TUA CHRISTMAS ZAN
By : Pau Lian
I ngaklah penpen chi hial leng, kumkhat adia hunnuam, a biiktak a eilam ten ngaklah tak a i ngak uh theihlouh kal in hong tung nawnta. Khenkhat te a din hiai hun kipahna lam sangmah in hunlui ngaihna ban ah hon paisansa te ngaihna a zatna hun ahi maimah hi. Khen khat ngial in hou nikum a zawllui te toh kizang or nungak tetawh kizang a, tuala ki zangkhawm theilou, amanna le omkei chi bang leng a om tham ding, kenle christmas lungleng sim gaugau in tukum zang di keive ka chi a, mi status update khawng ka enen a, thawmhau kisa leh bang hiamhiam ziak a bukim sa zoulou dim hi in ka mu hi. Hiaibang hun ah, ka ngaihtuah na ah Christmas nopna tak (khalam vai a et hilou in) bang a diam aw ka chih lai in hiai ka lungsim ah hong suak a kon gelhkhe mawk hi.
I ngaklah penpen chi hial leng, kumkhat adia hunnuam, a biiktak a eilam ten ngaklah tak a i ngak uh theihlouh kal in hong tung nawnta. Khenkhat te a din hiai hun kipahna lam sangmah in hunlui ngaihna ban ah hon paisansa te ngaihna a zatna hun ahi maimah hi. Khen khat ngial in hou nikum a zawllui te toh kizang or nungak tetawh kizang a, tuala ki zangkhawm theilou, amanna le omkei chi bang leng a om tham ding, kenle christmas lungleng sim gaugau in tukum zang di keive ka chi a, mi status update khawng ka enen a, thawmhau kisa leh bang hiamhiam ziak a bukim sa zoulou dim hi in ka mu hi. Hiaibang hun ah, ka ngaihtuah na ah Christmas nopna tak (khalam vai a et hilou in) bang a diam aw ka chih lai in hiai ka lungsim ah hong suak a kon gelhkhe mawk hi.
Kum masa 2010 Christmas hun in Imphal a MU hostle ah third semester
exam dia kisa in lungsim lah innlam a om, lehkha lah simlouh theihlouh
in buaitak in hun kana zang nepnep phet hi. Bangteng hileh khatvei
sunsun lawmte toh mundang zawdeuh a zang di poilou,nuamdeuh a zat
ziazia ding, exam kikal a gap omte a pailou a enjoy ding chi in 23
zingkal sung nuam ngellouh pi toh ann nelou in exam din kakuan uhi. Exam
hall sung a tu panpan chih ding in ka gil nat chihtak in hong na a,
kamit bang hon mial dudu in kho-ul in hon buak a, ka kho-ul hong theng
in votsa in kaling taget hi. Gelh nawnkei lelah fail di, gelh lah ki
gelh theilou lah gelhngai in kisang tinten zen in question thum ka gelh
a, ka pai vengveng hi. Exam hall toh hostel kikal nidang a frog jump
phei ngapna hial bang huaini intuh sawtpi kapai a, atawp in hostel ka
tung a, sana ka etleh dak 12 pelpan mu hamham in lupna kaki denna a
khua ka phawk nawnkei hi.
Thakhat in khua ka phawk guih a, ka sakhau sung a pen khawng, admit
card khawng lak a ka phone vak kieukiau leh ringtone gingte kaza a, ka
pickup leh, lawmte khat in anne zouta, mess hall akhak man di ua hon
chi a kenle aw chi a dawng in ka imu nawn hi. Ka khophawk nawntak in,
ne ou, ne ou chi in muk a sikkeu sutuah in ka room ah hong um nainai
uhi. Kenleng pautam lou a ne in ka imu nawn a, a kalteng in damdawi
nedin hon phawng uh chihlouh bangmah ka theikei hi.
Zingkhua a hong vakta a, ka gilna in hon phawng in ka halh a, thakhat
a ka thoh sawm leh ka thou zoukei a huai intuh damlou ka hihlam ka
theita hi. Sunkhua in lawmten hon buaipih ua, ann lah nelou, daileng den
aki hih ziak in hoih naksang in ka gim deuhdeuh a, atawg in campus
sung a dispensary ah sawtkhop hon valum sak ua, khosik a lingling zomah
ka hih man in RIIMS lam ah hon pua uhi. RIIMS ka tun un khua a mialta,
katha bah gawp petmah a hih lam ka theita, hon khoih nana uh hik
supsup in ka thei a, damdawi te hon kap uh katheih zawh khua ka phawk
nawnkei hi. Zankim ahih in ka khanglou a, ka halh deuhta hi. Lawmte mi 4
in hong zanhah pih pippek ua, zinglam inbel ka nui ngapta a, amau
chiamnui in kakiang ua damlouh mah a om Singngat te toh Christmas thu
in a chiamnui ua, ka nuinui uhi.
Zing khovak tan haksuak ahi di uam chih thei manlou in ka ihmut
sannawn a, December 25 dak 2 lak in damdawi in ka pawtsan ta hi. Lawmte
hunnuam zang di tenglah subuai, exam lah buai, sungte innlam ate lah
patau sak, hong delh te zui mai ding, tukum exam zaw fail himai ning ka
chih chia lah lawmten hon phallou, damsiang nadia lah a kumnawn bang
ngaiding, hostel alah nek leh dawnte kinethei lou di, lawmte subuai
sawnsawn di chi in innlam paidek mantak in christmas buaina ngen in
kana mang hi.
Ka pian apat huchi tel a ka damlouh patna leh damdawi inn ka lut
patna ahih ban ah damdawi inn a kei sang a damlou zaw, khophawk lou a
let zen a mi kivual teltul ten Christmas kei bangbang a phawk lou di uh
hia, chirstmas meaning bang a kei a dia, dahna ni hilim lou hia chi in
damdawi inn lupna a kalup lai in leh kumthak natawn putek lupna ngak
bang a ka ngak lai ka ngaihtuah a, ka lungsim ah nidang khawng a damtak a
Christmas zang a hampha kisak na chang le theilou a mi engtak a omlai
ka phawk hi. Huai huntak inbel nikum a ka omdan kaki eng a, ka damlouh
nima a lawmte toh chiamnui a ka pau phapha dan kaki eng hi.
Mi tampi te hiaibang hunhoih zangnuam tinten a kumbul a angak petmah
uh a hun a zangkhalou a dim aha in om a, mi tampi te hampha chi a eng a
om ahih lam uh ki theilou ua, mi tampi te hampha kisa ua, kipak ua, mi
tampi ten hunlui ngai a ngui ua, mi tampi ten paikhinsa te ngai ua kap
uh. Tua te haihuai va chih ding bel ahi tuankei, ahi thei mah, ahi
ding mah ahi, himahleh a omtheilou ngaituah a nuamlou chik a christmas
zat sang in nuamtak in zangni. Christmas a nopna leh enjoy ding dan na
theih louh tawp inleng damtak a na om pen kha celebrate or loptuak ahi
chi in.
"Celebrate being alive"
Christmas zatnuam ..
© Siamsinna leh Vakiangbu
Comments
Post a Comment