi nuam mahmah. Accident deuh mai a naupai kha, ut thu hilou chih dan a naupai kha chih zaw om hial din le ka gingta kei. Na nungaknu hiam, na tangvalpa hiam toh lumkhawm thei di khop a risk la ngam na hih leh bangziak a na zawlgai di, zawlta na neih di hun tak a risk la ngam lou na hiam..??Mulkim huai lua..!! I gen toihtoih na a’ a tuak kha te dinmun zaw theihpih khang, ei tuah hilele tua bang decision houh I va la tei maimah diam maw chih chu ei leh ei ki dot tuak khat le ahi veve sam hi.

I gen sa mah bang in I tulai khovel uah hichi bang ABORTION in hon paikan tuan lou ahi, ei singtang mi chih ziak a hon hawi tuan lou, Kristian te I hi, 100% Kristian I hi uh I ki chih ziak a le hon hawi tuan het lou ahi chih a chiang mahmah chih muhtheih leh zak theih in a om hi. Hichi bang thu leh laa ka lungsim ah veina liantak nei a kana om lai in, kha bangzah hiam pai ta in I facebook group te uah mi khat in Lamka, I Vangkhuapi uah Abortion (2013 kum ahi) a kibawl om zah a hon gelh dawk kha hi. (huai le Doktor khat kiang kia hizomah lai..!!!) Huai ah hichi’n a hon gelh hi, January apat March’ 2013 tan a abortion bawl omzah 116..!! Ngaihtuah tham ching chi uau.. A chih leh Lamka ah Private Clinic bangzah a om dia.?? Chih hinawn ta, huai Clinic teng ah zaw hichi bang a hih kim khol kei di uh. Huai tantan zaw ei va gen di leh va kansui di le a om kei. Hilele ka lungsim hon deng mahmah ahihleh tukum January apat March tan ( kha thum sung lel tak) a’ abortion mi 116 tak ngial in bawl i hih maizen ua leh kha kua (9 months) omlai teng ah mi bangzah I pha zou di ua le, ka ngaihtuah ngam hauh kei.!! Tuma zek a chiamnuih thuthang I na zak uh, “ Nu te Duty kar a tate’n chance ana mu sek uh” a chih uh dik taktak houh eidiam maw, chih bang ngaihtuahna ah hong lut mawk.. Banah a mi te gen ka na zak sek, “ Lamka ah RAPE case sang a ABORTION case tam zaw” chih khawng hi lai ei..!! Oh..!! NO DIRTY MIND..!!

Khausau ki kai-awk a chih dan deuh in tampi gelh di chi le denchiah genkhel bang a hong om kha dia, genkhelh le om sa tuk in le ka koih thou. Huchi a hih leh mitam zaw te’n I na theih luat uh ahi na dia, himahleh khenkhat ten I na theih nai kei zenzen ua leh ka chia, hiai a nuai ah abortion kibawl dan ka hon taklang khemkhem dia, eipau a ka translate dek chiang in ka siam zou chiah kei a Sappau in ka hon gelh suk mai a, I na theihsiam ngei uh ka lamen bok hi.I theihsiam di uh, hiai a nuai a sappau a ka hon gelh te ahih leh, a bul lam a ka VDO clips ka et khak na ah kigelh dandan ahi. 

(NB: Daktor ka hih louh banah kana google man chiah kei a VDO clips a kigelh dandan a hon gelh suk mai ka hi)

1st. Week: Fertilized egg enter the womb of the mother.A new life begins to develop.

2nd. Week: A new life starts to receive nourishment from the mother.

3rd.-4th Week: Eyes are forming along with spinal cords, brain, lungs, stomach, liver and kidneys. Heart begins to pump.4th. Week: Heads is forming, backbone is complete. Spinal cord is closed, arms and legs starts to form. Heart is pumping away.

5th. Week: Chest and abdomen are formed and seperated. Eyes develop retina and lens. Ear starts to form, fingers and toes are formed too.

6th.-8th. Week: All organs are present including face, mouth and tongue. Heads and brain are completed. Baby responds to tickling.

8th. Week: Baby has fingerprints, which is the same now as his will be when the baby is 80 years old..!!Baby clutch things with his hands.

11th.-12th. Week: All body system are working and completely formed. Baby can already feel pain.

At 3 months, the baby is already formed, he has only to grow. But his mother and his doctor are already discussing how to KILL him..!! How are babies murdered by their own Mothers..??

There are 4 ways, all are cruel and inhuman..!! Which way the baby will go?? Either way he will SUFFER.

1) THE VACUUM SUCTION METHOD:- Like a vacuum cleaner cleaning our dirts. The baby comes out in little pieces.

2) THE CUTTING UP METHOD:- The doctor just slice the baby to pieces inside the mother.

3) THE SURGICAL METHOD:- The doctor takes the baby out by surgical opening in abdomen.

4) THE SALT METHOD:- A salt solution is injected into amniotic sac. Baby is burned to death..!!

Now you know how your baby will be killed!! Will you still do it..?? There is no telling what’s next but they might turn out to be a Pastor, Missionary, Chef, Doctor, Engineer, Architech, Great Politician, IAS and many other officers..Behlap cheuh le, hichi bang thil mulkimhuai leh lauh huai thil hih bei ni, ching nawn kei ni chi lele en I gengen hang in a phatuam kei ding a, himahleh phatuam dia kana gingtak tinten ahihleh, ei lam in Councelling ki phamoh a hi, Councelling I chih chiang in ei lam a tam zaw te theih dan in Piangthakna councelling dan ngen in I koih mawk ua hiven. Numei khat a puakgik pua lah mahmah ta, a gil ah a deih lou pi nau pai kha I chi hiam, aihkeh a hun lou tak a nau pai kha, suk kiat di ngen a lungsim ah om, niteng a huai ngen ngaihtuah gige di. Huchi bang dinmun ah a om chiang ua councelling poimoh uh ahi. Doktor huchi bang a numei lam sai kha te’n amau councellor a kineih uhiam aihkeh huchi bang dinmun a tuah chiang un I Pastor te hiam, I Upa te hiam sam in amau councelling pia sak ek mai le houh a phatuam dia aw chih ka lungsim ah dotna a om gige sek hi. A gilsung a naungek om hinkhua a manphat dan thei sak thakthak in hoihtak in genpih le hichi bang decision lauh huai la ngam a om lawmlawm dia hia..??

“ Bangchi’in a ngai tam maw van Angel te’n

Itna toh tatkhiak ka Zogam hiMichih hinkhua, lemching hinkhua

Tawpsan ta un chia kikou ding in ngaih sun ing..”

©Siamsinna leh Vakiangbu