TONGDAM SAN KHIALH

By ~ Giakmawh Sumbawi 

Writer's note : Ih lametna le sawtta sim a tuni'n ihmualsuah ngeingei ding uh aw,,! Hiai a kon gennop ahihleh ka ngaihzawngnu tawh itna kipkholoh vang ahi..

Nikhat ka gintak hetlouh in ka phone, hon na ging kolkol in chin ken le kua ahi mahmah de aw chi'n ka pick-up ngal hi. Phone number ka theih ngeilouh khat ana hi in chin ken le nang kua e ? ka chi a, aman le ki-awi namaizen chia kei non theihlouh tel hon chi in hon nuih khum thut-thut mai hi. Ken le ka chihna di theituanlou ka hihziak in ka phone number tengteng delete khavek ing a,ngahkik nailou ka hi ka chihkhum mai hi. Hilele a tawptawp in hon phone nu'n kei maw,non theikha kholkei mah di, ka phone le mi a ka zat ahi ahon chihkawm in amin @Niangnu ahih dan ahon hilh hi.

*Niangnu in hichi bang in hon hopih ahi. U Siambawi,  ei "Class 10 ih exam, lai a, huai a non thilgenpen tua kei tung ah vualzawlna'n ahong tung a ka kipak petmah. Hilele huai gen ut ka hikei a, kon gen ut taktak ahihleh zumhuai nonsa zong in imm zoulou a hon gen di ka hi. Nang lungsim loulam ahihkhak leh ngaihdam aw. Ken kon gen di ka mawhpuak ahi, hon chi a huai ni apat in ka lungsim ah nang bek kon na ngaihtuah gige ahi. Kuamah thuakpih khollouh in ken hon na vei mahmah kei ve. Itna kichi eigel in koplai puanbang in ih zawngkhawm mai diam ? !!a hon chi hi.

Ken le huchi'n ka dawng hi. Niangnu,nou khawng toh itna zangkhawm ding in kei ka ching zou dia hia ? Ei bang mi daipam lellel toh na pallai aheu di pammaih na sa lua di ee,,,, Nung chiang in luankhi ih nulkhak di zaw thuak hak di ei ve !  ka chih a,aman le,  a  itna ahon hilh hi. Sihna longal kuanman hon khen zoulou dia , na tung ah itna kon pekhin vek ahi. Nang itna ka taan sang in sih ka telzaw. Na itna ka ngah zawhlouh veve ding aihleh kei di'n khovel ah hinman ah om kei. Itna kei chauh in ka tan zaw haksa ka sa lua tel . Hon sang mai in aw, U Siambawi,ahon chi hi.

Hunte hong paizel in Niangnu toh singdang englou in itna zaw nuamdeuh in ka na zang khawmta uhi. A khenchiang bang in le,ih kineita maidiam le, ka chi sekzel hi. Aman le khawksa hetlou takin poilou eive nang sang a le ken ka na ngaklah zaw hi hon chih thawh zel hi. Nikhat ninih khawh a inn ua  ih hawh kei leh aman le ka lung aleng lua hon hawh in ahon chi pahpah a,ken le ei zong huai dan bang mah ih hi  ka chi zel hi. Nikhat mel kimuhlouh kum kivei bang mai hi. Nang muh ding kal ka ngaklah,  hilele vai thupi ka neih ziak in ah hon hoh manlou ka hi. Hon ngaidam in aw,ka chizel hi.

Ka ki itna uh le sang deuhdeuh in chin ken le nikhat Niang tuni kon la taktak ta di aw ka chi a, a nu-le-pa te'n le hon deihsak mahmah uh ahi. Hilele a siamsinna sunzom lai leh deihsak uh ahihman in kiten ding lem hon sakpih naitadihlou uh hi. Niangnu in le,  Usiam ka nu-le-pate phal hunhun hon na ngakmai ve ahon chi a, ken le poilou eive,ki it kingai tok lengle,,ih mailam hinkhua ding khualna in siamsin val a hoih ding omtuanlou ahi. Na nu leh na pa hon phal hunhun ngak mai ni aw le, nang le na maban hoih deuh in hon sunzom inla, na zawh hunhun in ih lungtup ih mualsuahna diing ahi ka chi hi.

Hunte hong pai zel in kum 2 vel ka kingaihkhit nung un, vang siathuaitak in chih di hia , vangphat huaitak in chih zawk di hia!! Khuapi lam ah Niangnu a lehkhazil hun ahong tungta in, alou theilou a ahon potkhaik ngaita ahi man in, Niang heina peuh ah ginom gige nu maw. Singdang in tong hong lel zing in lunglai gawlbang ana khaam den in aw, ka chi a, aman le aw le, nang le kei di'n khuambang na kipden in aw,singdang tongdam naubang sang kei ni aw, ih kar ah damtui ahon luanlouhna ding in ih biak Pathian kiang ah thumna nei gige ni aw, ka kichih kawmkawn un a man le apaina di lam ahon zuatsanta hi.

Ka lung len uh thuak haksa tuak ka hihman un ka ki phone gige uhi. Ka ki phone louh kar un le ka ki inbox  thawh gige uh hi. Hilele kha 2 vel a hong painung in, contact kingah nawn mahmah lou in lamdang ka sa mahmah hi . Bang ziak a diam maw ? chi'a ka ngaihtuah tuah zel a, a nu-le-pate dong leng le a thei tuan kei uhi. Hun bang tan hiam hong painung in ka fone ka ah "message khat  ana om in chin huai ah bang kigelh hiam chih leh

"<ih hunlui mualliamsate mangpha chita ni , eigel Sian lemgellouh ih hi>" 

 chin hon na mesage hi. Huai zawh in ken le ka chihna di thailou in nang taktak mah na hia, Niang ?chin call kik leng le ngah zou nawn mahmah lou ka hi.

Kum khat hong sawt nung in, innlam ahong tungta a, a hong tun tak in amah chauh hong hinawnlou in thuak hak ka sa mahmah mai hi. Phamdong a ginom dia tong hon chiam sa hi a, tua hong kik nawn in,  nih ahong phata ua, apasal toh hun bangtan hiam ahon zang nuam mahmah uh hi. Miite nuam a sak lai in kei zaw khattang hui bang maumau ka hi lel ta. Tongchiam pel zaw laidip naa in, hawm, thuaksiam a haksa ngei. Hilele thuak siamdan sin ngaita. Niangnu te nupa in hun bang tan hiam hon zatkhop nung un, a pasal damdoi zongsang ahihlam a kitheikheta uh hi. Huai tak in Niangnu in lamdangsa mahmah hi.

A sawtsawt in Niangnu in ngaihdam a hon ngen a, abang hileh hon na ngaidam teitei in aw. Kei mah khialhna ahi. Ka kisuanglah lu. Tua kei zulhzautat ziak in pasal ginalou damdoi zongsang khat ka tuakkha ahi. Na vawh/tuh  bang in na aat ding ahi, Bible in achih mah bang in kei ginatlouhna tua ka tung ah ahong tungta ahi. Hon ngaidam teitei in ahon chi a, ken le na tongchiam napeel zong in sinthupha kon guan ahi . Liamsa ih hunlui ngilhta inla, na thai leh na vondeihte tawh machaing na hinkhua ding uh gel zawta in,  ka chi hi. 

Phalbi zankhua sawt daikai nuai ah

Na siang laitual kon len ni'n,

Na chial dawhtam tongchiamte ngilh di'a lawmlou,

Himahleh tun leh zua in zingvai hong hawm ding

Haibang na ngak in na chih,

Tun leh zua zingvai hawm ngak zoulou in,

Na deih anglai ah na zal ta,

Liamsa ih hunlui ngilhta'n la

Kei zong singdang siang na zuanta ning;

Gibang kikhen nawnlou ding in,,,,,

Itna nih in i zawnkhop lai in zaw , nuam hi a,

Tua mi nih neih itna khat in ahon puak leh agik agik ahi,,,,

Writer’s Note : Hiai tangthu gelhna tawh kisai in mimal min kibang ih om khak leh simtute simnop deuh dia kiphuak tawm ahihziak in na theihsiam uh kon ngen ahi. Lai thugelh le siamlouh tawh hiai zah chi phot ni uh,,

Hon simsak tu tengteng na tung uah ka kipak petmah. Kipak !!kipak!!! Kipak!!

@Giakmawh Sumbawi. Gelh taktak chiah ih deih piteng kimansuah zel ahi. Deihbang in aw a fuh hethet kei. Laigelh masak pen ahih zawkmah toh, hiai teng kon tun hamham ahi. 

@Siamsinna leh Vakiangbu. damsawt hen,,,Thanks !!!

Beita

©Siamsinna leh Vakiangbu