PENCIL

By : Lun Khuptong

[Hun-awl zatdik/Spending leisure time usefully] 

Hih ding nei khollou in ka Day off ni khat tuh ka Chair ah ka tu a, huai ah katut laiin Table tung ah ka pen holder ah ka pencil koih amuk in gen ut nei hi awmtak in keilam ahon ngat vengvang hi. Ka ngaihsut chian gen ut nei hiin ka thei a, himahleh bang gen ut nei ahi dia aw chiin ka kingaihtuah vengveng tamai hi. Huchia ka kingaihtuah lai in hiai ahong suak hi. Nidang pek a WISDOM magazine Rs.10 khong amat lai a heading neuchik a kana simkhak “Learn from Pencil” chih ahong suak vengveng ta mai hi. Awkhai! Chi’n huai ah thu kigelhte bang hihiam chih leh kei a thil zilkhiak ding om hi ngei ding in ka ngaihtuah a ka hon ngaih sun panta hi ,,,,,, !

Huai ah bangmah dang hilou in PENCIL a kibawl dan leh a kizat dan apan sinlai sin ding ana hi daih mai hi. Aw, ahimah ve! chi kawmin thukdeuh in ka hon ngaihsun thak non a. Pencil ih chih kha preparatory class apan ihna zattouh hia? Hiai theilou kua om ding hiam chi'n thutanna ka neih sawm mok hi. Himahleh tua thutanna ka neih dek pen in kei hon awi chiahlou hileh kilawm in ahong om mok a a thuk zawdiak in kahon ngaihsun thak non hi.

Hi… hih! Oh!, hiai eive chihtheih ding hileh kilawm tak in huai wisdom magazine a ka simkhiak kha neuchik ka recall back zou hamham hi.

Pencil ih chih pen ih theih ngeihlouh hikei mahleh thil tampi ahonna sinsak thei mahmah ana hi dan ahi. Huai aka ngaisut na leh ka magazine simkhakna apan hiai hih kana sin khe daih maihi. En suk zek ni.

1. Pencil zang a laimal ih gelh dek chiang in a ih let kip tinten a ngai hi, tua ih let kip kei leh ih deih bang leh ih ut bangbang in bangmah ih gelh khe thei kei a, ih bawl leng ih bawl khe thei kei hi.

Huai bang mah in ih damsung a mikhat/teacher/parent in a planning ah deih bang mihing leh omdan hi ding a ahon sek khiak na ding in. Pencil ih let a ei let bangbang a aom a ih deih bangbang in gelhkhiak theih bang in eile, mikhat ih hihna din a tuabang a min akhut ua ahon let uh poimoh leh a deihbang ua thu hoih a ahon kaih uh poimoh ana hidan ahi.

2. Pencil pen ih gelhgelh chiang in a laimu hong tom a tuapen sharpner zang in ih zum zel uh hi. Tua bang mah in ei hinkhua a ih hoih theihna ding leh i gial taktak ahong phot theihna ding in haksana, gimthuakna, leh buaina chi dangdangte ih tuah ngai mah tuate apan zilding i hihdan ahon sinsak thrat maihi.

3. Pencil zang a lai ih gelh chiang in ih gelh khelhte erazar zang in a nul mang theih hi, tua omdan belh ih Hinkhua a thil ih hih khelte bawlhoih leh hihdik theih ahihna ahon langsak hi. 

4.Pencil zang in laidal tung hita leh koi tung hitaleh na git/gelhna mun peuh ah, apaina nung a nuse gige ding hi, ei leng mahni hinkhua ah ihihna Etsn: Khristian hinkhua kha ilak gige ding ahihdan hon siksan non hiin muh theih in ah omhi.

5. Pencil a poimoh pen tuh alaimu/graphite chile hang ih khial keiding hi.

Tua mah bang in Mihing ih Hinkhua a poimoh pen tuh ih Lungsim lungphut ahi gige hi, thilh hoih ingaihsut leh ihoih ding a, a sia ih ngaihsut leh a se ding ihi maihi.

Ka Day Off manpha ana himai e chih toh tuah in hiai ka ngaihsutna muh theih ding in ka hon gelh khia hi.

© Siamsinna leh Vakiangbu