DAMTAK IN MANGPHA
DAMTAK IN MANGPHA - By Zo Khanthang
On 15-12-2012 at 4:05am .
Ka mangngilh thei naikei,mangngilh ka sawm a,ka pang a,himahleh lawhsam ka hi denlai. Ka mitkha inleng amu denlai a,huai mah tuh ka damsung teng ka mitkha a luaideng ding mah hita inteh ka chi hi. Mihing hilou hileng huai hunnuam tak,ka khiaklah tuntun nitak ka mukha kei ding,mihing ka hih ziak mah in huchi bang hun pammaih leh ka lungtunna pen mukha leh chiamkha ka hi a,himah leh mihing ka hih ziak in ka dah hi. Mihing hih pen huai hun in hamphatna hi a ngai himah leng tuhun in bel vangsiatna leh lungngaihna lel a hong suak maimah hi. Mihing ka na hih zenzen hampha kisakna in dim mah leng hun tamzaw ah gimthuak ding lel a piang khemkhem ka chih hun a tam mahmah hi. Banghang simlei a mimbang piang ka hiam,Khattang lungzuan sial lel dia chi a khattang tuamlua kisak hunbang a omta. Mipi lak a i om hun natawm inleng kim zoulou kisakna a dim hun a tam mahmah. Bang in sam ahia chi peuh in ka kivel vutvut sek a, ahi inlah bukim thrap a om ka na hizel. Khatvei chiang bang in ka kha in hon taisan adiam aw peuh ka chi a,Television (T.V) a tangthu mak deuhdeuh ette dan bang a a sihlam phawk lou a om a.milak khawng a tuam taktak a va omte mah bang kisakna haihuai pipi ka nei hi. Mihing hinkhua zaw hichi liimliam a khut lumleh bang a kilep lumlet mah hi..a thuaklou omkei, ahih hang in thuakdan leh puakdan tuamchiat ahi chi a zan a Mangson in a facebook status a update ka va sim zualzual a, ka ngeina bang in ka va like cheuh a,huaizawh a adang le sim nawn tuanlou in ka logout a,lawmte Christmas suty innlam paidekte van puak ding lei din Nehru Place lam zuan in bus in ka tuang uhi.
Bazar a lei ding poimawh teng valei zualzual in kin leh buang mah in ka kiknawn ua, inn tungphet,khawlmanlou in facebook mah ka lutnawn leuleu hi.Notificationte ka ban etsuk daudau leh "Mangson has mentioned you in his comment".chih ana om a ken leng ka etleh,lawm thang,bangziak a ka status na like a? Kei dah bang in dah leteh zaw maw...ana kichi a,kenleng a dawn dingdan ka theikei zezen hi.a status lah keivuak in va like kha,a comment lah omlou chi a maksa tak a ka omnung in hichin ka reply ta hi."Mang,na thuakdan kon kipahpih ziak a like button vamek hilou kahi,ka suangtuahna leh lunglenna kon thuakpih na e,kenle kana muna e chi a va like kha ka hi,a hehhuai hihkha ka hih leh ngaihdam chi a comment in ka logout nawn a,ka phone lupna tung a paiphei in ann ka huansanta hi.
Sawtsim tak ann ka huan zawh in bang thu ana gen ta dio chi in ka login nawn leh message ana om a,ka wall a kon sapsap leh non dawngkei a huaiziak a kon inbox mai ahi.Thilkhat peuhpeuh ngaihtuah a hai theih di hiveh aw maw ? Ka dotna non dawng fuh ngei e,nang chauh na hi ka haksatna tutadih a hon theihpih hon chi a ken leng,na haksatna zaw atong a zam in ka thei hetkei na a kon thuakpih mahmah ve, non share nop lele hichi lamte kikup theih tham ahi, i puakgik mikiang a i share leh nuam tuanlua eive chi a ka reply leh sawtlou chik nung in aman leng hon reply a, share thei tham e, thil gelh ka siam kei na a kon gelh di aw, ana ngak zek leteh hon chi a,ken leng nang thuthu chi a ka reply zawh in notification dangte vel in ka ngak kawm ta hi.
Sawt kuam tak ka ngak a,hong lut ngeilouh ziak in ka lupsan a,zingkal ka khanlawh in lamen tak in facebook ka etpah leh ka gintak dan bangtak in ana om hi.Sau tak a kigelh,a hinkhua a a tuahkhak tangthu lunglut huaitak a banban in ka simsuk a,thuvual malkhat lel leng maihlou in ka sim sipsip a,ka simzawh in unaupa Mangson kiang ah,na phuahtawm hia ka chih leh aman leng,himawk lou e,ka na tuah leh ka na veisiat nilouh ahi,khovel mit et in enleng miten bang hon chi muh ding uam chih bel ka theikei. Hileh leng a omthei maimai gen hilou in,a om thil, a taktak mah gen ka hi, judgement lampang zaw nang thuthu ahi hon chi hi. Kenleng amah kiang ah ken kua ka judge thei zenzen dia, itna kichi inzaw beini neilou mah ahi. Kon theisiam lua. Na tangthu kha mite muh din takkhe leng apoi diam chi in nget toh ka thuah zomah hi. Mangson inleng,ka hihna zaw na imm di aw na suah khiak leh leng hon chih zawh in ka inbox a tengteng ka copy khia a ka paste khevek ta hi.
1998 kum in zi ka na nei a,tu in tapa nih tawh tanu 1 ka nei ua,ka sepna mun Siliguri ah ka inkuan un kum thum bang ka khosa ta uhi. Innsung nuamsa leh lawh khamkhop sang himah leng nuamsa thei hetlou in ka om uhi.Khatvei vei chiang bang in nupa kal a kigalgukna ziak in ka kinazel ua. Khatvei chiang bang in kikhen ding bang ka lunggulh tuntun sek hi.Nupa lamthu a lungkim zoulou ka hiding ua aw ka chi zel a. Nidang a tleirawl tung a ngaihsutna-zi leh ta neih a khosak ding dan kigeelte leh lamet dan bangzou lou ahi , chih tu in ka mu chiangta.Tleirawl lai a papi chiang a huchi khachi a om ding chi a kigengente toh a kilehbulh ta. Zi in a mohpuak sem hileh ka inkuan uh a hichi keiding ka chi zel a. Himah leh ka zi a ding a hon mawhsak na ding leh suanlam om gige bel, pasal mawhpuak innkuan etkai zoulou na hi hon chih ahi. Bangziak a ken mawhpuak zoulou ka dio ka chih a,ka zawhlouh dan leng ka thei a. Hileh leng huai mawhpuakna a sem masa ding ki-awn a ka kingakna un heh in, thangpai in milak ah ka kitolem mun mahmah uhi.
Lametna khen a lametna muih tuh ka nupa hinkhua uh ahi. Kingai hiloupi a nu leh pa lemgeelna a gawm ka hih man uh adiam ka chi a, a dawnna bel ka thei tuankei. Ka zi toh ka kiten tung un bel kituak leh kizahtak gutak in ka om ua. Ken leng amah theisaulou,aman leng kei khangthu theisau hetlou in ngia belam mul silh bang in dansiangthou in ka na kiteng ngei ua. Himahleh siangthou zoulou a zuaugen ka hih ziak ua hiaitan tung hinte ka hinkhua uh ka chi hi. Kumsawm valtham bang kiteng leh ta thum bang neita ka hih man un kei bel lungmuang tak in ka om a . Himah leh ka kal thu uh siatna in a pumtuam ta. Kum thum paisa in lawmte panpihna tawh ken leng khoih lah pipi in facebook ka na zang tei a, nuamsa lua hikei mah leng ka va lut veu hi.
Kei sangmah in ka zi bang in khoih siamzaw ahih man in a khoih dingdan hon hilh zel a,ka siamlouh dante hon muhchiang bang in hon nuihsan sek hi.Himah leh huai kideihsak man a kihilh nate kisikna a suakta. Nikhat tuh anu leh naute sunday market kai dia a kuankal un chimlua chi in ka computor ka on a,facebook ka lut a ka innkuan limlak uh leh naute lim nalh ka sak deuhdeuh ka post khia hi.Lawmte toh huai limlakte kikum a ka omlai un amin ka theih ngeilouh numei khat in ka innkuan limlak khat uah"nangzaw tate lim khawng en in lungmuang tani teh maw? Ken zaw et ding leng ka neikei. Na limlakte khawng en a kumvei dending hita mailou ding ka diam maw , hong kichi hi. Ken leng huainu kiang ah bangchi dan in e ka chih leh aman leng na thei lotel di aw. Kum tampi paisa khawng mangngilh din kon gingta hetkei. Ken leng ka mangngilh naikei. Ka mangngilh ngeikei ding hon chi hi.
Kenleng lamdang satak in a profilete ka en a. Limlak muh ding a omkei hi. A profile picture a a koih sun lah paklem peuh a hih man in nang kua e hong kigen dih, chi in ka message hi. Sawtlou nung in ka message hong kireply a, "kei maw,na puanse kihhuai ka hi. Kum 15 paisa a bel puansia dia na zatnu ka hi. Nang zaw nuam nasa lua hon chi hi. Gen ding theilou in ka om a. Ka hatang a thak a, tuisa a buahkhak ka bang a ka chi teng a ling hial hi. Ken leng ama kiang ah,na khasiatna ka na hihkha a ngaihdam,himah leh belpuanse zat a kon zatlam ka theikei aw. Na kam vang chih man in mawk pau dahmai in ka chi hi.
Pau ding hileng ka gending a tam, dai dide a hunlui ngaihtuah a kuamah phawkphak louh a khitui naptui ka nul ni in ka kiang ah om hile chin na kap diam? Ka khituite na nul diam? Kum tamtak kimulou a i om nung in facebook tungtawn in kon munawn ta. Hampha ka kisa a, i hunlui sesa bawllem thak mah abang hial in ka koih a, dai dide in na wall te ka na en gige a, kipaktak a om na hi chih kon mu. Himah leh na lawhchin luat chiang in kon haza a, na vangsiat chiang in kon hehpih,gendi zaw tam eive maw? Na taten nang hon sun ua a hoih theilua uh hon chi hi. Ken eng,bangziak a nong kigen pahlouh eita. Ken midang di hon sa keivoi. Nidang bang ka phawk thakthak zezen. Ka tate'n apa a sun uh maw haha, nanglah ta bangzah neita e? chi in ka reply a,hon dawng ding sa in ka ngakngak a,hon dawnglouh tak in ka logout a,naute hong tun ding ka gal etet ta hi.
Sawtlou nung in naute hong tung ua,vanthak a leite uh bang honlak ua,kei ading puanak hon puak uh bang ka velzawh un annte huan leh ne in nitak in T.V ah football pek ka en hi.Tate computor a game kimawl lai anu'n lum din a sawl a, a lupzawh un anu facebook ah ana lut hi.Thakhat in,hiai bang chidan e uson hon chi a, Keileng kiheiphei in. Eh ! logout oh..chi in ka delhphei lelaw kha zezen hi.
Thakhat in a thil etlai ka va close sak a,. Lum din amah leng ka sawl a, thumang tak in a valum hi. Ka lawinu theih siamlouh hial ding bang ahi tazen a chi in facebook ka lut nawn thak a, ka vaet leh thu tampi petmah hon khak ana hilim hi. Ka simsuak a,ka simzawh in,tuban hon khak nawnken,ka zi in a theisiamkei ka chi a , ka off ngal a. Ka valum hi. Pautam lou hial a lum ka zi in, a lamdang tel mai, i muan pen tenle thuguk hon neihsan uh hon chikhia a , ken leng ngaidih, na theisiamkei a ahi ka chih leh ka lawinu'n ...
"ka theisiamkei a theisiam ut a hon dong ka hi. Na ki imm a, ka simsuaksa ka simbeh di nalau a nong taiphei zezen. Kei sang in amah na ngaizaw a hia ????
chi in hong kap hi. Ken eng ngaih leh ngaihlouh thu ka genkei. Ka ang a ka zi lumlai natawm maw na lung muanlouh. Huai kum 15 paisa a ka kingaihpih, pi sa in nidang a ngaihdan leh tutan hon veidan agen maw na theih siamlouh ka chih leh ka lawi nu'n leng, eh ! eh ! theisiam lawlam ka hi. Na facebook ka na khoih zel a, na lawmte toh na kihouna teng uh ka en gige a. A tamzaw nupi sa khawng ahi. Na lawmluite ahi ka chi a, ka kidek hamham. Hileh leng endih. Ni nih lel kihoupan chin ua nidang a itna, hunnuam leh a dangdang na gen pah uh kua mawh a ? Na kihonglua a, na theihlouh kal a siatna chialchial na hi aw. Na kingai uh zaw ka chikei. Hileh leng na inbox ka etding na hichi daltel maksa ka hi.Thuguk om ahi,hon hilh ve hon chi a . Ken leng, numei...na ngaihtuahna sau eih ! huaitan ka tunlouh lam uh na thei. Imu in ka chi a, kinungngat in zan khovak in ka nih un ka ihmu kei uhi.
Zingkhua hong vakta. Office kaina ah ihmut suak in ka lusu den hi. Lawm te'n leng zan nitak hahpan chi na chia hon chi ua keil eng zum kisa in maiphiat din ka paikhia hi. Mai ka phiat zawh in innkong ah sun singpi dawndin lawmpa'n hon zawn a,singpi ka dawn kawm natawm inleng ka haamhaam mai hi.Lawmpa'n leng bang chi e tuni hon chi a, thil paidan ka gen leh , eh ! hou maimai. A naran maimai eivoi. Facebook na khoih a na zi aheh leh na khoihnawn kei dia himai aka hon chi hi. Ken leng zawl, facebook amah toh ka khoih khop ahi. Hileh leng ka zawllui te khat toh ka kihou leh heh aka , ka chi leh ka zawlpa'n leng zite zaw huchi nitnet mah uhi. Na password kheng daih oh hon chi a, singpi dawnzawh in office ah ka lut a ka password ka khengta hi.
Office kaitawp inn katun in ka zi maitai loutak in ana omta. Nidang a hong tawpta maw ? Na gim hia ?Hiah na singpi ding ka koih chihte ka zakei a, kei leng heh in nang numei a theihsa ba na hehna ni in tumpih tel ahia? Bang kisa e, kon vaksa hilou maw chi in bengdia kisa in ka ngim gawlgawl laitak in room lam apan naute lau leh ling leh lamdang sa a pardah phen kiukiau a dakte ka mu a, ka ki awikei a ka khawl thak hi. huai laitak in kazi in, "non vaksa mah ka hi, kei muhsuah innsung ah khat le omkei, suan ding ka neikei chih ikiten a pat tunitan na theihsa ahi. Hun paisa a non itna,non khotuahna leh non duatdante ah ka kipak. Nidang a imm nei hetou a inkuan nuamtak a i omlai in thu buaihuaipi innsung ah hong lut ta. Endih,huai nidang a na lawmnu toh na kihou nung apat nidang a non duatna teng a beita. Zan in i Kina a, nupa bel kinak kiseltheih mah ahi. Kamsung a haa in lei a keihkhak zel bang ahi ka chi a, a hong dam a kibol dia ka kikoihlai in tu in na thuguuk saina facebook password na khekta. Endih nupi leh papi, facebook ziak a kina chi in mi'n hon thei le uh zumlou di maw ? Nang ka pasal na hi, kon it a, nang kon it bang in i tate leng ka it ahi. Nang theihlouh thuguk ka theih tuni tan in a omlam na thei a hia oi ? Bang chitel e !"hon chi hi. Kenleng dawn dingdan ka theikei . Huchi tel a hon muangmawh nahih leh namin LUNCHING ahi ka password thak,ka inbox teng check aw ka chi hi. Amah leng hong dai vengveng in a annhuan huannawn in kei leng ka kisil a, ka kisil zawh in innkiim ah ka vavak halhta hi.
Sawt simtak innkiim a ka kivialvei nung in ka tapa naupang zawpen hong pawt a, pa bang dia kina na uh e, nuamlou eive, ann neta ni uh ka gilkial lua hon chi a. Ken leng a ban ah kalen a,innsung ka lutpih a, anu kisillai mahleh ann kathuk a tate toh kane uhi. Ann kanek zawh phet in naute kiang ah lai nasim di uh ahi. Kei ka vapawt zual di chi in ka pawtkhia a, dak 9 lam in inn kakik hi. Inn ka tun in naute ana ihmu ta ua. Ka room sung uah computor vaksa in ana om a, lupna ah ka lawinu ki diik nilhnilh a om ka mu hi.Va houpih ding lah ka ngamkei a,computor off bek di hnteh chi a a mouse ka vakhiin leh ka facebook kihongsa in ana om a, ka inbox a ka zawllui nu message tampi tak kihongsa in ana om hi. Ken leng a banban in ka zawllui nu'n zansun a ka messagete hon dawn thukna ka simta hi.
"Himah e maw Uson,na tate bang i muh lele i lung lenglua eingal ve. Kenle ta 4 tak ka nei a, ka etchiang in nang toh i ta hileh bang ka chichi aka. Ka messagete nazi nalak tak in, aheh nakei dia ? Kenle ka pasal theihlouh a account bawl ing a ut dandan a ka chiak ahi. Kua i mawhsa thei a eita maw ? Pasal ten le numei a utut uh a houpih theih ualeh enle i houpih lel ke. Na zi aheh leh hichin ana gen ou. "ka zawllui nu'n...nang chu a hamphat huaina teng zalzou kha na hi, heh khemkhem ngailou , a chi , "ana chi aw hehe. A himah voi maw uson. Na sepna neihma a na tuition fee di , na buai lai a vaigam apan ka lawhsa khawng hon khak vengveng ing a,i nnlam kong paichiang bang a na puanak ding khawng hon puak ing a, a haksatna teng hon thuakpih ing a, eh ! na profile picture a na sweater silh le Chennai ka omlai a kon puakpen eivoi maw. Lunglen huai lotel eive, huaite na zineih ding nitak a ka kah ekek lai a Bangalore a ka inn luahpihte teng in hon khem nainai lai uh bang muleteh ka chi tuntun. Nang a dia gim leh tawl poisalou a vaigam a nasepna muhsit huai chi a a gengente ule sem lin hetlou a vasem ing a, sepna na muh kei leh leng ka sum kholte a kitoudelh zou dia bemten a ka na kisak lai te tun a thawn hita na chi diam ?
Enve, min choh hon salaw na unchin kei pil kisa ka hi. Na zi inle kei hon khotuah dan hon muleh hon hehsan ngamkei din ka gingta, ahai zenlah hisam lou a. Na kiteng ding nima ua , na inkiangte landline a non call a, non poimawh chiang in ka min sam leteh koimun peuh ah non mudi chi a na gente ka mangngilh naikei. Kon poimawh hun in kon sam a, huihkhua ah namin ka lengsak a. Bang a ka zak, dahna leh kahna ahi hon dawng. Nang koi a om na hia uson. Bang ziak a hon dawnglou ?
Ka hon poimawh na beita ding na sa khade aw ! A bei naikei. Na zi neihnung i kihou khak patna ahi. Apatna thak, hunthak hileh chih ka utngei. Himah leh Pathian in eigeel nuamsa a i om hon phallou hinteh maw? Hinkhua a vangphatna na muh chiah na zi ziak ahi chih thei gige in aw. Vangsiatna na tuah hun in, kei hon ngawh leteh poilou. Keiziak mah leng hinteh. Himah leh na vangphat ding deihsak tu lianpen ka hi dending. Kon itna a bei naikei. Kon khasiatna a thupi lolai. Himah leh alem nawnkei. Hinkhua nuamtak hon zang un aw. Damtak in mangpha, chih teng ka sim zawh in ka khitui aluanglou theikei. Itna theihsiam haksa hina maizen e maw , ka chih lai in , ka zi hong thou a, hon kawi a, kapken uson. Ka na luhlul kha , kon haza kha a ahi. Hon ngaidam in , hon chi a, ken leng bangteng hileh mi khasia khat hehnep hoih ahi ka chi a. Ka zi toh kithukim in a message ka reply ta uhi.
"Zawllui in hinkhua ah bang poimawh na nei ahia chi in ka buaiden. Ka kilamet louh nung a na hong kilaak zenzen in kou nupa kal ah kimukpuak khumna hon tun. Himah leh mipiching in athu akip akawi a hon theih chiang in hehna a paimang ta. Ka zi in nangtoh ikihou zadah mah leh tu in a theisiamta. Ama kam ngei a suakkhia kipahna toh kei a dia pasal hoihtak nana keptouh sak man in dit zawhlouh kipahna tampi konba. Na hoihnate ziak in vangphatna natung ah tung leh ka zi in a chi , chih kon zeptel kawm in, kei mahmah inleng natung ah kamsiam leh kipahthu gending tamtak konba hi. Na gensa mahbang in Pathian in nuamsa khawmdia hon phallou mah ahi ding. Kua Pathian tung ah a vui ngei a ? Pathian tung ah hehna i sungbo ngam zenzen dia hia maw?
Bangteng hileh hunlui zaw hunlui ahita. Ngai in sam mahleng a hong kik kei ding. Maban ah a vangphatna leh vangsiatna ding zaw ei bawltheih ahi kei. Pathian tung ah nga ni maw. Damni heina peuh ah Pathian in hon kem hen. Damtak in mangpha..chih ka khak a ka lumta uhi.
Hun hong paitou zel in akal in lungleng khamah leng huai ka status update nana muh ni dan a zite tawh kina a status utut a update a om nawn mahmah lou ka hi aw, lawm hehe . Omnuam a chih zawh in ken leng ka facebook ka logout a, dak 11 gintoh kiton in zing ann ka huanpah tingteng hi..
16-12-2012 at 03.00hrs
©Siamsinna leh Vakiangbu
On 15-12-2012 at 4:05am .
Ka mangngilh thei naikei,mangngilh ka sawm a,ka pang a,himahleh lawhsam ka hi denlai. Ka mitkha inleng amu denlai a,huai mah tuh ka damsung teng ka mitkha a luaideng ding mah hita inteh ka chi hi. Mihing hilou hileng huai hunnuam tak,ka khiaklah tuntun nitak ka mukha kei ding,mihing ka hih ziak mah in huchi bang hun pammaih leh ka lungtunna pen mukha leh chiamkha ka hi a,himah leh mihing ka hih ziak in ka dah hi. Mihing hih pen huai hun in hamphatna hi a ngai himah leng tuhun in bel vangsiatna leh lungngaihna lel a hong suak maimah hi. Mihing ka na hih zenzen hampha kisakna in dim mah leng hun tamzaw ah gimthuak ding lel a piang khemkhem ka chih hun a tam mahmah hi. Banghang simlei a mimbang piang ka hiam,Khattang lungzuan sial lel dia chi a khattang tuamlua kisak hunbang a omta. Mipi lak a i om hun natawm inleng kim zoulou kisakna a dim hun a tam mahmah. Bang in sam ahia chi peuh in ka kivel vutvut sek a, ahi inlah bukim thrap a om ka na hizel. Khatvei chiang bang in ka kha in hon taisan adiam aw peuh ka chi a,Television (T.V) a tangthu mak deuhdeuh ette dan bang a a sihlam phawk lou a om a.milak khawng a tuam taktak a va omte mah bang kisakna haihuai pipi ka nei hi. Mihing hinkhua zaw hichi liimliam a khut lumleh bang a kilep lumlet mah hi..a thuaklou omkei, ahih hang in thuakdan leh puakdan tuamchiat ahi chi a zan a Mangson in a facebook status a update ka va sim zualzual a, ka ngeina bang in ka va like cheuh a,huaizawh a adang le sim nawn tuanlou in ka logout a,lawmte Christmas suty innlam paidekte van puak ding lei din Nehru Place lam zuan in bus in ka tuang uhi.
Bazar a lei ding poimawh teng valei zualzual in kin leh buang mah in ka kiknawn ua, inn tungphet,khawlmanlou in facebook mah ka lutnawn leuleu hi.Notificationte ka ban etsuk daudau leh "Mangson has mentioned you in his comment".chih ana om a ken leng ka etleh,lawm thang,bangziak a ka status na like a? Kei dah bang in dah leteh zaw maw...ana kichi a,kenleng a dawn dingdan ka theikei zezen hi.a status lah keivuak in va like kha,a comment lah omlou chi a maksa tak a ka omnung in hichin ka reply ta hi."Mang,na thuakdan kon kipahpih ziak a like button vamek hilou kahi,ka suangtuahna leh lunglenna kon thuakpih na e,kenle kana muna e chi a va like kha ka hi,a hehhuai hihkha ka hih leh ngaihdam chi a comment in ka logout nawn a,ka phone lupna tung a paiphei in ann ka huansanta hi.
Sawtsim tak ann ka huan zawh in bang thu ana gen ta dio chi in ka login nawn leh message ana om a,ka wall a kon sapsap leh non dawngkei a huaiziak a kon inbox mai ahi.Thilkhat peuhpeuh ngaihtuah a hai theih di hiveh aw maw ? Ka dotna non dawng fuh ngei e,nang chauh na hi ka haksatna tutadih a hon theihpih hon chi a ken leng,na haksatna zaw atong a zam in ka thei hetkei na a kon thuakpih mahmah ve, non share nop lele hichi lamte kikup theih tham ahi, i puakgik mikiang a i share leh nuam tuanlua eive chi a ka reply leh sawtlou chik nung in aman leng hon reply a, share thei tham e, thil gelh ka siam kei na a kon gelh di aw, ana ngak zek leteh hon chi a,ken leng nang thuthu chi a ka reply zawh in notification dangte vel in ka ngak kawm ta hi.
Sawt kuam tak ka ngak a,hong lut ngeilouh ziak in ka lupsan a,zingkal ka khanlawh in lamen tak in facebook ka etpah leh ka gintak dan bangtak in ana om hi.Sau tak a kigelh,a hinkhua a a tuahkhak tangthu lunglut huaitak a banban in ka simsuk a,thuvual malkhat lel leng maihlou in ka sim sipsip a,ka simzawh in unaupa Mangson kiang ah,na phuahtawm hia ka chih leh aman leng,himawk lou e,ka na tuah leh ka na veisiat nilouh ahi,khovel mit et in enleng miten bang hon chi muh ding uam chih bel ka theikei. Hileh leng a omthei maimai gen hilou in,a om thil, a taktak mah gen ka hi, judgement lampang zaw nang thuthu ahi hon chi hi. Kenleng amah kiang ah ken kua ka judge thei zenzen dia, itna kichi inzaw beini neilou mah ahi. Kon theisiam lua. Na tangthu kha mite muh din takkhe leng apoi diam chi in nget toh ka thuah zomah hi. Mangson inleng,ka hihna zaw na imm di aw na suah khiak leh leng hon chih zawh in ka inbox a tengteng ka copy khia a ka paste khevek ta hi.
1998 kum in zi ka na nei a,tu in tapa nih tawh tanu 1 ka nei ua,ka sepna mun Siliguri ah ka inkuan un kum thum bang ka khosa ta uhi. Innsung nuamsa leh lawh khamkhop sang himah leng nuamsa thei hetlou in ka om uhi.Khatvei vei chiang bang in nupa kal a kigalgukna ziak in ka kinazel ua. Khatvei chiang bang in kikhen ding bang ka lunggulh tuntun sek hi.Nupa lamthu a lungkim zoulou ka hiding ua aw ka chi zel a. Nidang a tleirawl tung a ngaihsutna-zi leh ta neih a khosak ding dan kigeelte leh lamet dan bangzou lou ahi , chih tu in ka mu chiangta.Tleirawl lai a papi chiang a huchi khachi a om ding chi a kigengente toh a kilehbulh ta. Zi in a mohpuak sem hileh ka inkuan uh a hichi keiding ka chi zel a. Himah leh ka zi a ding a hon mawhsak na ding leh suanlam om gige bel, pasal mawhpuak innkuan etkai zoulou na hi hon chih ahi. Bangziak a ken mawhpuak zoulou ka dio ka chih a,ka zawhlouh dan leng ka thei a. Hileh leng huai mawhpuakna a sem masa ding ki-awn a ka kingakna un heh in, thangpai in milak ah ka kitolem mun mahmah uhi.
Lametna khen a lametna muih tuh ka nupa hinkhua uh ahi. Kingai hiloupi a nu leh pa lemgeelna a gawm ka hih man uh adiam ka chi a, a dawnna bel ka thei tuankei. Ka zi toh ka kiten tung un bel kituak leh kizahtak gutak in ka om ua. Ken leng amah theisaulou,aman leng kei khangthu theisau hetlou in ngia belam mul silh bang in dansiangthou in ka na kiteng ngei ua. Himahleh siangthou zoulou a zuaugen ka hih ziak ua hiaitan tung hinte ka hinkhua uh ka chi hi. Kumsawm valtham bang kiteng leh ta thum bang neita ka hih man un kei bel lungmuang tak in ka om a . Himah leh ka kal thu uh siatna in a pumtuam ta. Kum thum paisa in lawmte panpihna tawh ken leng khoih lah pipi in facebook ka na zang tei a, nuamsa lua hikei mah leng ka va lut veu hi.
Kei sangmah in ka zi bang in khoih siamzaw ahih man in a khoih dingdan hon hilh zel a,ka siamlouh dante hon muhchiang bang in hon nuihsan sek hi.Himah leh huai kideihsak man a kihilh nate kisikna a suakta. Nikhat tuh anu leh naute sunday market kai dia a kuankal un chimlua chi in ka computor ka on a,facebook ka lut a ka innkuan limlak uh leh naute lim nalh ka sak deuhdeuh ka post khia hi.Lawmte toh huai limlakte kikum a ka omlai un amin ka theih ngeilouh numei khat in ka innkuan limlak khat uah"nangzaw tate lim khawng en in lungmuang tani teh maw? Ken zaw et ding leng ka neikei. Na limlakte khawng en a kumvei dending hita mailou ding ka diam maw , hong kichi hi. Ken leng huainu kiang ah bangchi dan in e ka chih leh aman leng na thei lotel di aw. Kum tampi paisa khawng mangngilh din kon gingta hetkei. Ken leng ka mangngilh naikei. Ka mangngilh ngeikei ding hon chi hi.
Kenleng lamdang satak in a profilete ka en a. Limlak muh ding a omkei hi. A profile picture a a koih sun lah paklem peuh a hih man in nang kua e hong kigen dih, chi in ka message hi. Sawtlou nung in ka message hong kireply a, "kei maw,na puanse kihhuai ka hi. Kum 15 paisa a bel puansia dia na zatnu ka hi. Nang zaw nuam nasa lua hon chi hi. Gen ding theilou in ka om a. Ka hatang a thak a, tuisa a buahkhak ka bang a ka chi teng a ling hial hi. Ken leng ama kiang ah,na khasiatna ka na hihkha a ngaihdam,himah leh belpuanse zat a kon zatlam ka theikei aw. Na kam vang chih man in mawk pau dahmai in ka chi hi.
Pau ding hileng ka gending a tam, dai dide a hunlui ngaihtuah a kuamah phawkphak louh a khitui naptui ka nul ni in ka kiang ah om hile chin na kap diam? Ka khituite na nul diam? Kum tamtak kimulou a i om nung in facebook tungtawn in kon munawn ta. Hampha ka kisa a, i hunlui sesa bawllem thak mah abang hial in ka koih a, dai dide in na wall te ka na en gige a, kipaktak a om na hi chih kon mu. Himah leh na lawhchin luat chiang in kon haza a, na vangsiat chiang in kon hehpih,gendi zaw tam eive maw? Na taten nang hon sun ua a hoih theilua uh hon chi hi. Ken eng,bangziak a nong kigen pahlouh eita. Ken midang di hon sa keivoi. Nidang bang ka phawk thakthak zezen. Ka tate'n apa a sun uh maw haha, nanglah ta bangzah neita e? chi in ka reply a,hon dawng ding sa in ka ngakngak a,hon dawnglouh tak in ka logout a,naute hong tun ding ka gal etet ta hi.
Sawtlou nung in naute hong tung ua,vanthak a leite uh bang honlak ua,kei ading puanak hon puak uh bang ka velzawh un annte huan leh ne in nitak in T.V ah football pek ka en hi.Tate computor a game kimawl lai anu'n lum din a sawl a, a lupzawh un anu facebook ah ana lut hi.Thakhat in,hiai bang chidan e uson hon chi a, Keileng kiheiphei in. Eh ! logout oh..chi in ka delhphei lelaw kha zezen hi.
Thakhat in a thil etlai ka va close sak a,. Lum din amah leng ka sawl a, thumang tak in a valum hi. Ka lawinu theih siamlouh hial ding bang ahi tazen a chi in facebook ka lut nawn thak a, ka vaet leh thu tampi petmah hon khak ana hilim hi. Ka simsuak a,ka simzawh in,tuban hon khak nawnken,ka zi in a theisiamkei ka chi a , ka off ngal a. Ka valum hi. Pautam lou hial a lum ka zi in, a lamdang tel mai, i muan pen tenle thuguk hon neihsan uh hon chikhia a , ken leng ngaidih, na theisiamkei a ahi ka chih leh ka lawinu'n ...
"ka theisiamkei a theisiam ut a hon dong ka hi. Na ki imm a, ka simsuaksa ka simbeh di nalau a nong taiphei zezen. Kei sang in amah na ngaizaw a hia ????
chi in hong kap hi. Ken eng ngaih leh ngaihlouh thu ka genkei. Ka ang a ka zi lumlai natawm maw na lung muanlouh. Huai kum 15 paisa a ka kingaihpih, pi sa in nidang a ngaihdan leh tutan hon veidan agen maw na theih siamlouh ka chih leh ka lawi nu'n leng, eh ! eh ! theisiam lawlam ka hi. Na facebook ka na khoih zel a, na lawmte toh na kihouna teng uh ka en gige a. A tamzaw nupi sa khawng ahi. Na lawmluite ahi ka chi a, ka kidek hamham. Hileh leng endih. Ni nih lel kihoupan chin ua nidang a itna, hunnuam leh a dangdang na gen pah uh kua mawh a ? Na kihonglua a, na theihlouh kal a siatna chialchial na hi aw. Na kingai uh zaw ka chikei. Hileh leng na inbox ka etding na hichi daltel maksa ka hi.Thuguk om ahi,hon hilh ve hon chi a . Ken leng, numei...na ngaihtuahna sau eih ! huaitan ka tunlouh lam uh na thei. Imu in ka chi a, kinungngat in zan khovak in ka nih un ka ihmu kei uhi.
Zingkhua hong vakta. Office kaina ah ihmut suak in ka lusu den hi. Lawm te'n leng zan nitak hahpan chi na chia hon chi ua keil eng zum kisa in maiphiat din ka paikhia hi. Mai ka phiat zawh in innkong ah sun singpi dawndin lawmpa'n hon zawn a,singpi ka dawn kawm natawm inleng ka haamhaam mai hi.Lawmpa'n leng bang chi e tuni hon chi a, thil paidan ka gen leh , eh ! hou maimai. A naran maimai eivoi. Facebook na khoih a na zi aheh leh na khoihnawn kei dia himai aka hon chi hi. Ken leng zawl, facebook amah toh ka khoih khop ahi. Hileh leng ka zawllui te khat toh ka kihou leh heh aka , ka chi leh ka zawlpa'n leng zite zaw huchi nitnet mah uhi. Na password kheng daih oh hon chi a, singpi dawnzawh in office ah ka lut a ka password ka khengta hi.
Office kaitawp inn katun in ka zi maitai loutak in ana omta. Nidang a hong tawpta maw ? Na gim hia ?Hiah na singpi ding ka koih chihte ka zakei a, kei leng heh in nang numei a theihsa ba na hehna ni in tumpih tel ahia? Bang kisa e, kon vaksa hilou maw chi in bengdia kisa in ka ngim gawlgawl laitak in room lam apan naute lau leh ling leh lamdang sa a pardah phen kiukiau a dakte ka mu a, ka ki awikei a ka khawl thak hi. huai laitak in kazi in, "non vaksa mah ka hi, kei muhsuah innsung ah khat le omkei, suan ding ka neikei chih ikiten a pat tunitan na theihsa ahi. Hun paisa a non itna,non khotuahna leh non duatdante ah ka kipak. Nidang a imm nei hetou a inkuan nuamtak a i omlai in thu buaihuaipi innsung ah hong lut ta. Endih,huai nidang a na lawmnu toh na kihou nung apat nidang a non duatna teng a beita. Zan in i Kina a, nupa bel kinak kiseltheih mah ahi. Kamsung a haa in lei a keihkhak zel bang ahi ka chi a, a hong dam a kibol dia ka kikoihlai in tu in na thuguuk saina facebook password na khekta. Endih nupi leh papi, facebook ziak a kina chi in mi'n hon thei le uh zumlou di maw ? Nang ka pasal na hi, kon it a, nang kon it bang in i tate leng ka it ahi. Nang theihlouh thuguk ka theih tuni tan in a omlam na thei a hia oi ? Bang chitel e !"hon chi hi. Kenleng dawn dingdan ka theikei . Huchi tel a hon muangmawh nahih leh namin LUNCHING ahi ka password thak,ka inbox teng check aw ka chi hi. Amah leng hong dai vengveng in a annhuan huannawn in kei leng ka kisil a, ka kisil zawh in innkiim ah ka vavak halhta hi.
Sawt simtak innkiim a ka kivialvei nung in ka tapa naupang zawpen hong pawt a, pa bang dia kina na uh e, nuamlou eive, ann neta ni uh ka gilkial lua hon chi a. Ken leng a ban ah kalen a,innsung ka lutpih a, anu kisillai mahleh ann kathuk a tate toh kane uhi. Ann kanek zawh phet in naute kiang ah lai nasim di uh ahi. Kei ka vapawt zual di chi in ka pawtkhia a, dak 9 lam in inn kakik hi. Inn ka tun in naute ana ihmu ta ua. Ka room sung uah computor vaksa in ana om a, lupna ah ka lawinu ki diik nilhnilh a om ka mu hi.Va houpih ding lah ka ngamkei a,computor off bek di hnteh chi a a mouse ka vakhiin leh ka facebook kihongsa in ana om a, ka inbox a ka zawllui nu message tampi tak kihongsa in ana om hi. Ken leng a banban in ka zawllui nu'n zansun a ka messagete hon dawn thukna ka simta hi.
"Himah e maw Uson,na tate bang i muh lele i lung lenglua eingal ve. Kenle ta 4 tak ka nei a, ka etchiang in nang toh i ta hileh bang ka chichi aka. Ka messagete nazi nalak tak in, aheh nakei dia ? Kenle ka pasal theihlouh a account bawl ing a ut dandan a ka chiak ahi. Kua i mawhsa thei a eita maw ? Pasal ten le numei a utut uh a houpih theih ualeh enle i houpih lel ke. Na zi aheh leh hichin ana gen ou. "ka zawllui nu'n...nang chu a hamphat huaina teng zalzou kha na hi, heh khemkhem ngailou , a chi , "ana chi aw hehe. A himah voi maw uson. Na sepna neihma a na tuition fee di , na buai lai a vaigam apan ka lawhsa khawng hon khak vengveng ing a,i nnlam kong paichiang bang a na puanak ding khawng hon puak ing a, a haksatna teng hon thuakpih ing a, eh ! na profile picture a na sweater silh le Chennai ka omlai a kon puakpen eivoi maw. Lunglen huai lotel eive, huaite na zineih ding nitak a ka kah ekek lai a Bangalore a ka inn luahpihte teng in hon khem nainai lai uh bang muleteh ka chi tuntun. Nang a dia gim leh tawl poisalou a vaigam a nasepna muhsit huai chi a a gengente ule sem lin hetlou a vasem ing a, sepna na muh kei leh leng ka sum kholte a kitoudelh zou dia bemten a ka na kisak lai te tun a thawn hita na chi diam ?
Enve, min choh hon salaw na unchin kei pil kisa ka hi. Na zi inle kei hon khotuah dan hon muleh hon hehsan ngamkei din ka gingta, ahai zenlah hisam lou a. Na kiteng ding nima ua , na inkiangte landline a non call a, non poimawh chiang in ka min sam leteh koimun peuh ah non mudi chi a na gente ka mangngilh naikei. Kon poimawh hun in kon sam a, huihkhua ah namin ka lengsak a. Bang a ka zak, dahna leh kahna ahi hon dawng. Nang koi a om na hia uson. Bang ziak a hon dawnglou ?
Ka hon poimawh na beita ding na sa khade aw ! A bei naikei. Na zi neihnung i kihou khak patna ahi. Apatna thak, hunthak hileh chih ka utngei. Himah leh Pathian in eigeel nuamsa a i om hon phallou hinteh maw? Hinkhua a vangphatna na muh chiah na zi ziak ahi chih thei gige in aw. Vangsiatna na tuah hun in, kei hon ngawh leteh poilou. Keiziak mah leng hinteh. Himah leh na vangphat ding deihsak tu lianpen ka hi dending. Kon itna a bei naikei. Kon khasiatna a thupi lolai. Himah leh alem nawnkei. Hinkhua nuamtak hon zang un aw. Damtak in mangpha, chih teng ka sim zawh in ka khitui aluanglou theikei. Itna theihsiam haksa hina maizen e maw , ka chih lai in , ka zi hong thou a, hon kawi a, kapken uson. Ka na luhlul kha , kon haza kha a ahi. Hon ngaidam in , hon chi a, ken leng bangteng hileh mi khasia khat hehnep hoih ahi ka chi a. Ka zi toh kithukim in a message ka reply ta uhi.
"Zawllui in hinkhua ah bang poimawh na nei ahia chi in ka buaiden. Ka kilamet louh nung a na hong kilaak zenzen in kou nupa kal ah kimukpuak khumna hon tun. Himah leh mipiching in athu akip akawi a hon theih chiang in hehna a paimang ta. Ka zi in nangtoh ikihou zadah mah leh tu in a theisiamta. Ama kam ngei a suakkhia kipahna toh kei a dia pasal hoihtak nana keptouh sak man in dit zawhlouh kipahna tampi konba. Na hoihnate ziak in vangphatna natung ah tung leh ka zi in a chi , chih kon zeptel kawm in, kei mahmah inleng natung ah kamsiam leh kipahthu gending tamtak konba hi. Na gensa mahbang in Pathian in nuamsa khawmdia hon phallou mah ahi ding. Kua Pathian tung ah a vui ngei a ? Pathian tung ah hehna i sungbo ngam zenzen dia hia maw?
Bangteng hileh hunlui zaw hunlui ahita. Ngai in sam mahleng a hong kik kei ding. Maban ah a vangphatna leh vangsiatna ding zaw ei bawltheih ahi kei. Pathian tung ah nga ni maw. Damni heina peuh ah Pathian in hon kem hen. Damtak in mangpha..chih ka khak a ka lumta uhi.
Hun hong paitou zel in akal in lungleng khamah leng huai ka status update nana muh ni dan a zite tawh kina a status utut a update a om nawn mahmah lou ka hi aw, lawm hehe . Omnuam a chih zawh in ken leng ka facebook ka logout a, dak 11 gintoh kiton in zing ann ka huanpah tingteng hi..
16-12-2012 at 03.00hrs
©Siamsinna leh Vakiangbu
Comments
Post a Comment