NA MANTA HIA??
By ~ Palemtheilou Papektawl
"Kisiik
un vangam a naita'' chi a thu khun lui hun a Zawlnei tuamtuam ten mipi
te lak a ana tang koupih ta uh chih ithei chiat ka gingta hi. Thu khun
lui hun a leng ''Jesu'' hong paina di naita ahihleh, Thukhun lui hun leh
tu hun, A tawm pen a gen in le kum 1000(sangkhat) aval ta hi. Khum
sangkhat bang paita ahih leh Jesu hong paina di chuh a nai mahmah tak
agintak huai hi. Bible mahmah in le hun nanung lam ahi ching in Thu
lamdang tuamtuam, ki thahna, buaina, ki siatna tuamtuam a omding chi'n
ana ki gelh hi. Tua ki gelh te khat khit khat in eilak mahmah aleng a
tang tung tou zel a, Jesu hongpai hak nawn lou ding ahih chih haihvual
hi lou hi.
Jesu leitung a aom lai in
''Mang thangte zong a hondam ding a hong pai ka hi'' ana chih hi.
Himahleh tu in hongpai leh Mangthang te zawng ding ahih kei a,
Misiangthou te la ding a hong pai ding ahih chih ithei chiat uh ka lam
en. N'ang lak khak in na om diam??
Mangthangte
zong a, I khelh na tengteng pua a, Simmoh leh engbawl a om a, hinna I
neihthei na ding a, I thulim louh na tengteng ziak a singcross akilh den
a om a, Tangtawn vangou iluah thei na ding a hong si pa ''I Toupa jesu
chirst'' Sang a khovel nopna, athupi na te iit zo a, Zu leh sa aki bual
lai ding ihi diam?? Sum leh pai leitung hauna te enlah zolai ding ihi
diam??
Leitung idam sung a genthei haksat
na teng thua, alim le ne ngam lou, genthei tak mai a khosa, mite
neihbang nei zou le hi lou, i dam sung a kipah na, nop saka himhim nei
lou isih nung na tawm ale genthei lai ding, Tangtawn a haksat na thuak
ding naa louh deuh hilou mo Unau??
I
Pathian in ei hon ngak hi kha ding ahi. ''A siamsa mihingte a iit mahmah
a khat lel leng aman thak ding aphal kei'' N'ang '' Ken, A mah i sang
nailouh ziak a, Tangtawn meidiil a ipai ding a luah mahmah ziak a, Ei
adia HUN ki siikna ding, amah lam a ikik thei na ding hun honpia a hong
pai nailou hi kha ding ahi.
Ki siik ni in
lung hei ni, Tu ahun lai hiding ahi. Den ching i chih leh ki khelkha
thei ahi. Iki siik dia, lah kikhel kha ding ahi. Jesu ahong pai hak nawn
kei dingJesu hongpai leh lakkhak in na om diam?? ka om diam??
©Siamsinna leh Vakiangbu
Comments
Post a Comment