NGAIH MEL AW
By : Zo Khanthang
Sunkhat, zankhat nang tellou in bang chi in ken ka zangzou dia? Kua ahia khattang a ka om hun a pahna hon pia a, khattang lua kisakna tengteng lamang a, munkhat, gamkhat, vengkhat leh heina khat ah i heikhop louh hun natawm a leng nang nahi, ka maimit laukha luahdim a, etsam a om a lungzuang ding kahih lai natawm aleng pahna leh thathak hon guan gige. Ngaih na sakmel bang chi in et ka chim thei dia, chimtaak sawm a ka mit ka siing hun natawm inleng nang nahi, ngaih mel aw, nang kaki pahna pen, dahna lamang a pahna hon pia, hon nuse ngeilou, hon pampaih dia kon phal theih ngeilouh, ngaih mel aw ka lunglai ah na sakmel maak ding lunggeel ahak ngeimai.
Ngaih mel aw, ngaih aw, phavang huihkhi a hong laang nawnta, huih vot laang hiauhiau nuai a zuanna dang ngeilou din aw chi a koplai khaubang i huallai hunte mel in na thei laina maw? Christmas zaila awikhawm a naubang nui a tawptheilou a, zaitha nem a nunnop lambang i zuihlai nite mel in na theilai na hiam? Ngaih mel aw, nunlui annbang pah lai hunte mel in na theilai na maw? kei maimit hem ah zaw chik in amang ngeikei ding, na nuihmai mel te zong ka lungsim mitkha ah amual naikei hial hi, ngaih mel aw maimit laukha ah hunteng niteng leh dakkal teng in na luaiden e.
Hun leh nite tuibang in luangmang mah leh, pahna nite lakmang a a om hun ahi zong in. Sun khovak te mialna a tuamsak in a hang in, niteng sepgim na te a thawn mai a amang hun natawm aleng lungsim luah zou zaw-ngaih mel aw, ngaih na sakmel etlawm chik ka ngilh thei diam. Suah, tum, sim leh mal a ka hei hun in leh kawlmong pha a maimit laukha a luaipen-ngaih mel aw kua siam na hiam aw? siansiam nahiam aw ziin siam?
Ngaih aw nang kia nahi chi a chi sawh itna, itna bukim, asam omlou itna polhkhop kon piak lai nite na theilai na maw? ngaih kei na sila in nang siamtu sianmang bang mai a sumbang kon biak lawmlawm, zehzum khual ning chileng lah a zaangkha tungtuan. Dawi-ai tawi loubuang, mihing sung a sisan lum luang a dahthei, kapthei leh nitna chitampi paai sapsap din na lamdang tel mai maw?
Lungsim ngaihsutna mumal leng nei manlou a guizop lah hisam lou, nang na hon phawk louh hun natawm aleng ka mitgong a mitmul tesang ale kamuh tamzawk, zalmang a bawn ka muh tampen, ngaih na sakmel maw ana hih tel... ngaih mel aw, tung a, vansang a ngoumei kaikawm a simseng louh aksi te lak a khat zaw hisam keiteh maw? Simlei tung a liapaal zatam te toh vansang a si-al zatam te ka tehkak chiang in, nang sakmel zaw a tungtuang pen in ka koih ahi. Si-al tungtuang minthang, Aksi nelkai na himawh kei dia hia? Na hih louh tawp in zong, ngaih mel aw, tumlam aksi, ki lamdang ngeilou, munkhat a thamden, aksi tenglak a dawk masa pen leh tum nanung pen-tumlam aksi toh na sakmel kei tangpa lungmawl in tehkak nuam ing.
Lel ding simthu zatam limsit a, lungmuang kisa a om a, tul ngeilou ding itna damtui, vualzawl na van vuahtui bang a lummei kawm a hong kia te zawl tuibang ka chinkhop laitak in khimpi hong zing ta. Tua khimpi ziing in pahna te dahna suaksak in, van vualzawl na tulvuah siang kaite nitna in a dimsak ta.
Koi a om na hiam? Ngaih mel aw koikuam sawlbang heita na hiam? Khimzing nuai ah nang kon zong a kon mutakei, suahlam huih teng dahna hon puak in, tumlam huih ten mialna hon puak man in, ngaih mel aw-tumlam aksi toh kon tehpih, zankhua a maimit laukha a et ka chim ngeilouh tun maw na mang mai? Koi kuam sawlbang hei na hi hiam chi in kon zong a kon mutakei, ziinmang in gallak a la hiam chi in zankho sawt in mialnuai ah kon zong a, ka paina mual leh guam leh kense lak ah bittak in na siang vaibang kong tung a... maizen,maizen,.. ngaih lah singdang ang a nuihmai piandang toh heita veh aw..
Kithawi dih ve, kithawi dih ve,piandang na sakluang ah nunlui kilatna pawn mel a mulou na hiam? Na selung geel dih ve, na awi na maw? Tuapa siang a loubang na tulding kon phal a hia? Houlung kum chim man nailou a maw lambang non pelh mai. Tongsia hon lel dih ve, hamse lawh louh tangpa kei ka sinlai suantui bang sou eive.
Khaubang ka chiahlam in maw ngaih, hamse lawhlouh tangpa'n na selung a guktui bang na zawl simthu khaubang ka suut leh maw... lakmai ah luankhi muantui bang luangsak veng e. Kua nahi ua hong nul ding? Kua nahi ua luankhi patpuan nemnou tawh hong nul ding. Nulding omlou, maimit luankhi'n zeel e, maimit khimkho zing bang e.
Lungsou veng e lungsou veng. Lung ka hehna kuata'n hon theihpih omlou, kuata'n heh hong nemlou lai e. Hanchiam ing e, sinlai lung ah hanchiam ta'ng e, ka ngilh ding aw nang ngaih sakmel chi in sawlbang paih ta ing e.
Kum hong ki hei tah e, Maimit hem a kamuh lah kidang theilou, khopha zing ninou hong suah hun in ngaih na sakmel laukha toh a hong suak khawm veh. Taksa tel lou buang chi a chihmawh man in sunkhua'n maimit siing ning chi leng lah tangpa sunmang a ka muh nang nahi. Sunni tum tah e, sunni tum toh zuanna, dahna leh beidot na tumkhawm ding ka sak lai im tumkhawm loulai tel ven. Zankhua sawt dong a kimpih vual te nang ngaihsiang a nunnop sawlbang hong heite ka muh hun in ka eng tel mai. Nunnuam a na heini kamuh hun in hazatna leh deihsakna ka lunglai ah aki buan zel a, vangtah na na tuah kamuh hun inlah hehpih na tawpkhawk tak tawh khattang in luankhi kana nul khazel.
Kua ahi dahna annbang hon huan tuam? Ngaih mel aw-nang nahi bangdia taksa a singdang siang non zotsan ngal leh na laukha tawh na tua apaal zaw siang na zotkhop mai louh. Ziinmang laitan ka hi diam aw Sianmang laitan? Vangsel tangpa teltuam, itna zanggu bang nawk dia teltuam hi khamawh kei ning-ngaih aw, ngaih mel aw, na sakmel maimit laukha a ka muh lel tawh hambang vai a lamhaih dia hon phal na hiam?
Zankhua hong sawt hun inleng,zanchiang ka zalmang a sakmel ka muh ngaih nang nahi. Sunchiang ka sunmang, nichih hunchih a sakmel kamuh. Kum tam kivei zong,ni tum in, suak in, vuahtui kai in, nisa in, kipak in dahtak in om mahleng hon taisan ngeilou ngaih mel aw ziin siam na hiam aw sian siam?
© Siamsinna leh Vakiangbu
Sunkhat, zankhat nang tellou in bang chi in ken ka zangzou dia? Kua ahia khattang a ka om hun a pahna hon pia a, khattang lua kisakna tengteng lamang a, munkhat, gamkhat, vengkhat leh heina khat ah i heikhop louh hun natawm a leng nang nahi, ka maimit laukha luahdim a, etsam a om a lungzuang ding kahih lai natawm aleng pahna leh thathak hon guan gige. Ngaih na sakmel bang chi in et ka chim thei dia, chimtaak sawm a ka mit ka siing hun natawm inleng nang nahi, ngaih mel aw, nang kaki pahna pen, dahna lamang a pahna hon pia, hon nuse ngeilou, hon pampaih dia kon phal theih ngeilouh, ngaih mel aw ka lunglai ah na sakmel maak ding lunggeel ahak ngeimai.
Ngaih mel aw, ngaih aw, phavang huihkhi a hong laang nawnta, huih vot laang hiauhiau nuai a zuanna dang ngeilou din aw chi a koplai khaubang i huallai hunte mel in na thei laina maw? Christmas zaila awikhawm a naubang nui a tawptheilou a, zaitha nem a nunnop lambang i zuihlai nite mel in na theilai na hiam? Ngaih mel aw, nunlui annbang pah lai hunte mel in na theilai na maw? kei maimit hem ah zaw chik in amang ngeikei ding, na nuihmai mel te zong ka lungsim mitkha ah amual naikei hial hi, ngaih mel aw maimit laukha ah hunteng niteng leh dakkal teng in na luaiden e.
Hun leh nite tuibang in luangmang mah leh, pahna nite lakmang a a om hun ahi zong in. Sun khovak te mialna a tuamsak in a hang in, niteng sepgim na te a thawn mai a amang hun natawm aleng lungsim luah zou zaw-ngaih mel aw, ngaih na sakmel etlawm chik ka ngilh thei diam. Suah, tum, sim leh mal a ka hei hun in leh kawlmong pha a maimit laukha a luaipen-ngaih mel aw kua siam na hiam aw? siansiam nahiam aw ziin siam?
Ngaih aw nang kia nahi chi a chi sawh itna, itna bukim, asam omlou itna polhkhop kon piak lai nite na theilai na maw? ngaih kei na sila in nang siamtu sianmang bang mai a sumbang kon biak lawmlawm, zehzum khual ning chileng lah a zaangkha tungtuan. Dawi-ai tawi loubuang, mihing sung a sisan lum luang a dahthei, kapthei leh nitna chitampi paai sapsap din na lamdang tel mai maw?
Lungsim ngaihsutna mumal leng nei manlou a guizop lah hisam lou, nang na hon phawk louh hun natawm aleng ka mitgong a mitmul tesang ale kamuh tamzawk, zalmang a bawn ka muh tampen, ngaih na sakmel maw ana hih tel... ngaih mel aw, tung a, vansang a ngoumei kaikawm a simseng louh aksi te lak a khat zaw hisam keiteh maw? Simlei tung a liapaal zatam te toh vansang a si-al zatam te ka tehkak chiang in, nang sakmel zaw a tungtuang pen in ka koih ahi. Si-al tungtuang minthang, Aksi nelkai na himawh kei dia hia? Na hih louh tawp in zong, ngaih mel aw, tumlam aksi, ki lamdang ngeilou, munkhat a thamden, aksi tenglak a dawk masa pen leh tum nanung pen-tumlam aksi toh na sakmel kei tangpa lungmawl in tehkak nuam ing.
Lel ding simthu zatam limsit a, lungmuang kisa a om a, tul ngeilou ding itna damtui, vualzawl na van vuahtui bang a lummei kawm a hong kia te zawl tuibang ka chinkhop laitak in khimpi hong zing ta. Tua khimpi ziing in pahna te dahna suaksak in, van vualzawl na tulvuah siang kaite nitna in a dimsak ta.
Koi a om na hiam? Ngaih mel aw koikuam sawlbang heita na hiam? Khimzing nuai ah nang kon zong a kon mutakei, suahlam huih teng dahna hon puak in, tumlam huih ten mialna hon puak man in, ngaih mel aw-tumlam aksi toh kon tehpih, zankhua a maimit laukha a et ka chim ngeilouh tun maw na mang mai? Koi kuam sawlbang hei na hi hiam chi in kon zong a kon mutakei, ziinmang in gallak a la hiam chi in zankho sawt in mialnuai ah kon zong a, ka paina mual leh guam leh kense lak ah bittak in na siang vaibang kong tung a... maizen,maizen,.. ngaih lah singdang ang a nuihmai piandang toh heita veh aw..
Kithawi dih ve, kithawi dih ve,piandang na sakluang ah nunlui kilatna pawn mel a mulou na hiam? Na selung geel dih ve, na awi na maw? Tuapa siang a loubang na tulding kon phal a hia? Houlung kum chim man nailou a maw lambang non pelh mai. Tongsia hon lel dih ve, hamse lawh louh tangpa kei ka sinlai suantui bang sou eive.
Khaubang ka chiahlam in maw ngaih, hamse lawhlouh tangpa'n na selung a guktui bang na zawl simthu khaubang ka suut leh maw... lakmai ah luankhi muantui bang luangsak veng e. Kua nahi ua hong nul ding? Kua nahi ua luankhi patpuan nemnou tawh hong nul ding. Nulding omlou, maimit luankhi'n zeel e, maimit khimkho zing bang e.
Lungsou veng e lungsou veng. Lung ka hehna kuata'n hon theihpih omlou, kuata'n heh hong nemlou lai e. Hanchiam ing e, sinlai lung ah hanchiam ta'ng e, ka ngilh ding aw nang ngaih sakmel chi in sawlbang paih ta ing e.
Kum hong ki hei tah e, Maimit hem a kamuh lah kidang theilou, khopha zing ninou hong suah hun in ngaih na sakmel laukha toh a hong suak khawm veh. Taksa tel lou buang chi a chihmawh man in sunkhua'n maimit siing ning chi leng lah tangpa sunmang a ka muh nang nahi. Sunni tum tah e, sunni tum toh zuanna, dahna leh beidot na tumkhawm ding ka sak lai im tumkhawm loulai tel ven. Zankhua sawt dong a kimpih vual te nang ngaihsiang a nunnop sawlbang hong heite ka muh hun in ka eng tel mai. Nunnuam a na heini kamuh hun in hazatna leh deihsakna ka lunglai ah aki buan zel a, vangtah na na tuah kamuh hun inlah hehpih na tawpkhawk tak tawh khattang in luankhi kana nul khazel.
Kua ahi dahna annbang hon huan tuam? Ngaih mel aw-nang nahi bangdia taksa a singdang siang non zotsan ngal leh na laukha tawh na tua apaal zaw siang na zotkhop mai louh. Ziinmang laitan ka hi diam aw Sianmang laitan? Vangsel tangpa teltuam, itna zanggu bang nawk dia teltuam hi khamawh kei ning-ngaih aw, ngaih mel aw, na sakmel maimit laukha a ka muh lel tawh hambang vai a lamhaih dia hon phal na hiam?
Zankhua hong sawt hun inleng,zanchiang ka zalmang a sakmel ka muh ngaih nang nahi. Sunchiang ka sunmang, nichih hunchih a sakmel kamuh. Kum tam kivei zong,ni tum in, suak in, vuahtui kai in, nisa in, kipak in dahtak in om mahleng hon taisan ngeilou ngaih mel aw ziin siam na hiam aw sian siam?
© Siamsinna leh Vakiangbu
Comments
Post a Comment