KA ZALMANG ANA HI MAIMAH ~ Series 3

By ~ Tuan Guite

Thou ...thou ...thou...

Lawmte'n tuni na nungaknu vaheel ni uh..hong chichi uh hi ven,  a tawp a ken le ning gop...paive ua leh chi in Vahelpih. Nungakte inn vatung vangphat huaitak a midang a heel ana omlou zenzen. Amah toh anu leh pa ana om uh.A gundapa uh ana pawt. Tutna sau simkhat a vatu neihnaih hi ve ung aw.  Anu - apate bang nidang banglou tak a ana siam petmah uh himai. Na kolez kaina uh a nuamzel hia chih  khong a hong dong uh. Ken le maiphamu kisa kawm (nuisim heuhau kawm a) nuam chih ding hi. Ka lunglutna lamtak lakha ing a chh khong a dawng. A nu toh ka kihou kal ua lawmte'n ka nungaknu ana chiam nuihnuih kawm uh. Tuilum khong dawn khinta. Zan le hong sawt simsim hilai...A nu'n le nou hong tu lai un lan kou Chingboi pa toh ka nalum phot di uh hong chi khongta uh....Ken le a tutlai d uh deih hi awm tak a...i houlim lai kei d ua anuam voi...nu maan  chi kawm a, a chihleh ihmut lim un aw chi daih. A nute a room uh a lut zoh phet ua...

Hmmm..Chngboi pen ka kiang ah hong kikhohtou pah...neh bang ki a ki neh sim. Gen d bang haupet mah himai. A gen ut teng gen saksak. Huchia kong hou limlim ua leh zan dak 11 khong hong ging mawk. Lawmte kiang ah pailam vai saatta le eivele ka chih leh dotlou pentak in tu laive ua kou zingchiang khawl ka hi uh hong chi geih. Tuzek lai. A tawptawp a pai khongkhong tamai ni uh chi a dingkhe top mai ; chih leh hong len letlat kawm a konglam hong zotpih hiveh aw.

Inkong kong tung uh leh light hong mit mawk. Lawmte ka et bawl leh...laam 10 khong a kigamla ah ana paita uh (chance hon pia uh chihdan hih tuak)..a khat nu'n lah hong len tettat lai hiven, a gate bul uh ka tuntak ua, tulai kon miss dan chi a , aw nemtak a hong chih kawm a hong naih pheiphei hiven,,, A  tawp a khat veibeek hong tawp ve kon miss lua, mit sing diudiau kawm a hong chi...kei le kisuanglak kawm but  amah sang a ki miss zaw a hih chiang a mitsi kawm a tawp dia kong kisak aleh...  aw (sound) ngaihdeuh mai khat in thou thou...thou....  thoh hunlawta ahi.....hong kichi...Ka hah a leh ka nu'n zing thou dia hong phong ana hi vial eive le...hahahaa..

May 14 at 4:20pm

.......................

A KHUALAH LUMLUA

A khualah lumlua...light mit zawmah (dak kar 2 mit d hizawmah lai). Kei le chair tung ah khe zankawm a tu heuhhauh hi veng aw, cihleh nidang a  lawmte khat neulai a mi'n hon na dem ngaih zawzen uh khat in hon call mawk. Lamdangsa lua. Ka Number koi a nalak a ?  chi a ka dot leh, ka kinep bang a na No. dot theihna tengteng  ka dot , even your family, hon chi. Huchia kihou toutou kawm in nidang a ka kithuahdan uh hon gen kawm. Ken le lunglen huai na mahmah e maw,,,na damdam uh hia ? Ka chih leh. Dam kei leng kon houpih dia hia..hon chi gemgam pah (amah chuh a frank himhim. Huai ban ah ka houpih louhna a sawtluat tak ziak a heh hih tuak).

Ken le hong neem na gemgam chia ka cih leh thu tampi hon gen behlap zawmah lai. Sawtsim ka kihou nung un nang girlfriend neita maw ? hon chi hi veh aw. Ken le hi khat nei ka cih leh...fone hong mit mawk, Lamdang sa sim kaih chia calll back d lah balance omlou, vathun dia ka kisak laitak a...hon call thak nawn in chin, Kua e na gf ? hon chipah geih. Ken le nang chouh na hi ka gf midang ngaih dia le en thei nawlou ka hi ka chih leh, kahpau sim kawm a sorry den a call  ka cut kha a, ken midang toh kingai di hong sa ing a hehlua ka hi chi a, aw  neem theitawp a hon chinawn. Bngmah le kigen man nailou a, ken le hon ngailua ing a midang ngaithei nawnlou ka hi hon chibehlap zawmah lai. Kei le khasiathuai lah sa sim...lah a guuktak a amah sang a ana kipak zaw. Sawtsim ka kihou nung ua, dot louhpi a khatveilam a min kiteng dia ka nute kiang ah ana dawp un chin (Sepaih Khat toh), ken le nang hon muanglua leh ka lungsim teng hong pekhin ka hih chiang a ka sungte kiang ah ka hih theihlouh dan di ka gen leh lem hon sakpih zaw un chin, nang man hunhun tuibang gawm dia mansa ka hi,  hong chih behlap zaw mah. Kei le khatvei zanlam zek a ka nu te'n  zineih di hon na deihsak lam uh leh...amah ka ngaihlam hong na theih uh toh kizawitawn sa lua....nang toh tuibang gawm dia mansa gige ka hi chih toh sungte kiang ah ketli khai dia thu pepah ngal.

Nithum khong nung a kineplouh tak a singpi hon na dawn sak uleh amau le a kipah thu uh hon hilh uh. Chihleh, December kha adia hong lemsakpih ta uh (kho vot lailai in chi uh a diam ah) Kei le ka neih sun tengtoh inlam zuan a hong paidekta . Nui heuhau kawm a. Amah(ka zi d pen)  call in bang kon puak dia ? ka cih leh, bang le kipuak ngai kei nang mah dam a na hong tung ka deih pen hon chi bang chu...gen d bang kithei pahlou zawzen.... But lawm numeite kiang a bang ka puak dia chih khong a dong velvel. Amau hong hilhdan a van bang tamsim pua lenglung mai.Flight sung khong ah bang kinui vevu mai maban d khong i ngaihtuah chiang a. Kiang a khenkhatte'n bang hon en heho mai uh. Hai hong sa sim mahmah uh adiam ah...enlah a tuahkhak ngeilouh uh tuak kha dan a kikoih in nui vevu lai.  Imphal tung bus ah hong tuang touta. Nui lailai lah a station tung d huphurh sim, nungaknu sungte toh kei a te'n bus station ah hong na ngaklam uh msg. hong tung mawk aih chia. Kong munuam gawp hon chih behlap zawmah lai. Ken le zumlou teitei d chi depth-breath khong la huhut. Ka kiang a putek simkhat in bawi lau maw ?  gari hattai salua maw ?  hon chih behlap zawmah lai. Station hong naih tou hiaihiai bang chu..kiphe velvul mai.

Ka bel nipentak hinteh. Ka kiang a putek pa gensak le...awl-awl a sation sung a ka bus uh hong kihual lut hianhian ta bang chu...paidah mai leng chisim . Zum lah zou lah kipak. Kei leh kei khong a kìhou bualbual mai. Bus kholta, mi hong kumkum uh cih leh kei hun hong tung petmah ....nuisim heuhau kawm a amai lam kongkhak ah kong pawt leh......

Thakhat a vaak in hong na salh. Ka mit ka hah leh... light hong vak chet ana himai mah.. Ka ki et leh kho-ul a ana pum dim.....chih dan khong hi.

May 18 at 6:43am 

------------------------------------

AW NANG 1st APRIL or APRIL FOOL:

Lawmte khat in tulai ka lungsim ah lawmte numei khat om om mai in chin, ka manglam khong a le mu deuh gige ka hi. Sms khong ka khak chia le hong thuk pahpah ahi, khatveipi hong try sak mai ve ? chia msg hon khak hiveh aw. Ken le huchi dan khong a om leh hi thamtham e. chi a ka thuk leh sawtlou a hong tungphei pah. Ut in ut kei leng le kuan mai ngaita. Vakuansuk petmah, chih leh vangphat huaitak a amah kia innngak dia ana om. Kou hon muhphet a nui selsal kawm a., Ashh !  non hoh fuh ngei uh. Puansawp d ka hauh nipen uh ahi, hon chipah mawk. Kou le nungak heel chu khetbuuk toilou e,  chi ka hi di uam ah, Hi thamtham e, sawp pah le eivoi , ka chih uh bang hong kituak khachet zawzen. Kou le kingaihtuah kheuh,  chih leh a blanket teng uh hong kaikhe mawk. Peih in peih kei le sawp maimah hong ngaita. Sawp mengmeng in hun bangtan hiam kon sawp nung ua zou khongkhong...

Tawldam kawm a singpi khong dawn a omlai chih leh 10am khong hong pel touta. Kei le kipanta, lawmpa lungsim tengteng gen kawmkawm,, try try  mai. A  tawptawp a  aman le 'YES' hon chi khongkhong. Gen d bang hong bei top zawzen daih. Paulou phunlou a ka tut lai tak ua a sungkuante hong tung nainai ta uh. Kou le  11:30 am khong gingtou hialta hiven chi a lawmpa toh kikhoh pawt phot. A gate uh kon kankhin phet uh chu... chu... ka kiang a pa ui meikaang mah bang , phe velvul mai. Kipak petmah zaw hinteh lampi a naupang Gitphiik kimawlte kiang bang ah bang a na duh uh bawite ? chi in leisan Rs.10 man lei sak in kibaan hawm sak . Kou le khat kìhawm in muam san deepduup mai. Paitou zel. Gen d bang hau himai. Ning huai sim zawzen a pau ut . A tawp a kou le ka tal tuak uah naak deuh a kisituah  phot (puak phok zozen) kawm a ki 5 (Give me five , a chihte uh ) in innlam tuak ah hong kikhen zou khongkhong ta.

A ninawn zing ann ka nekma deuh ua hong tung phei geet...a gen d lah theisa a hih chiang a ken le  i zohsa hita ven, nang guak vahoh maive inn nasep d haulua ka hi ka cih leh ut dek lou. Kon hahpih na di  hong chi teitei. Ann khong nezouta, lawmpa'n le ken a kawt sim in kon zuut dia nang a hul a hul in ka nung hon zui aw...chi. Ka room neih tengteng hong zuut zou khongkhong. Next beel teng hong nawt pak sihsiah zou nawn ta. Puansawp d te zoh nung heel zoh chiah ken ka sawp mai d chikawm a kisilsiang keuhkauh (bawng pi'n anou piangphet a liah siang keuhkauh mah kibang zawzen) I gim bang mui chiaichiai zawzen leh kilawm khop a ki silsiang. Kuan suk nawn, amah kia ana om geet...kou hon muh phet a nuih chihtak a ana nui zawmah lai. A kipak hia hilou kitheita lou...ki houhou laitak a hong nuikhe phut zel. Kou le bang thu a na huchi nuihnuih chi a ka dot chiang ua lah gen utlou. Kou le dong thouthou cih leh a tawp a..'ZAN MI KIKHEM NI EIVOI' hong chi bang tuh...lawmpa bang san pempum mai..aam phepho himai...gen d hong bei nawnta. Lawmpa le apau ut tha hong suak nawnlou thakhat a dingtou paini hong chih kawm a paipah ngal. Ken le delhpawt  pah . Lampi ah kong paitou nawn uh chu.... koilak leisan...lampi a naupang kimawte baan delhzak....pau lah paulou..a hong paitouh pih nuaunuau mai. Ken le a hoihlou lam a a kihei khak laulua heh nemnem mai hithei tuanlou.

A tawp a tawp a kei kiang ah omkei leh hoihlou d ahi chih hong phok khe mawk ing a...khatveipi giakkhawm ni aw. Tuzan hong giak in ka chih leh hong ut zenzen. Hilehle a hehna beituan lou. Ken le thu dang khong gen pihpih. Ka nih ua hong lumkhawm chuh..nuam hetlou..hong khasiat paupau mai. Ken le a tawp a lungkham ken, zingchiah hoihtak in ka vahoupih thak d, ka chihchih leh hong ihmu thei khong. Sawtlou kong ihmut nung ua, kong hong kikiukiu ta mai , a tawp a kei le ka va thohkiat a leh...ka watercane supply te ana hi maimah uh. Kei le kongkhak bul a ding kawm a ka kingaih tuahtuah leh...hiai atung a kon gente ka mang ana hi maimah aka hia...haha.......

June 07 - 2013, Friday at 5:42pm

Beita

©Siamsinna leh Vakiangbu