KA ITT AW KA SECOND LOVE KA FIRST LOVE NA HI
By ~ Liansiam Ngaihtepa
Ka hong khangkhiat tung in kiphasak leh
kitangval sak mahmah ka na hi. Huai lai in mobile zong kithei kha nai
vet lou a , letter HIT mahmah hi. Huchi in kei zong khatvei le
ngaihzawng nei nailou ka hihman in ka klass ua numei khat ka na ngaih
melh khat ana om hi. Amah ka muh ciang in ka zum zel a. Amah muh lah ka
ut zel thou hi. Amah mai ah kiphasak khong in ka om zel hi.
Skul kong kai toutou ua huchi in ka
lawmpa’n zong hon deih sak mahmah in nang a din i bei mai diam ? hon chi
hi. Kei zong kingaihtuah kingaihtuah in huchin ken zong awle bei mai ni
ka na chi hi. Huchi in kon bei petmah tak chu ahi di aman zong ni 2
sung hon na ngak un kong kingaihtuah di a hon chih man in ka lawmpa toh
huai ni nih sung in a inn ua asun azan in ka vahoh den uh hi. Huchi in
ken zong amah kiang ah a dawnna hon pia din ka ngen hi. Aman zong hon
pia pet mah in “hon ngai taktak na hi hiam ? ” hon chi hi. Ken zong hi
ngai taktak e ka chih kik in aman zong ka khut ah hon len in tuni apat
eite gel khat i hita hon chi hi. Kei zong nak kipahlua ka nui den mai
hi.
Huchi in kong kingai touta ua, kha 2 vel
a hong pai tak in iitna kichi ka man taktak nai kei hi. Amah zong
melsia lua ahihlouh man in pasal dang in ana bei zel uh hi. Kei care zoh
louh ziak in ka na khahsuah khata hi. Huchi in ka lawmpa’n hon theih
phet in na first love hi zomahlai na damsung a chu mangngilh theilou di
nei ve, chi in nui sim in hon gen hi. Ken zong naa sa khollou in ka
lungtang ka piak taktak zohlouh ziak in zangtak in ka na pua mai hi.
Huchin ka kikhen uh kha khat vel hong
paitak in Numei dang khat kon tuak kha nawn hi. Huai hun tak in aman hon
leh propose in kei zong ana kipak gu mahmah in ka na ngei ngaih khol
kei hi. Himahleh Hehpihna ziak in ka na kingaih pih hi. Hichi in aman
hon iit luat ziak in ka kiang kia ah om ut in hong kimuhpih gige hi.
Huchin khatvel kong kingaih nung un bel kei zon kong serious deuhdeuh ta
hi. Amah tung ah hope ka piak luat louh ziak in aman hon gamlat san
hiaihiai hi, a ni ani in. Ken lah itna kichi amin maimai a ka na koih
pen ana hilou in atak gam tak kon sik lut panta hi. Huchin a amel et in
zaw hoih zaw hoih khol kei himahleh a lungsim lam pang a kon pat khak
tak ziak in ka buai mahmah ta. Amah tung ah ka ginom louh ziak in ka
chan kha nawn hi.. Huchin kei zong naa ka hon sa mahmah a. Ka mittui
luang in ka lungtang naa in asun azan in ka om dan zong nuam thei nawn
lou hi. Ken zong amah ka itt man ahi diam, amah kia ka ngaih tuahtuah
mai hi.
Huchin nikhat ngaihdam ngen in lehkha ka
thonta hi. Ka itt dan leh tua ka ngaih dan bang mah im sese lou in ka
hilh hi. Aman zong hon gingta pahlou in hun bang tan hiam hon enkhia hi.
Huchin ka itt luatman in khatvei tuh ka damlou taktak hi. Hospital ah
ka om a doctor in lungtang lam buai thei na hi thil thuk lua ngaihtuah
nawn ken ahon chi hi. Kei zong hospital ka om lam ka hilh hi. Huchin
nikhat hong hoh a , hichin hon chi hi “hong dam pahta in aw, nang a dia
ka hih theih top suah ut ka hi ahon chi chu nui vurvur in kipak lua ka
hihman in ka damlouh na zong ka phok nawn kei hi.
Huchin kong dam tak in kong kingai nawn
panta ua kei zong mak leh lamdang tak in amah ka it deuhdeuh hi. Aman
zong hon it deuhdeuh in kua mah khen vual louh itna kon neita uh. Mite’n
hon khen tum in thu bangbang hiam bawl zel mah le uh ka ki itluat man
un kou leh kou chouh ka kimuang mahmah uhi. Kei a din bel amah ka first
love dik tak ana hi mai hi. Amah a din bel kei a firsr love ka hih louh
dan ka thei hi. Huchin hun hong paipai zel in ka kiteng uh chu vangam
bang mai in khovel kon zang tou uh hi…………
Writer’s Note : Phuah tawm maimai #######
30 January 2013 , at 19:06 · 6
©Siamsinna leh Vakiangbu
Comments
Post a Comment