TOUPA KA GU MAI AW
By ~ Leon Guite
Khristmas special.....
Khristmas hin nuamtak vaidawn ut in vengchih, kilchih ah mite nuamsatak in chiau vengvung uhi. Khosungte cheimawi in biakinn te nalh tak in zem ua, kilawm thei mahmah hi. Veng chih a YPA ten leng hiai hun nuam sung a thilsia atun khak ding lau in kilchih ah vengtu koih in naktak in panla uhi. Huchih laitak in veng duty heutu khat in naupang khat abil ah ahon kai a, "en dih ua athil guk" chi'n alawmte kiang ah kikou lala kawm in gen hi. Naupangpa bel puan-ak se nipnep a nit ziak a angou na kolang zou nawnlou khat â in a ding dinden hi. A puan kawm ah van tun lianlou khat tun thinthen a, aman pa'n laksuh in phelsak buatbuat hi.
Tua a van bawm sung ah aksi lim khat leh Khrismas putek lim khat a om hi. A kîm a omtên naupangpa simmoh tak in kou zialzial uhi. Huchi'n police te hong pai ua naupangpa tuh a innlam uah pawkheta uhi.
Pa Khup bel azi'n asihsan nung atapa Lianpu chauh toh khosa uhi. Nitha kiloh tawm in a pata un haksa tak in khosa uhi. Nitha Rs.250 pen tulai khovek changkang tak lak a khosakna ding in bangmah tham ahi kei hi.
Khrismas hong nai hiaihiai in pawl tuamtuam in Advent khristmas, kumtawp programme leh programme tuamtuam zang ding in kisakhol nak thei mahmah uhi. Hichih hunchiang in a zawng leh genthei te a ding in milak ah kisuanlahna leh zumna tampi tampi tungsek hi. Khristmas gift, gift exchange leh til tuamtuam tampi kisaisek a, tuate'n aneiloute ading in kisuanlahna leh khasiatna tampi tunsek hi. Neilou a milak ah tel di lah nuamlou, tellouh dia lah akisathei chih loh khak ding lauhuai zel ahihman in hiai hinchiang in nu-le-pa tampi te a ding in lunggimna khop pha hi. Milak ah a tate ih atel louh ding uh lah ngaingam lou ahihziak a mite neihtan bang neisak zoulou te a ding in hiai hunnuam pen amau a ding in lungngaihna hun suak sek hi.
Pa Khup in atapa Lianpu a innlam uh zuan a Police ten ahon kaih uh amuhtak in lamdang sakna leh lauhthawnna in kidim hi. Innsung ahong lut tak in Lianpu'n apa' kiang ah, "Pa, gift exchange na a di kachih eive", a chi hi. Apan bel, "zan in Rs.50 ka hon pia hilou maw?" Chi'n adong a, Lianpu'n "Pa aw tua pen school a dia zang ing a, tunitak a sunday school ten kumtawp programme ka nei dek ua, huai ah gift exchange neiloute telphallouh chi ua......" Apan ana pau tuh a, "Bawi, hilehle guk sese louh a hon ngetizawk di eive, guktak khawng khelhna ahi." Chi'n adawng hi. Lianpu'n apa kiang ah, "Pa aw sum na neikei chih kathei a kon ngen ngam kei. Himahleh Pathian kiang ah, TOUPA KA GU MAI AW chi a ka nget ahi." Chi'n dawng hi. Tuaphet in Pa Khual in atapa Lianpu ngawngkawi in kap huphup a, "Bawi napa mibang a hau hilebg zaw.... khanvual englou ding hichin a maw... Napa hon ngaidam in aw."
Police sap pa'n pata te omdan amuh tak in alung khoih mahmah mai a Rs.1000 pia in Lianpu' kiang ah "Bawi naupang hoihtak leh thumang tak nahi chih kathei. Tuban gu nawn ken aw..." chi'n aheute sam in paikhiaksan ta hi.
©Siamsinna leh Vakiangbu
Khristmas special.....
Khristmas hin nuamtak vaidawn ut in vengchih, kilchih ah mite nuamsatak in chiau vengvung uhi. Khosungte cheimawi in biakinn te nalh tak in zem ua, kilawm thei mahmah hi. Veng chih a YPA ten leng hiai hun nuam sung a thilsia atun khak ding lau in kilchih ah vengtu koih in naktak in panla uhi. Huchih laitak in veng duty heutu khat in naupang khat abil ah ahon kai a, "en dih ua athil guk" chi'n alawmte kiang ah kikou lala kawm in gen hi. Naupangpa bel puan-ak se nipnep a nit ziak a angou na kolang zou nawnlou khat â in a ding dinden hi. A puan kawm ah van tun lianlou khat tun thinthen a, aman pa'n laksuh in phelsak buatbuat hi.
Tua a van bawm sung ah aksi lim khat leh Khrismas putek lim khat a om hi. A kîm a omtên naupangpa simmoh tak in kou zialzial uhi. Huchi'n police te hong pai ua naupangpa tuh a innlam uah pawkheta uhi.
Pa Khup bel azi'n asihsan nung atapa Lianpu chauh toh khosa uhi. Nitha kiloh tawm in a pata un haksa tak in khosa uhi. Nitha Rs.250 pen tulai khovek changkang tak lak a khosakna ding in bangmah tham ahi kei hi.
Khrismas hong nai hiaihiai in pawl tuamtuam in Advent khristmas, kumtawp programme leh programme tuamtuam zang ding in kisakhol nak thei mahmah uhi. Hichih hunchiang in a zawng leh genthei te a ding in milak ah kisuanlahna leh zumna tampi tampi tungsek hi. Khristmas gift, gift exchange leh til tuamtuam tampi kisaisek a, tuate'n aneiloute ading in kisuanlahna leh khasiatna tampi tunsek hi. Neilou a milak ah tel di lah nuamlou, tellouh dia lah akisathei chih loh khak ding lauhuai zel ahihman in hiai hinchiang in nu-le-pa tampi te a ding in lunggimna khop pha hi. Milak ah a tate ih atel louh ding uh lah ngaingam lou ahihziak a mite neihtan bang neisak zoulou te a ding in hiai hunnuam pen amau a ding in lungngaihna hun suak sek hi.
Pa Khup in atapa Lianpu a innlam uh zuan a Police ten ahon kaih uh amuhtak in lamdang sakna leh lauhthawnna in kidim hi. Innsung ahong lut tak in Lianpu'n apa' kiang ah, "Pa, gift exchange na a di kachih eive", a chi hi. Apan bel, "zan in Rs.50 ka hon pia hilou maw?" Chi'n adong a, Lianpu'n "Pa aw tua pen school a dia zang ing a, tunitak a sunday school ten kumtawp programme ka nei dek ua, huai ah gift exchange neiloute telphallouh chi ua......" Apan ana pau tuh a, "Bawi, hilehle guk sese louh a hon ngetizawk di eive, guktak khawng khelhna ahi." Chi'n adawng hi. Lianpu'n apa kiang ah, "Pa aw sum na neikei chih kathei a kon ngen ngam kei. Himahleh Pathian kiang ah, TOUPA KA GU MAI AW chi a ka nget ahi." Chi'n dawng hi. Tuaphet in Pa Khual in atapa Lianpu ngawngkawi in kap huphup a, "Bawi napa mibang a hau hilebg zaw.... khanvual englou ding hichin a maw... Napa hon ngaidam in aw."
Police sap pa'n pata te omdan amuh tak in alung khoih mahmah mai a Rs.1000 pia in Lianpu' kiang ah "Bawi naupang hoihtak leh thumang tak nahi chih kathei. Tuban gu nawn ken aw..." chi'n aheute sam in paikhiaksan ta hi.
©Siamsinna leh Vakiangbu
Comments
Post a Comment