Siamsinna leh Vakiangbu

By: Pau lian To, Chingnou Ching, amasa pen in, dam in na om chih ka na za a, ka lung amuang lua hi. Kei leng Pathian kepna leh venna a damlel ka hi chih ko'n pulak nuam sese hi. Nidang banglou tak in laikhak, tua hon kikhak pen thasial lou a na simsuak ngei leng ka lamet ban ah, Pathian min a, ana simsuak ding in kon ngen laidep hi. Nounel tak in hun paisa ka sut ut a, kam a ka gen ban ah athu ala in kon khak zel a, nakiang hong tung hia, sim mah nahi hiam? chih zaw ka theikei. Himah leh laikhak tungtawn a ka vei tampi takte kon pulak khiak zel chiang in ka puakgik hon dawn zangkha mahmah hi a ka muh ban ah, nang mah ngei inleng mi puakgik dawnzang tu a pan thasial tuntun dia kon gintak louh man in a tawpna din kon pulak mai ahi. Gentam a pha thei nawn ding hileh gengen uthuai kasa, gelhtam a hun paisa bawl lem theih ding hi maizen leh gelh den nuam ing, tun bel kikhel lotel tamah leh a tawpna ding in gelh lou theilou a kingaihsutna ka neih man in kon gelh

By : Haopu Eimi Kei kia ka-om chia lau chihna le hipah tuanlou, lungleng luale hituan thou kahih toh saupi kaki ngaihtuah ngetngut nung in zi-le-tate khatvei bek i omna muhsak a i khosak dan hon theihpih uh kilawmsa in 2011 kholum saan laitak in kava pikhe sam a, huchin hiai tangthu hong kipan hi. Huchi'n dt. 23-07-2011 kawlni hong suah toh kiton in lenna vangkhua Singngat nusia in Lamka ah zankhat kagiak malam ua, a zing in Lamka nusia in Guwahati kazuan uhi. Kahuphurh tuk in buai lawlou in a zing dak 5:30 vel in Guwahati katung uhi. Huphurh chih bel, numei naupang toh gam saupi bus a pai ding kahih man ua lin kahi, lawinu bang Singngat leh lamka kal lel le kham a law a a thei hiven! Guwahati apat north east exp. train man in katupna muh uh Allahabad zuan in kahong kipan khe nawn ua, ticket leh bangteng felsa ahih man in kalung a muang a, thawltak in le katuang tou sam uhi, Bongngaiguon tan! Huai apat pasal ngen mi 5 tak hong kihen tektuk ua, nopmo

By : Pau Lian I ngaklah penpen chi hial leng, kumkhat adia hunnuam, a biiktak a eilam ten ngaklah tak a i ngak uh theihlouh kal in hong tung nawnta. Khenkhat te a din hiai hun kipahna lam sangmah in hunlui ngaihna ban ah hon paisansa te ngaihna a zatna hun ahi maimah hi. Khen khat ngial in hou nikum a zawllui te toh kizang or nungak tetawh kizang a, tuala ki zangkhawm theilou, amanna le omkei chi bang leng a om tham ding, kenle christmas lungleng sim gaugau in tukum zang di keive ka chi a, mi status update khawng ka enen a, thawmhau kisa leh bang hiamhiam ziak a bukim sa zoulou dim hi in ka mu hi. Hiaibang hun ah, ka ngaihtuah na ah Christmas nopna tak (khalam vai a et hilou in) bang a diam aw ka chih lai in hiai ka lungsim ah hong suak a kon gelhkhe mawk hi. Kum masa 2010 Christmas hun in Imphal a MU hostle ah third semester exam dia kisa in lungsim lah innlam a om, lehkha lah simlouh theihlouh in buaitak in hun kana zang nepnep phet hi. Bangteng hileh kha

By : Zo Khanthang Sunkhat, zankhat nang tellou in bang chi in ken ka zangzou dia? Kua ahia khattang a ka om hun a pahna hon pia a, khattang lua kisakna tengteng lamang a, munkhat, gamkhat, vengkhat leh heina khat ah i heikhop louh hun natawm a leng nang nahi, ka maimit laukha luahdim a, etsam a om a lungzuang ding kahih lai natawm aleng pahna leh thathak hon guan gige. Ngaih na sakmel bang chi in et ka chim thei dia, chimtaak sawm a ka mit ka siing hun natawm inleng nang nahi, ngaih mel aw, nang kaki pahna pen, dahna lamang a pahna hon pia, hon nuse ngeilou, hon pampaih dia kon phal theih ngeilouh, ngaih mel aw ka lunglai ah na sakmel maak ding lunggeel ahak ngeimai. Ngaih mel aw, ngaih aw, phavang huihkhi a hong laang nawnta, huih vot laang hiauhiau nuai a zuanna dang ngeilou din aw chi a koplai khaubang i huallai hunte mel in na thei laina maw? Christmas zaila awikhawm a naubang nui a tawptheilou a, zaitha nem a nunnop lambang i zuihlai nite mel i

By ~ Lun Khuptong November 23 at 12:10pm [Hun sehtuam/Festive Season]   Lenkhang kum kiveiin nite hunte athak zel bang in. Tuktui luangte keuin, Phavang huihkhite bang ahong lang pan nonta hi. Tang khuakhal panta a huihkhi'n ahon sepdan zong ahong tuamta hi. Tropical region a singtehte zong vuahtuite zong hong kangta ahih man in anahte hong san in akhe panta uhhi. Gamnuaite a vak nuam in hindan zong ahong kidangta uh hi. Singtehte hong vulin hun-leh-khomual omdang kidangta. Heina khatlou heina mun-leh-mual tuamtuam a omte zong lungleng kipanta. Zodawn ah lou nasepte zong buhte lakhin in lou nasep zoh in hong omta hi. Leitung mihingte hinna nei a lungzuang thei a bawl ahih ziak ahi diam? Hunte kidang bang maiin lungzuan huikhin mite tuam in a kidangta. Mi chih lungsung a Khirstmas Carol apai ding Musical night ahia? hunnuam leh nunnop kipan ding hita mai hi. Tang lungzuang te'n zong a It leh ngaihte uh ading leh Khristmas present dingte lei ding chi

DAMTAK IN MANGPHA - By Zo Khanthang On 15-12-2012 at 4:05am .   Ka mangngilh thei naikei,mangngilh ka sawm a,ka pang a,himahleh lawhsam ka hi denlai. Ka mitkha inleng amu denlai a,huai mah tuh ka damsung teng ka mitkha a luaideng ding mah hita inteh ka chi hi. Mihing hilou hileng huai hunnuam tak,ka khiaklah tuntun nitak ka mukha kei ding,mihing ka hih ziak mah in huchi bang hun pammaih leh ka lungtunna pen mukha leh chiamkha ka hi a,himah leh mihing ka hih ziak in ka dah hi. Mihing hih pen huai hun in hamphatna hi a ngai himah leng tuhun in bel vangsiatna leh lungngaihna lel a hong suak maimah hi. Mihing ka na hih zenzen hampha kisakna in dim mah leng hun tamzaw ah gimthuak ding lel a piang khemkhem ka chih hun a tam mahmah hi. Banghang simlei a mimbang piang ka hiam,Khattang lungzuan sial lel dia chi a khattang tuamlua kisak hunbang a omta. Mipi lak a i om hun natawm inleng kim zoulou kisakna a dim hun a tam mahmah. Bang in sam ahia chi peuh in ka kivel vutvut sek

By : Vz Vualnam L'amour est un oiseau rebelle que nul ne peut apprivoiser, et c'est bien en vain qu'on l'appelle, s'il lui convient de refuser. Rien n'y fait, menace ou prière.... Kua ahia mahni’ vuallelhna khawng peuh kiphatsakpih a mite’ zaak dia tangkoupih ngei? Mahni kiselphou ding lel a kamka nuam kua a om dia? Himahleh kipuanna ah hilou hia tangtawn hinna i muhzel uh? Kipuanna ah hilou hia khamuanna i muhzel uh? Kipuanna in puakgik a khuukmang zel ahikei maw! Abangchi dan a hiai itna delh a kitaitehna a ami nungdelh a pang nemnom gige ka hihiam ka theikei. Ei ma a ana taite i delhphaakkei leh bel ahi ding him hive’n chin, himahleh ami’ ma pek a i na kipat chiang nangawn a leng i nung pek a hong kipante’n hon makhelh naakkhem uh abang pentak haatlouh pih ka hihiam ka theikei hi. Tai haat zohna ding mite’ phei gol leh muanhuai neih bang kinei samlou a, phei’ nnasep huhtu ding mite’ bantha bang kinei samlou a, huaiziak a hiai

By : Leon Guite (Mikhat hon gensawn bang in) Kaneu lai uh chilehang, 1932 kum lai vel ding in ka khua uh gammang sah takmai in um kimvel hi. Gamsa leh vasa chi tuamtuam tam mahmah mai a, kou naupangte'n gophel bawl in sailim kahual ua, khokim ah vasa ka beng zel uhi. Nikhat ka khokhang ua lui ah sailim hual in pawl khuh khum in ka hal tak uhi. Ka mansiang tak un vasa beng din ka kithoi khia uhi. Kei anunung pen in kapang a, ka liim uh ka et leh ka ma a paipa lim a san in asan mawk hi. Lamdang salua in amah kasam a, ka hilh leh aman leng lamdangsa in ka lawmteng toh kavek ua khawl in ka en diamduam uhi. Kou adangtenga bel avom in kilanga, amaha chauh san petmah in san mawk hi. Huaitakin, kenleng kalawmpa kiang ah, "ahikei lawm aw, nang liim pen tuni tuamlua ahihman in inn ah ana paimai in denchiah tuahsia tuak kha phut thei ihi." ka chi hi. Himahleh amah ut tuanlou a, vasa mat ding penmah in lungsim zou zaw ahihman in ka sawlkik zou kei hi. H