Siamsinna leh Vakiangbu

By ~ Greeny Lun Paite Ka Gamdang zin masakna a ka thil tuahte: (1). Lenna/flight a ka tuang masakna pen ding in, Imphal Tulihal Airport apat Delhi IGI Airport zuan in kong leng uhi. Kingfisher ah ka tuang hi. Vanlaizawl a ka leng lai un , ka tuangpihte zuntha-ektha in toilet a hohhoh uhi. Kei leng thiltheihna kawm hiding chi in eksuak le hikholloupi khat toilet ah ka valut tei hi. Kong ka kalh thei zat pah hi. Ka daileng yoh tak a , pawtkhiak ka sawm non leh, kong honna di muzoulou, buai sim in ka om hi. Mirror lianpi khat om a, ka ki-en thakthak zawzen hi. Chimoh dek sim man in ka om a, a kongkhak hoih tak a ka check thakthak leh mek (press) di khat ana om a, ka mek leh hong kihong a, ka pawtkhe thei khong hi. Toilet sung a kitaang dektak !! (2) . Lenna sung a phone zat phallouh ahi. Lenkhiakma deuh in “hih ding leh hihlouh ding” teng Air Hostess te’n action in hon show zatzat ua, tv toh. Phone switch off ding in hon sawl vek uhi. Vanlaizawl ka tuntak

By ~ Lianzamang Tonsing Writer’s  note :   Better late than never vachih zawzen na dan lah omkei ven  Khatvei mawngmawng k’on sermon di ) Salam thil a ngaihtuah in eilawi hi piangvangtah i kisa maithei, vangleng vangtah mah hang. Himahleh, salam sang a hoihzaw leh thupi zaw, khalam ah nakpitak a hampha hihang. Salam thilte’ sang in khalam thilte’ lah nakpitak in a manpha zaw ngal a. (Rome-te 8:6-8) Khalam ah nakpitak in i hampha ua, Tangthupha vaak in i gammial a hon taanvak nung kum 100 vingveng bang a valta. Eikhang(tu khang/generation) chiangchiang a houh nuam leh thovengtak a Pathian bethei kia hilou, i piankhiat a kipan Kristian, vangam a dia i sit di ana ki-reserve sa ngen ahi! Hampha! Hiai Tangthupha in i niamna leh tuantualna ua kipan hon hunkhia in hon domsang a, i lam-et batlouh mun-le-mual, neih-le-lam, pilna-siamna leh kong bangkim ah hon piikai in, mite’ neih bangbang hon neisak hi. I pu-pate’n hiai bang dinmun a ding diing in hon koih uh a

By ~ Greeny Lun Paite Leitung a mihingte i piankhiak apat in haksatna tuaklou ki omlou ding hi. Pathian hamsiatsa i hih mah bang un, kho-ul luang puappuap in khosakna ding ngaihtuah in kibuai chiat hi. Huchia haksatna, lunggimna, dah-le- kah nate ituah chiang in “Hinkhua Bang Hi Hiam ??” chih ngaihtuah khalou om ding in ka tuat kei hi. Tangvalnou sim kong hih apat hinkhua haksatdan kon thei panpan ta hi. Thilsai haksatdan, milian kimuhpih haksatdan, sepna zong haksat dan, sum-le-pai haksatdan, khosakna haksatdan kong thei kheta hi. Koimun peuh ah izin-ivak zong in , sum-le-pai leh thil tuamtuam a haksatna kituak toutou hi. Haksatna i tuah chiang in kingaihsiat demdum ni bang tam mahmah a, huchih hun chang in “What is Life??”, “What is the Meaning of Life??” chih ka ngaihtuah mun mahmah hi. Abiktak in Hostel ka lut tung in haksa mahmah a, Ragging nasa lua a, thuak haksa petmah hi. Huai hunlai in naktak in “Meaning of Life” ka lungsim ah om mahmah a, ka lup chian

By ~ AchillesLal Yatze Fdgg   Writer’s note : [Based on a true story himahleh Min hong kizangte pen bulhtawm maimai ahi chih thei masa ni] Hiai leitung ah hinkhua zang sapsap di’n mi vangse penpen te lak a khat in ka kithei. Ahih hang in ka Toupa ma ah vuithei ka hikei.Laisiangthou a kigen bang in mihing damsung kum 70 pen kei a dimah in kibulh taleng ka khangdawng lai hun leh ka pallai nite tulkuan ahita.Innkuan khosak haksa tak apan khangkhia ka hi ua, ka Pa’n solkar buhpang a sawkkhak zek apan kou unau tamsim tak ahon vak liailiai hi. Kou unau a numei thum phate lak ah kei a milai na ka hi. Ka neulai hunte uh bang ka ngaih tuah kik zel chiang in ka Nu tawl didan ka thei a ka zahna leh ka itna alian semsem. Kou unaute ahon buaipihna lam in ahun loupi in ka Nu sam te akaang a, amit bang ahat nawnlouh loh hial hi. Ka Nu hoihtak in kem nuam mahleng kei migenthei adi’n hihtheih a omkei. Ka panpih zohlouh hang in ka Nu’n ahon itna abei tuankei; ka Nu hon it

By ~ Za Ching Paite Ka sungte’n hih d poimoh a neih ziak un a hon pawtsan vek ua, kei kia in-ngak in ka om kha hi. Ka sep d teng ka zoh in varendah ah tu in hun paisa khong ka ngaihtuah a ka lungleng mahmah hi. Huchia lungleng tak a ka omlai thakhat in ka fone hong ging a ka kiguih zawzen hi. Ken leng ka etleh unknown number ana hi a , kua a hi de aw ? Bang thu poimoh om a hi de aw ? , chi kawm a ka lak leh maizen ka lamet phak hetlou Muamuan ana hi. Ching damzel maw ? a hon chi a ken leng dam zel mah ing uMuan. Nang koi a om ta ? Bang hihta e ? Lamet louhpi in non houpih zenzen a, chi`n ka dawng hi. Aman leng nang bang chik lai peuh a i hon houpih ut gige mah nei vele chi`n anui a, sepna neita a vaigam a om a hihdan leh ka vengte uh a seppihte khat kiang a ka contact number ana la ahihdan khong hon hilh hi. (a mah hi kum10 bang paita a Class-X ka simlai a ka classmate ahi a, huai lai in ka na kithuah thei mahmah ua , hilele pawl 10 bang i hon zoh chiang in coll

By ~ NOgies ReAlton’s Kiss Zan sawt ta ahih cia Cingnu kiang ah kon na paisan phot mai d aw, ci kawm in dingkhia in ka paita hi. Cingnu in leng gate tan hon zui in hon khakhia hi. Gate bul ah thakhat a kihei in ka it Cingnu ka tawp tuntun a inlam ka zotsanta hi. Dak1:35 bang ging hial ta ahihman in , inn ka tung phet in ka nu hong thoukhia in “hiai tantan pawt sek louh d eivoi, Khovel hoih non lou eive” chi in adang gen tuansam lou in hon lupsan non pah hi. Kei leng ka lumta a ka kingaihtuah zek leh Cingnu toh mangpha kikhak kha lou ka hih lam uh ka phok khe guih a, ka fone ka la a ka msg hi. A hon reply louh ziak in ka buai gu mahmah ta. Ka balance lah bei ahih cia call theih lou, aman lah tuzan dak 2:30 tan khong tulai d ka hi hon ci zomah. Ahihkei leh kei pai nung a mi a pawt om ziak a hon reply ut lou hia? Cih khong ka lungsim ah hong kilang vuatvuatta. Aman lah mangpha hon khak tuansam lou ahih cha, midang toh hon kop hia? Cih dia lah ” nang kia na hi” h

By ~ Greeny Lun Pait e Singtang khua khat ah kon na piang a, ka pupa khang ua pat konna khosa uhi. Pathian vualzawlna in unau lampang ahihleh mizah ka na pha thou uhi. Ka neu ua pat in ka nu’n itna lianpi toh honna kem tou gige a, innsung ah hoihtak in Pathian thu in honna sinsak ngitnget hi. Haksapi in ka unau un skul hon na kaisak vek uhi. Ka nu’n bel laisiamna hon na ngai poimoh mahmah a, lai ka siam di uh hon deihsak mahmah hi. Haksa tawp khawk in leng fee ba zenzen in Skul hon na kaisak uhi. Ka Pa’n ahihleh khosakna haksat toh nasep ding in hon deih zaw a, laisiamna leng na ngai poimoh khollou a, Skul kai tawpsuk uh heh hon chih ni a tamthei mahmah hi. Ahihhang in ka Nu’n bel hon phal tuan kei a, tunung chiang a na lawm leh vual te uh lai hong siam ding ua, khanvual eng a na om khak ding uh kon phal kei chi in hon kaisak teitei hi. Skul ka kai tung apat in kei a ding a salam khalam a sinsaktu muanhuai pen ka Nu ahi. Ka nu’n ka homework te hon hih pih g

By ~ Hauzel Muan Writer’s Note : (Love story non gelhgelh ua ken le khat kon gelh tei mai di.) Aw Lun kon iitna theisiam lechin zaw aw, nang bang a ka ngaih ding hiai simlei ah omlou ding eive cihkan Muanpu a ding in gen di omlou hi Muanpu leh Luni, nungak tangval ki-it ngeina bang in ana ki-it in kingai uhi. Luni bel mi fel mahmah ahi a, khotang leh saptuam vai a kinak zat mahmah hi. Mi paunuam, maitai ahihman in aneu-alian, numei-pasal cih khen tuamlou in houpih thei vek hi. Ahucih ziak mah in min pakta thei mahmah ua tangvalte bang inle enlah thei mahmah uhi. A sungkuante mahmah inle kisak theihpih tham mahmah uhi. Muanpu ahihleh mi pautamlou, neuchik a hih apat tagah, a nu sihsan ahi. Neih leh lam ale mi bang in nei zoulou ahihman un lawm leh vual lak ale vual lel mahmah sek hi. Muanpu leh Luni te bel neuchik ahih lai un innveng ana hi ngei uhi. Muanpu in Luni iit mahmah ahihman in duat mahmah mai a, Luni thil gen peuhmah sel ngeilou hi. Muanpu be

By ~ Greeny Lun Paite (1) . Nitak khat Hostel a ka lupna ah ka ihmutlai in, thakhat in ka khanglou a,ka khut leh khete tang theilou a, hong man om mah bang hi. Ka kikou khiak dek ciang inle ka kikou khe thei kei hi. Ka room mate pa a lum naikei a, Laptop ah net khoih lai hi. Light le ka off naikei uhi. Ka room mate pa’n hong khoih/sawi leh ka ci mahmah a, himahleh ka hucih lam hon theilou hi. Kei leng pautheilou, tang lah tangtheilou ka hih ziak in ka gim mahmah hi. Ka lungsim/ngaihtuahna bel paihat mahmah zel hi. Huchi’n ah hiai kon ngaihtuah kheta hi. Pathian thilbangkim hih thei om hiven , ka thum di cih ka lungsim ah hong om a, kong thum hi. “ Pa Pathian aw, ka khut leh khete mi hon man om mah bang in ka om a, ka tang thei kei a, kikou lah kikoukhe theilou ka hihman in ka gim mahmah a, hon panpih in”, chi in kong thumta hi. Huchia kong thum tak in, ka thousilen net a kimlai (half) di tan vel, ka lupna a ka kawng apat a tunglam di teng kha hong mial bikbek

By ~ Bk Suan A tam zaw in i theihsa uh himahleh, kum 16 paita a June 24 ni buai kipatni ahihtoh kiton in . . . . KA GAM KA LEITANG chih thulu zang in thugelh tamlou nei leng chi i hi. Hiai ni zingkhua hong vak a, michih in a hunzatte uh ngeina dan bang in zang in, singtang a loukuan theihna mun a tengte’n leng a ngeina dan mah un lou kuan chiat ua ; School kaite leng kai chiat uhi. Nipi Suuk laitak June kha ahihman in zing nisuak zong vakpha mahmah a, khua leng pha in Zohuih khisiangte nung hiauhiau a, lounei mite bang leng louhaam khoh tha-it in a kuanthei liaisiah zing ann nekhin in loulam kidelh huan siausiau mah hi. Singtang ah bel zing ann kine baih in gamlak loulam mah zingtung mah in kinaih zel hi. Hichi hong hi a, vaikuante leng kuan mang hiauta chih ding vel in, Lamka lam apat thu zaknophuai lawlou hong tung a, a khen in gingta in akhen in gintak ding leh dinglouh saikaak in, Zodawn a khuate zong ana pataugu simchiat hi. Huai thu zaknophuai lawlou pen thakkh