HUNOL (LAISURE TIME) HAUHNA TUH SIATNA BULPI AHI!
By ~ Awxel Tomolo
Khovel a piangkhia milip tengteng hun khat a piangkhia ngen ihi uhi. Inu gilsung apan ipiangkhiat akipan I sih dong tanpha in hunbi kinei chiat hi. Khovel buppi sung ah milip in hun imuhdan leh ineihdan kidanglam na leh kibatlouhna omlou omlou a ahihhang in polkhat tea din bel hun ichih pen homthoh huai mahmah a pol dangkhat adin bel chinhuai leh ninghuai leuleu hi.
Hunol (Laisure Time) ichih pen kuahiam mimal khat in itung a honkoih hilou in mahni leh mahni kiguan ahi hi. Hun ineih pen jat siam leh jat dik pawimoh mahmah hi. Mikhat in ahun neihte ajat siam nadin hunbi nei a asep dingte ajuih ngai ding a tua ban ah athadah louh a sep ding omte asep chetchet kul hi.hun pen jatsiamna in khantouhna leh masonna thupita tunthei hi. Tumlam gamte en tale ahun jatdan uah a puangchual mahmah uh chih inuthei ban ah ahun jatsiam jiak un khantouh lam amanoh hiaihiai uhi. Asep leh bolna uah hunbi a nasem ngen ahi ua leisure time himhim aneihlouh man un khantouh lam amanoh hiaihiai uhi.sep leh bol ah athanuam ua aginom ua nasep laklh chih himhim aneikei ua timing jui a nasem chetchet ahihman un agam un changkan lam manoh hiaihiai hi.
Ei contex ah en tale hun ol hau ngen ihih man un hun bang homthoh kha jojen ngen ihi kha maithei uh. Polkhat ten hun neilou hivehg o achi ua huaite adia hun pen tomdeuh adiam ahihkeh amau huntoh ei hun pen kilamdang na omtuam adiam chih dotna liantak amthei mahmah hi. Ahihhang in hun zatdan pen michih ah kinga mahmah hi, mikhat in ahun neihte ajatsiam a phatuam tak a azat chiang in mi lohching khat suakthei hi.
Hunol pen ihauh luat chiang in mahni mimal adding in lohsapna lianpi tunthei hi. Mi kuahiamkhat in hun ol ahauh luat man in thil hoihlou banghiam vahihkha thei hi. Mihoih mahmah khat leng sepdi theilou in kholak ah haivak vak taleh atop in khamtheih zu leh sa kibual mi ahong suakthei hi. Himahleh sepdin zong in naa banghiam khat sem in omtaleh tua thil hoihlou sepn ding hun nei manlou ding a amah leng kipak ding a tua kia thamlou a nasepnate leng nuam mahmah ding uhi.
Leisure Time pen neihlouh nading in thanuamna leh kukkalna kisam mahmah hi. Mi kuahiamkhat mi lohchinte imuh chiang in ieng in I ngaisang mahmah ahimaithei, ahihhang in ahun zat uah bangmah itheihpih khaolei hi. Tuaziak in mi lohching ihihtheih nading in hun zatsiam apawimoh masapen ahi hi. Mi kuahiam mi lohching ichihte hun zat uah kipezou leh kuhkal mi ahi uhi. Tua ahihman in hun zatsiamna in lilohching hon suaksak thei hi. Ahih hang in hunol haute bel tunung a mi genthei dingte ahi him uhi (Laisiangthou in Asemlou in ngol hen achi hi). Tua ahihman in ihun neihsunsun te amanpha thei pen leh lohching theipen a izatna in eimah ading in manna / supna sang in lohchinna leh khantouhna liantak hontun ding hi…
©Siamsinna leh Vakiangbu
Khovel a piangkhia milip tengteng hun khat a piangkhia ngen ihi uhi. Inu gilsung apan ipiangkhiat akipan I sih dong tanpha in hunbi kinei chiat hi. Khovel buppi sung ah milip in hun imuhdan leh ineihdan kidanglam na leh kibatlouhna omlou omlou a ahihhang in polkhat tea din bel hun ichih pen homthoh huai mahmah a pol dangkhat adin bel chinhuai leh ninghuai leuleu hi.
Hunol (Laisure Time) ichih pen kuahiam mimal khat in itung a honkoih hilou in mahni leh mahni kiguan ahi hi. Hun ineih pen jat siam leh jat dik pawimoh mahmah hi. Mikhat in ahun neihte ajat siam nadin hunbi nei a asep dingte ajuih ngai ding a tua ban ah athadah louh a sep ding omte asep chetchet kul hi.hun pen jatsiamna in khantouhna leh masonna thupita tunthei hi. Tumlam gamte en tale ahun jatdan uah a puangchual mahmah uh chih inuthei ban ah ahun jatsiam jiak un khantouh lam amanoh hiaihiai uhi. Asep leh bolna uah hunbi a nasem ngen ahi ua leisure time himhim aneihlouh man un khantouh lam amanoh hiaihiai uhi.sep leh bol ah athanuam ua aginom ua nasep laklh chih himhim aneikei ua timing jui a nasem chetchet ahihman un agam un changkan lam manoh hiaihiai hi.
Ei contex ah en tale hun ol hau ngen ihih man un hun bang homthoh kha jojen ngen ihi kha maithei uh. Polkhat ten hun neilou hivehg o achi ua huaite adia hun pen tomdeuh adiam ahihkeh amau huntoh ei hun pen kilamdang na omtuam adiam chih dotna liantak amthei mahmah hi. Ahihhang in hun zatdan pen michih ah kinga mahmah hi, mikhat in ahun neihte ajatsiam a phatuam tak a azat chiang in mi lohching khat suakthei hi.
Hunol pen ihauh luat chiang in mahni mimal adding in lohsapna lianpi tunthei hi. Mi kuahiamkhat in hun ol ahauh luat man in thil hoihlou banghiam vahihkha thei hi. Mihoih mahmah khat leng sepdi theilou in kholak ah haivak vak taleh atop in khamtheih zu leh sa kibual mi ahong suakthei hi. Himahleh sepdin zong in naa banghiam khat sem in omtaleh tua thil hoihlou sepn ding hun nei manlou ding a amah leng kipak ding a tua kia thamlou a nasepnate leng nuam mahmah ding uhi.
Leisure Time pen neihlouh nading in thanuamna leh kukkalna kisam mahmah hi. Mi kuahiamkhat mi lohchinte imuh chiang in ieng in I ngaisang mahmah ahimaithei, ahihhang in ahun zat uah bangmah itheihpih khaolei hi. Tuaziak in mi lohching ihihtheih nading in hun zatsiam apawimoh masapen ahi hi. Mi kuahiam mi lohching ichihte hun zat uah kipezou leh kuhkal mi ahi uhi. Tua ahihman in hun zatsiamna in lilohching hon suaksak thei hi. Ahih hang in hunol haute bel tunung a mi genthei dingte ahi him uhi (Laisiangthou in Asemlou in ngol hen achi hi). Tua ahihman in ihun neihsunsun te amanpha thei pen leh lohching theipen a izatna in eimah ading in manna / supna sang in lohchinna leh khantouhna liantak hontun ding hi…
©Siamsinna leh Vakiangbu
Comments
Post a Comment