NOISY NIGHT, DIRTY NIGHT !
By ~ Muana Guite
Khua khat a Nupa hausa mahmah a om ua,amau hi ta neithei pahlou in a kho nung deuh in Tapa hoihtak mai hon nei uh hi.A tapa neihsun uh chu a duat mahmah ua, a pianchampha 1 veina chu a thupi thei pen a lawm di'n a kho kim leh pam, a lawm leh vual teng a chial vek hi. Nek leh tak, dawn ding theitui leh bang kim chu a om vek hi. Huchi'n ah Birthday lawm dia a chial teng un thilpiak hoih pipi ngen hon toi ua,huai thilpiak te chu kilkhat ah hoihtak in a koih khawm uh hi. Nek di om teng hon ne ua,kipak in tumging kilawm te toh hon laam ua, Birthday cake aat hon sawm ta uh hi. Huchia cake aat dia a tapa pa a om na apan a va pikhiak dek leh ana om ta kei hi, a buai mahmah ua, zong theih na teng a zong nung un le a mu kei ua. Music teng le hon off ua, huchia thawm daitak a a omlai un, kilkhat apan Naugek kap thawm chu a za ua,kin deuh a a vat et ua leh a tapa pa uh Birthday gift a koih khawm te un ana delh kha a. Si man phial in ana om hi, minute 5 vel in zekai le uh chu a hinna a tan thei ding uh hi.
Khai le, Tulai Khovel ah i Krismas zat dan te ki en thak ni,hiai a tung a i gen Nupa te Birthday lop dan in i Birthday lopna ziak pen Jesu Kris manghilh kha in i om kha hiam?? Nek leh dawn, Silh leh teen in i buai lua a Jesu Kris pen i delh lum kha hiam??? Nungak leh Tangval ten la ngaihzawng te toh Krismas ni a pawt khawm theih kei leh Krismas lohching lou a ngai hial i hi ua,Nu leh Pa’n le chu Krismas ni eive le a ut uh le pawt khawm le uh chin lungmuang tak in a om ua. Hiai laitak in Tuailai ten hun remchang ah la in sualna kawng chu i hon pan ta uh hi.
Beraw leh Mura gim namtui te kha Zu leh Khamtheih i suak sak ta ua,Nungak siangthou apan a Naugek hon piang i lop dek lam uh manghilh in Nungak siangthou lou apat Naugek i pian sak sawm ta uh hi.
Mi te’n a gen minthang uh :
Zankhua dai ! Zankhua siang !
Dai zou vek,vaksuak vek ;( Silent Night ! Holy Night !)
Chu tu in.......
Zankhua bengseng ! Zankhua bolhloh ! ( Noisy Night !
Dirty Night !) i suak sak ta uh hi.
Suihlung hon len ngei e,lunglai ah a thamden hi
A pianna Bethlehem ganbuk se tak mai chu ;
Vanmang vontawi a pianna mun ding a dang a omkei,
Tun ah hon piang ta in ka lailung sung ah.
©Siamsinna leh Vakiangbu
Khua khat a Nupa hausa mahmah a om ua,amau hi ta neithei pahlou in a kho nung deuh in Tapa hoihtak mai hon nei uh hi.A tapa neihsun uh chu a duat mahmah ua, a pianchampha 1 veina chu a thupi thei pen a lawm di'n a kho kim leh pam, a lawm leh vual teng a chial vek hi. Nek leh tak, dawn ding theitui leh bang kim chu a om vek hi. Huchi'n ah Birthday lawm dia a chial teng un thilpiak hoih pipi ngen hon toi ua,huai thilpiak te chu kilkhat ah hoihtak in a koih khawm uh hi. Nek di om teng hon ne ua,kipak in tumging kilawm te toh hon laam ua, Birthday cake aat hon sawm ta uh hi. Huchia cake aat dia a tapa pa a om na apan a va pikhiak dek leh ana om ta kei hi, a buai mahmah ua, zong theih na teng a zong nung un le a mu kei ua. Music teng le hon off ua, huchia thawm daitak a a omlai un, kilkhat apan Naugek kap thawm chu a za ua,kin deuh a a vat et ua leh a tapa pa uh Birthday gift a koih khawm te un ana delh kha a. Si man phial in ana om hi, minute 5 vel in zekai le uh chu a hinna a tan thei ding uh hi.
Khai le, Tulai Khovel ah i Krismas zat dan te ki en thak ni,hiai a tung a i gen Nupa te Birthday lop dan in i Birthday lopna ziak pen Jesu Kris manghilh kha in i om kha hiam?? Nek leh dawn, Silh leh teen in i buai lua a Jesu Kris pen i delh lum kha hiam??? Nungak leh Tangval ten la ngaihzawng te toh Krismas ni a pawt khawm theih kei leh Krismas lohching lou a ngai hial i hi ua,Nu leh Pa’n le chu Krismas ni eive le a ut uh le pawt khawm le uh chin lungmuang tak in a om ua. Hiai laitak in Tuailai ten hun remchang ah la in sualna kawng chu i hon pan ta uh hi.
Beraw leh Mura gim namtui te kha Zu leh Khamtheih i suak sak ta ua,Nungak siangthou apan a Naugek hon piang i lop dek lam uh manghilh in Nungak siangthou lou apat Naugek i pian sak sawm ta uh hi.
Mi te’n a gen minthang uh :
Zankhua dai ! Zankhua siang !
Dai zou vek,vaksuak vek ;( Silent Night ! Holy Night !)
Chu tu in.......
Zankhua bengseng ! Zankhua bolhloh ! ( Noisy Night !
Dirty Night !) i suak sak ta uh hi.
Suihlung hon len ngei e,lunglai ah a thamden hi
A pianna Bethlehem ganbuk se tak mai chu ;
Vanmang vontawi a pianna mun ding a dang a omkei,
Tun ah hon piang ta in ka lailung sung ah.
©Siamsinna leh Vakiangbu
Comments
Post a Comment