BANG TENG THUAK ZONG LENG
By ~Muan Naulak’s
Khuamui kai chichai in lungzuang mel tak a
khabesawn a ka tut laitak in ka skul kaipih leh ka muh ni a kipan ka
lungsim a vaibang tham den Miss Momoi a hong paisuk a ken le hoih deuh
in ka na et gemgam leh hon houpih a “uBiak lungzuan chi na chia ? Hong
pai ou khanglam ah vahoh d ” chi in hon zawn a, ken le ka nute kiah gen
in ka nute’n vahoh ve ua hon chi ua, huchi in ka vazuita hi. Lampi a ka
pailai un skul a ka teacher pa uh Lianpu toh ka kituakkha ua hon nung et
koi vangvang in ka thei a nuam ka sa kholkei hi. Huchi in ka pai suksuk
ua thu tuamtuam gen a kapai ua leh a hohna dite inn ka vatungta uhi.
Bang vahih a diam chu ka thei kei a, asung ah kei ka valut louh ziak in.
Huchi in sawtlou kal in amah le hong pawtpah a ka paitou nonta uhi. Ken
le ( hem gen sim in) , Moi na chih simsim te’n hon mu le uh a heh mah d
uh maw ? Kei toh i pawt” ka chih leh, ” ubiak ken chih simsim ka
neihlouhpi” hon chi a ka kisuanglah sim thak a, ka nuikha zawzen a huchi
in lampi bang le sau leh saulouh thei lou khop hial in inn ka tungta
ua, mangpha kikhak in innsung ah ka lutsan hi. Zan luphun hong hita a
ken le Momoi in hon ngai de o , Gen leng? Ahih ke h houh adang nei khin
a, hon khem ade o ? chi bang ka ngaih tuahtuah kal in zan hong sawt
simta a kei leng ka ihmu khong hi. Zingkhua hong vak a skulkai di’n ka
kisata a ka lawm hoih mahmah Muamuan in hon tawn malam a lampi ah Momoi
ka ngaihdan thute ka gen cheuh a aman le hon deihsak dan thute hon gen a
ken le ka ngaih deuhdeuh ta ahi, chi in ka lawmpa kiang ah hon vagen
sak din ka sawlta hi.
Huchi in ka lawmpa leng thumang tak in
vakuan in vagen pah hi . Momoi inle hon na it leh hon na ngai ahihdan
thute ka lawmpa kiah hon na gen a , nitak chia zanglou a kimu ding in
gen in, chi in ahon sawlta hi . Ka lawmpa le huchi bang thute hon gen
laitak in kei bathroom ah om ka hi a . kipaklua in ka kitawm latlat uleh
ka bathroom bang (wall) uh ka suse kha ua huai ka bawlna lam un an nek d
bang le ka zekai kha ua, ka an bang ka ne lolok zawzen kha a, nezou kei
le ka kisa fitfit hi. Huchi in ka kimuhna d uh zanglou lam manoh in ka
paita hi. Momoi in hon na galmuh tak in hon delhphei a ka kituah dek uh
toh kitawn in kei khol theilou in Momoi ka phupai kha a , kisuanglah lua
in ngaidam ka ngen hi . Huchi in kong kihouta uh hi. Momoi in uBiak
nang a ding in khuambang kip dending ka hi. Anuam ahaksatna mun a
kitaisan ngeilou d o , a hon chi a. Ken le hitham e, Moi ka chi toh
kiton in ka kiang uh hong ging a, ken bel sikha laulua ka hih chia sikha
hi d chi in ka tai leh ka lawmpa Muamuan toh ka kituakkha ua aman le
bang chi e ? hon chi a , ken le ka gen leh Momoi la ? hon chi a ken le
phokkhe thak phing in ka vanungdelh ua leh Momoi leng mittui kai
nieuniau in hon na kawi a , “uBiak bang ziak a na hon taisan ?” ahon chi
hi. Kei le ka kisuanglah toh ka gen ding bang theilou in ” Moi na inn
uah kon kha d ” chi in a inn uah ka vakhata uhi.
Momoi ka vakhak zoh un ka lawmpa toh
sikha ka chih pen en di’n ka kuankiik ua , kou geel a ka va-et ua leh
voknou nei dek a bu ding tawm hon a na himaimah a, ka nuih bang a za
penmah mai hi. Hunte hong paizel in Momoi toh ka kal simthu te uh hong
kip deuhdeuh in ka ki it leh kingaih nate hong khang hiaihiai ta hi.
Huchi kawmkal in Momoi pen sir Lianpu in hon na ngai ahihman in skul
bang a gawtna ka mumun mahmah hi. Nikhat chu Momoi toh breaktime a ka
tutkhom ua leh hon mu a, huchi in staff room ah hon soisa maimah a ,
sisan kai neunuau in kei leng ka pawt hi. Huchi in skul a kipat nohkhiak
in ka omta hi. Nikhat chu ka lawmpa toh Momoi te inn ah hoh din ka kuan
ua chih leh sir Lianpu leng hon na om hi. Kei le ka lut toh kitawn in
skul lah kai nonlou ka hih chia, alut masa pai masa ka chih leh amah
leng paipah in kou leng nuam tak in ka tu zeizai uhi. Huchi in zan hong
sawt sim mahmah ta a innlam ka paiphot d uh, chi in innlam ka paita uhi.
Hunte nite kikheng zel bang in mihingte
leng kikheng zel in Momoi toh ka ki-itna te uh akhan semsem leh doudaltu
leng hong lian semsem hi. Huchi in nikhat lelleng amel ka muhlouh
chiang inle om thei nonlou in ka om hi . Ka muhlouh chiang in ka lungsim
nuamlou hi. Kei le nitak khat a inn ua hoh d in ka kuan a, a kongkhak
uh ka vakiuh kakauh leh apa uh hong pawt a , sir Lianpu te mou thu gen a
hong hoh uh ahi , ahon chi a. kei le innlam paipah vengveng in inn ka
tung tak in ka kingaihtuah a Momoi lah tang kha zou nonlou d ka hih chia
gamdang ka pai mai d , chi in thupukna ka bawl hi. Huchi in nitak ann
nek tak in kapa kiah, “pa, gamdang ka pai d ” ka chi hi. Huchi in ka
pa’n le ahon phalpah hi. Zinghal chia pai nang in ticket hon valaksak a,
kei leng ehmu theilou zen in nitak khua in a heai ka ngaihtuah hi .
Gamdang pai leng lah Momoi mukha nonlou d , chih khong ka ngaihtuah
chiah haksa ka sa mahmah zel hi. Huchi in Momoi guk a zingkal baihtak a
gamdang a paikhiatpih d chih ngaihtuahna ka nei khia a , ka lawmpa
Muamuan kiang ah ka gen hi. Huchi in Momoi gu di’n ka zinma nitak in ka
kuanta uhi. Zan hong sawt simtak in kei le bang ngaihtuah ka diam ah,
apa bel lumkhin, a nu uh lum nailou lum dia kisa dek ken leng “nuVung
tunitak Momoi hong gudek kei ve ua ” vachikhe kha laizang ing a ,
chihleh a nu uh lum dia kisa lai, hong tukik thak zawzen hi. Kou le
engbawlna a , a ihmud matan tu d chi in, tutu mai ; chih leh anu uh hong
ehmuta Momoi kiang ah ken le navante vakisa in chi a sawl pah. Amah le
vakisa hi. Huchi in Mumuan in innkong lam ah hon na tawipawt a ken le
anu khe ol-ol a khau akhi in ka khih ziakk ahihleh ka paikhiat dek
chiang ua hon thei lele hon delh theilou d chih ngaihtuah ka hih ziak a
ka khih ahi. Huchia ka khihzoh un anu hoih ihmut ta ka chih tak in kou
le paikhe dia ka kisak uh leh ken a nu khe ka vapal kha chiitchiat a anu
le thakhat in hong khanglou in Momoi a sam a, hon kai in lupna tung
vadenna hi . A nu bel hong thoh tung a akhe a khau ka khihna a hong
kipai kha ngei in khihkip khollou ka hihman in hong kisut theipah hi.
Ken le nuamsa nonlou in inn konglam ah ka paikhe mai hi .
Muamuan in hon na ngak kinken hi . Huchi
in Mumuan in Momoi la ? a hon chi a , ken le, ka gen leh “paimai ni ”
hon chi a, ka pai mai uh a ngai maimah hi. Nitak ka kikhen dek un ah
Muamuan kiang ah a vante hon na pekiik mai in , ka chi a, ken le a meel
ka muh gige nang in ah adial khat ka la hi. Huchi in ka innlam tuak ua
pai in inn ka tun in lupnatung ka kidengna pah hi. Hun paisate ngaihtuah
in ka om hi . Himahleh ngaitawk leng le laa in hon na gen mah bang in, ”
Hun mualliamsate sapkiik theilouh” achih mah bang in , bangmah samkiik
thei nonlou in ka om hi . Huchi in zing khua a hong vakta a,0 khatvei le
nitak ihmu lou in Momoi kia ngaihtuah in ka khitui a pawt den hi. Ka nu
ka room ah hong lut dek ka thei a , kei le hon theih d uh nuamsalou in
ihmu lem ka kineih hi . Ka nu’n,” bawi thouta in, na jin hunta ahi ” hon
chi a ken le , ” awle nu ” chi in ka na dong a, huchi in ka thou a , ka
pa’n thumna toh hon khakhia hi. Huchi in ka nu’n station tan hon kha
hi. Station ka tuntak un ka dak vialvhal a himahleh Momoi in mangpha bek
hon khaklou dek a de aw ? ka chi a huchi pai hunta a hon chi ua, kei
leng ka nu mangpha khak in gari sung ah ka lutta hi.
Gari sung ah tutnate ah ka tu a tohlet
(window) ah ka dakkhiak leh Momoi leh Muamuan kin a kin a delhnei hileh
kilawm tak in hong paiphei ua , kei ahon naih phei ua , ken le kumkhiat
ka sawm leh handleman pa’n hon phal nonkei a huchi in ka tutna kiang ah
Momoi hong pai a , window kiang ah uBiak hon chih toh kitawn in kihoupih
manlou in gari in a hon taipihta hi. Huchi in, tohlet apat ka et khiak
leh Momoi a dinna a kipat kipuksuk hi in ka thei a , ka lungsim a
nuamkei mahmah hi. Lampi ah khitui naptui kai zen in Momoi ka ngaihtuah
nilouh hi. Huchi in ka paina d Shillong ka tungta hi. Huai mun ah eimite
leng hon na tam mahmah leh hon na nuam thei mahmah uhi.
Ka room d hon pia ua noptuak mahmah leh
kipahhuai mahmah hi. Himahleh ka lungtang tong ah Momoi om pen in ka
thil hihna khempeuh ah ka tha hon suzoi hi. Damlouhna bang le ka tuak
mun sim mahmah hi . Hiai hunlai in bel mobile phone bang leng a
Zang/tawi vang mahmah lai hi. Huchi in nikhat Govt. lam ah sepna khat ka
geh hi. Huai ka gelhkhit nung sawtlou in damlouhna nasatak thuak in ka
om hi. Ka damlouhna bel Momoi ka ngaihluat ziak a huchi tuk a thuak ka
hi hi. Himahleh lungkelou tak in ka om hi. Nikhat hospital a ka omlai in
govt. a ka kam gelh lohchinna lai hong tung hi. Kalkhat nung in Muamuan
in lai a hon khak hi . Ken le bang thu a de o ? chi in ka sim hi . A
lai a kigelh ahih leh. INVITATION Decemder Date 27 in Miss Momoi leh
Mr.Lianpu kitenna om ding a ngainatak in hong tel di’n kon chial ahi. by
Mr.Lianpu chi kigelh hi . Ka sim tak in ka lungvai mahmah a, khophoklou
in dakkal bang zah hiam sung ka om a , khua ka phoktak in ka kim ka
kiang a mi ana tam mahmah mai uhi. Huchi in ken le Mumuan laikhak thuk
in thu omdan ka gelh hi. Lai khat ka pate a di toh ka khakkhom hi. Ka
kam muh ka pa’n hon loppih sawm a, Dec Date 29 ni d in hun ageelna lai
hon khakkiik non hi . Kei bel Momoi te kiteng hun a om d chih ka
ngaihtuah chiang in ka khitui a kai zutzut mai hi. Huchi kawmkal ah
Mumuan inle panpih thei tawp in hon na pang a.
~~~~~~~~~ Interval ~~~~~~~~`
Nikhat chu Mumuan in le ka sir Lianpu te
kitenna d hong nai deuh tak man in amah le om theilou in Biabiak te
innkong ah sir Lianpu No……….. Biabiak. Yes chi in a takkheta hi, sir
Lianpu in amuh chiang in hehlua in Muamuan tung ah phuba lak sawm den
hi. Nikhat chu sir Lianpu inle tangval bang zah hiam kaikhom in ju
dawnpih a, Muamuan vo ding in hong kuan ua Muamuan te inn ah hong lut ua
leh omlou in Biabiakte inn va-en di’n kuan ua , sir Lianpu in sikpum
khat toikawm in Biabiak te inn ah hong lut ua Muamuan toh Biabiak pa pen
hon na kihoulim laitak uh Biabiak kam muh lop didan khong hon na gen
laitak uh vatuak uhi. Huchi in sir Lianpu te le lut ua Muamuan adek ah
hon khentuk ua, Biabiak nu leh pa leng khen tuk uh hi.
A vek un damdoi inn hong tung ngal
uhi.Muamuan in bel hoih lam manoh deuh a hilele Biabiak nu leh pa bel
tek lam ahihman un sipai suakta uhi . Biabiak inle huchi bang thute hon
zak tak in a mitui nul senglouh in hong kai zungzung tamai hi. Emergency
ticket hon la thak in inlam kin deuh in hon delh pah a Muamuan leh
Momoi in airport ah hon na dawn ua, Biabiak le lenna a kipat hong
pawtkhia in Muamuan leh Momoi hon mupah hi. A kiang ua Biabiak hong pai
amu ua, nidang a zaw kipaktak a kimu gige hi hang a maw . . Tutung kimuh
zaw anuam hetkei maw chi in a nih ua hong kingong kawi in milak milak
lou khuallou in hong kapkhe maita uhi . Muamuan pen le kidek theih tawp
in kidek mahleh kidek zoulou in a vek un hong kikahhuan maita uhi.
Sawtlou nung in innlam manoh in hong pai
non ua, inn hong tungta ua, a inn kong ua sial kikhih a muh (apa’n akam
muh lopna dia akhih ahi ) tak in kidek zoulou in hong kapkhe non hi. A
inn uah mi a tam mahmah a, innsung a lut tak in a nu leh pa luang hong
mu ta hi . Mipite’n le amuh chiang un hehpih thei mahmah uhi. Huchi in
thugen di’n Biabiak sap in hong omta hi. Huchi in hon genta hi: Amasa in
sir Lianpu hon vasapsak un achi masa pen hi. Tangval bang zah hiam sir
Lianpu sam di’n vakuan ua , sir Lianpu bel jail a om a vapita ua ,
Biabiak te inlam hon naihpih ua sir Lianpu bel lau mahmah in a chi khong
ling gop hi. Huchi in innsung a hong lutpih ua Biabiak leng thugen hon
panta hi. Hiai ka innsung ua sir Lianpu in a thilhih a ma ut ziak a ahih
ahi kei, chih ka thei huai ziak in mipite mai ah sir Lianpu ka ngaidam
chih ka puang ahi, chi in thu hon genkheta hi. A nu leh pa vui hun hong
tung hi . Hanmual lam ah puak in omta ua huchi in hon vuiliamta ua, kua
peuh mah innlam ah hong pai chiat ta uhi.
Momoi inle a uBiak a mah chauh om d
ngaingamlou in ni teng in a uBiak te inn ah vagiak mai a . Zankhat chu
Biabiak le imu theilou in innkong ah vapawtkhia a, lu sawn a tukawm a
apa’n a kam muh lopna dia Sial a khih pen huchia om den lai hon mu a ,
hong kapkhe maimah hi. Momoi inle a uBiak kap a zak tak in vataipawt pah
a a uBiak vahehnep tum in thil tuamtuam khong vagenpih hi. Innsung a
lutpih in lupnatung ah Biabiak kidik ging Momoi in a zaktak in amah le
kidek zoulou in anih tuak un hong kap maimah ta uhi. A nu-le-pa kivui
nung zankhat lelleng maimit sing lou in taikhua vak zel hi.
Muamuan inle alawm Biabiak hehpih mahmah a
panpih theitawp in panpih zel hi . Nikhat chu Biabiak a tanaute’n ji
nei din hon sawl ua , aman le neih tum mah ing ei , chi in dong hi.
Nitak hong hi nOn a Muamuan leng Biabiak te inn ah vahoh a, ji neih d
thu kikum ua, thukhitna hichi bang in hon la uhi : Muamuan pen Momoite
inn a vahoh dìng in Momoi nu-le-pa kiang a a vagen ding . Biabiak in
amah tanaute kiang a gen ding, chi in thutanna hon la uhi.
Amau le innlam hong paita ua zankhua hon
mial kuanta a Momoi in le a uBiak amah chauh a gaih d phallou in nitak
teng in a uBiak te inn ah hon giakta hi. Mipite’n leng a theihdan un
nupa bang in hong omta ua , huchi komkal ah Momoi nu’n le hon deihsak
khongkhong a kiteng d thu vai Momoi kiang ah genpih hi. Momoi in a zak
phet in kipak lua in a nu bang kawiphei in tawp tonton mai hi. A nu le
nui kawm in a khitui kaikawm in, ” bawi hehpihtak in na uBiak hon vasap
sak in ” chi in ngen hi. Momoi inle a uBiak a inn uh a va et leh innzuut
a omlai vatuak kha a aman le “uBiak ka nu’n hehpihtak in inn ah hong
hoh in a chi ” chi in vagen hi….
Amah le kin deuh in akisa a Momoi te
innlam zuan in hong paipheita uhi. Momoi te inn a tun un innsung ah a nu
hon na kap keuhkeuh amuh un Biabiak inle “nu tawp in , bang ziak a kap
na hya? “chi in dong hi . A nu’n le, ” bawite aw, kei ziak a thil huchi
tan tung ahi kei mihai ka hi nanu uh bang mah hilou ka hi hehpihtak in
hon ngaidam un aw ” chi in hong kapkhe maimah hi. Biabiak inle, ” nu o,
bang chituk in hai le chin le kou nu na hihna beilou ahi ” chi in dong
hi. Biabiak in, ” nu o (nu achi ziak Momoi a ji bang a et ahi ziak a nu a
chih ahi ) nu kon ngaidam lua . Nu kap nonken ” chi in hehnem hi. Momoi
nu’n le dong non a, “bawi, hehpihtak in ka tanu toh kiteng un ” chi in
gen a , Biabiak inle huchi in dong thuk pah hi.
Nu aw, a kiteng bang mai ka hi uh .Ken le
ka ji bang a ka et hita ahi . Pathian in lem hon sakpih a dam leh noute
hon lemsak pih hunhun a kiteng d ka hi uh . Nu lungkham ken chi in
Biabiak dawng hi. Huchi in hong kihou in Biabiak inle innlam pai a Momoi
pen tunitak amau inn a giak di’n om hi. Zankhua hong mial kuan a
Biabiak inle an hon ne dia kisa a, an hon thuk in ne din hon kisa a ,
an anek dek leh a lup dek nikhua inle a nu leh pa an nek na leh a nu leh
pa lupna ong gige amuh chiang in an le gilvah a ne zoulou leh zan le
imutkham ngeilou in om den hi. Ann hon nekkhit kuang a sil khit in a
paneu @ a pathang hong hoh a, Biabiak pen mittui kai sa in hon na om a,
a paThang hong lut tak in a mittui hon na nul somsom a kipah mel tak in
hong lut ou paThang chi in tutna pia a, amah le tu in anih un hon
houlimta uhi.
A paThang in Biak nungak neilou maw nang a
himhim in ? chi in hon dong mok hi? Biabiak inle maksa sim a nidang a
nungak khong a buai louh d chi gige a nungak toh a kiton bang a muh khak
chia tai gige, tua hon dot mok chi in lamdang sa mahmawh kawm in nui
sim kawm in , “nei thou e “: chi in dong thuk pah ngal hi A paThang inle
kua a hia ? chi in dot toh dawng thuah in Momoi maw chi ngal hi? Aman
le nuih kawm non in, ” amah ahi hun sawt kuam tak a kipan ka lunglai a
tham den leh kon na it leh ngaih det ” chi in dong hi. Biabiak mah hong
pau non in paThang hehpihtak in ka kiteng theihna d uh lampi hon geelsak
in ; kei la ka nu leh pa om nonlou a kopih d poimoh ka hihdan nang le
hon theihpih di’n ka ginta , chi in hon gen zom hi. A paThang inle
lemsakpih in Biak, zjing chiah kong hoh thak d aw, chi in pai san hi.
Bibiak leng a paThang mangpha khak
innsung a hong lut a lum din hong kisa ta hi alup chiang inle imu
theilou a, nu leh pa mel mulou a abeisante uh ngaihtuah kha zel in
khituite luang zel hi. Innkong lam a vapawt a inn kong ah khut a
khabesawn kawm in vatu kawm a van lam en tou in tung solkhapi leh aksi
kilawm takte hon mu a, a lungsim a chu hiai hong omta hi. Ka nu leh pate
ngai mah leng le tu ni a hiai leitung a gimthuak nonlou a a tangtawn
inn d ua pai uhi . Kei le nikhat tei amau kiang ah pai d ka hi, chih hon
ngaihtuahkhia a, huchi in hong kisulung nop deuh tak in innsung ah lut
in lupnatung ah lum ngal in hong ihmu nonta hi. Zjingkhua hong vak a
Momoi inle a uBiak lunghimoh in zingthou phet chu a hi dia sam leng
thiuthiau in a uBiak te inn ah hong pai a , a uBiak thou nailou a
vaphong teitei hi. A uBiak inle a sap ging a zak phet in vadelh phei pah
a kong a vahon leh Momoi a sam leng thiuthiau in innkong ah ana om amuh
tak in lamdang satak in, ” Moi bang chi dan e ? Nong zing pai na ei ”
chi in dong pah hi. Momoi inle hon lunghimoh lua ing a zan le imu
theilou zen a hon ngaihtuah ing a zing khovak phet a hong paipah ka hi
, chi’n dong hi. Biabiak inle innsung a lut ni chi in innsung lutpih
hi.
Sun hunte a nuam thei bang pen in hon
zang ua, nitak khua hong mial dek juul in a paThang hong hoh non a,
Biabiak leh Momoi in ann hon na nek laitak uh hon tuak kha a , nui sim
heuhau kawm in innsung hong lut a Biabiak inle an nek hon kham in a
paThang kiang ah vatu a hong houlim non ua apathang inle eilam pang a i
geel masa dia March date 1 a kitenna nei d hileh nang na man diam ? chi
in Biabaik kiang ah gen a, Biabiak inle kei chu mansa gige ka hi chi in
dawng a, huaizoh phet in Biabiak in a pathang kiang ah huchi in hon gen
non a pathang bang teng hileh nang le amau lamah vahoh unla amau kiaang
ah vagen phot ve . Tua lah khabei kuan hita March hong tung pah d ahi
tua ni 25 bang hita ahih chiah amau a kisak sung d uh toh chi in gen non
a.apathang in eimah ve zing chiah ka vahohpah d uh. chi in dawng non
a, paisan hi .A pai san nung sawtlou in Muamuan toh nidang a Momoi
lawm te Kikim hong hoh ua , amau le Biabiak kiang ah ji na neih d thu
hon gen pah uhi . Huchi in hong hou im tou ua a kiteng chiang ua Biabiak
thian d Muamuan, Momoi a thian d Kikim chi in lemgelna hon nei ua,
hong kithukimta uhi. Zan hong sawt simta a ,hong kikhen nonta uhi
Jing khua hon vak non a, sun hunte a zat
ngei bangte un hon zangtou zel in hunte hong bei zel hi. Zan khua hong
mial nonta Biabiak paThang te le Moimoi nu te kia vahoh un kiteng di
thute vagen ua, lem hon na sak dan thute uh Momoi nute’n leng hon na gen
ua hong kihoulimta uhi. Zan khua te hon mial a zing khuate hong vak
zel in kiteng d ni chu hong tungta a , Muamuan pen Biabiak thian in
hong pang a , Kikim pen Momoi thian in hong pang hi. Hong kitengta ua ,
zungbuh pen buh hun hong tungta Muamuan hong zum a, a zungbuh tawi
Biabiak a piak phei dek leh hon suke kha a amah le kisuanglah lua, a
vazon leh vamu zenzen hi. Zungbuh hon buh khit tak un hong tawpkuan lim
hong kila ziahziah ta uhi. Hu chi in kitenna le hon zouta ua, innlam
hong pai chiahta uh hi. Hunte hong pai zel a amau nupa kituak mahmah in
ta bang hon nei ua, a hinkhua uh nuam tak in hon zang touta uhi.
………..Beita…………
Writer’s note :Hiai
tangthu ka ngaihtuah tawm ka gelh leh ka phuah tawm ahihman in ka siam
leh siam louh genlouh a kon gelh himhim ahi a , ka gelhkhelh omle kua
peuh simtute’n hon na ngaisiam din kon ngen hi. Hiai tangthu ka gelh
sung a hoih tak a hon na lepsak leh hon na bawl hoih sak tu heutute tung
ah kipahthu ka gen a, simtute tengteng tung a le kipahthu ka gen ahi.
Ka kipak e…..
©Siamsinna leh Vakiangbu
Comments
Post a Comment