KA GAM KA LEITANG
By ~ Bk Suan
A tam zaw in i theihsa uh himahleh, kum 16 paita a June 24 ni buai kipatni ahihtoh kiton in . . . .
KA GAM KA LEITANG chih thulu zang in thugelh tamlou nei leng chi i hi.
Hiai ni zingkhua hong vak a, michih in a hunzatte uh ngeina dan bang in zang in, singtang a loukuan theihna mun a tengte’n leng a ngeina dan mah un lou kuan chiat ua ; School kaite leng kai chiat uhi. Nipi Suuk laitak June kha ahihman in zing nisuak zong vakpha mahmah a, khua leng pha in Zohuih khisiangte nung hiauhiau a, lounei mite bang leng louhaam khoh tha-it in a kuanthei liaisiah zing ann nekhin in loulam kidelh huan siausiau mah hi. Singtang ah bel zing ann kine baih in gamlak loulam mah zingtung mah in kinaih zel hi.
Hichi hong hi a, vaikuante leng kuan mang hiauta chih ding vel in, Lamka lam apat thu zaknophuai lawlou hong tung a, a khen in gingta in akhen in gintak ding leh dinglouh saikaak in, Zodawn a khuate zong ana pataugu simchiat hi. Huai thu zaknophuai lawlou pen thakkhat thu a thil hong om guih mawk ahihman in mite lungphawng in a tamzawte om kinken theilou uhi. A kum a sim galmuang tak a omlai, gal gim hong nam vingveng pen in michih lungsim hon phawng chiat a, hiai ni leh hunte huai suuk a khua ana phawk theitan chiang in kimangngilh mawh zen hi.
June 24 sun hun vel apan thuthang vingveng pen nitaklam hong hih in thudik mah ahi chih hong kichianta a, Zodawn lam a khuate’n zong bitlou leh galmuanglou kisakna lianpitak kinei chiat pah hi. Himahleh, bangchi panlak a bangchi om ding hiam ! chih bel a thei zaw sam kuamah omlou in, khosung mipite mun tuamtuam ah hiai thu mah genkhawm in mi bangzah hiamhiam kikumkhawm timtem gouh uhi. Panlak dingdan tuan thei zaw sam omlou himahleh, khosung heutute’n veng teng a tlelrawi leh tangval teng duty din thu pia ua, huai nitak in bel a tamzaw mun tuamtuam ah zanhak chih pian in Vengsung a inn nawlnung pente inn ah mi bang zahzah hiam in kigiak khawm sepsup mah hi.
Hiai buaina nikhat ni nih zoh a hong veng mai ding i sak leh, ana himailou in, a kal (week) asim leh akha (month) asim hon daih in, mipite kipumbuai gop simta hi. Galmuanlouh nak kal in atam zaw nek-le-tak ding nasan neilou a, buai petmah a buai zong om kha tham di’n gintakhuai hi. Bit zawkna ding delh a khodang a pem toh ; nitak khomui zul a khosung a zanpuan pua a bitzawkna dia gintakna mun a giak dia kivial puak toh, kihi vengvung phet hi. Tuailai thahat leh papi hatlai teng asun azan in khonawl ah duty post bawl in ki duty khel ziahziah hi. Huai hun a hun zatdan bel khantouhna ding himhim om kha lou suak hi. Kua mah zong lungmuang tak in om theihna ding vual hilou hi. A hun hong sawt dungzui in khua khenkhat ah tuailai pasal hong tawm hiaihiai ahihman in, sun hun in nungakte nasan duty kha pawl om hun zong om zawmah hi. Nasem ut hileng zong kuamah khopua ah nasem a pawtkhe ngamlou a, siamsinna na tawm ahi ding bangtak in bang in kisunzom theilou hi. A diak in pawl sawm ban sin ut te a din kai na dan omlou suak hi. Ateek-akhang, nupi-papi leh naupang kuapeuh mah hiai buaina mun a om kha teng a tokbuai khaklouh omlou ding hi. Kim-le-kiang a pau tuam deuh zangte’n hon theih dan un bel hiai tualgal pen nam nih kal a kitheihsiam louhna om ziak ahi a, amau a telkhalou dan in kingaihsun pawl zong om sam hi. Himahleh, hiai gal a telkhalou kichite’n zong galphual a omkha veve ahihman un amau leng ana kiven uh ngai himhim a, buaina in tokbuai khalou chih theih tuanlouh ding hi.
Gal leh kidouna bel tungnun kituh i chi hiam, ahihkeh mikhat in midang mahni thunuai a koih ut ziak leh huai mithunuai a om pen a utlouh ziak bang in leng gal piang thei hi. Ei deihdan leh ei thuthu a mi hong om kei leh zong vadou pah ding leh vagalbawl pah ding hi zen sam lou hi. Khovel ei deìhdan kia a paithei vual hilou ahi chih zong i theih chiat kisam hi. Kidou louh in leng a thu a kigenkhawm a thil geldan om law tham ding hi.
Kiim-le-kiang a i tenkhoppihte toh kilungrual a tenkhawm kaan a nuam omlou a, gal neih a, buai cherchur leng a ut om di’n gintak huailou hi. Galmaitawng a om leh galphual a omte haksatna leng kilamdang law tuanlou ding hi. Hinna a manphatdan leng i thei chiat ua, kigalbawl a kidoulouh in zong i deihdante kikupkhawm theih lawtel ding hi. I omna mun chiat ah lungkim a, midang neihbang neih selouh in zong I hintheih nang lampi tamkhop om a ; en leng i hinna i It bang in i veng i pam in leng amau a ana it sam uh ahi chih ngaihdan neih sawm a , gal leh kidounate pat louh hamham sawm din khangthakte i kichial hi.
A chih leh hiai buaina in bang hon tun a? Kithah, kimat, kisuamna leh kigawtna in bang hon pia ? Inn-le-lou kibuhal sak in kipahna hon tun i sa di uam? Gam in khantouhna a taksap lai in en i gam a din bangna i sepsawm a le?? Ka gam ka leitang humbit ka hi i chi kha maithei. Hiai leiteng tawmkal in dampih maimai ding ah gam leh leitang neih in bang hon pia in i thei? Tomkal i hinsung in I mihinpihte bang nam, bang pau zang hile uh zong amau toh kituaktak a hingkhom leh khosak khawmdan kisin zaw leng phatuamna a om zawk kia phetlou in, damsung tawmchik lungmuang leh nuamtak a zang kha zaw ding hi hang. Mihing lungput kibang kimlou a, eimah ngaihdan a thil hong pailou zong galbawl pah mawk lou a, eimah hinkhua leng sukha thei thilte sepkhiak pahpah sawm zawlou in, i kiim i kiang leh midang ngaihdan zong koppihdan kisinsiam kul mahmah hi. Gal (war) alian hi in aneu [TUALGAL ] hitaleh , hiai in Bangmah hon tunlou in ~ Lungzinna, Mangbatna, Kihuatna, Manthatna leh Sihna hon tun tek a ; hiai leitung a i gam leh leitang ding ngaihtuah a buai zawlou in, i tangtawn gam ding ngaihsun a buai zaw din simtute i kichial hi .
LEMNA VAIDAWN IN KIDOUNA TAISAN SAWM ZAW NI .
SAY NO TO WAR . EMBRACE AND WELCOME PEACE.
A tam zaw in i theihsa uh himahleh, kum 16 paita a June 24 ni buai kipatni ahihtoh kiton in . . . .
KA GAM KA LEITANG chih thulu zang in thugelh tamlou nei leng chi i hi.
Hiai ni zingkhua hong vak a, michih in a hunzatte uh ngeina dan bang in zang in, singtang a loukuan theihna mun a tengte’n leng a ngeina dan mah un lou kuan chiat ua ; School kaite leng kai chiat uhi. Nipi Suuk laitak June kha ahihman in zing nisuak zong vakpha mahmah a, khua leng pha in Zohuih khisiangte nung hiauhiau a, lounei mite bang leng louhaam khoh tha-it in a kuanthei liaisiah zing ann nekhin in loulam kidelh huan siausiau mah hi. Singtang ah bel zing ann kine baih in gamlak loulam mah zingtung mah in kinaih zel hi.
Hichi hong hi a, vaikuante leng kuan mang hiauta chih ding vel in, Lamka lam apat thu zaknophuai lawlou hong tung a, a khen in gingta in akhen in gintak ding leh dinglouh saikaak in, Zodawn a khuate zong ana pataugu simchiat hi. Huai thu zaknophuai lawlou pen thakkhat thu a thil hong om guih mawk ahihman in mite lungphawng in a tamzawte om kinken theilou uhi. A kum a sim galmuang tak a omlai, gal gim hong nam vingveng pen in michih lungsim hon phawng chiat a, hiai ni leh hunte huai suuk a khua ana phawk theitan chiang in kimangngilh mawh zen hi.
June 24 sun hun vel apan thuthang vingveng pen nitaklam hong hih in thudik mah ahi chih hong kichianta a, Zodawn lam a khuate’n zong bitlou leh galmuanglou kisakna lianpitak kinei chiat pah hi. Himahleh, bangchi panlak a bangchi om ding hiam ! chih bel a thei zaw sam kuamah omlou in, khosung mipite mun tuamtuam ah hiai thu mah genkhawm in mi bangzah hiamhiam kikumkhawm timtem gouh uhi. Panlak dingdan tuan thei zaw sam omlou himahleh, khosung heutute’n veng teng a tlelrawi leh tangval teng duty din thu pia ua, huai nitak in bel a tamzaw mun tuamtuam ah zanhak chih pian in Vengsung a inn nawlnung pente inn ah mi bang zahzah hiam in kigiak khawm sepsup mah hi.
Hiai buaina nikhat ni nih zoh a hong veng mai ding i sak leh, ana himailou in, a kal (week) asim leh akha (month) asim hon daih in, mipite kipumbuai gop simta hi. Galmuanlouh nak kal in atam zaw nek-le-tak ding nasan neilou a, buai petmah a buai zong om kha tham di’n gintakhuai hi. Bit zawkna ding delh a khodang a pem toh ; nitak khomui zul a khosung a zanpuan pua a bitzawkna dia gintakna mun a giak dia kivial puak toh, kihi vengvung phet hi. Tuailai thahat leh papi hatlai teng asun azan in khonawl ah duty post bawl in ki duty khel ziahziah hi. Huai hun a hun zatdan bel khantouhna ding himhim om kha lou suak hi. Kua mah zong lungmuang tak in om theihna ding vual hilou hi. A hun hong sawt dungzui in khua khenkhat ah tuailai pasal hong tawm hiaihiai ahihman in, sun hun in nungakte nasan duty kha pawl om hun zong om zawmah hi. Nasem ut hileng zong kuamah khopua ah nasem a pawtkhe ngamlou a, siamsinna na tawm ahi ding bangtak in bang in kisunzom theilou hi. A diak in pawl sawm ban sin ut te a din kai na dan omlou suak hi. Ateek-akhang, nupi-papi leh naupang kuapeuh mah hiai buaina mun a om kha teng a tokbuai khaklouh omlou ding hi. Kim-le-kiang a pau tuam deuh zangte’n hon theih dan un bel hiai tualgal pen nam nih kal a kitheihsiam louhna om ziak ahi a, amau a telkhalou dan in kingaihsun pawl zong om sam hi. Himahleh, hiai gal a telkhalou kichite’n zong galphual a omkha veve ahihman un amau leng ana kiven uh ngai himhim a, buaina in tokbuai khalou chih theih tuanlouh ding hi.
Gal leh kidouna bel tungnun kituh i chi hiam, ahihkeh mikhat in midang mahni thunuai a koih ut ziak leh huai mithunuai a om pen a utlouh ziak bang in leng gal piang thei hi. Ei deihdan leh ei thuthu a mi hong om kei leh zong vadou pah ding leh vagalbawl pah ding hi zen sam lou hi. Khovel ei deìhdan kia a paithei vual hilou ahi chih zong i theih chiat kisam hi. Kidou louh in leng a thu a kigenkhawm a thil geldan om law tham ding hi.
Kiim-le-kiang a i tenkhoppihte toh kilungrual a tenkhawm kaan a nuam omlou a, gal neih a, buai cherchur leng a ut om di’n gintak huailou hi. Galmaitawng a om leh galphual a omte haksatna leng kilamdang law tuanlou ding hi. Hinna a manphatdan leng i thei chiat ua, kigalbawl a kidoulouh in zong i deihdante kikupkhawm theih lawtel ding hi. I omna mun chiat ah lungkim a, midang neihbang neih selouh in zong I hintheih nang lampi tamkhop om a ; en leng i hinna i It bang in i veng i pam in leng amau a ana it sam uh ahi chih ngaihdan neih sawm a , gal leh kidounate pat louh hamham sawm din khangthakte i kichial hi.
A chih leh hiai buaina in bang hon tun a? Kithah, kimat, kisuamna leh kigawtna in bang hon pia ? Inn-le-lou kibuhal sak in kipahna hon tun i sa di uam? Gam in khantouhna a taksap lai in en i gam a din bangna i sepsawm a le?? Ka gam ka leitang humbit ka hi i chi kha maithei. Hiai leiteng tawmkal in dampih maimai ding ah gam leh leitang neih in bang hon pia in i thei? Tomkal i hinsung in I mihinpihte bang nam, bang pau zang hile uh zong amau toh kituaktak a hingkhom leh khosak khawmdan kisin zaw leng phatuamna a om zawk kia phetlou in, damsung tawmchik lungmuang leh nuamtak a zang kha zaw ding hi hang. Mihing lungput kibang kimlou a, eimah ngaihdan a thil hong pailou zong galbawl pah mawk lou a, eimah hinkhua leng sukha thei thilte sepkhiak pahpah sawm zawlou in, i kiim i kiang leh midang ngaihdan zong koppihdan kisinsiam kul mahmah hi. Gal (war) alian hi in aneu [TUALGAL ] hitaleh , hiai in Bangmah hon tunlou in ~ Lungzinna, Mangbatna, Kihuatna, Manthatna leh Sihna hon tun tek a ; hiai leitung a i gam leh leitang ding ngaihtuah a buai zawlou in, i tangtawn gam ding ngaihsun a buai zaw din simtute i kichial hi .
LEMNA VAIDAWN IN KIDOUNA TAISAN SAWM ZAW NI .
SAY NO TO WAR . EMBRACE AND WELCOME PEACE.
©Siamsinna leh Vakiangbu
Comments
Post a Comment